古琴雅苑 (太子集團中心)

营业中

休息中

好耐冇食過片皮鴨，第一次試呢間，結果令人大失所望！一嚟到比人安排咗去6樓，後尾睇番其他Comment 先見到原來係15樓廚房整好送落嚟。一拎起塊餅皮，已經令人大吃一驚，肉眼都睇到厚過我塊面皮，又厚又乾又韌！仲要係凍㗎！超差！片皮鴨啲肉切到好薄，同埋佢嘅切法搞到食落口冇乜皮嘅口感，加埋塊皮又厚又乾又韌又凍仲要包唔住啲餡，食到令人好無言....另外又嗌咗一個飯，不過不失，但明顯唔算夠熱。唯一令人感覺好少少係一位男侍應（唔清楚咩title）態度幾好，誠懇有禮，及時serve到要求。

呢碟就係個個都話要叫嘅烤北京埴鴨，仲要係招牌菜，真係有D失望，佢個好處係唔係好肥，但係亦因為唔肥所以就唔係好夠鴨油香，如果鍾意食得健康D嘅人可能會鍾意呢度嘅北京埴鴨，不過我唔係。雞絲粉皮正常發揮，粉皮入口都滑，雞絲都嫩。乾煸四季豆都OK，夠鑊氣，份量都算大，唔會太鹹。杞子桂花糕都清甜，不過桂花味唔係好出。南翔小籠包，真係皮薄餡靚，入面好多肉汁，咬落爆汁。呢個豆腐好食，少少辣，啱晒呢D天氣食。個炒飯就一般般啦。

朋友對片皮鴨情有獨鍾，今次回香港，在OpenRice看到很多人對這間片皮鴨稱贊，一於訂位試吓。6個人訂了2隻片皮鴨，黃金蝦和3籠小籠包，水煮牛肉，水煮魚。 因店中桌面屬細小，點菜時候已要求片皮鴨先上一隻，而另一隻隔15-20分鐘再上，結果一次上2隻片皮鴨，我問侍應你打算如何放？大家急不及待品嘗新鮮出爐片皮鴨！結果片皮鴨是涼，皮乾肉粗，好像已放了一段很長時間，真是太失所望。黃金蝦蝦肉唔新鮮，外皮又淋且涼，跟侍應反映。回覆說是這樣。這樣水準的川菜館如何贏到幾百個讚嘗？真假要由閣下自已判斷。這間店列為黑名單永不幫襯

想係香港食到高質片皮鴨，又唔想價錢太貴，古琴雅苑係好選擇👍🏻 餐廳位於太子集團中心15樓，國際廣場附近，交通便利。第一次食嘅時候係幾年前疫情既時候，佢推出咗外賣片皮鴨套餐，又抵又好食，一直心思思想再試。相隔幾年後，同朋友黎堂食，水準保持得好好，真係好推薦。五個人用餐，叫左一個4人套餐加一份酸菜魚。野食份量好足，最後食到捧住個肚走😆 四人套餐已經可以試到多款招牌菜式包括松子魚，片皮鴨，意大利黑醋骨，炒年糕等等…… 最後仲有桂花糕同紅糖湯丸做甜品。套餐價已包含茶位，訂座更有小食贈送。菜式全部上菜熱辣辣，片皮鴨酥脆又唔會話好肥，配上鬆軟嘅餅皮，真係好好食。總括而言，古琴雅苑係性價比之選。環境寬敞舒適，套餐實惠，野食水準高。bookmark 下次再帶屋企人黎食😆😆

同屋企人慶祝生日起初以為一般中菜餐廳可以安靜靜傾偈食飯但係今日星期一整間餐廳爆滿比較逼夾，幾乎係每台黐住坐基本上入到去好似大排檔感覺一樣好嘈，完全傾唔到偈。後面走道仲夾硬開咗張二人枱加摺凳俾另一台食客食物質素可以的味道都OK但係整個感覺就不是太良好希望可以改善一下入座安排

本身係坐窗邊位，但坐坐下發現有小強，仲唔只一隻，太驚冇影相，同店員反映既回覆係因為雨天所以會有小強出沒真係關事既咩？！最後我地要求左換去中間既枱四個人去叫左四人餐，係網上訂位送多左個冷盤海哲好食，面筋都好味個片皮鴨皮夠脆，但肉有啲柴。個春皮做得幾好，好煙韌有啲失望，唔夠香脆，同平時食既松子魚有啲唔同。好似芬達咁既色🙈但味道正常既。最好味係佢雞湯香濃，雲吞好食

古琴雅苑去到呢家已經有4間分店，分別位於銅鑼灣、灣仔、尖沙咀、旺角，估吾到平日去人氣亦十分高😳接近滿座。適逢雙親節，餐廳更推出雙親節淮陽美饌頌親恩套餐，適合一家人黎渡過窩心節日❤️✿ 烤北京埴鴨 $228系呢度招牌菜，一定要叫鴨😆用個鴨仔形狀碟盛載已經好吸睛👀另外有青瓜🥒哈蜜瓜 甜酸醬 甜麵醬等配料，賣相十分精美✨鴨肉脂肪恰好，有鴨皮亦吾會感覺太油膩，餅皮擺得耐店員更會貼心詢問需吾需要幫我地蒸番熱🔥✿ 風味松子魚 $258經典上海菜，菜式頗需要心思同時間，慢工出細貨。松子魚炸得香脆可口，魚肉鮮嫩細滑🐟醬汁茄汁味道明顯🥫酸甜可口，店員更會貼心幫我地切件。✿ 荷葉杭州雞 $185荷葉包雞真夠特色，其實即系豉油雞，豉油相當入味🤎每一口亦感受到。同時雞肉嫩滑🐔唯獨系雞肉比較碎，個人覺得可以每件大件啲。

見到古琴雅苑做緊推出左雙親節淮揚美饌頌親恩餐牌，而且訂座有優惠，就同左父母一齊去食。北京填鴨半隻我地一坐低就叫左半隻先，店員會送上各樣配料及醬料，北京填鴨用左傳統掛爐烤焗，皮脆肉嫩，肉質軟林，加上青瓜哈密瓜味道清新。南翔小籠包外皮好薄，入面好多肉汁，肉質鮮甜。雞絲粉皮粉皮入口滑嘟嘟，雞絲嫩滑，加上醬汁惹味。奶油津白奶油味道濃郁，津白食落爽脆鮮甜。紅糖桂花湯圓熱辣辣，湯圓煙韌可口，紅糖香甜，桂花清香。

出開尖沙咀想食北京填鴨，第一時間就諗起古琴雅苑，之前喺灣仔食過已經驗覺得好出色，今次決定再食一次。雞絲粉皮粉皮薄得嚟好滑，加上雞絲同青瓜，非常開胃。烤北京填鴨(半隻)烤鴨當然係餐廳既主角，門口有透明玻璃直接望到師傅炮製烤鴨，鴨肉比例較多，味道濃郁軟淋，而配菜都好講究，除咗平時常見嘅京蔥同烤鴨醬，仲有蜜瓜同哈密瓜伴除解膩，唔夠仲可以叫店員Refill。南翔小籠包小籠包亦係必點，熱辣辣香噴噴，包得好實淨唔易穿，湯汁超多，一口一隻好滿足。上海粗炒炒得剛好，唔會好油膩，大碟抵食。奶油津白金華火腿咸香，加上津白好夾。甜品叫左高力豆沙香蕉，即叫即炸，外脆內軟，味道亦唔會好甜，非常滿足。

落單漏菜，早35分鐘last order, 限時1小時45分鐘，早30分鐘拎張單黎，催幾次俾錢，很好，早啲轉場，一次限定，今次真係大開眼界，唔怪得大家話不如北上算。今時今日咁既服務質素值得表揚

推出了「雙親節 淮揚美饌頌親恩」餐牌，立即去試試。古琴酒糟烤北京填鴨是一道極具特色的菜品。填鴨經過特殊的醃製和烤製過程，散發出濃郁的古琴酒香氣，使得整道菜色帶有獨特的風味和口感。鴨肉外皮烤至金黃酥脆，內裡肉質鮮嫩多汁，配搭鬆軟的麵粉皮，每一口都讓人感受到豐富的層次和美味。這道菜色不僅口感上令人滿足，更是一場視覺和味覺的盛宴。接下來是鮑魚帶子扣花菇，這是一道充滿奢華感的海鮮佳餚。新鮮的鮑魚和帶子經過巧妙的烹飪，保留了海鮮的原始鮮味和彈性，搭配花菇的香氣，形成了一道口感豐富且層次分明的料理。每一口都散發出濃郁的海鮮風味，給人一種奢華與享受的感覺，絕對是高級宴席上的經典之選。最後是蟹粉鮮魚羹，這是一道濃郁而溫暖的湯品。蟹粉和鮮魚的結合帶來了豐富的口感和味道，湯汁滑順濃稠，入口即化，散發出濃濃的海鮮香氣和鮮甜味道。這道湯品不僅是口感上的享受，更是一種舒適和溫暖的感受。6月父親節來了，職員也有介紹了訂座及訂座優惠，可以再來。

呢間餐廳其中一樣主打係北京填鴨，咁當然要嚟試吓啦！首先講講餐前小碟，有酸瓜同酸蘿蔔，每碟$18，酸酸甜甜好開胃。茶芥同熱水都係$18一位。小籠包$85，小籠包皮薄餡靚，咬落去啖啖湯汁，幾滿意。再講吓麵食，我哋試咗高湯嫩雞湯麵$85。雞煨麵嘅雞肉煨得入味，麵條彈牙。高湯嫩雞湯麵湯底好鮮甜，雞肉嫩滑，清清地。最後當然要講重頭戲——烤北京填鴨半隻，$228。鴨皮脆卜卜，肉質嫩滑，配埋鴨卷餅同烤鴨配料，一齊食真係唔怕油膩。父親節仲有套餐，可以快啲訂座喇！

北京烤鴨半隻都夠2-3人食用，皮肉不離的效果都見到，上枱都好快，仍然有溫度。配上酸甜的黃梅醬，甜醬都一樣很滋味。加上清甜的哈密瓜條就好能突出鴨肉既香味。一籠餅皮大約有八塊，有塊牛油紙隔開，乾淨衛生。帶子鮑魚扣花菇我爸爸見到覺得很有誠意，花菇夠大隻，又軟又鮮，帶子很鮮甜嫩滑，鮑魚大隻而且彈牙，小棠菜亦都嫩綠，仲要雕花甘靚白飯都係心形，點會唔冧呀。金腿濃湯津白紹菜吸收到上湯及金華火腿嘅鹹香，紹菜晶瑩通透，食起嚟無比鮮甜。瑤柱蛋白炒飯看似簡單嘅炒飯，材料很豐富，有瑤柱絲，蛋白，蔥花，炒飯粒粒分明，炒至乾身，帶有鹹香鮮味嘅瑤柱絲，嫩滑美味嘅蛋白，一度炒飯真係好暖胃。腰果露用上很多腰果而成嘅甜品，滑溜又充滿堅果獨有既香味，唔算太甜

朋友生日, 因為想食片皮鴨, 就BK左呢間食飯。如果要食，真心要預先bk位，平日都好多人食！1. 古琴酒糟烤北京填鴨配料有京蔥、青瓜、哈蜜瓜、京醬、秘製的蜂蜜黃梅醬、餅皮，片皮鴨比較油膩，配合京蔥、青瓜同哈密瓜，食落比較清新，去油膩感！餅皮都好煙靭！2. 揚州水晶肉個人好鍾意水晶肉，好似食啫喱咁，但係又好有口感😋3. 金腿濃湯津白個湯煮到奶白咁, 真係幾濃郁, 津白煮到啱啱好, 唔會太淋/太生, 加埋金華火腿既咸香, 恰到好處。4. 四喜烤麩健康素食，好索汁同入味！利申：並冇任何試食活動/優惠！全部正價！(按餐廳MENU上價格付款)

🪕尖沙咀古琴雅苑💎每次經過呢度附近我都會諗幾時有機會食吓呢間中菜館諗住平日夜晚上去應該無咁多人點知一樣係座無虛席！！😀店員細心介紹佢哋嘅招牌菜推介咗唔同嘅菜式俾我哋兩個人享用餐廳裏面都見到好多人一家大細或者成班同事一齊用膳🥰招牌烤鴨梗係一定要試吓淡淡酒香又有油香味😇上菜嗰時店員都有講解點樣品嚐食盡晒唔同嘅配搭另外當然唔少得小籠包鱔糊同埋賽螃蟹呢啲經典菜式絕對係不容錯過🎉最近仲有個推廣雙親節淮揚美饌頌親恩🤍係時候表達我哋嘅孝心😘爸爸媽媽一定喜歡📍古琴雅苑（太子集團中心）尖沙咀北京道12A號太子集團中心15樓#古琴雅苑 #北京烤鴨 #hkfoodie #foodblogger