台灣ET鹽水雞

营业中

休息中

「旺角中心」商場裡面的食街，是很多年輕人食客聚集聊天，和購買享用美食的集中營，不少以年輕人為目標客源的食店，最後都選擇在「旺角中心」裡面開門營業。至於我今次在「旺角中心」商場裡面光顧的台灣鹽水雞食品店「台灣ET鹽水雞」，相對我上次在「將軍澳」「坑口」街市美食廣場裡面，光顧的台灣鹽水雞店，最大的分別就是「台灣ET鹽水雞」點餐紙沒有提供「滷水蛋」。「台灣ET鹽水雞」點餐紙裡面沒有「滷水蛋」，只有「皮蛋」而已。我自問對「皮蛋」不是太感到興趣，所以最後沒有選擇加入「皮蛋」。我最後在「旺角中心」光顧「台灣ET鹽水雞」的時候，實際上可以選擇配料的範圍立刻被大幅收窄，只剩下一些豆腐乾，或者其他豆腐食品可以選擇作為「鹽水雞」的配料。結果我在「台灣ET鹽水雞」自助點餐紙選項裡面，偶然發現到有味道相對一般「豆腐」而言，味道偏向比較濃甜，口感相對比較實淨，不易崩潰散開的「蜂巢豆腐」。「台灣ET鹽水雞」相對其他台灣鹽水雞食店的最大分別，就是「台灣ET鹽水雞」自助點餐紙裡面有關「配菜」，有一款味道異常濃厚，可以令「鹽水雞」和配菜整體味道變得非常濃厚的招牌配菜「招牌洋蔥」。「招牌洋蔥」裡面的味道確實名副其實，味道

旺中、葵廣都有既ET鹽水雞🐣重拾台灣既味道😭雖然價錢係台灣既幾倍🤫但果日我同男朋友食1人餐都飽左～亦有可能係食到最尾太咸😂咸到飽左🤣⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬A餐(一人用) ($46)👉🏻雞胸+3款配菜👉🏻+$10拉麵配菜簡左青蘋果🍏、玉米荀🌽同必點既金菇😻金菇索哂啲汁正呀👻雞胸其實都幾多下～拉麵又係食呢啲重口味野必加既😹頭幾啖好正！不過食到最後咸左少少🤏

台灣野不嬲好鍾意食。鹽水雞係香港唔算多人做，來來去去兩三間，ET跟大伯，我認為大伯稍勝一籌。一人餐($46)走蔥少辣雞腿+三款配菜(金菇+甜不辣+魚片)/ET鹽水雞口味係重蒜調味！係有啲辛嘅蒜泥，食完有排刷牙😂甜不辣即係類似魚膏魚漿嘅東西，甜甜的有啲煙韌，帶年糕口感，幾好食嘅😚魚片就唔夠爽，唔札實好粉，一般般。金菇就係靠個汁㗎者，由於重蒜關係，金菇吸汁能力強，有點兒太重口味，鹹左啲，叫杏鮑菇應該夾啲。

我諗都冇乜邊個會唔鍾意台灣美食😍尤其係街頭夜市小食😎不過係香港真係好小機會食到😟鹽水雞都係其中一款我的最愛😁🔹B餐2-3人用（半隻雞+3款配料）$77 ：2個人食份量啱啱好👍🏻，呢間配料選擇都算多❗不過同係台灣食，味道一定有啲唔同，但點解我都仲會食🤔原因係佢有我最愛嘅「甜不辣」😍果種彈牙煙韌嘅口感🤤真係食上癮😍呢個就係我揀佢嘅原因‼另外佢會配埋招牌洋蔥，但我每次都走洋蔥😂因為生洋蔥真係唔啱我口味😟評分味道：4/5環境：3.5/5服務：3.5/5性價比：4/5回頭率：4/5

因為好懷念台灣鹽水雞的味道，於是特登去買來吃，怎知一吃，就十分失望了。說句公道說話，不是難吃的。但我要的是台灣的味道，重點是雞皮要爽脆！可是這個版本，跟用白切雞再加些東西撈埋一齊無分別。皮不脆的話，我自己買隻雞撈也可以，不必要特別去找鹽水雞買吧！而這個沒有台灣味道的鹽水雞要46蚊(一人餐)，真的略嫌有點貴。我再上YouTube看了鹽水雞的做法，雞剛熟了後是要浸冰水，令雞皮收縮從而做出脆皮效果，好明顯現在是沒有這樣處理啦！這個真的不是鹽水雞，是撈白切雞。

響台灣食過鹽水雞，食過一次就念念不忘！ 同朋友食完晚飯行旺角中心，一見到就即刻要食！ 好懷念。53蚊有4個餸，我地要左花椰菜，其實即係西蘭花，仲有海帶，齋，豬耳。微微地辣 食落幾香口，食左一兩啖係度諗呢隻味係咪響台北街邊食過果隻味，但諗極都唔肯定。最好味一定係雞肶肉，西蘭花都係必點，仲有海帶都唔錯，但最錯係叫左齋，因為太吸汁，會太咸。唔記得左，應該要加青瓜，應該會好夾陣味道！＃ 鹽水雞 ＃ ***** **** 9/10

其實每次去台灣旅行，夜市嘅食物一般般啦，最鍾意反而係鹽水雞！可惜依樣睇落好似係幾簡單幾容易整嘅食物，返到嚟香港係完全冇得食嘅！直至到我知道係開咗一間鹽水雞嘅CHAIN STORE，其中一間分店就喺旺中，今日咁岩去開附近就去試一試。佢哋嘅鹽水雞ORDER方式同台灣差唔多，都係一個個餐有唔同份量嘅雞，再加幾樣配菜咁。當然啦可能因為佢哋喺鋪頭，選擇都比較多。買咗一份一人餐，雞幾個配料，再加埋見到好多後生仔都嗌嘅冷麵，撈撈埋埋都有一大盒。試吓Ｄ雞，其實都唔錯，當然佢哋唔可以要求好似台灣咁咁有雞味，但係都算係香港冇選擇之下都食得過嘅。比較驚喜嘅就係你哋嘅雞，都切得比較大舊，方便食得黎唔會太碎。青瓜係爽脆嘅，皮蛋聽落好似九唔搭八但其實幾好，最驚喜嘅就係佢哋嘅冷麵，好彈牙好吸味，唔怪得咁多人嗌啦。不過要小心嘅就係，如果唔食得辣嘅話，就唔好叫太辣，如果唔係，成盒野同一個味，太辣食唔到嘅話就比較浪費喇。價錢當然冇台灣咁平，雞嘅份量多嘅SET都要一百幾十蚊。如果偶爾行過旺中附近嘅，都可以試下。

🐾E T 鹽水雞🐾.基本上去親旺中十次有八次都會食呢間et鹽水雞👍 次次我都係食a餐,要雞髀,三個餸就叫金針菇,高麗菜(椰菜)同埋甜不辣!真係超推宜3個餸👍因為我次次都好似俾宜3個餸set死咗咁吸引住我😂,但係今次我早得滯一去到先見到開緊鋪,之後我就叫咗一啲唔使等咁耐嘅餸,所以今次就叫b餐貢丸,豬耳同雞珍(雞腎)!但係兩個人都夠曬食👍-🔺配料🔺金針菇: 金針菇可以掛曬啲汁起上面,重口味必食!高麗菜: 感覺上好似健康啲,而且菜比較爽脆,唔會話主動好淋嗰隻👍甜不辣: 甜不辣超級煙韌,配埋個汁超夾😍雞珍: 雞腎比較硬身,如果牙力唔夠就唔好叫啦😂貢丸:就係普通四海貢丸嗰隻feel😂豬耳: 全部都係軟骨為我自己就好鍾意啦❤-A餐: 雞髀/雞胸任佩三款配料($40以下實際價錢唔記得).B餐: 半隻雞,任配三款配料加招牌洋蔥($77)(洋蔥係生洋蔥比較辣口,所以我食咗一嚿就停了).另設C,D餐有興趣可以去睇下-----------------評分(非專業,完全跟據個人口味☺)食物:8/10服務:8/10人均消費:$50-----------------------▪店舖名稱:台灣ET鹽水雞▪店舖地址

天氣熱唔想食熱野 夜晚響旺角中心附近 搵到呢間鹽水雞 有好多配菜揀 幾吸引 叫左個2-3人B餐 77蚊 有半隻雞 配菜可揀3款 而家仲做緊優惠 加一蚊多一隻雞全翼 好抵食！ 落左單後店員就即場剪雞同撈配菜 雞肉份量都好多 2個人作為輕食晚餐都夠食 配菜 豬耳 西蘭花同杏鮑菇都爽口好味 醬汁開胃 辣度岩岩好 夠惹味 真係好適合夏天食呀

依間鹽水雞超級好食！我最鍾意食嘅配料係青瓜，蓮藕，黑木耳，海帶！佢有雞加面再加配料係一個餐佢啲配料全部好爽脆個雞好嫩滑夾埋一齊食好fresh！一定要嗌辣 好惹味 每次食完過兩日又想食平時唔係特別喜好食乾撈麵但係呢個鹽水撈麵嘅配料同埋醬汁乾撈超好食

平時行過旺角新之城都知道有呢一間台灣鹽水雞。今日經過見到佢雪櫃仲有好多料揀，而望落都幾衛生乾淨所以就試一試。我叫咗一人套餐$42，加一蚊仲可以多一隻雞翅。另外加埋麻辣再加多$2，總共$45。有3個配菜可以揀，價錢方便當然冇得同台灣比，但我覺得價錢合理雞肉，因為我叫咗雞腿所以雞肉唔會鞋，正常味。而雞翅，姐姐會幫手剪開一半，成一字骨，方便食用高麗菜，超爽脆，襯埋麻辣非常惹味。齋根，可以索d醬汁唯一扣分位係姐姐調味重手咗，一定要叫少咸，即係落少d鹽水。

上一篇我就寫第間台式野，相比依間真係食材高下立見，好後悔上間比咁低分。首先份量極少，豆腐都係每樣得幾片。第二，食材唔算新鮮，味道亦唔好。百頁豆腐我係剩食到魚片味蜂巢豆腐好似有陣雪櫃味。不過菜係爽口既，但極少囉第三，我叫少辣既，佢啲粉落極多極重口味，可能想掩蓋下啲食材味？下次都係食番真材實料但唔夠味既野好過

今日晏晝同朋友行開旺角，係旺角一樓見到有間台灣鹽水雞，就行左過去買啦！其實我係食過尖沙嘴個間，未食過尼間，就叫左個A 餐、有三款餸，個雪櫃有成三十幾款餸，見到樣樣都想食，不過沒試過尼間，所以只揀左三個餸同小辣🥴同朋友仔一齊試，真係好好味喎！想講原來每間分店都吾一樣既，旺角尼間好夠味，D份量又多👍但尖沙嘴個間個味就淡好多，而且分量$44 就吾太抵😆我以為食鹽水雞到嚟旺角中心食啦！真係好啱我哋口味😋😋

是咁的，我都幾鍾意食鹽水雞嘅，今日夜晚岩岩收工好想食鹽水雞。大約差不多十點左右啦，就買左個A 餐三款配菜小辣外賣，係有個高高地肥肥地啊姐撈既，其實已經吾係第一次ga 啦！返到去打開食，小辣一啲都吾辣，又吾夠味，啲粉又撈唔混一粒粒咁😡一啲都吾好食，成盒無乜點食到😑但平時其他人撈都吾會咁既😣試過幾次都係尼個啊姐撈既都吾好食，想反映下，希望你地可以培訓一下員工，因為見你地都無指定員工負責工作崗位，如果吾係下次見到佢撈我都吾想買。

本身個人認為$44 半個方形盒份量已經好唔值 奈何自己又想食鹽水雞。。。A餐 $44 雞胸肉/雞腿肉 + 3款餸 我就揀雞腿肉 (其實諗過雞腿肉會不比雞胸肉份量少(不知))雞腿肉+木耳+雞腎+豬耳我係外賣拎走的 點知就係外賣拎走嘅壞處！反到去打開 一望少左份量 本身已經少。。。之後發現一舊雞腎都冇！！ 真係無奈左。。姐係我用$44買左個只需要$37嘅重點佢唔係冇雞腎架喎！(我係望清楚有咩先落)。。。 係咪我之後每次都要當場係到抄清楚齊唔齊野食先走？！ 經常都中伏外賣俾少餸嘅鋪。