合一咖啡屋餐廳 (已結業)

幫襯過油麻地店不下十次, 無論食物, 環境, 服務態度都非常好, 無想到佐敦吳松街分店可以差天共地!態度超差1: 一早已經透過 openrice bk 枱, 準時去到話無 bk 枱紀錄, 當時只有兩張枱留座, 還有幾張吉枱, 一定要我出示 bk 枱証明才可入座, 拎過 email confirmation 俾佢睇清楚, 先話有我 bk 枱紀錄!態度超差2: 明明眼見有幾張吉枱, 竟然會安排坐走廊位, 要求換枱, 又係好唔願意態度超差3: 一路吹落單, 又話一定要用hsbc 信用卡, 完全唔明 食物超差4: 叫左一個安格斯牛扒晚餐 set, 散叫 pizza & 雞翼, 食左半個 pizza 先黎餐湯 (太難飲, 飲左一啖放棄), 五成熟牛扒係柴皮到咬唔開, pizza & 雞翼就幾好我唔會話基督徒一定好, 但依度D waitress 態度一定唔好囉!

合一咖啡屋餐廳係一間由天主教徒同基督教徒合辦既餐廳，鼓吹基督徒係主內合一與共融、彼此建立同見證主愛。餐廳有好幾間分店，佢地既佈置上都花了不少心思，令到食客係享用優質美食既同時，都能感受到來自主耶穌基督所賜予既寧靜同平安。2個人無book 位, 星期六下午4點左右黎到，職員安排我地坐近門口既位置，呢到環境好寧靜，入座率偏低，感覺好舒服，很適合情好友傾計既地方。坐低之後就見到牆上掛左好多唔同帶有意思既聖經金句我地叫左個2人TEA SET，包2杯花茶，但係可以選擇加12蚊轉咖啡。我地叫左一杯花茶，一杯香橙朱古力咖啡，杯咖啡仲有埋拉花，好靚之餘仲唔太甜，值得推介。Tea set 有好多野食，包括曲奇餅，炸蝦，三文治，三文魚，蛋糕，同埋焦糖燉蛋，味道雖然無酒店級水準，但係都相當唔錯，仲要可以坐到成2個鐘，係佐敦呢區真係比較難搵架啦。

之前食過唔錯，於是帶朋友黎食，一早已經bk 枱，可能時間算早，我地可以坐梳發，都幾舒服，唔算多人最後食左磨菇蕃茄天使面，香辣蜆肉天使面，南瓜湯，Cappuccino。磨菇蕃茄天使面: 面比較幼，有蕃茄係入面令成件事好好多，汁唔會過多香辣蜆肉天使面: 鍾意佢辣辣地，不過要花功夫令蜆肉同殼分開，好彩唔係白汁煮唔係好易滯南瓜湯: 送埋塊蒜蓉包，個湯比較結，似乎足料都幾好飲Cappuccino: 估唔到會有拉花，大大杯，味道唔錯只不過果日冷氣大左d, 越坐越凍ar

食物味道很不錯，朋友來過，說過食物好美味，終於今天我倆一起來試試。起初我對這類餐廳的興趣都是好一般，無他，只因西式餐點是我較無偏好的說，但竟然喜出望外食物味道遠高出我所想像，但坐位就有些近，旁邊的桌子的客人談話內容都聽得一清二楚。以這類都算有檔次的西餐廳，這是有點失色。我倆點了一個小食，一個主菜，一個意大利飯同一個甜品，再加兩杯咖啡，埋單$480,已計左9拆，都不是便宜，所以若坐得更有私隱度會好些，

因為可以openrice訂位的關係，就訂了這間試試。而且有九折優惠添~這裡裝修不錯，但座位較近，稍迫。這裡的食物質素跟樓上cafe相似，就是一般般，賣相也一般般。但又是一個可以hea的地方。這裡的食物，每道菜的用料都是比較現成，相似。就好似大量芝士，茄醬等……沒有多大的技巧可言，但味道都尚可。先說小吃焗薯皮，所謂海鮮是一隻蝦，但茄醬跟芝士已完全掩蓋，又或者隻蝦沒有味道。Pizza 都ok, 挺脆，大量的火腿，菠蘿還是好多汁。至於個意大利飯，是我最滿意的一道菜。黑松露都幾多，正。飯都好creamy。但菇的份量可多些。兩粒帶子還可以。個千層面都不錯的，蟹肉挺多，所以有挺重的蟹肉味，即使芝士跟茄醬這麽濃郁。整體來說，普通的一餐飯，還算不錯。有一點不太好，冷氣很冷呢～

午餐時份在這裡試了黑松露什菌湯，鵝肝牛柳，凍朱古力咖啡，湯很香很美味，有水準，鵝肝肥美香脆，牛柳不過不失，配菜很有特色，炸薯仔很香口，用煙肉加蘆筍捲成的配菜很有驚喜，咖啡略為甜了點，整體也很滿意。

朋友在附近教會受浸，過後便跟朋友到旺角購物之前曾經嘗試過佐敦廟街的分店今次也有試試這間2個小時前在table map book了位所以不用等位我們一行3人沒有叫set感覺散叫更便宜頭盤煙三文魚沙律這個不便宜，但足料好食!!!這兩個沒有甚麼特別，不是太好也沒差這個千島醬pizza在廟街分店吃過但感覺沒有那間的好吃有點失望!整體而言，服務態度及環境也很好食物素質可更好有機會會再來!

之前成日都經過合一, 但都無試到, 今次終於一試~午餐奉送蒜蓉包一件及餐湯~蒜蓉包微暖, 未夠熱, 但好香蒜蓉味, 而且很脆口, 唔錯! 餐湯方面, 要了白湯, 不重忌廉味, 所以一點都不膩~反而合一用咗好多西蘭花去整呢個湯, 令成個湯變得好清新~白汁藍芝士雞肉長通粉雖然呢個得長通粉用咗白汁藍芝士去整, 但味道香濃而不膩~加上雞肉有烤過嘅香味, 而長通粉整得Al Dente又夠熱, 真係好好食, 令我越食越想食!!!千島海鮮Pizza呢個pizza做得好薄好脆身,pizza上有好多千島醬, 令成個pizza變得好rich, 加上pizza好夠熱, 好味道! 美中不足係海鮮好少,portion細而又charge一百四十幾, 真係貴咗少少!Apple crumble上碟時仲係好熱,apple crumble外層嘅脆皮做得好脆, 內層嘅蘋果又夠多~蘋果好香肉桂味, 甜度適中, 加埋vanilla ice-cream一齊食簡直係一大樂事!Overall,cafe環境舒適, 食物道中上,我一定會再返嚟食~

一開始選這間是因為是基督教開辦的, 嘗試用tablemap訂位, 很方便!所以不用等位, 我們沒有order set dinner, 是以自己喜好和網上推介,我們order了兩個主菜, 一個小食及兩杯飲品, 之後再加一個甜品, 完成所有美食後, 只有兩個字 "滿足"!現在就細述兩個主菜: 一是牛柳+鵝肝, 另一是雜菌意大利飯, 前者的牛可以生一點, 而鵝肝不錯, 雜菌意大利飯就簡直是不可不吃美食!小食是法國田螺+蘑菇, 不得不提配合的芝士及薯蓉, 味道一流!兩杯飲品是咖啡及朱古力, 咖啡甜度可少一點, 而朱古力很好, 後加甜品是心太軟, 味道不錯!值得一去再去!尤其是for relax的好地方

今晚無小組活動，崇拜之後諗下食mei 好，我見有好多笑哈哈mei 去食lee 間，以為好難揾到lee 度，原來一出地鐵就係平時打波附近，都幾就腳。好開心入面唔算好多人，我地可以有位坐低食野，傾計我地各自散叫野食，我食蕃茄蘆筍磨菇意大利粉，朋友食辣椒蒜香蜆肉長通粉再加熱朱古力。估唔到上菜快，而且野食夠熱ga我果個意粉有蕃茄蓉令到粉唔會太乾身，鍾意有d 酸朋友話佢個長通粉蜆肉夠多，通粉硬度適中，杯熱朱古力唔會過甜不過我地唔明點解我地個粉會加一小條蒜蓉包係上面，似乎有d 奇怪。但lee 度真係一個好地方gathering, 光線柔和，環境唔錯

今日去左佐敦覆診，之後想響附近揾食。見到呢間“合一咖啡屋餐廳”有好多好評，加上我都幾喜歡店主既意念：天主教徒及基督教徒合辦餐廳，鼓吹基督徒在主內合一與共融。 另外，於Open Rice訂座可享 9折優惠，所以就膽粗粗試下喇～ 因為早到，所以都要等一陣，望下個餐牌，發現價錢都唔算平，只望價錢與質素成正比啦，最後等左10-15 mins就入座。二人午餐，另跟熱湯和暖烘烘的麵包，我倆點左：１）黑松露牛肝菌意粉：賣相不俗，意粉彈牙，鋪上好多牛肝菌，並充滿黑松露既油香味。激讚! ２）香草蓄茄辣汁意粉：本人比較喜歡蓄茄類開胃菜式，所以低估左呢個辣汁意粉～雖然開胃，但對於唔好辣既我…的確好辣～ ３）：Green Tea Latte (加＄特飲)：一向對Green Tea Latte情有獨鐘，所以呢度既出品唔算差～４）Ice Mocha (加＄特飲)：可惜…呢杯Ice Mocha，忌廉多多，但淡而無味，加錢既特飲仲要比正常既飲品細杯，公平嗎？  

千頌伊今日訓到唔知醒，我自己一個出街食飯。一出停車場就見到United Cafe，因為方便就走左入去坐，叫左個千層麵。係地球生活左n咁多年，食千層麵真係多過咖啡貓，今日碟麵都真係幾普通，多芝士但係無芝士味，都可能係我自己無胃口啦，食唔曬。不過最後杯coffee 真係幾ok!  對得住佢個名! Really not bad!

那麼快就到了我們的第一個情人節，強迫某人放棄食千元法國大餐，另找餐廳。費煞思量，有人早幾個星期去了訂枱，到了當天，有人神神祕祕地帶我來了這間合一咖啡屋。餐廳不是走很GRAND的路線，不過感覺很舒服。因為是情人節的關係，餐廳也FULL BOOKING。侍應很快就遞上情人節套餐MENU，選擇頗多，我們都花多眼亂呢。哈哈，見到OYSTERS我雙眼已經發光，加了$50點了兩隻法國生蠔，OYSTERS尚算新鮮CREAMY，可惜沒有酒，否則一定更可帶出蠔的鮮味。BEEF CARPACCIO生牛肉薄片配橄欖醬吃，十分惹味。鵝肝外脆內軟，好味！（我也不管被人說我殘忍了XDD）鮮蝦番茄湯真才實料，番茄味濃，一試難忘！由於剛剛在ELEMENTS食了心形甜品，所以MAIN DISH 盡量點了比較LIGHT一點的。1. 黑魚子，蟹肉焗意大利燒烤菇賣相吸引，但黑魚子味道太搶，味道比較鹹，蟹肉份量也比較少。菇幸好也保持有汁，不會焗到太乾。2. 三文魚柳配意式雜菜酥皮卷起初以為三文魚是酥皮內的餡料，怎知三文魚和雜菜酥皮卷是各自兩樣東西，哈哈，份量很大！酥皮十分鬆化，和雜菜配合得不錯。三文魚不過不失，配上酸酸甜甜的新

約了朋友到佐敦午飯, 想試一試西餐每人點了一個餐, 有湯, 麵包, 主菜和餐飲雜菜湯用料豐富, 味道香濃而不太酸; 麵包軟棉棉, 很鬆化我點的主菜是三文魚帶子長通粉 ($78 + 10%), 蕃茄汁很香, 甜而不酸, 煙三文魚入味, 有兩隻大帶子, 煮得煙韌, 長通粉腍身, 主菜份量極多, 吃過後很有滿足感朋友點的是臚魚 ($108 + 10%), 賣相精美, 有心思, 魚肉煮得非常嫰滑, 亦很巨型; 臚魚底下有薯蓉, 滑溜亦有口感兩個餐的份量都很多, 很實惠!

又一次來到, 又係坐窗口位。 朋友一早就book 好位了, 今日係要同人慶祝生日喔!再來的目的係食物唔錯, 地點方便, 飲品也很多選擇。而且唔會趕人走, 可以一班人傾一個下午都無問題。 等極都未齊人 , 又鬼咁死肚餓wor, order住4個餐先。 lunch有set或可以散叫。set就抵d, 但杯野飲就細d上菜速度都好快, 先來湯同餐包。左手面的係鮮茄牛仔粒意粉, 右手面的係三文魚子白汁長通粉。未開始食, 發覺隔離枱嗰個牛仔粒意粉比我地的高成兩2cm(多), 再睇下第枱的又係咁, 我地嗰碟特別少。咪叫個waiter來問下囉, 佢話係師傅有時執料的問題wor。為免俾人加料, 都係知左就算la散叫的意大利飯半分天下, 素菜 & 蜜桃雞好大份的公司三文治, 足料傾左3個鐘左右, 食埋蛋糕就散la。還會再來喔!!!