合興火鍋

营业中

休息中

😛象拔蚌刺身非常好食，佢本身嘅肉質柔軟，而且由於材料非常新鮮，所以佢嘅口感亦都非常豐富，食落口嘅味道鮮美，餐廳將象拔蚌切成薄片後，我象拔蚌展現出白色，彈性十足，口感上亦都非常好食，鍾意熟食打邊爐嘅朋友亦都可以將佢碌落去火鍋！個人推介刺身比較好食！餐廳啲手切牛肉都非常好食，牛肉嘅味道非常香濃，而且真係食完一件又一件，餐廳整體嘅其他火鍋材料都非常新鮮，呢一個餐廳亦都非常適合聚會，就算係同朋友或者家庭，我覺得都非常適合，亦都充滿熱鬧嘅氣氛，鍾意嘅朋友都可以過嚟試吓

朋友生日想特別食沙嗲湯底的火鍋，原本想去九龍城那間，但係有朋友話唔好食，純粹網上看到這間有，所以訂位試一試到達後看到門口第一張枱的肥牛，已經流晒口水，果然手切肥牛$398沒有令人失望，我們叫完再叫，牛味十足，好好味而他們的價錢完全唔貴，湯底$70，好似返返去10年前嘅價錢另外他們的自家水餃和新鮮做的丸好好味，蝦丸特別正沙嗲湯底配上粉絲和出前一丁，特別惹味另外炸魚皮都好脆特別要讚：就是樓上的阿姐招呼好

任飲任食大堆頭的火鍋店成行成市。單是講醬料，都是一籃子十款八款任落，混醬成了火鍋的指定動作。合興火鍋呢，非常高傲地只提供一小碟豉油和指天椒。加多碟都要收$5。咁夠薑係因為對自己的湯底同生料充滿信心。料夠靚新鮮，不沾醬汁也好吃。合興是很傳統的火鍋店。沒有古靈精怪的選擇，湯底也是很平實的果幾款。但憑住招牌沙嗲湯底同頂級牛肉，又吸引到一班重質不重量的死忠食客，如我。重點講幾款推介：牛肉分3個價錢，$288, $338同$388。我食過$288同$388, 兩者牛味都濃，但$388真是無得傾，油花靚到暈，入口腍滑，正！$288的口感就比較紮實。如果口味問題無得講，但唔好為左平$100而唔叫$388, 真係食得出好大分別！呢款$388, 連唔太食牛的朋友都忍唔住連食幾片。海鮮選擇不算多，但款款新鮮。要大讚佢地嘅白鱔（$88）， 刀 工好片片晶瑩，食落口肉質細嫩，魚油油香豐盈在口中爆發，沒有半點泥味，點少少辣椒豉油，正到不得了！阿姐非常推介呢個白鱔，話呢個時候鱔好靚，果然非常好食。佢地嘅桶蠔（$78）都非常新鮮飽滿，例牌有3-4隻，淥完都冇乜大縮水，蠔味鮮濃，抵讚👍手打丸又係必食。佢有牛丸、貢丸

去咗佐敦合興食餐新鮮地道火鍋。手切鮮牛肉，爽口彈牙手打丸，即包脹卜卜四式餃，超肥大生蠔，火鍋生料樣樣超新鮮，碟碟有水準，一定要配埋個招牌金牌沙爹鍋底，咁先係無懈可擊嘅配搭！

同朋友間唔中就會即興約埋收工一齊衝落合興打邊爐，我哋兩個人七點前去到好大機會有位。呢到成日滿座，建議兩個人以上已經要提早book位。合興算係我地其中一個最常去嘅聚腳點，呢到嘅餐牌雖然未必好似出面其他店咁多選擇，咁多姿多彩，但質素真係有保證，佢放得出嚟嘅都係高質選擇。一坐低阿姐就遞上醬料👍🏻👉🏻紅蘿蔔馬蹄粟米湯底 ($48)湯底簡簡單單，清甜好味，飲落冇味精。👉🏻西洋菜 ($30)第一樣就落咗西洋菜先，咁樣就唔會索哂打邊爐肉類嘅油份，啖湯更清甜，飲翻幾碗先再打邊爐。西洋菜爽嫩，冇渣👍🏻👉🏻超頂級手切肥牛 ($388)色澤亮麗，顏色鮮豔，好新鮮👍🏻油脂分佈呈雪花狀，入口油脂甘香，肉質嫩滑彈牙，好正😍👉🏻鮮製生牛丸/鮮製香菇貢丸 ($72)手打鮮製，肉味香濃，實淨彈牙！👉🏻九龍吊片 ($58)好濃郁嘅魷魚味，土魷嘅味道，鮮魷嘅口感，食落非常爽脆。👉🏻酥炸魚皮 ($38)唔油膩，冇多餘油份，乾身酥脆。打邊爐必飲可樂😍

踏入打邊爐既季節撞正星期五要訂位既時間度度都無位位即刻諗起呢間老牌火鍋店因為每次去都冇乜人去到walk in竟然有最後一張枱 😆.今次點左招牌湯底($65)入面有蕃茄 紅蘿蔔 馬蹄同埋粟米湯底好足料 不過一開頭會比較淡味之後會越滾越出味 不得不提粟米真係超甜.頂級手切牛肉($338)手打蝦丸拼墨魚丸($72)娃娃菜($30)牛柏葉($40)新鮮鵝腸($78)鮮肉韭菜餃($45).呢度湯底同嘢食都唔係特別多選擇但係勝在新鮮同埋性價比好高另外姐姐服務一流 感覺親切 加分 👍🏻

已經第二次幫襯合興，同第一次感覺一樣，地方企理，碗碟乾淨。一打開餐牌，選擇不多，冇太多新奇野，不過感覺實際。阿姐介紹我地食沙嗲清湯鴛鴦鍋，我地叫左餐牌無嘅牛肉，4寶丸，4色餃，響鈴，雜菜一碟。碟牛真係好有牛味加厚薄適中，配埋個沙嗲湯，真係好好味。4寶丸出色，一向對鯪魚丸有排斥嘅我，竟然對佢另眼相看，好新鮮，無腥味。4色餃中，本人最鍾意韭菜餃，因為有馬蹄，好清爽。最後叫咗烏東，魚皮，生菜，好飽。呢度d野夠新鮮，用心，實際，姐姐服務又一流，值得一去再去。

新年前，趁着天氣寒冷，與朋友一起去烚吓烚吓，朋友介紹的這間火鍋店，確實是隱世美食，雖然沒有豪華嘅裝修，只係簡單嘅圓櫈，但係可以看見店主嘅貼心安排，在牆上有掛勾及放手袋嘅地方，店舖內的清潔狀況也很良好。火鍋湯底極其美味，火鍋材料非常新鮮！尤其是牛肉我們九個人吃了兩盤牛肉，牛肉經過煮熟後，仍然非常有嫰滑；炸魚皮，非常脆口；響鈴，亦都非常美味；牛丸，魚皮餃，手打魚滑都很好味！最開心是吃完之後，看見湯底也不是很多油；價錢合理！去食火鍋一定要再去合興火鍋！

呢間野啲座位真係麻麻，逼夾，人又多又困聲，比酒樓仲嘈，不過... 衰為食，都係要去食，皆因佢啲火鍋料的確新鮮出色推介最貴果隻肥牛，入口即溶；貴花蚌，爽口到暈；蝦丸，粒粒真蝦打造夠彈牙至於另一推介，係樓面既阿姐們，叫得阿姐除左年齡有番咁上下，中氣仲一定要十足，講野大大聲有啲霸氣，但佢地大聲唔等於佢地唔温柔喎，個個阿姐笑面迎人，即使叫你等多一陣先哎野食，你條氣都不知幾順。阿姐仲會提你唔好浪費食物，落單時見你駁命叫就會提你可能食唔晒，見你食淨野，仲會用好可惜既表情望住，叫你下次唔好叫咁多啦，真係要比個大like比呢度啲阿姐！

三個朋友食飯，原本打算食近期新興的臭臭鍋，不過要walk in 排隊又唔知有無位，朋友就提議，不如去佐敦間家庭feel 的打邊爐啦。點解話佢家庭feel ? 因為佢鋪面唔大，有地鋪同二樓，食物選擇款式唔算特多，湯底唔似時興咁多花神，但食物味道同質素不錯，姐姐又好好禮貌，成日幫手，成個感覺真係好有屋企打邊爐feel. 值得一讚係牆壁上做左掛鉤，可以比客人掛袋好方便。揀左個招牌湯底，係蕃茄粟米紅蘿蔔，簡簡單單。食物最驚喜係手打蝦丸，真係大大隻蝦係入面，encore 左一次。我非常欣賞金菇餃，而唔食魚既朋友反而好鐘意食脆肉鯇。牛肉我地揀左最貴既$338, 真係好有肉味好好味，對得起個價錢。另外趣事，店門口貼左"韓國爸爸去那兒" 係到拍攝，姐姐話佢地原來當日竟然唔知有明星黎拍攝，仲以為係d 人自己係到玩 (等我仲一直以為拍節目一定係聯繫左店家架tim), 究竟韓國劇組又點解會揀中左呢間火窩小店架呢？

大冷天，打邊爐。找了下同區火鍋店分數最高的，第一次經過看別人問沒位，就去旁邊的尚X，被告知最快9點才有位。失望下來再經過，碰運氣問下，店家剛收好桌就招呼入來。第一次來，試了招牌湯底。menu上菜式不多（加上客似雲來，對新鮮度有信心）試了推薦338的牛肉、四寶丸（最後叫了兩碟）、水餃雙拼等。牛肉上桌就知道有料到，厚切，雪花分布均勻，目測至少有A3和牛水平。入口，完全被征服，牛肉軟硬適中，咬下能嚐到肉汁，後面幾塊根本不點醬油，感受原味。四寶丸，據說全手打，彈性不錯，沒什麼添加物，很讚，其中蝦丸很飽滿很新鮮，一碟12粒，吃完馬上再補一份。水餃味道彈性都很好，魚皮餃（？）味道比較普通。服務來說，店裡的人都好勤快、不時會過來幫看看火，加糖加醬油等。很家庭feel。總來說，雖小貴，可食物質量，服務，味道算是很值得，還會再來。推薦！

與現時的火鍋店有點不同，充滿著舊式火鍋店風味配料選擇不會太多，但質數夠高開業多年，質素能夠保持，牛肉一流，另外手打蝦丸都非常好，跟一般火鍋店不同，充滿蝦味，每口都感到感覺到鮮蝦另外牛丸都是手打，墨魚滑亦很好，感到墨魚的鮮味職員有種舊香港的人情味，雖不是斯斯文文的服務，但服務態度很好，有講有笑，湯底選擇亦不會跟現時火鍋店般有很多選擇，只有般的選擇，清湯、芫茜皮蛋等

近期在吃新餐店不少, 所以朋友聚會總是喜歡吃吃很久沒去的舊店, 尋尋老來味道。可惜幾次到過不同老號, 最後還是失望的回航。說到火鍋店, 心目中也有不少心水選擇, 其中在佐敦這家性格小店就是其一。今次再臨, 味道依然, 服務也如與家人溝通般不拘小節。鍋底功力扎實, 不花巧, 但從不抗拒。其中牛肉水準及質素仍舊維持。近年牛肉價錢竄高得太多, 所以就算明店, 貴價, 也無高級牛肉。就算是鼎鼎大名的牛種, 味道都總是一般。這裡用上本地牛, 頸脊部分軟淋滑口, 油香十足。用清湯灼過, 入口瞬間溶化, 口中留下不少香味。極力推介!!這裡的名物除本地牛之外, 蝦丸從來都是我的首選。在蝦肉蝦滑混合的蝦丸之中, 口中質感複雜而受落, 彈性極高之餘, 不會死有膠質而無肉感。蝦丸鮮味也好, 不夾硬造作。餐廳於蝦丸上桌時叮囑於水滾放丸, 灼一分鐘左右就可, 不可泡得太耐令味道流失。老實說, 餐廳收費不便宜, 但最少付一分錢也可取回應有質素。至於服務上, 我感覺是似朋友平輩的感覺大於餐廳顧客關係, 所以店員會不時來關心你的湯鍋, 甚至落手幫你攪動湯底。而且餐廳比一般火鍋店較早收, 也會不定時放假集體遠遊, 所以

合興火鍋這名字是由我的前上司"長官"口中知道的.由第一次去吃過後, 便瘋狂地愛上了這店舖了.店子是細細的一間家庭式食店, 絕對不起眼, 但晚晚其門如市.但最令各方人士下青睞, 成為小弟心中10間必吃食店當然有原因:1. 食材新鮮, 質料頂級: 上至M9和牛, 下至生菜都是一等一.而肥鵝腸, 手打丸 和各自家製餃子更是無敵之作.和牛, 雪花分佈極廣, 牛肉味道濃沃, 基本上不用點醬油.美國桶蠔, 肥/大/鮮/甜不在話下, 基本上煮前煮後都不會縮水,實在難得.手打蝦丸, 由虎蝦手打成膠, 最合懶人的我不要自己脫蝦殼.最後介紹肥鵝腸, 新鮮不在話下, 脂肪多得叫人目瞪口呆.2. 店員招呼周到, 根本不會遇上要比錢又勞氣的情形出現

一早約左幾個同學一齊晚飯, 由於天氣凍左, 大家都想打邊爐, 之前一直係高流灣和新東記火煱, 今次要轉轉場啦! 之前一直想試合興, 但一直未能訂枱, 十分無癮... 今次再下一城, 早於星期一已經打去訂枱, 原本訂星期四的七點, 結果只有八點半才有枱, 今次終於成功訂枱, 食幾點都無所謂啦! 樓下侍應安排我們往樓上座, 樓梯就是在合興的大門側, 沿樓梯一上就到樓上的樓底好淺, 好壓迫的感覺, 樓上有五六張桌子, 我們都是坐圓櫈, 沒有背靠, 而且坐得迫夾廁所更厲害, 所有人都要俯身出入, 廁所外有個洗衣機, 所以十分迫夾…但不得不提廁所不錯, 比我想象中算是乾淨衛生!一坐下, 阿姐立即準備茶, 由於我們氣沖沖趕來, 一坐下就要了一支藍妹, 時常覺得打邊爐要配啤酒才開心! 阿姐只準備左豉油和辣粉, 其他蔥, 蒜等都沒有, 要問阿姐才會有!我們四個人有兩人愛濃味要沙嗲湯底, 兩人怕熱氣要清湯, 但嫌清湯太單調,待應提議加蕃茄調味, 令食物更鮮甜, 我們都十分贊成! 阿姐好hard sell 炸魚皮給我們, 但我地都婉拒, 阿姐繼續sell 其他人… 我們點了超頂級肥牛, A5牛肉粒, 雞件