合興火鍋

营业中

休息中

(有相)好唔好食又睇落去 262 回: 白色情人節哈哈大笑蝦丸@佐敦合興火鍋!http://hk.myblog.yahoo.com/goodboy_philip/article?mid=32774呢兩日天氣突然轉涷, 要暖笠笠自然要去 "十下十下" 打個邊爐啦! 好喇好喇! 大家肚餓架喇! 講番食啦! 今次去左佐敦既合興火鍋! 地址: 佐敦吳松街62號地下招牌湯底: 問阿姐有咩湯底推介, 呢位 "阿姐一號" 推介呢個招牌湯底, 夠哂清! 齋飲都得呀! WAKAKA... 豬腰: 平時打邊爐既豬腰多數係一小塊, 呢度開邊長切, 雖然我係一啖都無食, 不過睇黎友人食得津津有味, 相信都新鮮好味! 四寶丸: 墨魚丸, 鯪魚丸, 牛丸, 蝦丸, 墨魚丸打得實好好咬; 牛丸牛味特濃; 鯪魚丸無食到唔知味道如何呢? 蝦丸不得了! 用幾隻蝦混少少蝦膠打出黎, 可能我孤陋寡聞, 我第一次食到咁好味咁原整既蝦肉丸啦! 一於推介呢間既四寶丸! 鱔片: 友人 S 既 FAVORITE! 膽粗粗試一口! AH...打邊爐熟魚同鱔都係唔0岩我, 結果要用啤酒郎口! 鍾意食鱔既朋友都覺得用料新鮮! 特級手切

睇左雜誌介紹好耐, 今日終於第一次黎試, 坐樓下果層, 舊式飯店格局, 無豪華裝修, 不過勝在夠乾淨夠光猛手切肥牛分有3個價錢, 叫了最貴果隻(好似要二百幾蚊), 實行要試最好o既, 牛味濃郁, 入口有溶化的感覺, 正! 聽到隔離枱想再叫, 已經話賣晒, 好o野梗係搶手同限量, 果度做個靚姐話最好下次打電話黎訂定牛柳粒, 有 "趙" 頭, 牛味勁重, 正! 蝦丸, 超新鮮, 又大粒, 呢度D蝦丸唔同出面果D, 食落去真係好似食左隻蝦落肚咁, 爽! 魚雲, 超大個, 新鮮, 唔腥! 九菜餃, 入面加有蝦米, 好野味! 唐生菜, 無難度, 最緊要乾淨無爛 招呼幾好, 快手, 醒目, 一定會再黎食!

今年也沒甚麼吃過火窩，適逢開版食友相邀，十五十六之下，決定在除夕之前滾一趟，位於油麻地的吳松街，那裡也不是只有「阿龍咖哩」，對面之下，也有幾間舊式的海鮮菜館和火窩店，去這一間名叫「合興」的，上樓之後，已見一大班人手持筷子，在窩裡大肆行動了。老派出品，不是任點任吃的，意味著出品上會有些要求，總觀全晚所見，都是湯濃料鮮的事。分作兩圍之下，湯底分別是蕃茄蘿蔔粟米和沙爹湯底，坐了後面那一圍，那沙爹的香濃，基本上灼好食物後，已不用沾任何醬料。全程有一位細心招呼的「指導員」阿姐，送來生料之餘，也提示了灼熟各種食物的基本時間，好好照顧食客的安全，當湯底蒸發一大半後，除加水之外，還奉上一碗秘製醬料，好不失湯底的濃香，一看已知是「堅料」，結果，第一檯的食友，亦要轉換我們的湯底。炸魚皮、蝦丸、鮮牛肉丸、貢丸、鵝腸、魚餃和水餃............等，陸續奉上，大體上十分新鮮，牛肉丸是鮮打的，不是街外來貨所比擬；原來西洋菜別名叫「鬼妹」，隨即夾雜一些樂而不淫的爛笑話，一間成功的火鍋店，其牛肉的來貨，往往是成敗的關鍵，這裡的肥牛，既有本地的雪花手切，也有來路的高檔貨，分作三級，其油花甚密，加上牛腱片和牛柳粒

To drive the weary winter blues away these days, you'll need two things -- 1. a group of foodie friends who will go anywhere to eat anything at any hour of the day, and 2. an organized gathering event where all the weary folks group together and kick the blues' sorry bottoms away. I'm most glad to have both to this day, as we planned our dinner having hot pot at 合興, where none of us have been there before.Upon arrival, I realized our table was on the second floor. Through a flight of dark narrow

冬天, 最啱係食火鍋. 一連開飯活動過去了, 本來沈靜的聖誕新年週, 添了一局, 亦適逢寒冬. 10多人, 齊集於佐敦的一家小火鍋店. 預祝我們的2009年, 好事滾滾來.分了兩檯進行活動, 一邊要一個清湯鍋, 粟米, 蘿蔔, 馬蹄湯, 伙記阿姐口中的健康湯底. 另一邊, 是阿姐所謂商業秘密的秘製沙嗲湯底. 我坐在沙嗲湯底那一邊. 不知是否眾人覺得濃湯鍋比較合時而, 鄰檯有幾位不束之客, 時不時有人做小李飛筷, 本來八雙筷子, 不時會變成十雙筷子. 沙嗲鍋真的比較吸引麼.肉丸, 餃子, 魚片, 雞腸, 不得不少的火鍋佐料, 蝦丸由新鮮原隻蝦製. 牛丸新鮮手握. 淨丸已經滿分. 通常呢D火鍋店, 態度都有返咁下上, 但親善的阿姐, 不時提點這個要烚幾耐, 不時大叫喂喂喂, 未熟架, 熟D先好食呀. 豪邁之餘, 亦有細心一面. 擺脫一身的斯文上班見客look, 企著食, 不慢慢自家滾...眾人決定一起, 來個一品鍋. 一有新食物, 還等, 即時落鍋最實際.星級肥牛. 火鍋, 沒有肥牛, 便不是打港式火鍋. 雪花肥牛, 不一會, 大家你一塊我一塊, 俟搶一空. 充滿脂肪的牛肉, 灼兩灼, 入

有時不得不感嘆,我們的第六感比天文台更準確,好像這個已在早前約實的火鍋局,是夜天氣剛好轉冷.雖然火鍋一年三百六十五日春夏秋冬全天候,歸根究底,始終要在天冷的日子吃,才有風味.今次選了一間在座所有人也未去過的火鍋店,就是在佐敦吳松街,金山隔離的"合興".我們十五人,要坐到上閣樓,霸佔著角落位的兩張檯.幸好一早訂了位,如果沒有訂位前來,妄想有得吃.兩邊陣營,各自擁抱不同的湯底,我的一檯是番茄蘿蔔粟米湯底,另一邊的是沙爹湯底.兩條戰線,味道各走極端.大多人擁向沙嗲湯底的一邊,番茄的一邊就比較冷落.火鍋配料當然以牛為主,其他的亦有叫些餃子,貢丸,蝦丸,鱔片,豬頸肉,鵝腸等等.先來的是炸魚皮,來貨都幾靚,吃下去不覺有陣萬年油味,在湯內浸一會,淋得來尚存一些脆口感.鱔片略灼一會便可吃,爽脆鮮甜.韭菜餃很大隻,充斥著韭菜的香甜味.差點為了這個餃,差一點就食餃食到飽.蝦丸同樣地爽口鮮甜.好像吃著原隻鮮蝦球般.在餐牌上,鵝腸是推介之物,灼一會,點些醬油放入口,果然不同凡響.鵝腸很鮮口感爽,而且帶點甘香感,一輪前奏之後,牛肉便出場.雪花肥牛我們先來第二級,雪花紋理分明.放在窩內灼到轉色就即刻放入口.肉味很

同中學朋友聚聚, 朋友介紹呢間食打邊爐~~叫左個傳統 “煙央”鍋~~D沙嗲湯都OK~~不過冇方榮記果D咁香~~首先黎過炸魚皮, 好中意就咁食~~唔中意放入D湯度~~香脆D~~娃娃菜好鮮嫩~~叫左個頂級肥牛~~要成兩舊幾~~不過D肉質真係好正~~好肥美~~一D渣都冇~~讚!四寶丸勁正~~蝦丸係新鮮蝦膠整既~~好彈口~~吊片好惹味~~不過呢度冇我最中意食既花枝片~~珊瑚蚌好鮮味~~不過細碟左D~~拼雙腸~~冇食~~白鱔片好肥美~~羊肉片普通~~都OK~~每人$240, 都幾抵食~~

KEEP FIT 第一期工程完成..當然要慰勞下自己...個肚...聽朋友講佐敦吳松街一間打邊爐既牛牛好好食....不過好貴一碟....之前一直都因為貴而有少少卻步.....好! 就去慶祝下先...見到碟牛牛到場....第一個FEEL 就係"嘩! 好多雪花". 如果屋企部TV 係咁就屎得...可以用靚字黎形容碟牛牛...我o係未食之前, 為佢拍左張沙龍....有圖片, 無老點!!!$250一碟, 係真係有D貴....BUT真係物有所值...放佢o係水入面浸一陣溫泉...放入口....即刻變左 M&M....只溶o係口...溶得黎又不至於無哂口感....仲好有牛牛味添...食完呢碟後...我地再order另一碟198既.....不得不講...立刻真係比下去...其實198已經係more than ok 的...但真係茅辦法...幫佢唔到...鐘意食牛牛既朋友..真係不妨去試試...不過要book 位, 同埋要叫老板娘留定一碟250既牛牛...否則..."今晚又無你份喇"另外亦highly 推介: 鮮蝦丸, 四款餃子都好出色!!!最出色就真係個老板娘...佢好似識讀心術咁...見到你個樣

尋晚book o左7:30, 都唔係好多人事^^我o地一行3個人都叫o左好多野食, oh~又食唔晒喇, 下次叫之前真係一定要再三考慮我o地叫o左個沙爹同莞西皮蛋湯底(沙爹o個邊略咸,莞西味都好濃), 頂級牛肉(嘩~真係好正, 有雪花紋, 好有牛味, 食落都有d 彈牙ga ^^), 牛柳粒(都好味,牛油味好濃, 可能淥得耐o左d 有d un~ 不過而$125- 我寧願要多碟頂級$198-), 豬潤(好大片, 麻麻o地可能我唔好啦), 炸魚皮(都幾厚下, 唔同出面有d 好薄好脆, 最好淥到少淋先食), 魚皮餃(好大粒, 都係咸o左d), 九菜餃(冇食到呀~)拼金菇肥牛餃(有馬蒂粒唔覺有金落, 口感好差, 唔好食), 蝦丸(有蝦粒同蝦膠, 不過淡口o左少少), 山筋, 唐生菜(至愛)拼西洋菜. 仲叫o左一窄酸梅汁加兩罐可樂. 真係飽到食唔晒.服務都幾好, 唔知點解老板娘隻耳咁靈敏, 我o地好細聲講食乜佢都聽到, 仲好有效率咁拎晒d 野出o黎.不過好似快o左d.順帶一提洗手間好細, 都幾........污

2008-02-27晚响佐敦等睇戲，同女友經過見大把時間咪入去試下。沙爹拼清湯($50)特級手切肥牛細($138)墨魚滑($50)豬生腸拼鵝腸($50)九龍吊片($40)西洋菜四支黑啤沙爹都好香口，花奶多咗D(下次要叫落少D)，好重蝦米味清湯OK有味得嚟唔覺有師父牛比較瘦但都算正(我見隔枱碟頂級牛好正，不過只有大碟$198)下次一定要試頂級牛墨魚滑爽同好鮮味，食得過吊片細隻比較薄鮮豬生腸要煮成半粒鐘好和味鵝腸都肥瘦適中西洋菜OK幾甜不過就冇乜海鮮，連蝦蟹都冇只係有象拔蚌(要成隻叫好大隻四舊幾起)服務幾好加湯只係清水(我仲意因為唔會越來越咸)地方比較街坊但整潔食得過會再去

今晚同表妹食飯，表妹想食火鍋，但她超級細食，我又唔想食太多，所以無考慮過任食放題．由於覺得那些酒家寫就70幾80蚊，但加加埋埋俾錢時一家要百幾元一位．所以係她住的地方近近地找火鍋店．見此間的湯底都係$35-$50不等，就入去試下啦．入到去只見枱枱都一碟雪花肥牛，有些人食象拔邦，好似枱枱埋單都要幾舊水．我地只想$200落樓．開始想，呢度D菜都唔平．點知一打開菜牌，雪花肥牛，例:$148, 大:$178, 頂級的就要$198.嘩，好貴呀．我地無想過會咁貴．本想都係$100樓下啦．我地又唔係一定要食雪花，但根本無得選．因表妹食量真係細得驚人，所以我通常都係比佢睇．但最唔高興的，就係我地一路睇，那些侍應就不停催促，好似想趕我地快食快走．我地就先叫鴛鴦湯底(沙爹+紅羅白粟米馬碲湯底)($45).然後叫了唐生菜($38),鮮羊肉($58),金姑牛肉餃($58). 呢度的上菜和收碟速度快到驚人，一叫５分鐘上菜，一食完我地將食完的碟放底，未食完的碟放上，侍應哥哥就埋黎收了底那碟，不過又講了句我好唔like 的說話"呢度唔會咁放的碟，等我收左佢啦”都唔知咩事，我地係客，想點放就點放，好似我地係客，都要跟

三月頭同兩個朋友到合興打邊爐,我人未到先要order牛肉粒,怕佢一早賣晒~黎到朋友已經落左order,張枱擺滿食物,正!!d牛肉粒真係好夠肉味,烚耐d都依然好味,頂級肥牛又好好食,一流!!埋單三個人六百幾,算ok! 服務又好,d嬸嬸好helpful~不時食開九龍城果間,今次第二次黎佐敦呢間,水準保持不俗!

果然特級肥牛無得頂呀! 有牛味、整得過熟都唔"un", 好軟好淋, 肥度均勻,雪花得來好番口, 無得彈。金錢展新鮮, 我從未去過一間火煱店係食新鮮的金錢展, 合興係首間給我新鮮感的地方, 原來新鮮的金錢展係有牛味之餘, 係好爽口架, 佢切到薄薄, 好快熟, 令你一口接一口, 唔知飽。鮮鵝腸又係一絶, 我美麗本人從來對腸類極為抗拒, 因為腸係所有動物的排泄管道,任你点洗得乾淨, 我都唔敢去嘗試:[。但上次見別人order咗点鵝腸色澤好靚帶少少肥, 好吸引, 令我唔鐘意食的都涶涎三尺, 於是昨晚鼓起勇氣食我的第一次。好正呀! 色澤有咁靚除咗係因為佢洗得乾淨你食得放心之餘, 係因為佢夠"新鮮", 係優質極品之嘛, 只係小小的鵝腸亦討人喜愛, 你可想其他主菜更是非同凡響。生蠔要說聲"呱啦啦!", 係大大仔的筒蠔之外, 我一向同朋友食蠔, 我是一個沒趣的人, 要滾到到爛先敢食,怕有菌, 通常都由大蠔滾到變"蠔是"先敢食, 咁這裡的生蠔肯定係"正"貨滾幾耐都係咁大隻同個蠔頭係充滿水份, 清甜好味。蝦丸己經有人講過彈口、鮮味, 不吃不可等評語, 我非常同意,合興自製的丸類除此外, 仲有自家製的魚丸及

終於忍唔住，係時候爆番個鍋喇。沙爹湯底加牛脊肉，唔當做唔肥的沙井蠔，其實應該要加拿大蠔的。象拔蚌同小肥鵝腸的夢幻組合。波波係必叫的，但蝦丸就夠，墨丸免。唔知係水準下降定時間問題，食完無以前果份心滿意足的感覺。

近日天寒地凍! 最好不過就係成班朋友一起打邊爐!好友話聽收音機讚呢到好食想試吓! 所以我地抱著平常心去試! 一行十一人,無大枱,只好分2張枱,開頭有點兒失望因為分開坐無咁開心嗎! 但怎知當食物一到, 即時對佢地令眼雙開, 先講牛肉, 自從上次食完輝哥的牛肉讚不絕口後, 可以好肯定咁講呢到重好食過佢, 因為放在前面的不是一碟普通的牛肉, 而是一碟新鮮又多雪花, 就像是一碟神戶牛肉般, 入口即溶. 好味到震呀!!! 佢地鋪頭叫呢個做"星級牛肉"~HK$158, 因為大家都比呢碟牛肉滿分, 所以我地2枱total叫咗4碟. 另外要讚的就係蝦丸及金姑牛肉餃, 好味又彈呀!我地重叫咗4斤加拿大象拔蚌~HK$580, 唔算平又唔算好貴啦, 因為好大隻而且好新鮮甜美.除了以上推介外, 最值得讚就係佢地2樓的員工, 2位中年女士, 招呼好服務快, 比起好多所謂的大酒樓的員工醒目好多!講真呢到坐得都幾迫, 環境亦不太好, 湯底普通, 但整體食物水準高, 而且牛肉及服務就真係一流!