吉豚屋吉列豬扒專門店

营业中

休息中

夜晚10時入去食本身身體唔係好舒服，淨係想快啲搵到地方坐低抖下食野明明仲有好多位，本身個waiter已經準備幫我帶位個waiter問完我幾多位我答兩位，因我老公放工趕緊出黎接我其實都就到，只係爭幾分鐘個waiter竟然同我講唔比入住，要等齊人先入得即係算點，我答你一個你就有得比我坐低，之後我老公入黎再點餐，你都照賺我答你兩個你就趕我出去我明白繁忙時間座位有限咁樣既做法係合理但於非繁忙時間咁做實在於理不合完全係趕客！！！感覺超差！！！

又係一直想寫，而又一直冇時間再去幫襯。平時食日本嘢，除咗刺身外，最吸引我嘅就係豬扒丼。可惜香港要食靚嘅丼並唔係講咁易，就算搵到呀，價錢都唔會點平。而我食開呢間就集齊平靚（即好味）正於一身，但另一個問題就嚟喇，食飯時間條龍係超長。咁點？唔好食飯時間去食囉。我通常嘅幫襯時間係4-6點，一枝公，貪佢快有位。我最愛呢度嘅滑蛋豬扒飯，有分size，以我嘅食量，揀梅就剛剛好。至於咩叫梅呢，係代表豬扒嘅份量，梅一件80克、竹一件110克、松兩件80克咁解。而我愛呢度豬扒嘅其中一個原因係，鬆化、肥瘦均勻，再配上滑蛋同香噴噴嘅洋蔥，更加上$50就食到，你話係幾咁乎復何求呢！

無啦啦有一日突然炸豬扒癮發作，係咁話想食日式炸豬扒，喺油麻地做完嘢，即刻睇吓附近有冇邊間好味炸豬扒先！Openrice search到呢間好似好正咁，即刻行兩條街過去！有少少排隊，個心即刻諗，應該真係好正先至會有人排隊喎等咗大概15分鐘左右就有位，係等嘅過程已經諗好咗食乜，即刻落單先老公嗌咗個炸雞咖哩，佢話覺得唔錯，我就覺得還可以，因為我好少食咖哩我就當然係嗌吉列豬柳定食啦！可能係真係期望太高，吉列豬柳比起我以前食開嘅細塊少少，原來而家好少再有吉列嘅鋪頭係椰菜絲沙律任食，有少少失望，以前食開某一間吉列豬扒專門店，佢哋嘅椰菜絲沙律同埋湯係無限添加，最鍾意食椰菜絲沙律嘅我，次次都食最少三轉

呢間店可以滿足晒我兩個願望，又可以食火鍋，又有吉列套餐食～仲要好味～～吉列三重奏定食有吉列蝦、吉列豬柳同黃金豚肉餅，炸得相當香脆，熱辣辣～份量好足，跟餐要左個烏冬～～另一個火鍋有別於一般既一人火鍋，呢個唔只賣相靚，夠晒吸引，呢個壽喜燒豚肉鍋味道都好得，豚肉新鮮好味，壽喜燒湯底甜甜地真係越煲越濃越好味～～配埋金菇、腐皮、豆腐，吸晒濃湯不得了，真係有驚喜又值得推介～～原來呢間店有好多分店，下次想encore就唔洗周圍搵啦～

同朋友係旺角煩惱唔知食咩，突然諗起呢間吉列豬扒，就即刻過來食點知兩個一齊都被壽喜燒吸引左，唔食招牌吉列豬扒同餐廳其他野食比較，鍋物相對貴小小，但70蚊一個黎講，仲要晚餐，都可以接受啦要飲品就要另加錢啦初初見列咁到咁少肉，諗住唔夠飽，但有烏冬或飯，份量對於男人都夠，唔哂加野食湯底夠哂味，但魚腐浸得耐，都幾咸但烏冬加返分不過美中不足係位置少少迫，我地擺左兩個爐，張台都無咩位但總評黎講，性價比都高，都推薦既

出邊櫥窗擺着嗰啲樣版超級吸引，仲有好多人排隊😚😚😚冇諗過個飯個樣有咁大落差🤣不過見到隔離枱個鰻魚飯仲大落差😳呢個滑蛋吉列豬扒飯份量都足😝啲吉列豬扒都幾美味，夠腍身，唔會韌同鞋。因為淋左蛋漿，豬扒表面就唔鬆脆🙈🙈🙈另外，個蛋就可以滑啲，比較鹹😌不過不失啦😚

我家弟弟很喜歡吃這間吉列豬扒，今日跟佢過黎試試。由於不太肚餓 決定將定食改為單點 (冇白飯冇湯，減$20，$49 加一）。想不到伴碟的椰菜絲份量也不少。吉列豬扒有反禁上下厚度，炸得都脆，不過略嫌不太熱，似乎炸好多等客人點。(點餐後五分鐘內有得食。。。)自行添加 豬扒醬 芝麻醬。偷吃弟弟的飯一啖，碗飯都幾出色，粒粒分明，不錯。想快食吉列豬扒飯，呢度都可以考慮嘅。(快食嘅原因系呢度坐唔耐，店員見你食完就好快黎收碟，同不停望住你張枱😰😰)

週一晚P哥吹雞，帶隊去旺角睇「朝花夕拾 芳華絕代」；其實靚靚媽咪係梅姐鐵粉，XO仔都可以話係聽住佢啲歌長大，到今時今日唱K仲唱緊架，咁梗係要支持吓啦！非常感激P哥令小肥有機會由新一個角度去認識這位「香港女兒」。滴下男兒淚後，當然係要去醫肚補充返啦！細佬甚少出入旺角區，結果就由P哥帶路，去咗間出哂名日日要排隊o既「吉豚屋吉列豬扒專門店」食宵夜。店舖門外可見大大張海報道出連鎖店分佈全世界，有成四百幾間咁多，認真唔講得笑。於候座處可透過玻璃窗望入開放式廚房，睇住師傅預備食物。可能已經係夜深啦，幾口子唔洗排隊好快就有位坐。小店散座全為木造合併式餐桌，桌上擺有自助式餐牌、紙巾及筷子。餐牌上列出，「滑蛋吉列豬扒飯」共有三個不同級數，分別為梅（$49）、竹（$62）、松（$87），價格越高即代表豬扒份量越多。應P哥推介，一人點咗碗吉列豬扒飯。滑蛋吉列豬扒飯「梅」（$49）：大大碗豬扒飯墊底o既日本白飯粒粒飽滿熱辣，仲要好夠汁添！頂面塊吉列豬扒皮層香脆，肉質鬆爽，混入滑蛋即增添柔滑，整體脆潤甜美， $49絕對抵食！唯一遺憾餐店冇啤酒飲，唔係襯埋就更加理想。「吉豚屋吉列豬扒專門店」面積不大，但勝在服務生

在油麻地想不到應該食甚麼晚飯，在街逛的時候，見到有一間日式吉列餐廳門口有一條少少的人龍，無錯，就是吉豚屋吉列豬扒專門店。等了十五分鐘，終於入到餐廳內。急不及待叫了2個吉列炸蝦豬扒定食跟特飲巨峰玉露及蜜挑爆珠香芒乳酸。長話短說，等我講一講對它們的意見。吉列炸蝦豬扒定食﹕真的很鬆脆，炸得十分脆，但一點都沒有油膩的感覺。炸蝦炸得直情可以連殼也吃掉。豬扒也不會炸得很乾身。加上了店內任加的豬扒汁，十分好食。還有豬扒底是用椰菜絲托著的，我自己的習慣是那椰菜絲連豬扒一齊吃的，在椰菜絲上我也加上了店內任用的芝麻醬，味道很配合。個人覺得這個質素只需這個價錢也算十分抵。但飲品方面就比較遜色一點了。巨峰玉露﹕太甜了，冰太也多。蜜挑爆珠香芒乳酸﹕剛好相反，太淡了，本身已經好淡，加上了過份多的冰後更加淡而無味。

It seems Hong Kongers love hot pot. So much so that even fast food chains offer this option. Now, Ca-Tu-Ya has joined in with their shabu shabu sets! Famous for their cheap and affordable pork cutlet sets in a fast food setting, they now have three shabu shabu options.The menu is in English and Chinese with a photo of what is included. There is also no 10% service charge.I chose the pork belly sukiyaki hot pot set ($69). A gas stove was placed in front of me and the hot bubbling pot was on top.Y

是日同男朋友諗住食個便飯，於是佢又推介呢間喺佢做嘢地方留下嘅吉列豬扒專門店，因為又平又快又方便，所以都做咗佢半間canteen, 見佢成日講到自己一個人食呢間嘢咁慘，就同佢試下啦。成日覺得間餐廳專門做乜就應該食乜，既然係吉列豚專門店，就當然食吉列豬啦，於是就揀咗廚師推介嘅滑蛋三重奏飯便當，有炸蝦、吉列豬柳同黃金豚肉餅。男朋友就食吉列豬柳泡菜湯烏冬鍋便當。個滑蛋三重奏飯嚟到個滑蛋係好少，基本上淨係覆蓋到半隻蝦，而且已經吸哂啲蛋汁，完全冇fluid，同餐牌幅圖好大對比!完全貨不對辦!但食落去豬柳都算係滑，炸蝦都正正常常，個黃金豚肉餅就係炸免治豬肉餅，調味都唔錯。碗飯雖然其貌不揚，但食落都唔錯，以$69呢個價錢喺旺角中心地帶食都算值嘅，連鎖餐廳嘅水準。男朋友個泡菜湯我試咗一啖，都冇乜特別，自己本身唔食泡菜，見對面一對韓國情侶(個韓妹好靚女，令我整個dining experience加分)都嚟食泡菜鍋，咁個泡菜quality相信應該都ok嘅。整體黎講，連鎖快餐質素，價錢平，速度快，味道都OK, 都適合自己一個嚟食。

Happy Friday想食好少少，但沒有頭緒。在彌敦道慢行，看到壽喜燒，圖片吸引，所以極速決定。與男友均選豚肉壽喜燒。豚肉被捲為玫瑰花，上面加顆日本蛋，雖然我不能分辨真偽。但是大大塊豚肉確是吸引，肉質鮮嫩，不會有渣。豆腐超級滑嫩，但又不會散掉。腐皮吸了過多的汁，有點過鹹。蔬菜份量略嫌不足夠。烏冬已經代為煮熟，彈牙好味。白飯有煙韌。店員服務態度良好，下單迅速，笑容可掬。環境衛生不錯，但枱與枱之間空間略少。

雖然食過好幾次吉豚屋，但食吉烈雞扒就真係第一次﹗油麻地呢間分店勝在收得晏，係晏食飯既人既滋味之選，而且平時都唔洗等好耐，好肚餓又唔想等，我次次食吉豚屋都冇後悔﹗環境方面坐得又舒服，而且仲有幾分似日本平民既食店，無論裝潢定食物都有咁上下水準。今次叫左吉烈雞肉飯試試水搵，估唔到都一樣咁好食﹗唔至肉質方面比豚肉嫩滑多汁，而且口感都有彈性，唔會覺得乾身，雞肉味亦好出眾，外皮仲炸得好鬆脆﹗再配上少少既吉豚汁，勁開胃，配白飯一流﹗平時食開吉豚既都非常值得一試。仲配埋麵豉湯，而且麵豉湯味道清清地，完全唔咸，仲好暖胃﹗另外仲出左壽喜燒黎緊開始凍應該好岩食，下次希望試到﹗

星期六晚做完野9點幾，在旺角附近搵野食，男朋友話想食日本米，所以周圍搵日本野食，路過呢間餐廳未食過咪走入去試下，已經九點幾都仲要排隊，排左5分鐘到，就可以入去。感覺有d似吉野家不過食豬禁，叫咗一個吉列豬扒定食，連湯，加底加$9，我就叫咗個肉是吉列豬扒，肉餅，吉列蝦飯,幾好味，但要趁熱食。叫咗杯荔枝凍茶，超甜，飲咗兩啖冇飲。吉列豬扒要加醬汁先好食。服務一般啊，冇乜特別。我自己覺得吉列肉餅比較好食。不過9點後都要排隊😅，下次唔使排隊就食。

「天下雲集而響應，贏糧而景從」，出自賈誼的<<過秦論>>，意思是緊相追隨，如影隨形。以呢句名句黎形容呢間餐廳係因為睇得出佢極力想將保留日式炸豬扒的色、香、味，然後呈現在香港的食客眼前。油麻地分店環境OK闊落，座位空間多，唔會覺得迫；衛生情況良好；燈光十分充足，的確仿傚左日式餐廳的標準。食物質素方面，真係要用「贏糧而景從」黎形容，因為呢句意思恰恰就係帶齊糧食去跟從人；而吉豚屋(香港)正正就係齊備左日式食材，豬扒真係炸得鬆脆，而且唔係覺得食落去係一堆麵粉，麵粉同豬扒肉嘅比例幾好，食完稍稍覺得有D油，但唔會好濟，比起香港式的吉列豬扒更出色。黎呢度食嘅野款式唔多，而我亦建議食吉列豬扒、吉列蝦，因為其餘食材相信只為大眾提供更多選擇，而非此店之強項。而且價錢方面係大眾化d，但製作一D都唔馬虎，有用心去做，值得去食。【吉列豬扒便當跟白飯 + 椰菜絲】：HKD69