名家韓國餐廳

营业中

休息中

久仰呢度既大名已久，是晚襯家人生日「搵藉口」黎幫襯。book位既過程尚算容易，可能因為閒日既關係人唔係太多，所以七點半入座既時候餐廳只係半滿左右。由於大部份人都唔太肚餓既關係，我地一行五個人只係叫左個$1080既四人餐再加多個泡菜餅同埋一碟雞肉就算。野食上枱既速度都算快，一開始先送上八小碟。呢幾小碟同一般香港既韓國餐廳食到既唔同，簡單D講就好似「大長今」裏面既一樣，雖然都唔係D乜野特別貴價食材，但入口既感覺十分清新，唔覺唔覺食完一啖又一啖真係非常開胃！牛肋肉方面既presentation亦都同平時食開既好唔同。上枱既時候係將佢地一層層好似摺被咁放埋一齊，然後由侍應將佢攤返開再將佢切開一舊舊。入口第一啖既感覺非常特別，肉既質素固然係中上之選，但最特別既係佢只係「係咁易」做過少少調味，更能突出肉既鮮味，正！帶子方面只係一般般。上碟既時候雖然好似壽司店既帆立貝咁大，但燒完之後一如所料縮水縮到一般中式酒樓既海鮮size。Anyway，入口感覺尚算鮮甜，建議下次煮既時候只係隨便「辣兩辣」就好上碟，如果唔係真係熟到好難消化。韓式炒粉絲︰炒得非常夠鑊氣，雖然無可避免落油份量方面好似重左少少，但都可以

今晚約左小學同學聚會地點選擇左I-SQUARE的《名家》，同學仔一早就BOOK定位，真係唔該哂安排了坐房內的全海景房，一行11人可以叫好多野食，人多真好先來餐前小吃，款式都算多，味道都很不錯韓式炆牛肋骨~~~牛肋骨炆得好入味又好軟林，底下的蘿蔔的好好味呀，吸收哂牛的精華，YUMMY燒牛肋骨(無醃)~~~牛的肉質好好，因為冇醃就吃到肉的味道，都係好好味泡菜煎餅~~~餅煎得好香脆，但細碟左D囉，一碟只係得4件......煎蝦餅~~~蝦好明顯係雪藏的，一點蝦味都冇，這碟4件要$188大元，抵嗎？見人見智 部隊窩~~~都係OK的味道，但底下竟然有通粉......太奇怪了豬手~~~豬手肉好爽口，味到好入味這店的食物唔會好出色，但以這食物質素的話一點都唔抵食，但如果計埋窗外的景色就算OK啦這餐飯真係食得好受氣，為我們服務的侍應，只懂韓語，其他的都好似唔識(包括：粵語、英文)，侍應唔係放錯野就漏單，都唔緊要，我們會原諒，要加水都叫了不入10次都好似唔係好理，這就過不去吧！最嬲的就是那位亦是全店唯一一位的女經理，她不但沒有服務可言，可以說係冇禮貌添見到熟客就落力的招待，我們的部隊窩半個鐘都未來都唔會跟

擇址為Triangle的其中一員慶生，向來也喜歡吃韓國菜，特別是近來韓風盛行，是分心癢又想吃韓國菜，就選了位於isquare的名家吃午餐。剛好可以獲安排在窗旁的座位，正好可飽覽着維景美景吃午餐呢。看看餐牌，是比想像中的要便宜，有着各款烤肉跟不烤肉的午市套餐。Triangle中的壽星女沒有想吃烤的，那光吃各款不烤的韓食吧，也高興。韓式冷湯麵 （$80）： 味道也是合心意的，只是說相對別的菜式之下，沒有太大的驚喜，說起冷湯麵，倒是喜歡仁沙洞的出品呢。雞肉雜錦伴飯 （$80）：石鍋上的蛋總是亮點吧，熱烘烘的，也可以一吃。炆牛肋骨： 醬汁是調得理想的，但真的稍稍嫌咬到肉中的肉質是有點不夠如期待中的嫰身。炒粉絲： 個人最喜歡吃韓式炒粉絲了，確是很有質感，沒有太多的牛肉絲，但味道也調得剛好，工夫到家，看來大家也喜歡這道呢，也真是值得推薦。燴牛肉片： 這個越吃越惹味也真是意料以外，肉香也濃郁。辣滑豆腐豚肉湯：這分辣度，正適合我這種只能吃到中小辣的，而且辣湯配豆腐也是好選擇。海鮮煎餅：其貌不揚，就是扁身橙色的一塊，但是挺精彩的，釀在餅內，加强了口感，咬下去餅身也有點糯性。蒸蛋： 看起來蛋是挺水嫰的，看

2月就只有即將結婚的K小姐生日, 根據我們群組的傳統, 由壽星女選擇她喜歡的飯店慶生..定好吃飯日期後, K小姐就私訊我問如果到"名家" 會否太貴...她實在不想朋友們太破費為她慶生...我說應該沒有太大問題..叫她不用擔心, 就訂好位後通知大家...準時到達後, 經理帶領我們一直走到店的盡頭, 原來是一間面積頗大的房間, 房間有2張大枱, 除了我們外, 旁邊的一枱已經有客人了, 枱上有2個燒烤爐, 來這裡都以吃烤肉為主吧! 朋友們陸續到達, 我們看了看餐牌, 飯店都有提供4-8人的不同燒烤套餐, 只是都有海鮮在內, 但其中1位朋友不能吃海鮮, 於是就決定散叫了...我們的枱就貼著大大的落地玻璃窗, 在27樓看出去, 能看到整個維港夜景, 及附近的建築物, 香港的夜景是世界聞名的, 我們就像在星空襯托下, 吃著美味烤肉 不久, 我們點的牛肉拼盆及豬柳肉送來, 牛肉拼盆有多種不同的牛肉部位, 包括牛肋骨, 牛肋肉, 西冷, 牛舌, 還有2片心型的免治牛肉, 實在吸引! 牛肉其實不用燒得太熟, 飯店提供了一小碟醬油及一小包喜馬拉亞山鹽, 代表牛肉是沒有醃製過的, 任由客人按其喜好加添調味,

一到門口，已經聽到有韓國人響門口講電話，更加加強了信心，因為連韓國人都幫襯，味道照理應該都比較正统，個一刻真係滿心期待入到店內，地方好大夠舒服，好可惜由於時間夾唔到關係，未能訂到窗口位望夜景（因需20：20交枱，我地唔想食得太急）坐低一人齊，侍應已經上八小碟，最終我地三個美女就order一set二人套餐（內有牛肋骨，五花腩，半份生菜及紫蘇葉，牛肉炒粉絲，八爪魚石頭窩飯），另加，豬頸肉，泡菜餅及泡菜豆腐湯 牛肋骨：好香濃牛味，好正~~~五花腩：味道ok豬頸肉：好香以上肉類，無論用生菜或紫蘇葉加韓式辣醬包住黎食，抑或就咁點醬汁及喜馬拉亞山鹽黎食，個味真係一絕，可能d材料靚關係泡菜餅：個味好香濃，一定要試泡菜豆腐湯：個味好正宗，夠香辣，加飯食好正八爪魚石頭窩飯：味道幾好，不過嫌無咩飯焦牛肉炒粉絲：幾好食由頭到尾，呢間餐廳侍應服務都好周到及有禮，期間仲見到其他韓國客人用餐，眼見每位食客都面帶滿足笑容，結帳前仲有一杯冰涼柚子蜜，飲完後當堂舒服晒，一定要Encore

黎到iSquare唔知食咩好, 記得食過一次都唔錯, 於是再黎過啦。我地3個人，前菜有6款, 泡菜,白蘿蔔,黑豆,豆芽, 生菜,沙律。 沙律麻麻，好多沙律醬，感覺不太韓式。泡菜湯鍋：有唔少泡菜，３件豆腐同意料之外既兩舊排骨。湯既味道都唔錯。湯就夠熱，白飯只係微暖，太濕，腍到一舊舊咁。排骨一層肥一層瘦，都ＯＫ。紅辣椒炒豬肉：好甜，甜多過辣，全部豬肉都係９成肥得１成肉，而且肉好嚡。炆牛肋骨：都幾大碗，全部都係肉，都幾surprise咁大份，配菜得兩細舊白蘿蔔，我寧願冇咁多肉，平衡Ｄ會好Ｄ。炆牛肉個汁味道甜甜地都可以既，但太稀，牛肉完全唔入味。牛肉好嚡，都幾差。環境幾靚，居高臨下，位亦夠闊，但食物質素有待改善。

有朋友生日，知道她最愛韓國食品，上網找尋到這間。看到很多食友的食評，都一致好評，更令我想試。這是餐廳附送的8小碟。雖然係送的，但真的有水準，特別係其中一個用牛製成的😓(不過我冇問到店員名稱)燒五花腩同牛肋骨都好好味，配上生菜/芝痳葉好似有另一種口感。店員也會幫忙剪及燒，真的很好，感覺自己有vip。韓式炒粉絲-粉絲不會過軟或硬，而且味道真的很好味，但並唔係辣味(唔知混了什麼呢)韓式八爪魚石頭飯平常豬，牛，雞也吃得多，但八爪魚實屬少見，八爪魚也很新鮮，好味！！！最後還附送柚子蜜潤潤喉嚨，顯出這店的細心。這店不但有美麗的夜景，而且也有殷勤的服務，2人餐的價格也ok,份量足而3位女生食。誠意推介。

與女朋友仔和雙料師弟齊來點了個最少的餐︰炒粉絲、五花腩肉、牛肋肉、石頭飯，另外添加了炒年糕及辣豆腐湯鍋（實際名字記不了，各家韓式餐廳都有各的名字）。窗外景緻其實都是次要，雖說來 iSquare吃飯動輒都要>$100，較高樓層更多，但食物質素始終最重要評分標準。溫馨提示，若早早想吃韓國菜又想看遠景，早點打來訂座吧；店員聽電話亦不會問你要不要窗邊位，本人主動問，方才知道可以留窗邊座位，沒有額外收費、最低消費，當然窗邊風景更好。餐前小吃，黑豆黑的，青菜青的，黑豆較為特別，至少是平日到中式餐廳很少機會吃到。芽菜、泡菜，瓜就正正常常，原味。薯仔及沙律挺美味，薯仔甜而軟林入味。席間聽到鄰桌有人指這個鹽很特別很美味，其實我用了點在肉上，沒有感到真的「味道昇華」。炒粉絲，本來看來沒甚特別，像是很公式很普通的，但嚐嚐，粉絲挺韌，炒得帶點鑊氣，有鑊氣則顯得油而不膩，美味。魷魚石頭飯（沒拍照），魷魚很少，我吃了三兩條，友人吃了一兩條，女朋友仔幾乎吃不到。沒有特別香、特別熱的感覺。可能hungry korean 5、60元的質素也可與比個高低。炒年糕（沒拍照）貴價的始終比起韓點$25的年糕，顏色差得遠

一向對韓國菜興趣一般 ，但剛好朋友要回英國學業，所以應要求去食韓燒。自己比較少吃韓燒，因為都幾怕燒肉，怕熱氣和油膩，今次經朋友推薦就一去到他常去的名家。 對韓國餐廳並不熟悉，但聽追韓的妹妹所說名家原來蠻有名，而且她之前一直很想試，反而這個不太好韓食的姐姐先吃，有點不好意思呢。 　聽她介紹也好像好評不斷呢！小期待一番！尖沙咀的名家位於ISQUARE 27樓，我們直接walk-in，可能時間尚早，職員回應是否可在七點半前交枱，其實覺得時間上未必趕得及，但還是先進去了。但感覺上那個職員的語氣有點不耐煩，可能是人氣店，也不太在乎我們是否進去用餐。我們被安排到接近窗口的位置，旁邊窗口位的客人還未到，所以可以清晰看到維港風景，景觀一流！環境寬敞舒適。朋友點了一個二人套餐，今天受到他的款待，先謝謝了！還未正式上菜，先送上八小盤。很喜歡黑豆和沙律。而泡菜我們倆則碰都沒有碰過之後來的是牛肋骨和五花腩。牛肋骨醃得很入味，十分嫩滑，很好味。不過我會跟生菜或薄荷葉一起吃，因為直接吃感覺太膩了。五花腩則水準一般，但花紋切得很漂亮。其實我最喜歡燒的過程，可以不時動動手翻一翻。隨餐跟一個韓式炒粉麵。份量適中，

黎過4次(一次CWB, 三次TST), 喜歡名家因為有質素嘅韓燒, TST Isquare更是景觀好, 朋友生日所以一早book咗窗口位~3個人叫咗個4人餐($960加一, 食到好飽, 抵食)~ 個餐包括咗:牛肋骨 (每次黎必食, 調味得好好味)牛肉 (普通, 無調味, 牛角整得好食d)4隻蝦(無調味, 所以無乜味)辣年糕 (幾辣, 但個軟硬度好適中, 所以鍾意)石頭飯 (忘記影相, 好味, 喜愛d飯焦)餃子 (普通)走時佢地必送柚子蜜, 好味又潤喉~

一向都好鍾意去名家食韓燒,因為環境乾淨而且味道好。尖沙咀呢間有埋景勁正,不過當然要book位,可惜我就唔記得咗book位,所以一早踩想去，希望有位比我，好彩有。叫咗兩個燒嘅，一份牛肉、一份雞肉。跟住要一個炒粉絲,同埋辣牛肉湯。其實兩個人食都好夠，加埋佢地啲錢菜,簡直飽到上心口。前菜其實都好夠份量,而且味道好好,泡菜又夠辣,所以食前菜都可以係一種享受。加上我好早到,佢俾咗個窗口位我,可以對住個靚景,享受美食,簡直一流！佢哋嘅燒牛肉其實真係好好食,一啲都唔油膩,而且厚度適中,燒起上嚟岩岩好,調味又夠,所以一定要食。雞就冇牛咁好食,不過亦唔係唔好食,只不過牛比雞好食啲。雞好入味,而且份量都好大分,簡直係抵食。仲有炒粉絲,送到仲熱辣辣,味道適中,大大份,粉絲爽口,正!辣牛肉湯係本人最愛,無論去到邊一間韓燒,都一定會叫。辣牛肉湯雖然係話辣,但其實唔會好辣,料夠多,有牛肉、洋蔥、大蒜等等,加上白飯,真係飽啊!服務一向都好滿意嘅,有人會主動加水,而且清理碟都好快手,基本上都十分滿意，一定會再來!

人數: 5時間: 晚上7時半預訂: 有進去的時候餐廳接近滿座，環境寬趟，不錯。一班朋友聊得興起就忘記拍照了。前菜八小碟：Kimchi、黑豆、菠菜、大豆芽、一個像港式沙律的東西等，特別一提的是有一碟像獅子球的肉甜甜的很好吃韓式炒年糕：年糕煙韌，醬汁帶甜，不會太辣，再加上魚腐，不錯生牛肉：這個本應是前菜的，但最後才上來⋯⋯不過生牛肉沒有雪味，跟梨片及蒜片一起吃有點甜甜的也不錯海鮮豆腐湯（跟一碗飯）：海鮮很足料，有一大隻蝦、蟹腳、青口及蜆等，但我吃了那隻蝦卻沒有什麼味道，豆腐很滑，但應該是盒裝豆腐因為看到了底部的花紋，湯一般，少辣但感覺有點油Kimchi餅：不會太油，Kimchi很多很滿足牛肋骨：唯一一款烤的東西，那一排牛仔骨上桌時顏色紅潤，應覺很好吃，但燒好後如沒沾醬及那一包小鹽是完全沒有味道的，一丁點牛味都沒有石頭鍋飯：味道不錯，而且帶少少飯蕉，很香好像每上一道菜時都會有待應幫忙分或烤的，但可能人客太多，我們每一道菜都等了好一會才有人過來。不過招吸我們的是一位韓藉美少女，長得很漂亮呢。大概9時半就差不多吃完但我們一直聊到10時多都沒有人吹我們離開呢 

前菜共有6碟，份量也不少 有菠菜、大豆芽，小棠菜，泡菜、青椒＆青瓜、生菜整體都很好吃，特別是大豆芽比很多地方的好吃，不會過鹹過油，新鮮爽脆～烤牛肉定食 $85這是爸爸的穩陣之選，牛肉份量充足，鐵板散發出來的香味滿溢～金菇、蘿蔔、洋蔥亦很入味，特別是金菇很新鮮！配上海帶湯及白飯一碗～韓式海藻拌飯 $80雜錦拌飯吃得多，海藻拌飯則是第一次！中間有相當多的蟹子及白芝麻，旁邊則是４種不同種類的海藻及生菜絲飯是另上的，一大碗整碗都是海藻！十分足料＞ｖ＜底下加入了麻油，再加入滋味的辣醬一起拌勻，每一口都很豐富美味！而且感覺很清新，一路吃都不覺滯～特別要提一提的是辣醬裡加入了黑芝麻及白芝麻，感受到廚師的心思烤鯖魚+辣豆腐湯定食 $138 很豐富的一個定食～鯖魚很新鮮！比很多日本餐廳的燒鯖魚優質，相當厚身之餘肉質鮮美而且亦燒得兩面金黃，很多餐廳會燒得太乾或太油，而這裡的卻剛剛好～我和媽媽極力大讚！但辣豚肉豆腐湯卻令人頗失望可能吃過新羅寶很出色的豆腐雜錦湯而有所比較新羅寶的豆腐鍋是鮮味十足的，吃得出不只是用辣粉、豆腐、豬肉這裡的卻沒有層次，就是單純的辣湯，有待改善店員為我增添了６碟小菜～超感謝她啊～＞

下午六點幾到，幸運地walk in都立即有位，仲要係海景位，不過8點4就要交枱。二人set包括牛肋骨，五花腩，炒春雨及食鍋飯。不能缺少的八小碟，有三款好似kimchi但味道很不同的，有款除左辣味，仲有d酸酸甜甜。八小碟款式經常更改，每次黎都有唔同。牛肋骨，我最愛。好juicy又好嫩，醃味剛好。個人喜歡配合薄荷葉同吃，有種清新感覺。當然，就算無配菜同吃都好好食。侍應會幫你剪好細細件燒，很貼心的服務。五花腩未經醃味，燒完可配鹽或醬料同吃。本身不愛好五花腩，對其沒甚麼期望。不過，燒過的皮有少少脆，幾香口。炒春雨，味道跟大部分餐廳一樣。雞肉石鑊飯，可因應個人口味落辣醬。侍應很有效率, 好快加埋辣醬拌勻, 仲分埋俾我地. 所以無影唔到個石鑊啦!食飽, 入埋杯涼浸浸嘅柚子蜜, 消消膩!正!!能夠望住海，侍應們又服務貼心主動，食品質素保持到水準。物有所值的~~

今日帶同二位朋友一齊食中秋飯, 當初係openrice search 左好多間餐廳都無一間岩心水, 最後睇到呢一間韓國料理有維港風景之餘又夠正宗,所以早一日book定位,本身book 19:00 (window seat), 但已經full booking, 只係得返20:30(window seat), 唔理, 照book 左先..!! ((最低消費 $600))當上到去真係好多人, 我相信如果唔一早booking, walkin 有位既機會係好小好小..我地叫左一個4人set, 另外再叫多一個海鮮薄餅同埋一個辣海鮮湯+3杯飲品當我地點完餐之後, 侍應馬上拎左8碟前菜比我地, 食完重可以再叫佢加~^^當食物送上時, 侍應們主動幫我地切件同燒, 服務一流!!埋單大約$1,400內  一句: 值得!!