名點 (已結業)

我叫咗xo醬炒蘿蔔糕同蜜糖雞亦.xo醬炒蘿蔔糕: 堅夠野咪, 21蚊咁大合, 抵蜜糖雞亦: 炸得好香口, 22蚊4大隻. 食得過奈何.... 間鋪有個大肥佬, 一睇就知胖虎格, 無厘禮貌.如果唔想食到一肚氣, 最好HOU佢唔晌度先去

聽聞這間點心小店的出品是很不錯。對我這個一向熱愛一盅兩件的人來講，吸引力自然是存在的....店子的確很小。地下基本上是沒有甚麼座位的，要堂食的話就要爬上閤樓處。上到去，發現空間亦是不大，小小的角落就只能放三至四張左右的桌子而已....沒有甚麼特別想食，就隨著點心紙內的廚房推介去叫吧....先來的黑松露蘿蔔絲酥，優點是蘿蔔是真的切成一絲絲層次分明，看及嗒起來亦不覺糊糊的；黑松露碎的香氣也確實夠搶夠濃。缺點則屬皮太厚外層不夠酥，最大件事乃竟然讓我嗅及嚐到一咲濃得令人不安的泡打粉味....章魚肉餅飯並非屬於店內推介，點的原因主要是因為想吃章魚....但怎知用筷子翻來覆去都找不到章魚粒的蹤影 (就算有的也是少得可憐)，這樣吃將起來就少了應存的香氣，和嚐普通的肉餅飯沒大分別。幸好雞粒是蠻滑溜的而且醃得入味；飯粒的熟硬度是炊得剛啱好，是唯一令人討喜之處....越來越多的點心小店都做眼前的這味"春風得意腸"，但這卻是小弟第一次吃到是"齋"的春風得意腸。腸粉餡內就只有炸過的米紙卷以及蘿蔔 (對了，又是它)。置頂竟有放了一些甜的肉鬆，整個的組合對我來說是甚奇怪而味道也不太相襯....若稱之為店中的名物的

夜晚係宿見肚餓 宿入面又冇晒野食 跟住就同班FD出左去大圍夜茶～我平時都係食開裕富小廚～ 不過今次去到又冇晒位 我地又餓到唔想等跟住行多一兩條街 見到有間做"名點"既鋪頭 見佢裝修得幾新潮 就膽粗粗入左去試！呢間鋪頭地方唔算大 有少少逼 位都唔算多 坐得有D辛苦～見到佢個餐牌有D幾特別既點心 我地4個人總共叫左16樣野值得推介既係 "春風得意腸"！ 呢個點心個名已經好特別 我地抱住好奇既心情去嗌 點知又真係幾驚喜！ 腸粉入面悅住左油炸鬼、炸菜、肉鬆咁，食落有D似炸兩 但我覺得呢個好食好多HAHA 夠晒特別～不過個紅棗糕就麻麻地 唔係好夠味～但其他整體都唔錯 有幾款特別名既菜式都好正！

突然又想起了「名點」的蝦餃皇，又再打電話order 外賣自取，今天叫了另一些平時少叫的如下： "> 「名點蝦餃皇（4粒）」這同上次一樣坩好食＂好滿足！必食！ "> 「醬皇鳳爪」不錯喎！鳳爪炆到好夠晒淋！好入味！個汁較得好好！正！ " 「鮑魚絲牛肉飯」（豉油另上）之前食過佢既牛肉球好味，所以，唸住牛肉飯也不錯掛！食落味道都幾好，肉餅好有彈性，鮑魚絲都幾好味！ "> 「XO醬蝦米腸」晤〜一般。豉油炒得夠深色，但不夠咸（個人認為）。腸粉可能堂食，即時食會比較好。 "> 「鳳凰珍珠雞」蛋包住糯米雞煎，味道一般！味道不夠濃！厚福街那間豪隍做得比較出色。 "> 「蜜汁炸蛋散」這個做的好粉，蜜汁比較少，個人認為不太合格。 "> 「金鈎咸水角」這個夠熱夠脆，但外皮整得比較軟身，內部亦好似不夠咸，味道好像淡了少少。

「大圍」絕對係美食天堂，有時夜晚遲咗收工，都不愁無嘢食。附近有夜茶飲，而點心質數比較好的店，推介有兩間：「名點」是其中一 間，價錢偏貴少少, 但「名點」有炸點，亦是一個賣點。今晚突然想食炸野，所以，我預早15分鐘打電話order 外賣自取，叫咗如下：「名點蝦餃皇（4粒）」E個一定＂必食＂！個皮做得好好，好簿好滑！蝦肉蹈好彈牙！正！口感一流！比鄰店出色。「蟹籽滑燒賣」晤〜一般。可能無乜蝦！有少少失望。鄰店的燒賣反而比較優勝。「蠔皇叉燒包（3個）」必食！ 看似平平無奇！但內裡叉燒蹈好足料！內面叉燒切得比較細粒，好入味！正！「時菜牛肉球」不錯！ 味道做得幾好。「芝士蝦春卷（3條）」，一般。不太覺有芝士味，𥚃面紅蘿蔔比較多（個人不太喜歡），皮也夠脆。以前食過「黑松露蘿蔔絲酥」好食好多。「烽巢芋角」夠脆，今次內面的芋蓉餡好似 炸的不夠透，影響了口感。味道一般。「鳯爪排骨飯」，正常味道。鳯爪比較入味，排骨肉比較少。有某些好好食，「蝦餃」、「叉燒包」、「黑松露蘿蔔絲酥」、「牛肉球」... ！其他就一般。一半一半，但為了喜歡個D. 所以俾了個笑臉。  (但我平時幫襯另一間多些，因價錢抵d)！

今日收工突然想食點心，便選擇了大圍的名點試下，去到的時候，店舖下面好像不是吃點心，是吃晚飯小菜，於是問服務員，他們說食點心要上樓上，上到去地方不算很大，只有五、六張枱子坐低後服務員便遞上一壺茶(茶芥$2位)，點心紙是放在枱面給客人劃的，看了後其實這裡的點心款式不多，我們共叫了8碟點心，最好味的是流沙奶皇包、春風得意腸和蜂巢芋角春風得意腸食落去脆脆地，是腸粉包住油炸鬼蘿白絲，上面灑上肉鬆，值得一試把流沙奶皇包撕開，內裡的餡料立即湧出來蜂巢芋角是即炸，非常酥脆，內裡的芋蓉都是熱的整體這裡的點心都是好有水準

早前嚐過的點心，未能滿足自己的舌頭，上網搜尋一番，大圍區有兩間比較吸引自己的點心店，由於時間關係，今次首先選擇名點。由火車站出發，不消數分鐘便可抵達店舖，晚上遠遠已經可以看到其光亮的招牌，原來店舖地下是收銀處和廚房，真正提供食客用餐的地方是在一樓，空間只可同時容納二十多位客人，可想而知，滿坐的時候，感覺應該比較擠迫，可是店舖巧妙地在牆上掛上大塊的鏡子，提升不少空間感，每枱餐桌上放著一壺熱茶，茶的溫度十足，味道只屬一般，店舖所提供的點心款式也算繁多，當中不乏蒸點，炸點，盎飯和甜點等，今次嚐到的四款點心，四款味道同樣滿意，不愧是名點。 峰巢芋角--一碟三件，即點即炸，外層薄身而且酥脆十足，入口馬上散開，盡顯師傅的炸功，內裡的餡料主要有芋蓉和豬肉絲，味道出色 春風得意腸--若果每間點心店都有一些自家的得意作品，相信春風得意腸就是名點其中的一款巧點，外貌有點像炸兩，外層的腸粉薄身滑溜，中間包著香脆的油炸鬼和蘿蔔絲，頂部灑上甜美的肉鬆，口感豐富，味道一流，還有夾起時又不會容易散開，整體十分滿意 魚肚滑雞扎--單看外型，跟一般的雞扎沒有多大的分別，內裡的餡料也大同小異，鲜竹包著雞肉，火腿，冬菇和魚

住在新界的我,一向也不覺得新界有很多出色的食肆,可能因為人口少吧,所以假日一向都是出九龍吃的前陣子看到有類似添X運的點心餐廳出了團購,特別在於它在新界!食評也不差,所以就來試試了12點多去到,小店居然要攞飛?實在太多人等位了...叫外賣的更多(附註: 12點幾, 黑松露蘿蔔絲酥餅已經售罄的告示已經貼在面外, 很可惜)嘿嘿, 原諒我沒有拍食物照, 因為等了太久, 肚仔餓!鮮蝦菜苗餃: 雖然皮有點過厚, 但彈牙的蝦挽回了一些分數, 不過還是很普通, 味道太淡燒賣: 附上一大隻蝦在上的燒賣, 唔使多講, 好味! 有番多年前酒樓既水準, 又多左少少新意~芝士蝦春卷: 新鮮熱辣, 芝士唔多, 但味道配合得好好, 幼身令佢好易夾~鳳爪排骨飯: 味道一般, 但幾大份, 料亦幾足, 有2隻雞腳! 用來塞飽我這大胃王的 黑松露芝士蝦腸: 同一般蝦腸冇分別, 蝦好大隻沒錯, 但黑松露沒有味道(我看過的確有不少類似黑松露的東西, 不過就是沒有味)芝士味也欠奉, 但當佢蝦腸吃可能會很喜歡流沙奶皇飽: 好食過添X運, 熱騰騰的內容跟看似就要漏出來的奶黃, 而且還有一點蛋黃味, 真是一想起就流口水!

自問團購的經驗沒幾多次, 但其實不時都會到網站八卦一番, 看看有什麼好東西, 之後又會向身邊的人傳消息, 總有種說不出的快樂。 硬要去選擇的話, 現金券方式會更合我意, 可隨意散點自己喜愛的菜式, 不用被迫吃套餐, 自由靈活得多。偶然讓我發現到名點的超級優惠, 只付出$30便換來價值$60的消費面額, 說穿了是半價的啊! 再看條款也不算太苛刻, 當然也不忘將點心紙從頭至尾看一遍, 大路的點心所佔比例較重, 但竟不乏一些新奇組合, 注定了要去一試吧!也許愈來愈多食店看中了大圍的清幽, 兼且斴近鐵路站的優勢, 紛紛以這小區為基地, 奈何我一向少踏足此地, 之前到屋子已是去年的事了, 幸多得W小姐人肉導航, 為我拍些地標街道圖, 才不致迷路, 只幾分鐘已順利找到目標。 離遠已留意到有幾個人在等, 快步上前拿過號碼, 靜靜地在門外守侯, 地面整層都是廚房,不時有蒸氣冒出, 見點心熱呼呼的出爐, 不禁暗喜, 趁機盤算等會點些什麼, 既要吃到心愛的款式, 又不想太放肆, 更不欲補貼太多, 最後精明大計當然是得逞啦!心水都定得七七八八, 終於到我們入座, 踏上窄長且斜的樓梯, 確有點心驚, 來到像是

首先要澄清一吓... 自從OpenRice版面變更後，每次喺寫食評時都要小心d，特別係加入喊笑面時，因為d喊笑面好容易走位，正因為呢個原因，一個"嬲面"就無啦啦喺我上次寫比名點嘅食評開頭度，好似一開始就要彈佢嘅食物咁？！真係真係唔好意思啦！！基本上，名點嘅點心大部份都好正，只不過喺第一次買時等得太耐，或者當日廚房太忙呱？！如果唔係，我之後都唔會再幫襯咗幾次啦！而且佢嘅水準都保持到添！最近名點仲有網購半價，真係好抵，於是一見到就買咗多張慢慢嘆！我哋依家已好醒目，會預先電話落單後取點心，加上佢哋出點心時間真係快咗好多，所以食得好開心呀\^o^/  !!今日又用半價Groupon買名點。1. 咸水角：每次都keep住水準，大大件，外皮煙煙韌韌，餡又足料，正！2. 春風得意腸：必定encore ，腸粉包住油炸鬼、肉鬆，蘿白絲，好好味！3. 煎蘿白糕：大大件又足料，好味抵食！4. 蜂巢芋角酥：每次必選點心，外皮非常鬆脆，餡料好正，又係夠大件，師傅必記一功！正正正！5. 鮮蝦菜苗餃：第一次食，每件有一隻好爽嘅大蝦，但菜苗應該係小唐菜，有d失望，味道淡如無味，而且餃皮較厚及濕，一夾就黐到爛哂！6.

本來尊程嚟大圍，想食裕富嘅鵪鶉蛋燒賣，但到達時已兩點半，裕富收咗市，估唔到星期日都冇下午茶...望吓、揾吓仲有乜其他茶樓... 見有間門面細細嘅即叫即整點心店，以為只做外賣，因為外面有好多人排緊隊，於是去食碗雲吞麵先，轉頭再過嚟買。返嚟見人龍已散，於是叫咗5個點心。點知...原來足足等咗35分鐘至有，早知去食麵前先落單啦！ 後來仲知樓上閣樓可以堂食，但相信地方都唔會大, 同埋都係一樣要等等等..囉！1. 春風得意腸(豉油另上) - 好味道 !腸粉包住炸菜，油炸鬼同肉鬆,食落好似食炸兩咁，如果用d糯米飯包住，咁就同食粢飯冇分別囉！2. 流沙奶黃包 - 味道普通!撇開個包，流沙不至於漏出嚟，奶黃好似帶有花生味，真係普通咗。3. 蜂巢芋角酥 - 正! 依家好少酒樓有炸芋角食啦，呢間整得真係好好味，雖然回程要焗住成20分鐘，但打開盒時都依然好脆呀！芋角外皮整得好酥好脆，d芋蓉又多，正！4. 蘿白糕 - 味道唔錯，大件。 5. 黑松露蘿白絲酥餅 - 同一般蘿白絲酥餅冇分別！ 總覺得黑松露味道同一般菇類冇乜分別，亦唔覺得個味特別濃，或者食親d都係平價嘢呱？！呢個黑松露蘿白絲酥餅都係一樣，所以..$

積信街一條長長的後街上，黙黙地以牽上小革命、為的是地產舖位在大街上日漸貴租下小店家已再無容身之所?抑或是大街總已是集團下、連鎖式的聚腳地天堂?迫令一群小店主一家又一家往後街遷移?也好．．．反而久而久知結集成一條各有特色的後街各自各精彩，繼有排長龍之拉麵店、亦有好味外帶也有驚喜之壽司店今日又試試新開之點心名點店子可算細小，地下全是廚房部及收銀中心坐位設於角樓，大約有五、六張枱子，地方較為迫窄可能新開張關係，等候食物時間頗長、全程我用上差不多四十分鐘才結束此餐午飯先選來的蝦餃皇$14.蝦餃飽滿之餘、皮薄精瑩，一份有兩件入口之蝦肉跟肥豬肉的比例也很平均有口感之餘蝦味亦算突出，蠻不錯、所以前後要上兩份潮洲蒸粉果$14.比一般酒樓製作下較為小巧，內餡之沙葛、花生與微微之肉碎注定是天做之一合，沙葛煮得較為淋身混雜上脆口之花生加上微細之肉碎、口感豊富，只可惜個人有感較油、如果可稍作改善更見理想蝦腸$22.三條裝下的手拉腸粉、只得面頭一條是有兩片蝦肉，藏在下層之餘下兩條分別只得一片蝦肉入口不太滑身，蝦味欠奉、只得軟綿口感，再加入一片翠玉瓜片好看多於好味結尾來個3.6牛乳燉蛋白$21.口感絕不算嫩滑，較

放工返屋企行過見到理間新嘅點心，之前見到佢宵夜時間都有幾多人排隊，所以就去試下。點心都係即叫即做熱辣辣，我覺得點心熱辣辣特別好食，同埋佢專做外賣，所以個廚房都係對住鋪面，見到佢入面都好乾淨。果日試左...1. 黑糖馬拉糕 我其實唔係特別鐘意食包點，但係店入面見到好多人都試，店員話好多人客人都鐘意，所以我就同我男朋友就叫黎試下。個糕做得好鬆軟，份量都算足，唔會太甜。我男朋友就好鐘意，自己一個人食左大半個。2.蝦餃 飲茶必定會叫蝦餃燒賣，理度D蝦餃燒賣一籠只係有2粒，我覺得幾好，因為我地得2個人，可以試多D款。蝦餃入面D蝦好大隻，皮唔會好厚，D蝦食落都爽口。3.燒賣賣相好靚，有一大隻蝦放係入上面，D蝦食新鮮，味道都好好。4. 芝士蝦春卷係幼身春卷，啱女仔食，唔會食到就圍都係。即炸即食，出面脆卜卜，入面有我最鐘意食嘅芝士，理個芝士味我覺得適中，唔會好漏。5.南翔小龍包皮好簿，入面好多汁，如果大家去試，記得用個碗盛住黎食。6. 醬皇蒸鳳爪又係我飲茶一定會叫嘅，味道可能間間都係差唔多，最緊要係唔會蒸到好乾咁。理度嘅都算唔錯。

我同男朋友每晚都會落街食宵夜,果晚咪周圍行諗吓食咩好,行行吓見到有間新嘢喎咪問佢咩嚟囉,新開食點心有外賣同堂食,咁就走入去試吓啦!可能係新開...覺得好乾淨咁我咃就叫咗叉燒包,蝦多士,覺得好貴嘅蝦餃,燒賣仲有排骨飯我係大圍食咗咁耐嘢都未試過食到間又乾淨又新鮮又好食超好食嘅叉燒包佢好新鮮唔會好似有啲食點心果啲個包一係就乾一係就濕漉漉蝦多士超香趣不過耐咗少少覺得好貴嘅蝦餃燒賣...唔怪得佢得2粒,太足料喇又新鲜最抵食嘅蒸排骨飯...佢真係勁大囉,食唔哂!一句講哂"正"希望佢哋會KEEP住啦!好難得了....