名苑酒家 (已結業)

14/2 個日同同事們去左灣仔名苑食lunch，個老細係曾經響黃麗梅節目出現過既明哥，不要看鋪面十足普通茶記，除炒粉麵外，亦有小菜的，叫了一個四人套餐...海南文昌雞- 味道普通，份量不算多蝦球豆腐- 創意之作，味道鮮甜，唯高血壓者不宜食用，有大量咸蛋黃蒸時鮮- 不予置評的一款燒雜菰炒牛肉- 必點之作，燒雜菰香口非常，極惹味跟飯及例湯，$228味道的確唔錯! 不過最正都係佢既蛋白杏仁茶，$10@each，千萬唔好錯過!!! 這甜點唔係一杯茶，而係熱既中式糖水，即叫即滾，有點似較稀的杏仁糊，配上一絲絲的蛋白，回味無窮! 席間明哥服務非常親切，問我地d 杏仁茶夠唔夠熱，其實真係唔太熱，但因為要趕番工，雖然明哥話幫我地換過，我地都只好拒絕了~環境方面，可能因為午市太多人太忙太迫，我就正正坐在響一灘水上面，真尷尬!

約中學同學0係呢頭食lunch... 時間1:00pm, 想去的囍宴爆了棚, 行行0下求其揀了呢度, 叫了個2 人lunch set, 揀了海南雞同XO 醬茄子肉絲之類0既煲.海南雞好似係佢d 招牌0野(?) 咁款, 不過唔係好掂... 首先佢並唔似海南雞(不論泰式/新加坡式), 似普通白切雞/鹽焗雞, 肉質死實, 好乾好硬, 認真唔掂. XO 醬茄子肉絲個煲就好d, 不過超油. 另外好搞笑地個lunch 套餐並無飯, 要另外叫.環境一般, 唔算坐得舒服不過起碼唔迫; 招呼都算係咁, d 阿姐出奇地好禮貌.整體相當麻麻... 不過算啦, 今日都係志在出0黎同朋友聚0下舊傾0下偈食0下飯, 去邊都無乜所謂了. 不過好肯定0既係, 呢間0野免得過我都唔會再0黎食.

晚飯，文昌雞例牌一碟$48，味道比想像中的淡，有點失望，跟來的醬汁要加柑橘，但味道變鹹，好像悅香雞的好味得多，意外驚喜的反是另外兩個菜，芋頭腐竹勝瓜煲和鹹蛋蒸肉餅，肉餅沒其他菜館那麼的實和硬，鬆化易入口，而且有汁，o岩哂我這個汁怪。勝瓜煲好得意，出面沒吃過，味道好鮮，腐竹好好味。不滿意的是阿姐們不停游說加墩湯，成$148一客，兩個人不太吃得下吧!! 拒絕了兩次，兩次都好清楚講明太貴食唔起，依然不肯放棄，最後投降問有冇例湯，答案係冇o既，不如要墩湯啦，氣壞!!晚飯的價錢比中午的貴，埋單要成$160。

位處公司附近，價錢相宜，地方尚算乾淨，本是午飯不二之選，可惜......1) 有次吃切雞米，附送的那條小唐菜，竟夾有小蒼蠅一隻，生平最怕食物出現異物的本人，當堂胃口全消。2) 有次約朋友中午前來，人多要等，意料中事。唯那女侍應先叫本人入坐一圓桌，然後卻因尾隨5位一道前來的食客而改變主意，著我「你出番黎先」，已經無癮，誰知此後無人理會......說回食物質素，招牌切雞初期的確好吃，現時水準略為下降，湯底不夠味，而沒有傳統的薑蓉附送，亦有點失色。初開張時飯煮得很硬，現在情況已經改善，不過飯粒始終不夠香軟，望有所改善。另，晚飯的食物和服務質素會較可取。

今早晨早被表哥叫了出去吃早餐。突然想試試這間名叫"酒家"但總覺得是茶餐廳的東西。店內也有不少人﹐平時少來的原因是總覺得有很多麻甩在"打躉"﹐自己一個人就不敢去。趁這天有表哥壯壯膽﹐所以就去了。好久沒吃過茶餐廳早餐(今餐表哥請客!)﹐也有頗多選擇。我叫了火腿奄列+ 熱華田-- 奄列有汁﹐頗大份(分了些給表哥)﹐幾好味。表哥叫了腸蛋一丁+凍檸茶少甜﹐賣相可以。不會趕客﹐服務態度不賴﹐我們坐了一個小時才走。埋單$42﹐OK﹐下次試午餐。

六個人去食餐普通飯, 醫肚為主, 冇咩要求, 叫了五個餸, 細碟又唔熱, 味道十個差, 尤其係咖哩, 唔信可以叫個咖哩試試, 直情係咖哩水加些肉, 黃黃綠綠的! 其他都唔見得好, 服務更加係廿個差, 叫幾個白飯要幾個字時間, 加茶更加唔駛諗, 叫三個伙記先有一個應你"等等喇", 真係要call 亞蘇黎叫佢"執左佢喇"

一共來過3次.頭兩次都唔差, 一次晏就,一次夜晚.夜晚果餐ok.夜晚來食就冇咩野.但係幾個月前...前幾天同友人做完野見有d餓就入去.叫左個豬扒伊麵,真係掂.冇一間做到.cut到parma ham咁薄既豬扒.一了起d麵.真係離譜. 明符其實既豬扒.同埋伊麵.係真係得豬扒同伊麵.一條仔9菜都冇.我記得除左豬扒同伊麵.其實係用左好多油既.唔好講話用價錢$30咁比.呢個係我見得最差既一碟野我好唔明佢地既生意手法.我忍唔住叫侍仔.我冇出聲淨係指住碟麵望住佢.佢係講左句.係咁ga la..

呢度既荷葉飯已不再好味，雖然如此，返工照舊幫襯。記住稍為遲些食晏，很多東西都賣哂。今日叫了個四人套餐，有老火湯﹑半隻雞﹑一條魚﹑兩碟小菜，十分豐富，不過套餐不包白飯。但有魚有雞有湯，比散叫抵食。

和男友黎呢度食下午茶餐，我地無食午餐，於是點了兩個飯餐。一個四寶飯，一個咖哩雞扒飯。四寶飯，有叉燒，燒肉，燒鴨同鹹蛋。叉燒半肥瘦好香滑好味，燒肉的皮夠脆，又係半肥瘦，正。燒鴨反而不是肥，很好。睇到呢度設備了一個焗爐，呢度的燒味係呢度師傅自己燒出來的。不是來貨。咖哩雞扒飯，呢度的咖哩係港式薯仔咖哩，不太辣，但係好香濃。雞扒炸得非常香，仲有成兩大件添。我們都要了奶茶，呢餐真係非常豐富!

睇呢間餐廳門面幾靚，D野食睇落幾好，但嚟咗呢間公司咁耐一直都無食過，於是晏晝去試吓。收銀嗰位姐姐同我講，話我可以預先打電話落單，咁樣我就唔駛等，點知我去到餐廳佢地先同我落單，咪又係要等？！咁同我落到去先叫有乜野分別呢？買左個「香茅豬扒炒米」，返到公司打開飯盒已經知道衰咗。塊豬扒本身已經細，仲剪開左五條，每條只得朱古力手指咁大；蔥同芽菜得兩三條；最多的係米粉。豬扒又鞋又韌，不但食唔到有香茅味，仲連鹹味都無，好懷疑佢地究竟有無醃過；米粉一D就好油、一D又好乾身，總之成個粉好難食。我無勇氣試第二次啦。

我又黎呢度食早餐，原因係佢的沙嗲金菰牛肉通粉，配熱奶茶。同上次一樣沙嗲味幾濃，配合軟滑的牛肉，加上少許金菰，及彈牙的通粉，幾好味。給我一個很好的早上，好滿足。呢度的熱奶茶真係好，估唔到的，因而它是酒樓，估不到它做奶茶也咁好，難得。下次會黎試下佢的晚飯小菜，見到佢d posters, 好靚，好吸引!

和男朋友食早餐，經過呢度，見有沙嗲牛肉食，入黎試了。我點了沙嗲金菰牛肉通粉，他點了一樣但要了公仔麵，配熱奶茶。沙嗲味幾濃，配合軟滑的牛肉，好好味。有少許金菰，增加口感兼加點纖維吧。呢度用的通粉都幾彈牙，幾好味。平時的早餐，通常是麵包加咖啡，有一碗沙嗲牛肉通粉，通常都很滿足了。呢度的熱奶茶都唔錯，不會只有奶，沒有茶味。它用的杯，幾好，幾新潮的coffee mug呢。雖然呢度係屬經濟級，但係環境絕不馬乎，反而環境予人一種舒適及整潔的感覺。幾好。值得讚的是，它放了盒裝紙巾供客人使用。值得一提，呢到早餐做到11:30am, 可以話係中式brunch.

2人餐$188有翅, 有雞, 有魚, 有菜, 有甜品又唔計茶芥來說, 真是不錯裝修簡單舒服, 不錯

呢度係我既返工飯堂，一個禮拜可能黎三次，都咪話唔悶，不過就夠哂近。好彩食物質素幾好，環境都乾淨，夠大但比較嘈。今日遲左出去食飯，點知可以叫下午茶﹗平時食一碟雙併燒味飯+凍飲要$37，下午茶價只收$25，好抵！我要左叉雞米，呢度招牌係文昌雞。另外好喜歡個荷葉飯，不過依家唔煮，好懷念。