名門讌客 (裝修中)

昨日老闆娘嚷著要吃叉燒飯和叉燒，今天又再一客叉燒飯，於是又在名門購買。在下出外時順勢又買一盒叉燒飯，因此成了“名門飯盒“。老闆娘再來一次叉燒飯，原因就是曾經有位左鄰右里說這裡的叉燒好味，因此昨天試吓，今天又再來。由於在下是外賣飯盒回公司吃，所以沒有名門讌客的環境評述，只有有關食物的評述。打開盒子，內裡的叉燒飯呈現眼前，叉燒顏色分明，表面色素均勻，叉燒內裡卻有點瓦色和深色，也不見得顏色鮮明，而盒裡的叉燒多是瘦叉燒，沒多點肥肉。當第一口吃下叉燒，感覺上是較硬和實，沒半點多出的蜜汁，也燒得略為乾身，顯然是蜜味未夠，而叉燒也看不到有燒燶的痕跡。倘若叉燒可多一點蜜汁，和燒得燶一點，在下相信會較好味一點。

很久也沒有來飲早茶, 都有差不多半年多了。當天, 忽然之間想去飲茶, 就不理三七廾一穿鞋上街去。早茶時段, 歡迎搭枱, 似終都不是很習慣與陌生人同枱早上9:30前, 每茶位可用極優惠價去享用一客$3.80的炸菜蒸排骨飯 ... 飯質軟身, 排骨有3-4粒, 炸菜切成幼條, 味道沒夠覇道。鮮蝦菜苗餃 $10.80 ... 這個好食! 因為莧菜新鮮、清翠、多汁, 餃內有蝦仁兩隻, 雖然未去到爽口彈牙, 但都比平常的好北菇棉花雞 $11.80 ... 雞肉蒸到既乾且硬, 味道加口感尤如嚼湯渣；棉花未煮腍, 硬身到嗦嗦聲牛肉球的肉質是軟軟粑耙的, 滿口鬆肉粉的泡泡口感！燒賣王 ... 唔係嗎? 很少機會會吃到一口油的蒸燒賣, 肉餡只得少量豬肉及蝦仁粒, 但可吃到啖啖豬膏粒在內, 以前會有冬菇粒, 可惜當日四粒也完全是沒有冬菇粒的蹤影 最後, 誰能忍受到燒賣籠裏會有大幅度的油份???

同班舊同事一行5人食DINNER有D 3餸SET, 乳鴿, 龍蝦的優惠我地點左3隻龍蝦芝士伊麵底同4個小菜龍蝦伊麵: $681隻當然唔會大隻, 都OK, 芝士汁傑身, 我鐘意, 唔會水汪汪. 最後D伊麵清哂, 但龍蝦食唔哂荔芋滑雞煲: D芋頭唔夠林, 唔夠粉, 實的的唔得, D雞件煎香左先放入煲, 好少見牛仔骨: 好香好惹味, 上枱時熱辣辣, 咋咋聲西蘭花鮮尤蝦球: 鮮尤同蝦球都爽口, 西蘭花夠林, 唔錯雜菌扒時菜: 清清地, 都幾好仲有糖水送, 係紅豆沙, 唔太甜, 大家都好鐘意, 好想食多碗食物質素幾好的服務就慢左D, 但無其他食家寫的咁差TOTAL $592落樓

老夫老妻慶元宵, 小朋友番晒學就係我地嘅happy hours丈夫飲完早茶才開エ, 我地見好久都未去過「萬馬奔騰」, 去吓囉~ 原來初十五都重收新年價 重要早茶時段只係7am-9am, 2粒鐘蟹籽海皇餃...餃皮煙韌, 較厚, 内裡海鮮餡黏黏的, 沒什麼特別。涼瓜煎蝦餅...這是一味充滿期望的點心, 涼瓜味道甘甘的, 可惜蝦肉打得唔彈牙, 偏腍而且好鹹下雜菌腐皮卷...腐皮炸起超鬆, 內餡雜菌份量幾多而且汁濃菇甜還叫了其他普通款點心, 不過不失的味道。服務方面幾好, 尤其是傳菜員姨姨, 她們是很有禮貌的呵~

繼續茶記，另一餐茶是上週四與同事慶生兼做節，地點是公司附近的名門讌客，也就是以前的好彩，裝修後環境華麗多了。與新星一樣，這也是我二度重來（對上一次沒影相沒寫食評），點心選擇比新星豐富，然而食物質素似乎不及三月首訪。　首先上檯有叉燒包、流沙奶皇包、及鳳爪。豉汁鳳爪我向來少食，是日也沒有試不作評價了；叉燒包餡料肥瘦合宜，則還不錯；淺黃色的流沙奶黃包則比不上新星，主要是因為中間餡芯流得來較稀。　很餓了，繼續向另一邊的點心進攻：奶黃馬拉糕本來甜味適中挺好吃，就是質感有點過濕；蝦餃水準正常，不過不失，OK；薑蔥牛栢葉煮得有點稔，不過也可接受。　脆皮燒腩仔成品賣相上佳，吃來也的確皮脆肉香，可惜就是味道過鹹了，大肚媽媽唯有一件夠數。是日前後又點了兩款腸粉，個人不太喜歡叉燒腸，淨是瘦肉沒有吃頭；比較下鮮蝦腸較爽口美味，不過質感也較為油。　肚子仍是空空的，就向家鄉薄餅戟進攻吧，難得成品不算太油，而且幾香口好吃。　又少不了正氣的菜芯，這裡煮的軟硬適中，不太油，大肚媽媽吃了不少。又點了唐生菜，但這碟明顯要較油，我少碰了；同場又有第二輪的燒賣（我沒吃）、山竹牛肉（又是沒吃）、奶黃包encore，以及沒有上鏡的

order左d點心等左20分鐘都仲未嚟跟着米搵人追單lo跟着佢話已經落左單叫我地等1陣跟着等多15分鐘d野都仲未到米搵另外1個男經理追單佢竟然同我地講電腦冇資料lo叫我地重新落單話之前個同事搞錯左第2張枱但都吾肯同我地道歉態度都幾差架跟住我地米諗住走lo問佢淨飲茶點計佢嘴妙妙話:吾洗計la...你地5食可以走都5知咩態度以後5洗旨意我再嚟仲有個日有人叫左衛生署d人嚟都5知系米d野食有問題

其實唔第一次係到訂枱食飯,上一次嚟到, 問門口的支客, X府晚飯, 佢指一指入面答 "係房入面"我訂gei, 我緊係知係房啦! 邊間先得架! 即係要我自己搵!! 佢當我係到做架咩! 今次嚟到, 我再問, 結果一樣! 服務無進步!我手拎住一大盒蛋糕, 佢只係講一句, 入面搵人幫你雪.又係我搵人囉...... =.= 唉入到去房門口, 正係到搵緊房之際, 一個黑衫女經理見到我, 即刻幫我拎咗個蛋糕, 再問我咩府食飯, 呢個經理值得讚! 呢啲先叫服務!講返食物, 4千幾蚊一圍....乳豬 - 皮脆, 但略鹹; 西蘭花花枝片之類 - 一般, 炸蝦球-脆 (算係全晚最好食...), ...... 其他都係一般酒席菜式, 不值一提, 最後到糖水生果, 如果唔鍾食甜嘢gei朋友, 啱喇, 雪耳燉木瓜, 無甜味, 話係水都有人信, 唔知阿師傅係咪落漏咗啲糖, 定係個木瓜唔甜呢?!到埋單喇.....一如以往, 準備簽咭之際....一位男經理行埋嚟話, 如果簽咭要收charges.我地一枱人都O晒咀, 訂位果陣時無人講過.事原其實係5月尾果陣先响到訂過位食飯, 但都無聽見佢話要收charges, 照簽咗

很早前見過四餸一湯嘅套餐係二百蚊都唔洗, 好似好抵食！ 月頭再去睇已經加價至$208, 唔緊要試下先啦~~原來四餸包括一燒味, 一海鮮, 再選兩款小菜。 湯除了例湯或羹類, 還可另加$30改要冬瓜盅。 那位女部長猛落足咀頭sale龍蝦特價5個幾一兩(原價12個幾一兩), 兩隻都是兩斤幾再加$30伊麵底。燒味選了半隻貴妃雞, 食食下先記得影相 半隻其實唔係好大隻, 切開二十件左右, 肥膏唔覺,都有肉食。第二味是生炒骨, 眼望好靚, 餸如其名---生炒骨, 嚿嚿都係大骨頭, 唔係排骨喎~~ 有幸就會食到有些肉冬瓜盅----加錢就真係好些, 雖然料就唔夠豐富, 蝦仁得5隻左右, 肉丁都唔係好多, 夜香花都無粒, 呢碗算係精彩啦~ 湯水就真係清甜, 瓜肉也很清新, 沒有苦味西檸雞嘅肉有鬆肉粉鬆過, 檸汁唔夠多包唔晒雞肉。令眾人期待的芝士生蝦焗伊麵令眾人失望 芝士汁無芝士味, 伊麵全淋pat pat, 蝦肉梅梅似死蝦$238套餐完全唔抵食 ($208+$30改要冬瓜盅)見到別人叫的龍蝦好生猛, 就要一份女部長sale的芝士牛油焗龍蝦事實勝於雄辯, 這份比套餐價還貴的龍蝦, 無論肉質

是早幾個月的事了家庭親戚的聚會怕新都會的酒樓貴又無位於是我選了呢處入去時見地方環境ok, 簇新裝修比我到過太子煌府更好(呢間服務同食物)定位讌客地方 不過大堂設計不規則不是長方形 而是怪怪三角形咁當晚好好生意 爆滿就略迫一點 感覺人多嘈雜一點我想結婚未必選這裡來家人叫全包宴席一圍$1488 12人食物質素全部唔錯最重要大大碟 好食 炸子雞超大隻海皇羹又大碟 夠料基本上又頭到尾 美點雙輝都係多份量而幾好食全程有個姐姐在旁招呼我地 好不過食物比較多油 調味又重手少少應改善一下汽水飲品又供應夠 我們要剩得要取回家!推介!

這間駿昇飲食集團的名門酒樓, 之前我們間中會去午飯, 下午茶..食物也算不過不失...可能葵芳的酒樓選擇不多, 大部份時間都要等位...就是這樣, 這裡的知客, 樓面, 黑衫部長, 個個都乸口乸面, 毫無笑容...今天下午茶時候, 大約兩點半鐘, 我先到攞飛等位, 去到同那知客講: "唔該兩位, 唔搭檯的.." (因這間酒樓面積大, 平時可選擇搭檯或不搭檯), 一個類似新人的知客說:"唔搭檯要等耐些的", 我說:"明白, 冇問題..", 我隨即行埋一邊坐下, 但另一個著黑衫的知客, 卻大大聲的說: "今日冇得唔搭檯, 因今晚有大宴會..", 我和另外兩, 三個客都在旁嘰嘰咕咕的, 當然是有些不滿...其餘等位的人都走了...我卻坐在一旁打電話回覆我老公說: "名門今日不準唔搭檯呀..", 我老公說: "好! 你等我來, 我們去過其他地方吧..".(因有時要上網處理私人事務, 故不想搭檯).過了一會, 突然那個知客走過來, 說: "有位了", 便領了我入去一張檯坐下..這時是下午2:45p.m, 我坐了一會, 冇人理我, 我就揚聲說:" 阿姐, 唔該開茶.." , 那女樓面瞄了我一眼,

舊同事聚餐，最重要地點方便，朋友介紹這間名門，據說星期一至四有 $198 套餐，4餸1湯。原來臨近春節，$198 套餐已取消，改為 $228，仍然是4餸1湯，連4碗白飯和茶芥，埋單三百幾蚊，都算抵食。預早訂位，到達後馬上安排入坐。以為好少人，坐坐下都滿座，但又唔覺太嘈，傾計都幾舒服。大家說說笑、吐吐苦水、邊食邊傾，不經不覺渡過了二個多小時，以有限人手而言，服務員招呼尚算妥當。原來個餐叫家常便飯，個名又改得幾好。亦有其他較貴的套餐供選擇。貴妃雞 - 好滑有炖湯和湯羹選擇，友人介紹炖湯，同普通例湯無分別，偏淡。生炒骨 - 可能好耐無食生炒骨，覺得特別好食，生炒骨的拔絲亦處理得好好，酸甜度適中，意外之喜。奉送的紫米露 - 太甜了套餐尚有翠玉瓜什菌，少辣，啱我口味。蒸倉魚，較想像中大條，都唔錯。

例湯: 魚湯好鮮甜.籠仔蒸蝦: 蝦幾新鮮, 彈牙.雞: 肉質彈牙, 食得出不是冰鮮雞, 好味.飽魚菇生菜: 飽魚菇片得薄薄大片, 下面鋪滿亮位位生菜, 但味道一般.送糖水: 紅豆沙好好味.4人套餐: $228, 加一連飯茶介收$350.

以葵芳區內計,這家應是地點最方便的中式酒樓,比對面新都會廣場的更貼近港鐵站,易手後首次光顧, 門外的外賣點心部大小蒸籠層層疊疊相當壯觀,尤其那腸粉車更是平時在酒樓那款腸粉車仔,好久不見!帶鄉音的姨姨笑容非常好,詳細又禮貌的將車仔上的點心款式一一道來,因而我也不用揭開來看了。叉燒腸粉顏色偏白, 沒有晶瑩外觀, 只是三條腸粉大小不一, 最上面那條幼細得很耶! 叉燒沒有什麼蜜汁, 外形是乾涸不討好的, 但味道卻不淡,全瘦的叉燒也不會太粗糙,只是口感稍乾而已;腸粉略為削身, 柔軟及幼滑感也很一般, 也許現拉上桌會好一點,在車仔裡放了一段時間就失色了; 餡料加了一點芫茜碎, 增加翠綠感及芫茜香, 又是那句: 多一點芫茜更妙。燒賣包得大大粒, 蝦肉切粒混和豬肉而成, 只可惜豬肉沒甚嚼頭,糊狀的肉餡定是機絞肉醬了,而且混入肥肉粒較多,因而失卻有肉粒的嚼勁, 肉汁也不太,跟新鮮蒸起的有分別,粒狀蝦肉倒有點爽口,但沒鮮蝦香, 面層蟹籽卜卜脆的感覺還好,還是季季紅的燒賣比較好吃。試過點心,某天下午到這酒樓買燒味飯當午餐,看那油光閃閃的油雞、艷紅微焦的叉燒和好像脆卜卜的乳豬, 似乎水準蠻對眼! 發現燒鵝雙併

今日與朋友一行三人又來飲茶, 點了三個點心, 燒腩仔三十幾元, 好似幾好樣, 又點了一碟試吓.燒腩仔肥瘦適中, 份量正常, 最重要是皮脆的, 所以可以收貨, 不過肉味可以濃多些少會更好.咸水角微熱, 皮厚了點, 饀料少了點, 但大致是可以的.珍珠雞共二大件, 糯米稍腍, 饀料算豐富, 有咸蛋黃, 瑤柱, 蝦米及豬肉等, 味道不過不失.粉果有四隻, 皮很黏, 難夾起, 味道一般.我們坐於最後一張枱, 自成一角, 傾計一流, 不過可能不在侍應視線範圍, 所以添水較慢. 這裡食物質素不是差, 但感覺上, 就是欠了一份驚喜. 看見其他食客枱面的飯麵賣相幾吸引, 下次如果有多些人一齊食, 想試試.

我們一家人共"7"人去了食晚飯, 我們一早已訂了位 (7人 - 6:30pm). 但去到後竟然給我們一張4人桌 !!!!!!!!!! 之後叫了7餸1湯..... 叫餸時已沒有"伙計"理我們. 之後等了約15分鐘後才有人理我們. 起菜speed尚算ok啦.. ..最後叫了3個"甜品", 等了10分鐘後就上了"千層糕" (但我們是叫了"咖啡千層糕"), 我們向"部長"說他們落錯單, 但他們找回我的單子說是我們落了此東西. 之後我們說明此單不是我們落的 (因桌號不是我們寫的). 一個"部長"幫我們cancel. 但不久有一位 "女"部長走埋來指住我一位親戚說是她落, 重要態度超差地講 : 你們不要話我落錯, 係你地落的................... 我們十分"氣結", 因此"部長" 十分沒有禮貌指住顧客. 而且她"態度"十分"惡劣"!!!!!!!!!!!!!!!!!之後此"女"部長走開後繼續去CASHIER和其他部長 談論我們"不是 (重要不停地望住我地張桌). 於是我們去CASHIER和她理論, 之後CAHSIER有位收銀員很大聲向我們說話 (態度很惡劣)!!!!! 我要求想知道