吟

营业中

休息中

星期六放假 book左食呢間既二人餐一入到去就有侍應招呼你舖頭位置唔多 大概十五個左右一坐低 女侍應好快就拎左前菜出黎 個粟米真係好甜好好味因為食二人餐 鐵板燒師傅會每道菜都同我地簡介一下 又會傾下偈 個魚好食到連我唔太食魚既老公都話好好食傾下傾下 太開心 不知不覺就三個鐘 慢慢品嘗真係全部都好好食 （除左鵝肝太大舊 有少少漏），已經好期待下次再去

本身覺得食鐵板燒間間都差唔多 唔會有特別大嘅驚喜但係我朋友食過之後極力推介呢間鐵板燒好好食雖然比一般嘅鐵板燒貴咗少少但係我朋友話食完真係好滿足 值得一試呢間餐廳細細間座位唔算多所以要食嘅朋友仔記得預早book 位食物質素相當之高我最鍾意就係佢嘅北寄貝 非常之鮮甜仲有佢個煙燻吞拿魚 入口即溶 食落口好有滿足感鵝肝入口即溶食完個鵝肝之後再食一啖冰菠蘿 簡直係絕配冰菠蘿可以幫助緩和鵝肝嘅油膩感 每一樣嘅食材都用心配搭👍🏻👍🏻👍🏻👍🏻呢間餐廳最適合有特別節日嚟慶祝成餐飯差唔多用咗三個鐘餐廳質素，環境，服務員都非常之高質有興趣食鐵板燒嘅朋友真係可以值得一試

📍吟 元朗安興街4號地舖Weekend lunch menus:精選二人前套餐 $1180/two paxvs廚師發板 2位起 $780/pax (=二人前+4款食物)黑松露蒸蛋新鮮北寄貝 配紫菜鰹魚湯帶子 配冬瓜瑤柱蜆湯 (勁有冬瓜盅嘅感覺haha)鹽焗千葉縣野生黑梅貝 (東風螺)酸菜魚汁甘鯛 (love the crispy skin!) 澳洲翡翠鮑 配肝醬 (如有舊壽司飯比我配肝醬食就好🫣)鯖魚沙巴虎蝦 配西式龍蝦汁 🌟呢日嘅MVP! 蝦肉口感極彈牙 龍蝦汁調味適中 超正！鵝肝 配菠蘿、蘋果醋美國天然牛牛板腱 (當然有jap wagyu咁滑 但肉味夠哂濃! 建議medium rare)炒飯 加左日本高菜炒 味道ok 但唔夠乾身 所以有啲膩炒野菜湯開心果雪糕焦糖多士Taste: 👅👅👅1/2Value for Money: 💰💰💰1/2Service: 👍🏻👍🏻👍🏻👍🏻Will I go again? Yes(on a scale of 0-5 emojis)

都已經過左好耐，依家先得閒post返😝話說🐖🐖年初帶左我去食開年飯with 佢既朋友仔同同事😋 其實我第一次食OMAKASE 咋….🥨 特別興奮💛我哋包左某日既中午場，大約有16個位…專業既廚師一黎到就同我哋講下今日啲食材同烹調方法😎但健海鮮非常生猛，鮑魚郁下郁下🤤好想快啲食….黑松露蒸蛋蒸蛋裝左起個蛋殼入面，扮鳥巢😂幾盞鬼🤣 蛋蒸得好滑好滑，入口即溶～加埋黑松露汁一起食…超級好味😋 我細細聲同🐖講話如果啲汁再多啲就好啦～點知俾師父聽到，即刻加左一羹俾我😳心諗佢點解會聽到嫁，明明講嘢咁細聲🙈北海道生蠔肥美新鮮👅.日本白粟米咁大個女都未試話生食粟米🌽，原來可以咁清甜🤩.黃金炸帶子好食🤣 帶子厚身，啖啖肉😎.日本金鯛魚呢個就特別啦‼️ 佢啲魚鱗炸到企哂起身，好似箭豬咁🤣 魚鱗就脆卜卜，魚肉就勁嫩滑☺️我好鐘意食呢個.新鮮鮑魚好生猛～.白子呢碟印象都好深刻😏你哋知唔知白子係咩黎？係魚既睪丸😈 佢煎到外脆內軟，口感軟綿綿，好好味😆.烈酒煮蜆鮮甜😋大粒.大虎蝦特大虎蝦，蝦頭勁多膏…😏用鐵皮煎熟之前會切粒分俾我哋食🥰蝦膏變左橙色都好大粒✌🏻蝦肉彈牙 🐖🐖想儲肥我，俾左好多我食.煙燻肉肉我比較麻麻呢款煙

今次揀左Dinner Omakase 有10款時令海產，鵝肝，日本A4和牛/日本鹿兒島黑豚肉沙律，前菜，炒飯，炒野菜，湯，甜品成個餐其實樣樣野都好有水準♥我自己最最最鍾意係以下幾個菜式𖧷蒸蠔,勁鮮,一啲腥味都冇而且個熟度啱啱好𖧷煙燻吞拿魚腦天,入口即溶,煙熏味好重,配合埋塊紫蘇葉一齊食簡直係完美♡𖧷煎鵝肝配焦糖芒果小小酸甜減少左油膩感,旁邊仲有粒冰西瓜等你refresh番個口腔𖧷煎馬友配白粥，師傅建議一啖魚一啖粥咁食,好食到想食多份😋 𖧷煎帶子,用紫菜包住食,個醬汁味道好好帶子好嫩𖧷炸金鯛🐟啲鱗炸到脆卜卜但魚肉依然嫩滑再加埋酸菜魚汁超夾勁好食𖧷炒飯係師傅用自家醃製嘅鹹酸菜去炒記得幾飽都試一啖𖧷邪惡焦糖多士千祈唔好方棄佢哦😌溫馨提示自己帶酒有開瓶費啊😉

今次揀左Dinner Omakase 有10款時令海產，鵝肝，日本A4和牛/日本鹿兒島黑豚肉沙律，前菜，炒飯，炒野菜，湯，甜品成個餐其實樣樣野都好有水準♥我自己最最最鍾意係以下幾個菜式𖧷蒸蠔,勁鮮,一啲腥味都冇而且個熟度啱啱好𖧷煙燻吞拿魚腦天,入口即溶,煙熏味好重,配合埋塊紫蘇葉一齊食簡直係完美♡𖧷煎鵝肝配焦糖芒果小小酸甜減少左油膩感,旁邊仲有粒冰西瓜等你refresh番個口腔𖧷煎馬友配白粥，師傅建議一啖魚一啖粥咁食,好食到想食多份😋 𖧷炸金鯛🐟啲鱗炸到脆卜卜但魚肉依然嫩滑再加埋酸菜魚汁超夾𖧷炒飯係師傅用自家醃製嘅鹹酸菜去炒記得幾飽都試一啖𖧷邪惡焦糖多士千祈唔好方棄佢哦,因為佢都係超好味架溫馨提示自己帶酒有開瓶費啊😉

疫情終於放緩恢復堂食， 迫不及待book左夜晚精選2人前套餐，再訪都係咁好食！1. 一到餐廳坐低一陣，就上左前菜，係沙律同粟米，簡單又開胃。2. 黑松露蒸蛋：香滑嘅蒸蛋配上濃濃嘅黑松露香味，令人忍唔住食曬佢3. 跟住就開始海鮮之旅~香煎帶子配少少煙肉碎，帶子咬落去十分有口感，煎得恰到好處！4. 南非鮑魚：真係超大隻，仲新鮮識喐5. 連鱗炸金鯛： 上次來食師傅用左海膽醬，呢次用左冬陰功醬，好特別！食完之後個嘴會有少少麻，但都有驚喜。魚鱗炸得鬆脆，魚肉一如既往咁嫩滑，好味！6. 跟住就係主角龍蝦啦！生猛西澳龍蝦配上師傅精心調配嘅醬汁，加上新鮮彈牙嘅龍蝦肉，令人回味無窮。7. 見得多鵝肝多士， 師傅帶我地嘗試新菜式-焦糖芒果配鵝肝，出乎意料地合襯，芒果令本來會令人有D膩嘅鵝肝，新增了一股清新感！8.食左咁多海鮮，係時候食下日本A4和牛睇到個花紋就知道個牛有幾靚，煎完之後更是充滿和牛香味，入口即化。9.跟住我地食左炒飯，炒野菜，令我驚艷嘅係呢碗味增汁，加上新鮮龍蝦熬成，帶著海鮮嘅甜味，係我飲過最好味嘅味增湯！10. 整頓飯以焦糖多士配培茶/威士忌雪糕做結尾，威士忌雪糕好特別，焦糖多士依舊鬆脆可

I love teppanyaki, but always feel like I shouldn't splurge so much. That's until I discovered this place...super good deal! Hole in the wall place that's easily missed as it's located near some car repair shops. The foie gras is creamy and dense, together with the pineapple, it creates a wonderful aftertaste. My favourite has to be the caramelised toast though! Tried making it at home once but it did not even come close to how tasty they make it here. The chef is also very friendly, and he pays

由於OpenRice有照片限制，依篇繼續介紹餘下嘅菜式。固定菜式嘅部份，香煎大蝦係其中一個非常期待嘅菜式。蝦超大隻，大約有手掌咁長，而每人大約有半隻蝦嘅份量，好滿足呢～ 廚師會即席係你面前表演去殼挑腸切開蝦肉，仲會用蝦膏煮埋醬汁，原汁原味食晒成隻蝦嘅精華，仲啖啖肉添～😛鮑魚都係類似，但係就每人可以食足一隻，同樣地廚師會將新鮮鮑魚即席喺你面前去殼，煎熟切好，加上佢哋製作嘅醬汁，同埋炸左啲菇增加口感～鮑魚非常厚肉，食完一隻即刻飽咗勁多呢😮‍💨 肉類方面，鵝肝好香但係都相對油膩嘅，佢有配一個蜜糖嘅醬汁😋 雖然係最佳嘅組合但真係好邪惡呀！！ 牛肉係近橫膈膜嘅部位，比較重牛肉味，肉感多過油脂感覺，我幾中意呢😋食到呢度其實已經飽咗九成，終於嚟到依餐嘅尾聲，但係千其唔可以錯過炒飯，唔試過你唔知道原來沙律醬炒飯係咁好食㗎😂 炒豆芽同湯就中規中矩冇乜驚喜啦～甜品方面餐廳有兩款自家製嘅雪糕俾我哋揀，一款係柚子雪巴，另一款係芝麻雪糕。因為想食啲清新嘅味道所以揀咗柚子～另一個甜品亦都係我非常期待嘅item😋 仲被男朋友選為成餐飯最好食嘅項目🧐 牛油砂糖煎麵包！睇完師傅做之後，真係好想自己都返屋企煎黎食下～

老豆生日，特登book 左鐵板燒餐廳食飯。平時出面食鐵板燒都係有特定七至八道菜，依家竟然有Omakase 食。果然有驚喜，雖然人均千幾蚊，但食左咁多嘢都係值得。第一道菜: 用咗類似關東煮嘅手法，螺很清甜及彈牙，是一道不錯的前菜。第二道菜: 魚子蟹肉蟹肉Mixed with 蟹膏、令整道菜更香濃、魚子不會偏咸、兩者融入得好好。第三道菜: 帶子配瑤柱冬瓜汁生熟程度啱啱好，中間仲保留少少生，配埋紫蘇花，整體好夾，令道菜的味道更多層次。第四道菜: 處女蠔眼見蠔既身型咁細，以為會無乜肉。點知喜出望外，開咗蠔殻之後，入面係既蠔非常飽滿，很肥美。第五道菜: 甘鯛配酸菜魚汁師傅話選用甘鯛原因係油分相對較少，炸起上嚟會更脆。魚皮很香脆、魚肉很鮮嫩，配以酸菜魚汁，非常開胃。酸菜魚汁的味道很像出面的酸菜魚一樣，而且係濃縮版本，非常有驚喜。第六道菜: 西川象拔蚌配烏魚籽象拔蚌很鮮甜，配烏魚籽可以提升味道層次。第七道菜: 醬油漬八爪魚這道菜對比前幾道菜稍為遜色，某幾件八爪魚片比較韌，雖然師傅已經把它煮成半熟。第八道菜: 鮑魚配鮑魚肝醬這道菜真的令我非常驚喜，事關出面吃的鐵板燒通常一隻鮑魚分給幾個人吃，每個人只可

想book lunch已經一早full 晒Dinner照book，揀咗廚師發辨(Omakase)$1350一人。預早轉數快$500留位，當晚一坐低就比返現金$500你。即場仲叫咗兩支清酒🍶趁下熱鬧。坐定定等廚師逐樣整。每一項都係新鮮食材，海鮮貝類。當然一定相機食先啦！但open rice不能上載太多相，請各位親身去感受下。18:30-22:00 咁價錢係抵食。老公話辛苦搵錢食係有要求，下次等天氣涼，再嚟睇下有咩特別食材！

元朗有幾間出名嘅 Omakase，不過都係食壽司。個人認為魚係應該燒過先好食，刺身的話，只會食海膽同三文魚子。今次同朋友黎試下呢間，相比之下唔算好出名，起碼無上過咩大傳媒訪問，但係 OpenRice 差不多一致正評嘅鉄板焼きおまかせ。首先 book 枱要俾 HK$500 留位費，去到餐廳佢會現金俾返你。我哋預早兩個星期 book 咗星期六，店員建議 Omakase 由12點開始，估唔到一食就食到3.30pm都未走，真係好抵！成個 Teppanyaki 樣樣都好好味，AfterTaste 係剪片，先記得晒自己食過乜。數過總共有17道料理，由於 Omakase 係無餐牌，只係憑記憶列返出來。廚師板前有一邊煮一邊講解，但掛住拍片影相同趁熱食，都無用文字記低細節，所以只可以粗略作返個名留念 (但睇片可以睇到每道料理嘅精彩)：1. 日式沙律 (係精緻好味嘅)2. 黑松露BB菇蒸蛋 (係鮮甜香滑嘅)3. 季節燒一夜干+小口白粥 (煎魚嘅鮮甜味道，香香脆脆，時間拿捏得恰到好處。廚師話要一口魚一口粥咁食，但我忍唔住食咗食晒條魚先！)4. 海藻三文魚子帶子(呢個睇片見到都好吸引，紫色花係食得，有啲香草味

今日食呢間吟，鐵板燒，訂左12點，因為呢間好多人book，所以要交住留位費$500，你去到佢會俾返你去到坐低，睇睇menu，有set lunch嘅，但我揀左廚師發辦$700，我唔知有幾多野食，食到尾就知…（後悔）佢地得一個樓面serve你，但都好有禮貌，好有條理都好多野食，大家睇左相先沙律就唔講喇，同埋白子唔記得影相，即係魚嘅睪丸，煎香左好甘香，值得試下個蒸蛋其實我覺得冇咩特別，話黑松露，但我就冇話特別鍾意想講下道炸金鯛，個師傅話係招牌菜，因為連鱗炸比較少有，炸左好香，魚又靚，食多件都得呀日式雞鮑翅，好普通，整體味唔夠，鮑魚係南非九孔鮑，新鮮嘅，佢配埋個芡汁，冇咩驚喜囉，鮑魚本身又冇乜味想講下個禾稈草煙燻吞拿魚，師傅用火鎗燒禾稈草夠哂震撼佢事先提我話有啲焗，食落去舊魚好食嘅，煙熏味都重嘅大虎蝦，夠彈牙、脆，夠鮮味，唔駛太重調味都好好食食到飽嗰陣，仲有鵝肝多士配埋個菠蘿減低肥膩口感，鵝肝少少騷味，正常嘅其他甜品煎糖多士、雪糕呀、炒飯（鹹左啲）炒菜呀（太飽，要少少）都正常水準嗱，咁樣咁多野食先$700，加埋一$770，抵到飛起啦同埋，我坐左兩粒鐘，咩都抵啦，坐到你眼瞓

第一次係懷孕嘅時候同老公去食dinner,今次已經係生咗BB同屋企人去食lunch💗鍾意食鐵板燒嘅原因係可以坐吧枱，望住師傅去整美食俾我哋食。遇返同一位師傅好開心，你除咗會講解食材同整法之外仲會同我哋傾偈😁同埋其他Staff都好好，見到我哋帶住BB好細心，仲提供埋暖水俾我哋沖奶👍🏻講返野食先，食lunch質素同夜晚一樣都係咁好食，就咁睇Menu揀錯咗，早知嗌返omasake. 因為會少咗幾樣，因為之後我哋再加返個腦天，價錢只係爭$30。🤣🤣一開始係茶碗蒸，加咗黑松露好好味老公平時唔食魚，佢食都覺得好食👍🏻上次dinner係另一種塊皮炸到起出黎既魚，個人認為呢隻好食啲（可能上次就係冇食到塊皮😅）鮑魚整法同上次都唔一樣，兩次都好食今次係大過隻手掌嘅大蝦，上次係龍蝦係我最鍾意食嘅日本禾草煙燻腦天，好香煙熏味，入口即溶！加埋wasabi超正。個人認為唔加紫蘇葉好啲，因為紫蘇葉嘅味太濃會蓋過腦天。鵝肝多士配新鮮菠蘿揀咗和牛，生熟度岩岩好。有牛味亦都唔靭本身唔鍾意食芝麻，但係咁樣整法好好味，食埋碗飯已經好飽。仲有碗湯，唔夠位擺相。呢個多士上次整得好好食，但係今次有少少燶，而我哋亦都怕麻煩師傅所以冇

鐵板燒初體驗，睇左幾間最尾選擇元朗，見評價幾好決定一試！提早左成個月book位，因為疫情關係，所以約住午市先，諗住放寬番再轉晚市，點知晚市突然就包左場😂由前菜到甜品一共有14道菜🤤，每一道份量少少，食到最後都食捧住肚腩走😂樣樣都好好食都特別講下個花甲，真係好鮮甜！用蝦膏炒埋嘅蝦，好甜！配埋一舊菠蘿去膩，好細心！啲蝦大隻到手臂咁長，睇師傅係鐵板去殼取膏好治癒呢個係豚肉卷，本身見到佢捲住一啲蔬菜有啲驚，但識落又好甜好Fresh，完全無草青味用酸菜炒飯，第一次試，但好好食！好有驚喜因為只可以上載12張照片，所以就冇upload甜品同湯同大家分享，因為我係二人同行嘅關係，所以我哋一個嗌左豬一個嗌左牛，所以肉類我哋有兩份