周師傅點心 (已結業)

而家喺香港邊度可以食到一盅兩件？答案喺呢度！深水埗既然周師傅點心！深水埗不嬲係平民區嘅代表，但係裏面都有臥虎藏龍，好似呢間點心店，一入嚟嘅時候明顯覺得佢嘅裝修係經過精心策劃。望一望價錢牌發現佢嘅價錢全部都好平民化，平時蝦餃喺茶樓可能做緊$30至$50佢呢度只係賣緊$16，雖然數量比一般少2件，但係用料好充足，蟹籽脆卜卜好爽口。本來見到呢度有小籠包叫，不過唔知係咪已經停止供應，唯有退而求其次揀左佢嘅紅油抄手，抄手好大粒，有4粒，下面勝在着嘅汁並唔係一般嘅紅油，而係好豐富豉油既蒜蓉汁，點落去酸酸地又夠香味！仲有想講下呢度既牛肉球，佢個名好特別，唔知點解會嘅紅酒牛肉球？雖然唔係好試到紅酒嘅味道，但佢比平時嘅牛肉球少咗肥膩嘅感覺，點左少少喼汁，完全唔覺得油，而且仲想食多舊！好耐冇呢一個感覺了。H&M船 係火腿芝士焗麵包，盤的外圍有烤過嘅魷魚絲襯底，有口感的咸咸芝士一粒粒融化在口中，流心的感覺不言而喻。每人結帳嘅時候只不過係$60，真係好抵呀。

有人問去邊度飲茶茶位最平，我下次會答佢深水埗嘅周師傅，佢地既茶位只係$5位，而且仲可以揀普洱、香片同鐵觀音。一間點心果然睇佢唔出。韓式辣醬炒腸粉幾令人意外，佢用嘅腸粉係好耐以前我哋食嘅白布拉腸粉，柔軟滑又彈牙，米漿搓得好混沌，咬落去辣辣地，又唔會頂唔順，令人覺得好開胃，過癮。我估唔到佢嘅馬拉糕係脆卜卜㗎！原先馬拉糕係用正嘅方法呢度係半蒸半焗，外脆內軟，加上馬拉糕唔會太甜，軟熟又芳香。咖啡糕又係一樣幾精緻嘅甜點，我留返食完飯先食，佢嘅顏色有深啡同淺啡色，有啲似一件藝術品。仲有桂花糕都係我平時食中菜一定要食嘅甜品，佢嘅杞子好多好大粒，又好甜，晶瑩通透用牙籤拮住都唔會散開！太高興。

今日過黎深水埗買電話卡，見到附近有間點心就入咗黎食都幾多人食，所以都要等5分鐘先入得其實見咁多街坊食都知質素唔差㗎啦 點知咁好味都幾餓，所以叫咗幾款嘢食，蝦多士鋪滿芝麻，格外香口，蝦都好足料 仲有個酸辣汁比你沾，好正炸雲吞我由細到大都鍾意食 新鮮炸好，炸得多脆，又唔多油，抵贊！主食叫咗珍寶開邊蝦蒸飯，好好食啊！ 蒜蓉味好香，蝦又多肉又鮮甜，啲飯仲索咗啲鮮味 下次一定會再叫 ! 49蚊咋！甜品叫咗脆皮馬拉糕同桂花糕脆皮馬拉糕第一次食幾好味 個皮脆感覺好新鮮，有啲似新鮮出爐嘅紙包蛋糕桂花糕都唔錯，唔會太甜，帶點清香2個人食咁多都係$135 真係大件夾抵食

唔知點解有鋪癮, 隔一段時間就會好想飲茶食點心, 最近又心癮起, 咁岩見到有人post呢間, 唔理咁多食左先😋____________________除左正路傳統點心之外, 見到有幾款創意點心🔹脆皮馬拉糕 $23外表唔係好吸引, 但食落外層幾脆身, 裡面無一般食開古法蒸既咁鬆軟, 但勝在一樣咁重蛋香味! 出面未食過, 口感幾特別.🔹非油炸脆脆蝦多士 $25本身好中意食蝦多士, 不過出面食多數都好油淋淋, 佢呢間改左唔用油炸, 用烤焗方式, 令蝦多士更加脆口之餘, 仲一D都唔油, 食完一D內疚感都無!!.雖然蝦膠唔算好厚一層, 但好入味同加激多芝麻, 入口超級香, 整體黎講好驚喜!.🔹XO醬炒蘿白糕 $34蘿白糕切成大大粒既立方, 一口一粒, XO醬既微辣同蝦米, 令成碟野好惹味, 最緊要係唔係炒得好油膩.🔹蟹子燒賣 $16🔹周師傅蝦餃 $16兩款都係一係一盅兩件, 但同樣都係大大粒, 豬肉肥瘦比例好, 味道口感唔錯.🔹杞子桂花糕 $12唔係好特別, 不過$12有3件幾抵食

今日放工想食點心🍜所以黎左呢間周師傳點心☕️馬拉糕($23)同平時出面食個d有d唔同，個皮系脆脆脆地，令到成個馬拉糕又多層口感。蝦多士($25)新鮮熱辣辣，成塊都鋪滿密麻麻的黑白芝麻粒，用料好足😍食落去好香芝麻同埋好脆。呢個配埋佢俾個個泰式醬料仲好味👍🏻燒賣($16)1盅2件，好岩2個人黎食，蟹子，香菇，豬肉，鮮蝦份量好足,細細盅，大大粒😃蝦餃($16)即叫即蒸蝦餃，表皮晶瑩通透，鮮蝦爽脆。HEA包($23)俾佢個餐牌樣子吸引左，好可愛，奶皇餡甜中帶咸蛋香，好好味，但太熱小心辣口。🍞咖啡奶凍($16)顏色配搭得好靚，奶味重、咖啡味香濃，唔算話好甜。🍮整體黎講食物質素唔錯，除左D傳統點心, 都會有D創意點心可以食，真的不錯。

放假中意同老公去嘆一盅兩件，見到呢間小店有新派創意點心就黎左試下脆皮馬拉糕 $23平時我已經好中意食馬拉糕，但呢個有別傳統，佢係脆皮嫁，入面好鬆軟周師傅蝦餃 $16皮薄餡靚，蝦肉爽口彈牙蒜蓉蒸開邊蝦飯 $35呢個飯係老公最中意，用左荷葉去蒸，白飯帶有荷葉香味，飯面大概有5.6隻蝦，好鮮甜，唔會蒸到過老，仲好爽口，飯係粒粒分明炸雲吞 $16新鮮炸起，好香脆，入面熱辣辣，配上泰式酸辣醬更加惹味Hea包 $23原來係流心奶黃包黎嘅，造型可愛，係女仔呃like嘅時候，一咬落去差d搞到成隻手都係，太流心啦，食嘅時候要小心燙口杞子桂花糕 $12次次飲茶我一定會叫嘅桂花糕，唔好太甜，好香桂花味

這次自己去到深水埗的黃金商場看電腦的配件，之後在深水埗四圍去看看有什麼看起來好吃的東西，這次的經過周師傅點心，這間點心比平常的點心店創新。這次我就點了脆皮馬拉糕和大家都喜歡吃的蟹子燒賣來試一下。脆皮馬拉糕來到就時候就有好香的蛋味，他們是把馬拉糕拿去煎到表皮脆脆，但內裡是鬆軟的，好吃！之後是蟹子燒賣，這燒賣的蝦沒有雪太久的感覺，還是QQ彈彈的，豬肉也不會太肥。如果大家經過北河街也可以去這一間創新的點心試一下！

今日放工去咗深水埗，之前返工是這附近，難得回來，原來都好多地方改變了不少，開咗好多食野的餐廳今日就黎到這間新穎點心餐廳，唔算好大，但可以讓客人坐得舒適，有電視又可以坐耐點傾下食下。服務都唔錯，老闆會同客人傾談下，又會問下客人對食物的意見！食物選擇有新穎的點心及傳統點心，又有飯腸粉等等！好多野都好吸引， 好想試！脆皮馬拉糕香脆外脆內軟，熱辣辣又香噴噴；好鬆軟又香蛋味！正喔推介必試之選蝦多士好香脆、好多粒粒黑白芝麻，唔油膩；蝦好彈牙又爽口，配上甜酸醬汁好夾好好食XO醬蘿蔔糕大大碟，熱辣辣！好香脆可口，4邊都煎得好靚；配菜有芽菜、爽脆西芹，點上辣汁更野味好食！老闆會問食唔食得辣而調節辣度迷你雲吞雞材料豐富，雲吞好多餡，有：冬菇、豬肉，雲吞皮又薄又滑，口感一流；雞肉好滑好有口感；菜芯好軟好翠綠；湯也不會咸，剛剛好籠仔咸魚肉餅飯飯同肉餅分開上，所以汁不會令飯太濕；咸魚好香、好濃味；豬肉餅軟淋有好香蒜蓉味，配飯就一流啦下次想試埋其他點心，好特別（如：咖啡糕、Hea 飽等等）

爸爸喜歡一到假日就戴我地去茶樓飲茶食點心，食黎食過都係果2間🙈我食到有點悶悶😂 發現左深水埗有間食點心既餐廳，就戴爸爸去“周師傅點心”食下有創意既點心😆位置係北河街，深水埗地鐵站ᴀ2出口，一出就見到“周師傅點心”既招牌，好方便呀👏🏼等左太約5分鐘左右就入得係門口等既時候有個叔叔同爸爸傾起計上來😂介紹我們一定要食脆皮馬拉糕、蝦多士Menu 有中英對照，而且仲有圖片！方便長者、遊客..了解食物既樣子，很貼心呀💕茶錢$5/1位脆皮馬拉糕 $23講明係脆皮馬拉糕當然同平時食果啲軟棉棉既感覺唔同啦😝新鮮熱辣辣，即叫即爐咁...外層好香脆，表面同果底都脆卜卜，入面就好鬆軟軟棉棉的！乾脆叉燒包$22為食小胖子對叉燒包既好感不大，但爸爸好想叫既關係，作為乖乖既我當然要叫同食啦😂✨侍應姨姨仲溫馨提示我地：要快d食，因為唔趁熱食之後會乾身。叉燒包外層焗到金黃色，而且有小小爆口看到入面的叉燒🤤咬落去係脆脆的，外層唔知係唔係搽左啲蜜糖，甜甜的❗️入面就好鬆軟，啲叉燒唔會好乾身好好食呀！令我對叉燒包改觀左，有小小愛上了❤️Hea包 (流心奶黃包)$23我最期待既蛋黃哥ʜᴇᴀ包黎啦.......督一督先👉🏼入面既奶黃

熱愛中菜的小弟，當然唔會放過每一個帶女朋友食點心既機會啦。今次去開深水埗買電子零件，就用埋女朋友來呢個地鐵站出口旁邊既點心店進餐。香濃既普洱，係食點心的靈魂。茶對於點心來講，除了去膩，更是讓食客放鬆享受食物既心備之物。雲耳蒸雞飯，好少食到咁滑既滑雞，份量又足夠，非常滿意。點心店非常強調非油炸的馬拉糕。能夠成為招牌菜，果然有其與別不同的賣點。雖然沒有用油炸，但係馬拉糕仍然保持到糕點的口感，更唔會有中式點心常有的油膩口感，抵讚。既然食過呢度既炸點咁唔錯，再叫一個鮮蝦多士食下。呢度既炸點果然係有一手，又係完全唔油膩既蝦多士，唔止小弟，連注重健康的女朋友都食過翻尋味啊!最後仲有桂花糕做甜點，為呢一餐畫上完美既句號。

周師傅點心@深水埗北河街鋪頭唔係好大，坐落喺深水埗MTR附近，一出站都幾易搵到...店外寫上特色推介點心...店內則有圖文並茂嘅點心介紹...好吸引呢~呢度仲有幾種創意點心，值得order黎試下...脆皮馬拉糕($23)單憑外表未必察覺佢嘅特別之處，但當我一啖咬落去，脆脆嘅外皮，內裏鬆軟嘅馬拉糕，多一重口感，感覺新穎!XO醬炒蘿蔔糕($34)微辣嘅XO醬+蘿蔔糕，香口得黎又唔油膩~蒜蓉蒸開邊蝦飯 ($35)即叫即蒸，蒜香撲鼻，讚!!! 絕對係必點之選!周師傅蝦餃($16/2個)我地人少少，一份2隻蝦餃就剛剛好! 蝦餃晶瑩透薄，蝦肉亦算爽口彈牙~紅酒牛肉球($21)同一般食開嘅山竹牛肉球有少少唔同，呢度強調以紅酒醃製，唔洗點喼汁都夠味!四寶雞扎 ($26)即使係傳統點心都有穩打穩扎嘅質素! 以腐皮包住一塊雞肉、一塊火腿、一塊豬皮及一件冬菇，豬皮索滿肉汁，盡是精華所在!

師傅用心製作嘅點心，用街坊價賣俾人食！超級值得推介👍🏼流心奶黃包外貎超級可愛，hea到爆的蛋黃哥樣，咬起來真不好意思。蒜蓉開邊蝦蒸飯一上來就湧泉香噴噴蒜蓉，蝦肉都係新鮮既，所以拌飯都會好正🤩兩個人分享啱啱好蝦餃脆皮馬拉糕🤯真係正到爆炸，我本身已經好鍾意食馬拉糕。師傅將外邊嘅皮全部烤至香脆，有一陣一陣嘅烤培味道！到嘅時候記得叫一個！桂花糕咖啡糕☕️其中一個我最鍾意食嘅甜品，入邊嘅咖啡凍香濃味道、另外有奶凍方塊，兩樣伴隨着食。

今日陪老公嚟鴨寮街買嘢，我都有一段時間冇來過了，估唔到都仲係人來人往！行到差唔多六點幾，本身諗住行去街市買餸返屋企，穿過一條橫街（北河街）見到一間食點心嘅俾佢吸引左！剛剛搭正六點已經坐滿了一半人！店舖裏面周邊都貼左好多點心介紹，每個點心下便都有啲精警句子，睇完真係覺得好想食！不過我哋只有兩個人唯有食住先下次再試其他！茶界$5一位都算合理！ 我本身就唔識飲茶，老公就最鍾意，佢對呢度的茶大讚，茶葉份量又多，而且好香蝦餃，一籠有兩隻，原隻蝦肉10分彈牙！稱得上皮薄餡靚！鳳爪泡得鬆軟，一吮脫骨，每一隻都掛上醬汁，可謂齒頬留香鮮竹卷： 好大隻，食得出應該都係周師傅精心製造，餡料亦都好豐富，口感不錯XO醬炒蘿蔔糕：呢個超好味，口感好正，比出邊好多酒樓小店都炒得好味得多，最重要係佢哋個XO醬，又香又開胃龍仔開邊蝦飯： 本身淨係想食點心嘅我哋俾佢張相都吸引左，蝦當然係新鮮，加埋啲蒜蓉汁荷葉飯特別鮮甜，呢個我都係10分推介的！最後見到佢哋點心店竟然有一個自家製嘅咖啡膏，相信都係佢哋好有信心嘅甜點，所以都決定叫一碟你試吓！這個都有驚喜，咖啡味道適中！手工製造，絕對值得一讃總括來說絕對要支持小店，食物質素很

吃貨小妹又係深水埗食到平靚正好野想同大家share呢間小店主打新派點心同籠仔蒸飯 當然亦不乏傳統點心鮮竹卷賣相看似平平無其 但又整得幾好味 餡料好爽口 汁亦唔會杰撻撻試左比較新派既脆皮馬拉糕有別於傳統馬拉糕 外皮係脆既 而內裡仍然保持到鬆軟 (不過建議一定要襯熱食)叉燒包同燒賣係小妹同小胖男友必點既點心燒賣一籠兩粒 但比平日食開既大粒同實淨有口感 叉燒包既包底都做得唔錯 叉燒餡味道適中 唔會過甜主角籠仔開邊蝦飯出場喇小妹或多或少都係被呢個飯吸引入去 開邊蝦上有蒜蓉 鮮甜入味, 蝦蒸完後仍然keep到有返咁上下大隻 相信未煮前都幾大隻下而籠仔飯因為吸收左蒜蓉既油份 所以粒粒分明更重要係有蝦有飯都係$35蚊 邊度搵最後仲試埋個咖啡糕 味道都唔錯 可以一試

想想已經好一段時間沒有吃中式點心，今晚和女友到深水埗，地鐵一出就見到這間周師傅點心，天氣太熱不想四處走，於是入去試一試。各式傳統點心、蒸飯都有，最特別是有不少創意點心，是真材實料的從做法上創新，並非街外「得個樣」的所謂創意點心。乾脆叉燒包叉燒包外觀爆口僅微微露餡，賣相十分對辦，叉燒包焗得香脆，外層微甜，內裡仍鬆軟，餡料汁豐味美，叉燒香濃可口。Hea包其實是流心奶黃包，外表有趣，包皮蒸熟後軟滑剛好有嚼勁，而奶黃蛋黃味香濃，非一般工場式點心可比較。醬王蒸鳳爪鳳爪炆得軟腍入味，醬香濃郁，盡吸醬汁的精華。XO醬炒蘿蔔糕蘿蔔糕事前先裹上粉炸得酥脆，再以XO醬爆炒，香氣誘人，辣而不嗆，十分惹味。迷你雲吞雞少見的點心，兩粒雲吞餡料紮實，雞肉嫩滑，湯底鮮甜清爽，可以中和一下其他濃味的點心。蟲草花蒸雞飯份量大得有點驚人，足足有一整個蒸蘢的大小，米飯蒸得粒粒分明，配以滑雞、蟲草花和木耳，加入少許豉油，令人一口又一口。脆皮馬拉糕最後以另一款創意點心作結，馬拉糕外層香脆，帶有微微的焦香甜味，內裡鬆軟棉密，十分有驚喜。