周師傅點心 (已結業)

喺深水埗周圍行，總會發現又好食又經濟嘅美食，依間點心店細細間，午餐時間坐滿不同食客，伯伯，阿姐，學生仔，西裝友，各式其式。店名周師傅點心，我坐近門口，無緣見他一面。原本以為係傳統點心店，點知一睇餐牌，佢有各種特色食品，價格相宜，激起我鐘意食新嘢嘅機因。即刻點咗脆皮馬拉糕,焗烤後表皮香脆嘅馬拉糕，非常香蛋味，鬆軟內層雙重享受粒粒奶凍咖啡糕，師傅將咖啡凍上的花奶做成粒粒狀，一次可以食到兩種口感同味道同非油炸脆脆嘏多士——非常香芝麻味，未上到枱已經聞到，香脆可口牛肉球係完件牛肉，冇加好多粉，好鮮味

去開深水埗買電腦，就當然要試下地道的既野食啦，行來行去都係的街邊檔，不如食個久違了點心啦，係北河街見到一間家庭式既點心，門面都好光猛，價錢合理，難得咁耐無飲過茶，咁就去馬啦!!! 鋪頭唔算好大，但坐得都好舒服，點餐紙上都有比較多款式既點心，花多眼亂~， 不過見到其他客人都有幾枱都食緊開邊蝦蒸飯，平時大排檔食就多，將佢放埋係蒸飯上就真係未見過，想起個的蒜蓉、蝦膏的鮮味落晒的飯度，諗下都覺得正~ 之後就叫左幾個點心，有蝦餃、（細）蒜蓉蒸開邊蝦飯、XO醬炒蘿蔔糕及桂花糕。等左唔係好耐就終於上枱啦~上枱啦~ 首先試下兩粒大大蝦餃先，一個人食都已經好夠，蝦餃入面蝦肉都好多都算幾新鮮，皮都夠薄，唔錯唔錯。之後再趁熱食個XO醬炒蘿蔔糕，嘩~ 賣相雖然無咩特別，但係一入口就好有驚喜，原來超好食囉，蘿蔔糕配埋芽菜、蒜蓉加上XO醬，炒得外脆內軟，堅係回味無窮，必食推介~ 食完呢碟野都已經飽飽地，不過都敵唔到招牌蒸飯，開邊蝦雖然唔算好大隻，但係都有成4-5隻，隻隻蝦上面的蒜蓉多到呢，未食已經好香啦。 食左一隻蝦原來好鮮甜，蒸得剛剛好，唔會煮過龍，正~ 個飯呢就真係好甘香入味，蝦膏同蒜蓉入晒去個荷葉飯底，香噴

除左上酒樓食點心，現時香港都開了很多新式點心店，形狀和味道都十分創新，但係今日試哩間點心店就有少少不同。餐牌的款式不算十分多選擇，而點心款式的都是大路的款式，但係最特別的地方在於他會將一啲傳統的點心作小小改變，但係出來的效果就幾有睇頭。脆皮馬拉糕傳統的馬拉糕是比較油膩和鬆軟，這個特別在於他的外皮是脆脆的，而質地就像牛油蛋糕，甜度適中出爐熱辣辣食就是美味之極。蝦多士真的是蝦多士，傳統上的是炸的，但這個應該使用烘烤的方法去做，蝦是切碎然後再加一些材料混合而成，和方包一齊烤，上碟是香噴噴這個做法就會比我們傳統吃的烤多士高出一籌了。流心奶黃包造型很可愛奶黃流心效果很強，味道就較甜，作為一個熱甜點來吃也算是不錯的。咖啡奶凍糕咖啡味足，奶味做得不錯混合了的味道可以當作一個好好味的Latte 啫喱食。另外他的蝦餃燒賣亦是有誠意之作最主要是食得出肯定是自家製造，不是現成的行貨。價錢來說不算很貴，可以說是大眾化價錢。

是日到好友屋企附近晚餐，今次我們又幫襯周師傅，因為上次食過之後仲想食吓其他好野，晚餐後到黃金商場的電腦節會場外試用Switch玩太鼓之達人好友一開始就點咖啡糕，好友覺得好好食，所以每次一開始就點~~~金銀蒜蒸排骨，簡單得來又好食~~~四寶雞紮，好友話好耐冇食過，點都要食吓乾脆叉燒包，好友平時愛吃叉燒包，平日食開蒸叉燒包的我見到呢間小店有得食另類的叉燒包，點都要試吓，外脆內軟，感覺好好食~~~脆脆蝦多士，食落感覺脆得來又不錯~~~由於上次叫得太多食唔晒要好友打包回家，所以今次叫少D，食得夠又唔需要打包

星期六下午約兩點到，當時舖頭都無咩人，唔駛等位我地兩個人叫左個套餐：鳳爪排骨飯跟燒賣另外散叫：蝦餃，非油炸蝦多士，炸雲吞，流沙奶皇包(蛋黃哥樣)蝦多士幾好味，夠新鮮，方包底上面鋪左蝦膠再放上黑白芝麻，食落都香口炸雲吞同燒賣就正正常常但其他就真係唔掂囉個飯落太多水同蒸太耐，d飯又爛又濕蝦餃一夾起已經散開最差係個流沙奶皇包，完全gimmick嘢，個塊包皮厚過腳皮，個餡又無味，都唔講佢無流心，仲話hot item結論係我又未至於會為左個蝦多士返頭，所以都係試一次就夠

每次行街行到深水埗時，都好想發掘新的平民版米之蓮食店！ 今次同朋友仔行到鴨寮街，就發現呢間小店鋪 ——- 周師傅點心！到達周師傅點心，大約18:35 啦，當日仲要掛起紅色暴雨警告暴雨⛈️，但店鋪仍然有很多客人來吃！證明周師傅點心，真的有一定好吃的！ 還有8個外國帥哥來餐廳吃晚餐，真的明顯在深水埗有一定的出名！ 周師傅還親自出來，為各位賓客服務，非常正！ 非常 nice我們2個人，坐在2人枱，叫了8個點心，包括湯，飯，點心，甜品等等！ 應該這樣說，點心都是比較健康，就算是炸物，都會採用非油炸的，周師傅真的能追貼而家的健康文化！H n M 船，價錢：35蚊味道很好吃，有芝士同火腿，味道很香，真的好夾！船包是用焗爐焗出來，還有魷魚🦑絲，令到 H n M 船，味道非常突出。蝦餃，價錢：16蚊味道好好，蝦🦐很大隻，皮很薄，很好味！唔會穿皮非油炸迷你蝦春卷，價錢：25蚊呢個點心，就不太突出，只是很健康，好似用 「健炸鍋」炸的，皮很脆，但蝦🦐就只有一隻，有點少啦。老火例湯，價錢：10蚊當天的老火湯，是老黃瓜煲粉葛，我好鍾意飲的。周師傅煲得很出味道，火喉很充足！籠仔開邊蝦飯，價錢：35蚊有蒜蓉蒜蝦飯，有

深水埗尋寶記深水埗大把美食係人都知, 但係食得多出名的蛋牛治腸份豬潤麵豆花都會悶,今次就同男朋友諗住隨便入左一間餐廳,睇下SSP 係唔係真係一間美食天堂,呢間餐廳叫周師傅點心, 一入到去, 餐廳唔算太大, 人多可能要搭檯。燒賣, 16蚊兩粒, 我幾喜歡呢種份量, 2粒剛好唔多唔少, 即使一個人黎都唔會食唔晒。而且肥肉唔算多, 不錯。XO醬炒蘿蔔糕蘿蔔糕先用油炸一炸過, size 啱啱好一口食得晒，上高有D XO 醬同芽菜, 另外再配埋辣醬, 唯一美中不足的是有少少油。辣椒醬炒腸粉：是一道創意特色fusion 菜, 用韓式辣醬去炒腸粉, 有少少辣, 味道少少咸, 但腸粉好煙韌。籠仔蒜茸蒸開邊蝦飯：有荷葉飯放底同飯一齊蒸, D 飯粒粒分明之餘又有荷葉的香, 加埋上面的蒜香味，唔洗加豉油已經好足味。加埋鮮蝦的甜味都幾唔錯食。叉燒包:正正常常, OK雲吞雞:最特別之處係湯底用果日餐廳煲的例湯, 我地去果日係蓮藕湯, 所以日日都會唔同味。總括而言, 餐廳環境雖然不大, 但要試新野都可以去試下既~

紅雨的晚上，約左來深水埗拎新砌好既電腦，想搵個地方食個飯，即刻諗起深水埗周師傅點心店，呢間店之前來過，非常喜歡師傅的廚藝，有創意又好味。所以今晚又再來食，主要想試下蒸飯。👉🏽籠仔蒸開邊蝦飯，正如牆上廣告所講「隔離枱都嘩然」籠仔一上枱，香味撲鼻！蒜蓉鋪滿籠仔，蝦的鮮甜，蒜的香，融入蒸飯里，無敵惹味！雖然我地不是揀珍寶大蝦，但呢d蝦都幾大隻，啖啖是肉，食材質素頗高！配上蒜蓉飯，健康又美味。👉🏽另一個飯系籠仔咸魚肉餅蒸飯，咸魚肉餅另上，師傅手藝一d不馬虎，肉餅好細膩，好滑，送飯一流！荷葉蒸飯好重荷葉味，米飯好爽！👉🏽H & M 船：新鮮滾熱辣上枱，店員提醒要小心碗邊熱，呢款點心好有創意，外形如小船，入面系芝士火腿，新鮮出爐焗出來實在系香！👉🏽非油炸焗蝦多士，黑白芝麻鋪面，咬落香脆可口，入面充滿蝦膠，仲有蝦仁架！正！👉🏽炸雲吞：不得了，脆嚓嚓！一咬就碎哂，香口野實在邪惡！點上酸甜醬，味道更好，真想再食多一碟，中間粒蝦仁大大粒，一極棒！👉🏽脆皮馬拉粒，不同平時食開既馬拉糕，呢個系創意版脆皮，又系岩岩出爐，所以皮特別脆薄，里鬆軟，不太甜，大人細路都好岩食！

太多教書嘅朋友，喺暑假檔期即將完結前（但教師嘅暑假其實已經完結），係要聚下。同朋友嘅中間點竟然係深水埗，要諗食埋都幾頭痕。完全無諗到，唯有去到深水埗先決定。 放工極肚餓，一出地鐵行幾步就見到周師傅點心，有個hea 包幾得意，於是有理無理就入左去，又唔洗等位，可以即刻食。嗌左hea 包。其實係流心奶黃包。食之前玩左一大輪，好搞笑 😂😂😂 笑餐懵。有得玩又有得食，仲唔開心咩。(最衰openrice唔可以share video, 佢嘔水嗰樣真係好樣衰，好好笑)呢度點心即叫即蒸，最好食嘅係雞扎，大件雞夾厚冬菇，熱辣辣，好抵食。飲茶一定要食蝦子燒賣，一人一粒，剛剛好。點心唔夠飽，仲嗌左 脆皮馬拉糕同籠仔蟲草蒸雞飯。蒸飯嘅雞肉又係好大件同滑，同雞扎件雞一樣咁好食。豉油自己加，我怕咸所以無加，但食到超厲害嘅荷葉清香，即刻諗到「係喎，已經立秋」🍂甜品當然唔少得。原本想食桂花糕，但店員推介咖啡奶凍糕，見幾有特色而喺其他店又無見過，所以嗌嚟食下。奶同咖啡味好均稱，配搭得宜，滿足。食飽仲同朋友一齊吹水煲劇 ❤️

周師傅點心座落於深水埗北河街這個不顯眼嘅地方，從個餐廳名就以為佢係一間好傳統嘅老式點心店，入到去先發覺並唔係呢回事。鋪面不大，但坐滿了人，有老人家也有後生的。點心有傳統嘅，亦有創意新派點心。傳統嘅杞子桂花糕好香桂花味，好滑呢個打破傳統嘅粒粒奶凍咖啡糕，咖啡味好香，夾雜著粒粒奶凍，多重嘅口感，感覺新奇又好味。脆皮馬拉糕外脆內軟，佢保持到傳統馬拉糕嘅鬆軟同蛋香，但脆脆嘅外皮令口感有更豐富嘅層次一般嘅蝦多士都炸得油立立，但周師傅呢個寫明係非油炸蝦多士，所以好乾爽，芝麻味好香，蝦膠好彈牙。XO醬炒蘿白糕，蘿白糕大大粒，XO醬好惹味，又唔會太辣， 配菜有好爽口芽菜同西芹，夾埋一齊食好好味。最後叫多個傳統金銀蒜蒸排骨，蒜蓉味好香，排骨蒸得啱啱好，好彈牙，肥膏又唔會太多，掂呀！唔飲茶嘅其實都可以揀汔水，奶茶檸茶之類，啱晒我地呢d怕飲熱嘢嘅人。

又再一次來到周師傅食晚間點心，最正就係收咗工依然有得食熱辣辣嘅點心。XO醬炒蘿蔔糕粒粒都熱辣辣，沾滿XO醬，表面脆卜卜，入面帶有蘿蔔絲，唔會好粉口。招牌脆皮馬拉糕同傳統馬拉糕味道好唔同，呢個味道似雞蛋糕多啲，因為雞蛋味真係好濃，無馬拉糕個個糖味咁重，口感都鬆軟，而且份量一啲都唔細。創意點心H&M船呢款似西式多過中式點心，係一款烘熱咗嘅多士，入面有火腿同芝士，烘到脆卜卜，不過略嫌芝士太少，多返少少口感會好啲。蒜蓉蒸開邊蝦飯呢個我極力推介！當晚見好多人都食蒸飯，所以心思思想叫一個。蒜蓉味好香，蝦都新鮮喎，啲飯索晒味，最緊要相當抵食，配埋中茶，食完好滿足。

耐唔耐都去深水埗行下今日又過深水埗逛逛買完嘢 梗係想食啲好嘢 見到北河街有一間 周師傅點心 又未試過飲夜茶！ 就入去試下 睇點心纸有好多選擇 蝦餃燒賣一定要叫但係如果有時人少想食多啲點心就幾煩 但好在呢一間 嘅蝦餃同燒賣 一籠兩件,唔會怕太多啦 可以食多幾款點心燒賣,蝦餃都好大粒 蝦餃啲皮 做到好薄啲蝦又爽 燒賣 又好好味, 好多大酒樓 都做唔到咁好！  再試蠔油鮮竹卷 佢唔同一般嘅酒樓嘅鮮竹卷啖啖肉！ 入面 放咗多蔬菜 好啱而家都市人 少肉多菜,Xo醬蘿炒蘿蔔糕 師傅好有心思加咗啲 芽菜同埋西芹嚟炒好惹味,又大碟 都係買34蚊抵食再食蒜蓉開邊蒸蝦飯 香噴噴 啲蝦好大隻 又新鮮 值得一讚係師傅好細心啲蝦頭全部起曬,啖啖肉 等我哋食得 暢快最後梗係 要佢出名嘅脆皮馬拉糕 做甜品 佢個馬拉糕做就到外脆內軟, 又唔會太甜 就算食都好飽都忍唔住要食多兩件 今餐真係冇揀錯地方 又平又靚

這天在深水埗逛街，由中午開始，一直的吃過不停，在桂林街吃過甜品後，傍晚就來到周師傅吃點心。 這家點心店的佔地雖然不大，但可以容納大量食客，而這裏是免加一，茶位每位HK$5。 脆皮馬拉糕 馬拉糕外層香脆，內層綿密，有彈性，帶有濃郁的蛋香，不過，它不像平日吃到的馬拉糕，內裏沒有太多氣孔，反而覺得像蛋糕。 周師傅蝦餃(2隻)蝦餃的味道不錯，薄薄的水晶外皮，配上滿滿的餡料，感覺飽滿，蝦肉爽口彈牙，味道鮮甜，推介。 Hea包 (流心奶黃包)這個包包的名字挺有趣 - hea包，hea包賣相可愛，有點像蛋黃哥，而內裏就是流心奶黃包，流心效果突出，入口充滿淡淡鹹香。 白灼菜心菜心看起來非常大碟，菜心雖然稱不上幼嫩，但口感不老，帶有菜心的甜菜味。 醬王蒸鳳爪鳳爪煮得入味，但味道不會過鹹，入口富有膠原感。 蒜蓉蒸開邊蝦飯這個蒸飯上放了約4-5隻的開邊大蝦，入口充滿濃郁的蒜蓉香味，而蝦肉鮮甜彈牙，佐飯一流。

好耐無見既朋友返黎香港，緊係要帶佢去好耐都冇食過既點心喇! 今日我哋就嚟到深水埗呢間周師傅點心度食晚餐，餐廳就在鴨寮街附近，啱曬到呢度睇電子產品嘅朋友。每次嚟呢度食都一定要叫呢個特色流沙包，用咗蛋黃哥嘅可愛造型，睇住入面嘅流沙從蛋黃哥嘅咀一路流出嚟，相信任何年紀嘅朋友見到都會流露出帶住童真嘅笑容。而佢哋嘅鮮蝦多士都係非常出色，餐紙寫住非油炸多士，食落真係冇一絲油炸嘅味道。絕不油膩，下次來都要再點。我哋叫咗個杞子桂花糕作為呢餐嘅甜品，杞子桂花糕清熱明目，實在係都市人嘅必食之選。我哋仲叫咗鮮竹卷同雲耳滑雞飯﹔鮮竹卷味道中上，不過雲耳滑雞飯令人驚喜，飯身軟硬適中，鮮雞滑嫩，實在喜出望外。

由於近排天氣實在太熱，老公帶我去深水埗買風扇，行到去鴨寮街，我倆各自買到心頭好，開心之餘，個肚開始打鼓，係時候揾好東西食，無意之間去到北河街發現~周師傅點心，我兩口子見到門口既食物相片好吸引，而且好耐無飲茶，一於入去試吓。餐廳佈置簡約，地方乾淨，多款推介點心相片貼於牆上，令人一目了然，而且這裡有$45套餐，包蒸飯+點心+送茶，價錢平民化，難怪吸引咁多客人入内。為了食多些款式，我兩口子散叫已下點心 : 非油炸迷你蝦春卷($25)雖不經油炸，但仍然香脆可口，完全無油膩感，好快被我倆食晒。XO醬炒蘿蔔糕($34)爽脆口感既蔬菜，配合蘿蔔糕既軟綿，加上XO醬，滋味十足。周師傅蝦餃(2個)($16)水晶外皮，內餡則有新鮮Q彈既鮮蝦，口感層次分明，好味道。紅酒牛肉球($21)由於餐廳用紅酒醃製，令牛肉味更濃郁 ; 口感非常嫩滑。醬王蒸鳳爪($21)一吮脱骨，加上醬料上味，好味道蠔王鮮竹卷($20)材料豐富，內餡有豬肉、西芹、甘筍等，沾上蠔油芡汁，美味十足。整體而言，每一款點心都係精心炮製，而且價錢便宜，我倆食得開心滿足。