和三昧

营业中

休息中

落雨天，無帶傘，朋友想食熱嘢，決定近近地去和三味食嘢。揀左一陣，揀左兩個鐵板燒餐，前菜普遍無驚喜。材料上場，望落唔多靚鮑魚好韌口。蝦唔甜，無味。銀雪魚煎得香但唔滑。鵝肝唔香，怪味唔好食豚肉好鹹，師傅應該落少d調味。炒飯粒粒分明。厚切牛朋友話唔錯。總括鐵板燒唔好食，係我食過鐵板燒食物水準最差嘅一間。食完熟食唔得，起身諗住去睇下海膽靚唔靚，食個海膽開心下。過份嘅事就發生，一起身發現條褲濕濕地，原本張櫈濕，當你坐落去唔會知濕，但當人重量壓落去，櫈內嘅水就走上面，我當然嘈，侍應生即時幫我換左張櫈，俾紙巾我抹，佢話公司會定期洗櫈可能未乾😱太過份咁嘅錯誤都有，經理即時叫人去sogo借風筒帶我去VIP房幫我吹褲成見事我覺得超離譜，最後經理俾左九折當道歉，但我想講唔係錢問題，係希望貴公司要改善問題，布面櫈出現問題，貴公司就應該轉哂做VIP房嘅皮櫈，我真係唔希望有下一個受害。

銅鑼灣Sogo附近有不少樓上日本菜，當晚本想到附近的「漁獲浜燒」晚飯，可惜抽風太差了一進店被鐵板燒煙味嚇暈，轉戰開店逾十年的「和三昧」。餐廳分為「鐵板燒」同「和食」2邊，菜牌亦完全獨立的。鐵板燒主打海鮮燒物、肉類串燒等等，還是選擇不太上火的和食。傳統日式餐廳的裝飾擺件，更有佐賀和牛的旗幟推介，標明這裡用的並非普通餐廳的鹿兒島和牛。幸運地安排到近玻璃窗的卡座，22樓頂層的景觀不錯。高檔日本菜價格不便宜喔，一人和食套餐四百多元算是較親民的選擇。再單點幾道菜2人份量剛好。紫蘇葉梅醬卷$40、鰻魚壽司$40、三文魚籽壽司$40三款壽司看似與其他餐廳的無異，但嚐過便知材料大不同。鰻魚雖沒濃味的醬汁但味道香濃而且無骨的，三文魚籽不覺腥而有清淡的甜香。青瓜卷很紮實，有紫蘇香。太卷$180推介！口感同味道一流！爽口酸酸的小黃瓜青瓜，甜甜的蟹柳玉子，惹味香濃的鰻魚，配搭得非常好！松華堂便當一人套餐一個套餐有齊上面2幅圖的前菜、蒸蛋、刺身（3款）、天婦羅、牛肉片、手握壽司（3件）、燒魚煮魚、飯、麵豉湯、雪糕甜品！雖說套餐食物豐富，但除了刺身、壽司魚生肥美用料高檔以外，其他食品都只是中上水平未有驚喜。估計單

和三昧是我一直以來最喜愛的日本餐廳之一，每次經個sogo都會好想食。。價值是略貴的，但絕對是物有所值，無論食物質素定係服務也很不錯，多年來保持水準，是名符其實的日式餐廳。多年沿用的店員亦是較成熟的，充分體驗人情味，而且服務員非常周到及貼心，用餐後每問一問顧客是否滿意。呢個set真係好正，有生有熟，樣樣有d, 如有選擇困難，就揀呢個御set la時令menu見到有特上魚生飯，當然要試下，wah, 真係食魚都食飽！大滿足！牛肉sukiyaki賣相很好來多客炸蝦吧，很好3文魚超肥美的說~

今天我們公司一起到銅鑼灣和三昧吃鐵板燒，有獨立房間，私密度很高。師傅人很好，說拍照讓我們拍過夠拍到最漂亮。我們一起都選了最便宜的269元午餐，價錢便宜但一點都不馬虎。首先是鱈魚，很肥美但又不覺得油膩。大蝦新鮮，爽口彈牙。薄燒牛肉當然無得彈，我們都要5成熟，所以十分嫩滑，而且中間夾著洋蔥蒜頭，十分香口。炒飯，椰菜都十分美味。最後每人還有一客雪糕，口味清新。我十分推薦這家餐廳，下次再來，我想試吃定食。最後，有一個小插曲，餐廳的食物，環境和師傅都十分惹人喜愛，好感度極高，只是服務我們的服務員小姐十分不禮貌，請店家注意。

第一次喺呢間鉄板燒店食飯，已經很滿意他們的服務和菜色。今次encore , 負責我們枱的廚師很親切，為我們預備食物有鮑魚，油甘魚，龍蝦，鵝肝，牛柳，酒煮蜆，蠔，炒飯...一邊燒，一邊吃，趁熱食，好好味。另外，他們的日本入口鉄板燒器具也很棒，抽氣系統設在鐵板旁，那麼近的抽氣設計，完全零油煙影響。這就是日本文化～對每個細節都認真，令客人好好用膳，超讃！！！！

臨近歲晚，又是食團年飯的時候，通常團年飯都是食中菜，今年決定有點新意，食鐵板燒去。很久沒有去和三昧食鐵板燒，今次點了 business set，另加鮑魚餐。鐵板燒就是要食師傅的功力及食物質素，看著師傅純熟的把帶子、大蝦、三文魚、蟹腳及鮑魚等放在鐵板上燒，簡直是藝術的表現。海鮮都是十分新鮮，彈牙味鮮。三文魚皮煎得香脆，外熟內鮮嫩。記得以往是逐樣海鮮煮的，現在卻是一次過煮好端上，雖然味道不會差太遠，但給人有種趕收工的感覺。清酒煮蜆的蜆又大又甜，放在香醇的清酒中煮後清甜味更突出。食過海鮮後便是肉類，師傅會先問每位客人要求的生熟程度，再把已炒香的蒜及蔥放在牛肉中，牛肉燒得剛好，不會過熟。豬肉包在薄餅中，味濃可口。其實鮑魚餐我們點的是厚牛肉，最後卻來了薄牛肉，應該是侍應落錯單，不過味道出色我們也不太介意。最後輪到炒飯及炒芽菜，志在飽肚。雖然感覺服務比以前遜色，但食物水準依舊高，希望只是因為臨近新年生意太忙所致。

鐵板燒 龍蝦套餐 有龍蝦 銀鱈魚 北海道帶子 牛肉 仲配埋 沙律 炒飯 炒雜菜 漬物 龍蝦麵豉湯 同雪糕或者咖啡茶 二人前最平 1020加一☺️好好味仲要幾抵食 有咁多野食加靚景👍食材新鮮而且師傅好專業將啲食材燒得剛剛好唔會太過熟 而且服務好好Teppanyaki Lobster set including lobster, cods, Hokkaido scallop and beef, together with salad, fired rice, pickles, miso soup, fired vegetable and Ice-cream or coffee or tea☺️

適合一邊慢慢傾計一邊食，同中環比較，銅鑼灣舒服得多！ 但侍應速度有禮但其慢。鱈蟹鍋睇落清到水咁清，但食落非常鮮味，而且唔覺有味精只可惜蟹肉煮得過了火，乾身及有點硬。

星期五晚上同時叫了3⃣️個和食餐，鰻魚飯於點餐後大概10分鐘內上，正常！一小碗的三文魚茶漬飯要半小時才到，離譜！煎三文魚三小片加一碗白飯要57分鐘才到，簡直匪夷所思！$600食三碗不知所謂的飯仲要一肚氣，以後都不會再被錢這樣不濟的食肆！

今晚同朋友一行2人到位於銅鑼灣和三味吃晚飯。但極度失望……到達該店後，櫃檯服務員沒有表現出親切及殷勤的服務態度。據本人所知，和三昧是一家高級日本料理餐廳，但就其迎客態度這一點而言已令本人失望，並對該店留下甚差的印象。之後及至跟朋就坐後點餐後，本人想將是晚所點的餐牌拍攝下來以作留念。本人正準備以手機準備拍攝時，有一女侍應目睹此情況，就立刻提示不能拍攝餐牌。此舉令本人甚感不滿。若該店不欲食客拍攝餐牌，應於餐牌上當眼處以清晰文字說明此餐牌不能拍攝。惟本人先後翻閱過該餐牌兩次，均沒有發現有此等字句。最後我地叫了一個澳洲鮑魚加賀牛晚餐....食材新鮮，佐賀牛order咗5成熟，有入口即溶的口感，係成餐飯入面的代表作。聖子及鮑魚有咬口，調味適中。食完鐵板燒，顧客會被安排到另一邊享用甜品及餐飲。此舉甚為貼心，因為鐵板燒始終會有油煙味。甜品普通，沒有驚喜。是次晚飯，本人再無拍攝任何照片。其實該店的食物質素及廚師的服務態度是令人滿意的，可惜就是該女侍應的一句提示，使本人不悦，就算食物質素再好，也未能彌補本人不快的情緒。最後結帳$2827……真金白銀咁比左錢，點知食完上Openrice睇返，發現該店的餐牌

初次嘗試日本料理-鐵板燒，三人行係為慶祝生日嚟和三味食，餐廳環境優雅，服務員態度好，樂於推介，第一次食所以沒有特別指定鐵板燒師傅。今次食左一個三人前套餐、雜錦天婦羅、炒金菇。澳洲大鮑魚燒完都好軟身好，唔需要特別調味都已經好好食，好鮮。法國鵝肝多士，由於鵝肝缺貨已經表明用鴨肝代替，但鴨肝質感都唔差，配上多士，感覺一流。螢光魷魚配菜，好特別，兩小條螢光魷魚味道好鮮。三人前套餐選擇兩大蝦及一北海道貝柱，大蝦爽口，北海道貝柱新鮮爽甜。清酒煮蜆簡直一流，非常鮮甜，蜆肉脹卜卜多汁，湯汁充滿蜆肉鮮味。麵豉醬燒豆腐、燒茄子、燒南瓜，香脆可口。薄燒澳洲和牛入口即溶，和牛包裹油爆香蒜及蔥，配搭完美。至於，厚燒澳洲和牛肉汁豐富。炒飯配少量和牛碎、煙肉碎及蛋炒成，口感豐富。

這餐廳一直是我想光顧, 因為聽聞鉄板燒好出名, 加上午餐價錢合理(其實算係經濟).今日公司TEAM LUNCH, 決定來這裏吃午餐. 由中環專登去銅鑼灣光顧也是值得的. 由於即日才訂位,鉄板燒座位已滿座. 只好訂和食了!聽同事講, 和食也不錯, 而且價錢唔貴! 一看餐牌, 平均午餐HKD190-380之間, 而且好豐富! 我決定選了$210的和三味定食. 最喜愛日本SET,每樣都有少少,魚生好新鮮, 天婦羅脆漿又唔厚, 冷麵也是我喜愛,又有沙律菜(沙律汁是柚子味調較, 好清新好開胃) 就連燉蛋也好好味! 坐在壽司吧枱,可以看見司傳專業又細心地切魚生, 也是一種享受.這個午餐還包括了甜品和咖啡, 上網看過這裏的咖啡必定要試, 加上我一向喜愛日式咖啡, 當然比個LIKE吧!食到好飽的時候, 同事話加$10又可以雪糕, 咁抵食, 當然要試啦! 我選了豆腐味, 夠凍又夠味!今餐真滿足! 看過鉄板燒價錢, 平均也要$340,下次一定要早啲定位,要求靠近窗口座位! 

工作繁忙太耐無對自己好, 所以搵晚一於食好D, 黎之前響網上搵左好耐, 諗下食西餐定日本野, 未試過食鐵板燒, 所以見到呢間就揀左黎呢度食. 食材主要以海鮮, 和牛等, 可以食SET或單點, 我地要左二人前鐵板燒, 每樣美味食材都有.先黎個前菜, 面頭既蝦好新鮮爽口, 底既係茄子, 軟腍夠入味, 食完清新開胃.南非鮑魚, 上鐵板時仲識郁, 入口爽口彈牙, 鮮味突出, 食到鮑魚既原汁原味.仲有清酒煮蜆, 淡淡既酒香, 帶出蜆既鮮味, 蜆新鮮彈牙, 口感豐富.食完幾道菜, 再黎雜菜清一清個口.之後就係最期待既和牛, 生既睇落已經好吸引, 油脂分怖平均, 就等師傅落板一刻.放左落去一陣, 和牛表面已經慢慢焦香, 肉香撲鼻. 終於等到師傅上碟, 急不及待起筷, 一啖入口肉厚, 肉質腍身而嫩滑, 肉汁豐富, 濃郁牛味, 食完好難忘.最後黎個炒飯, 粒粒炒得夠乾身, 配料夠多, 食完好滿足.

如果想食日本鐵板燒香港選擇都唔少，今日lunch同幾個小朋友去食鐵板燒。叫咗兩個set在加 a la carte 。環境舒服，冇油煙味，服務態度都唔錯。我平時真係唔會叫鵝肝但係小朋友想食所以我哋就叫咗兩個order。師傅控制得非常，不停反塊鵝肝，個鵝肝煎得啱啱好外脆內軟無"so"味！ 唔嘢都唔落，一啖食，D汁出哂來，熱「辣辣」！正！ 師傅係我地面前煎鮑魚，個鮑魚又肉質鮮甜又有嚼口，唔會燒到過韌。全個用餐過程簡直係視覺享受！ 隻大蝦鮮味十足，入口爽脆，非常美味！ 銀鱈魚魚脂豐富，都煎得好香，唔魚腥味，燒得外脆內軟，好好吃！一如既往食完午餐就去另一邊、嘆杯咖啡而小朋友食雪糕！再來指數：8.8

老牌鐵板燒。師傅功力扎實。食材用料新鮮。物有所值，值得一試。Old school teppanyaki.Experience chef.Quality ingredients.Recommended. 原來和三昧的前身是名為「千世登」的鐵板燒。「千世登」開業二十年後便變為「和三昧」。原來和三昧已在原址開業了十年多。而負責我們抬的師傅便由千世登一直在原址操刀達三十年之久。"Wa San Mai" itself was established for almost a decade. Before Wa San Mai, another Japanese restaurant had been at the same location for 20 odd years. We were very lucky to have been served by an executive chef who worked at both restaurants. That's 30 years of experience. 和三昧提供不少的鐵板燒套餐，價錢並沒有想像中貴。內容其實和其他鐵板燒店亦大