和拉麵

营业中

休息中

今次又黎和拉麵度食拉麵喇証明呢間野真係好好味，今次黎仲食左好多野丫個玉子又熱又軟滑，又好味，真係好好好鍾意食呀，走之前再叫多左一碟黎食另外小丸子嘅味道好耐都無試過咁好味喇，外脆內熱又多汁食嘅時候熱辣辣，超正，燒鰻魚抵食好味另外仲食左其他，今次叫左好多野食，食唔到我最鍾意食嘅雞軟骨添不過反而試左更多好好味嘅野呢間拉麵真係食過返尋味，價錢又合理，味道又好食，店員又好Nice又好有笑容真係好好嘅一間拉麵店推薦大家一定要去吖

和拉麵嘅午市套餐抵食，平時一碗拉麵$75-$80；午市只需加多$5，就可揀多樣小食，以及飲品，而且無加一呢度老闆好🇯🇵師傅style，只專注做拉麵，即係「日本博多豚骨拉麵」，而且只分別出三種湯底：原味、辛辣味、味噌味。除此以外，湯底有滑口d同濃厚d揀最後，我就揀咗辛辣味，當中可以選擇唔同辣度，分三個級別小、中、大辣；因為怕辣得嚟又想試少少，揀小辣就啱啱好☺️☺️少辣豚骨湯底夠惹味，湯底望上去顏色偏淡，但係飲一啖，覺得好足料兼聞到豬骨湯味。加上少少辣味，令整個湯嘅味道提升哂，連埋拉麵一齊食，正！😁糖心蛋，係我至愛！食到加咗味醂，而且好糖心，個蛋心仲有d蛋黃汁流出來，好好食😍早知追加多半隻，食夠一隻先滿足😋成個拉麵最吸引，當然係當中嘅叉燒，一嚟塊叉燒幾大塊，二嚟師傅整得好好味，瘦肉位唔乾，且味道啱啱好，三嚟我平時好少會食埋肥膏位，但呢塊肥膏叉燒爽口，兼入味，無肥膩感，唔覺漏，啱哂😎章魚小丸子，有3粒，好日式風味，粒粒都足料，個醬汁無得頂，只需加$5就食到3粒，不會太高要求吧，超值！

原來大埔都有好多特色美食，早幾日又同朋友食拉麵，今次去食和拉麵。店舖雖然不大，但日式裝修有空間感，一路播住日文歌一路食拉麵好好氣氛。下單前店員會主動同客人講解，十分友善。講番拉麵湯底，佢地有三款可以選，豬骨、味噌同埋辛辣湯。可以按自己既個人喜好，係menu自訂一碗啱自己口味既拉麵。今次揀左味噌拉麵，而朋友就揀左豬骨原味。味噌湯底濃度適中，加上叉燒、糖心蛋等豐富配料，叉燒炆得淋而入味，糖心蛋蛋黃流出黎，好快成碗麵就俾我食晒連湯都飲晒！另外其他小食都有好多選擇，我們亦點左炸雞軟骨，即叫即炸，十分酥脆香口而且份量足！比外面的炸得更大顆，口感很好，又抵食。

大埔的橫街中，有一間日本拉麵店，店子小小，但完全可以滿足大家的胃口！要有意想不到的驚喜，就要深入小巷。 雖然選擇不多，但貴精不貴多，如果真係美味，真係一種口味已經做得很出名！第一次來，我都是想試一下原本的味道！ 午市有套餐~ 所以我和同事一人一樣小食，吃均兩款。 有一調味品推介，就是他們自家的辣蘿蔔~~(沒有記錯應該係！哈哈) 辣味一流，我先試，後再加進麵。 煎餃子和章魚小丸子~~ 我個人覺得章魚小丸子比較好吃，而且章魚粒好大！外脆內軟！ 煎餃子比較普通~~ 豚骨拉麵~~~ 這個不是濃的~~是正常。先品嚐湯底，好香好濃豬骨湯味，好足料！拉身爽滑，不會太粘著。日本叉燒好入味WOR~~個蛋生熟程度適中！GOOD~~ 真的不能挑剔，我和同事都決定這間是可以再光顧的食店~~ 推介！

點解聖誕會咁黑仔！去大尾督燒野食又係咁！食碗麵又係咁！點解拉麵嘅叉燒可以咁薄！！夾起係會曲起㗎！！！你係貼紙定叉燒？定係新出品「叉燒紙」呀？！你個湯巳經唔係濃，麵又唔係特別多！你連叉燒都要切到薄成咁！！你係車仔麵三四十蚊都無咁慶！成舊水你俾厚少少我都得掛！咁嘅野都唔多笑面？？？睇openrice上面啲相，唔係我黑仔！真係碗碗都切到勁薄！貼著個碗邊透光咁！不過有啲相就晒角度，打晒燈，美圖過咁！野食都可以係相騙！

拉麵加埋日本歌，確係別有一番風味，當中仲有一啲耳熟能詳嘅歌，係一啲懷舊粵語歌嘅曲，而唱緊日文詞，估唔到呢啲歌係有日文版，雖然第一次聽，但已經好有親切感。店入面得三款拉麵，order紙可以自行選擇唔同配搭。

今日收工坐車過左站,係大埔墟到度落因為都已經好肚餓.咁我咪隨便行下睇下附近有咩食我知道有條巷有幾間食肆見到有間新開未見過既拉面鋪WO見店面裝修日式感足,就入左去試^^餐牌選擇都幾多,賣相吸引,價錢平主食拉麵就自己寫單再比店員就OK,小食再叫我就叫左碗 豚骨原味拉麵, 香滑湯底 再加一碟小食 (日式煎餃子)湯底色水唔錯,仲配糖心蛋,紫菜,叉燒一D都唔單調配料足, 糖心蛋做得唔錯,賣相好睇好味道叉燒都好新鮮日式煎餃子,一碟有四隻食之前點一點醬料, 正入面肉量足,淡淡肉整體都唔錯,價錢又平,食物質素又OK^^住大埔既得閒去食下啦^^ 

見到有新野開左！就去試試啦！都係做拉麵既！拉麵有三種口味！就叫左個原味黎試試！好想食糖心蛋！所以又加多隻蛋先！拉麵個湯底都唔錯！好香豬骨味！就算係原味都夠濃！幾好！雖然豬肉份量唔算係多！不過真係幾好食！有陣煙過同燒過既味道！個豬皮好彈！肉又夠林！好食啊！睇返相都流口水！勁流心個隻蛋！麵都幾好！夠哂彈牙！食完個麵又口痕想食其他野！好多炸野同煎餃子個d揀！不過惜熱氣！就叫左個枝豆食！枝豆有得揀熱食定凍食！份量都唔少！

放工又肚餓就同朋友揾野食，成個巷其實都有唔少選擇，最後我地就入咗「和拉麵」。估唔到佢哋啲嘢食都唔差。我叫咗辛辣拉麵，佢係有得揀辣度既我就叫左小辣。衣個辣度對我尼講啱啱好，食落幾過癮。建議大家冬天尼食，食得辣既再揀辣啲應該更過癮🤣。另外不得不提個日本糖心蛋，入口即溶又滑，比起其他店更流心。而我個friend就叫左豚骨原味拉麵，湯底都濃郁，配埋啲麵真係一流既配搭，唔食辣既朋友就可以揀衣個保險啲。而小食方面有十幾款選擇，最後我地叫左紫芋甘栗薯餅同日本煎餃子。用紫薯整既薯餅我都係第一次食，係超好味！！薯芯又甜又香，正！而個日本煎餃子炸得都幾香脆，加埋個醬汁食落就更有日本既味道。最後埋單211蚊，有點小貴，但食物水準一流，環境都乾淨又可以傾到計，係好值得再去一次既。

大埔真係超級多拉麵店, 好多選擇~~今次就試下呢間和拉麵, 大埔墟火車站行一陣就到,,都算就腳~~~一入到店,店員十分熱情招待我地,, 環境舒適，㓗淨...點餐紙上有三種拉麵可以比我地揀，分別係豚骨原味拉麵，辛辣拉麵，同埋味噌拉麵我今次點左個豚骨原味拉麵,拉麵的份量適中, 有半隻溏心蛋, 拉麵湯底香濃, 口感好滑, 果然係真材實料, 食完好回味.....朋友點左味噌拉麵, 湯底好濃,好入味,半隻溏心蛋,麵質爽口彈牙, 叉燒好厚身,半肥瘦,正丫~~~除此之外,餐牌上提供了很多種類的小食,我地仲點左雞軟骨, 外脆內熱, 非常美味可口，一試難忘...

貓貓繼續食日本野。呢間簡簡單單日式既日本餐廳，好有日本拉麵舖既風格。貓貓一坐低就有杯水可以解渴，侍應係貼心既。貓貓order左個豬骨拉麵，見到有濃湯，梗係試下濃味啦。濃湯既拉麵特別香。拉麵看似唔熱，但濃湯令拉麵好熱，而且吸曬湯汁，拉麵特別香。拉麵質感彈牙。蘆筍味道唔算太濃，貓貓鍾意呢個蘆筍，好清爽彈牙，濕左個嘴。叉燒都好大塊，而且唔會肥膩，燒得幾好。貓貓試左舖頭自己整既芽菜。少少辣，同拉麵一齊食特別開胃，不知不覺食左好多，因為味道調得好好。大埔原來有好正既拉麵，開心des!

大埔有唔少既隱世美食😍😍😍今次就發掘到係大埔墟食到一間細細地又好好味既拉麵鋪《和拉麵》😁😆😆係大埔墟火車站行7分鐘到就可以去到《和拉麵》喇☺☺☺小編最愛既豚肉拉麵+小丸子/餃子/其他小食+玻璃樽既汽水套餐只係$80😊😊😊重點係very yummy!!!店鋪提供點餐紙，可以簡濃唔濃湯，多唔多蔥，多唔多面，very flexible’!!!!而且拉麵仲附有美味唐心蛋，真係幾日式化架😆😆😆唐心蛋又滑又多汁，食兩淡再飲少少湯係我至愛!!!雖然豚肉黎講係比較薄，但正正因為甘而吸收晒濃湯既鮮味！而且和拉麵仲有自製辣芽菜，拉麵加湯加少少芽菜既配搭係不可思議地match配菜方面，小丸子同餃子都係細細份，唔會食到好飽，餃子足料又有脆脆薄皮，係有心機既！小丸子既醬汁同沙律醬唔會太多，所以都唔太漏，食面食到悶悶地就夾一粒，令人食得更有新鮮感啊！另外要一讚係店員既親切態度，其實係店外睇緊menu既時候佢地已經好welcome甘叫我地入去試下，而且仲會主動幫客人加水，介紹下食物，真係好令人窩心架☺☺☺有時候覺得香港做生意好難，特別係小店，所以希望多d人認識依間大埔隱世小店喇！

<大埔區好味拉麵店😍🍜>如果認真留意下既話 其實會發覺大埔都幾多好味既拉麵店😆 坐落喺運頭街既和拉麵🍜 環境對拉麵檔黎講都算闊落 木枱櫈 唔係對住牆嗰d 😂 但離遠都會見到師傅整緊拉麵 👍🏻 全店只有三款味既拉麵 甘樣仲好夠專一 😄 仲有d唔同種類既日本小食好似小丸子 雞翼等等🐤🍴辛辣拉麵 中辣 80 蚊🍜🌶 同平時食拉麵一樣 都係用張紙點 可揀湯底 蒜 葱🌿 麵既硬度等等 🍜 碗麵入面有木耳 葱 筍 紫菜 溏心蛋🥚 日本叉燒🐷 材料豐富😄 湯底 聲稱係傳統博多拉麵湯底 豚骨煲足10 個鐘 冇落添加 濃而不膩 點左辛辣湯底 🌶 所以味道除左有香濃豬骨味 仲帶有辣香 好味😆 筍同木耳 加上 點左硬度適中既彈牙麵身 合埋一齊好有口感🍜 叉燒 脂肪量唔會好肥帶有點彈牙感🐷盡吸湯汁 整體好好味😆🍴章魚小丸子 28 蚊 🦑細細碟有6 個小丸子 上面鋪滿木魚同紫菜絲 熱辣辣 😆 小丸子唔算好大粒 入面 茨粉密度剛好 小丸子夠彈牙🦑 加埋甜酸汁更正👍🏻Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Dec

大埔出名多嘢食，今次就嚟試吓呢間主打博多拉麵嘅小店。店舖雖然唔大但具有空間感，而拉麵選擇有三款，小食就非常多選擇。我同朋友叫咗味噌拉麵、辛辣拉麵同一寫吉列魚手指。魚手指炸得好香脆，內裏魚柳好足料又香，好高質。而拉麵配菜有半隻溏心蛋，好夠流心；肥叉燒，肥香而不膩；仲有木耳、蔥、竹筍。拉麵湯底香濃，餐牌寫住係熬咗好多個鐘而成，可信性高，而拉麵掛湯力足，辛辣味湯底唔會太辣反而好香，就算唔食得辣都可以試吓，而味噌湯底好濃郁，掛拉麵食一流。兩款湯底都好高質，唔怪得餐牌得三款湯底都夠打天下。

今日難得係大埔食日本嘢，入面裝修好日式、空間寬敞，店員同客人都會傾吓計，感覺溫馨。睇睇menu，有三款拉麵選擇，簡而精，而我同朋友就分別叫咗辛辣拉麵同味噌拉麵。而我個碗就係味噌拉麵、軟身、普通蔥量。第一啖飲個湯好有驚喜，好濃味噌，而麵夠軟。而溏心蛋流心得嚟入味，配合埋肥叉燒，整體嚟講成個拉麵好惹味。辛辣拉麵叫咗小辣、硬身、多蔥。朋友本身唔食得辣但係都完全接受到呢度小辣，而且仲話辣味幾香，湯底濃而唔會過咸，麵質硬身好夠口感同埋掛湯力夠。 總結而言，呢間拉麵店尚算高質，值得一試。