和昌潮味館

营业中

休息中

雖然我唔係“㗎Ge冷”，但都鍾意食潮州嘢，今次慕名而來，基本上叫咗嘅食品樣樣都好正，入座即刻㗳番杯“功夫茶”先，另點嘅鐵觀音都好唔錯。～鵝三味(鹵水)，鵝腸鵝肝鵝件，咸淡適中，食完都冇話想要即刻飲多幾啖茶冲啖下嘅感覺，個鵝肝入口滑溜又入味😋！～用鴨蛋做嘅香煎蠔烙超級正！個邊“烙”得好香好脆口，蠔仔好鮮味，一啲啲腥味都冇！～方魚肉碎粥(一位用)，原來都唔係細細碗，有兩個人份量，我個人一向唔鍾意莞茜同唐芹嘅味，混入粥裡面嘅份量唔太多，可接受。～韮菜粿用上水晶皮，煙韌得嚟又薄又滑又唔會滯口，好味！～最後都忍唔住叫咗甜品，清心丸綠豆爽同椰汁海石花，一個傳統一個創新，一凍一熱，兩種口味。一頓好唔錯嘅晚飯就劃上完美句號！老板Jack哥好nice，好細心介紹幾個特烹調方法添！👍🏽👍🏽

10人家聚，食黎食去都係家常小菜；經老闆娘推介下，嘗試豆醬雞。果然賣相不錯，足夠10人開飯。雞口感嫩滑，而且有馬蹄，小許肥豬肉作伴菜，好有層次、好足夠食。下次要試吓鴛鴦蟹

今天是我親愛的車爸爸正日生日，這天我們當然亦有慶祝活動，早在上星期幾條啦好友已經一起在和昌潮味館跟他吃了慶祝晚飯，大伙兒一於以潮味慶生辰。潮州打冷給我感覺從來也很麻甩，但和昌潮味館一改潮州大排檔的味道，改用簡約典雅的裝潢打造成脫俗的潮州菜館。甫坐下侍應即送上久違了的功夫茶，從來喜歡喝功夫茶甘醇滋味很舒心。喝過功夫茶後見到店家有自製的烏豆水及老藥桔，兩款也非常吸引弄得我好糾結啊！烏豆內含豐富的蛋白質及多種礦物質和微量元素，還是美容、養生、減肥的恩物喔！所以肥美的我最終選了烏豆水＄36，呷一口豆香滿盈而且還不太甜好味道，車爸爸則喝老藥桔＄36用潮州特產老藥桔製成，味道鹹中帶上甘甜據聞還有潤肺健脾之效呢。幾條冷聚會的日子當然少不了美酒！碰過杯後我們便開始這夜的潮味晚餐。有美酒當然要有佐酒小吃吧！我們分別點了滷水鵝掌＄66/2隻、鵝翼＄70/2隻，前者弄得入味可口，後者我覺得可以再入味及軟淋些。另外這個滷水鮮墨魚＄158口感彈牙味道鮮甜，還有外皮煙韌內裏嫩滑的潮州豆腐！58味道也十分不錯。吃過滷水前菜後隨即上檯的是清燉荷包鱔＄98/位，潮州菜中的俵俵者清燉荷包鱔做法繁複坊間已很難吃得到，這夜有

潮州打冷一向俾人嘅感覺都係大排檔美食，深得唔少「麻甩」喜歡。不過，事情總有例外的！今日嚟到嘅和昌潮味館就係由嚟自潮州，超過65年餐飲經驗嘅高佬叔二代經營，佢哋一洗潮州大排檔嘅風格，改成以簡約木元素為設計重心，加上刺繡畫同古典色彩屏風攞設，實行打造高質嘅優雅脫俗潮州菜。功夫茶一坐低之後就會送下兩杯功夫茶，就好似歡迎我哋嘅welcome drink。鵝三味潮州滷水汁以醬油同多達二十種藥材同香料，日復日餚製，所以味道非常香濃，馥郁醇厚。呢個鵝三寶就有齊鎮店三寶：鵝肉、鵝肝、鵝腸。三款食物都勁入味，充滿濃濃嘅滷水純厚香味，齒甲留香。鵝肉嘅肉質非常嫩滑，食嘅時候一定要連埋皮一齊食，感受鵝油嘅香滑；至於鵝肝軟滑香濃，入口即溶，帶有甘香感覺；至於鵝腸爽口，勁入口，但就略嫌每條鵝腸都太長，食嘅時候會好論盡。滷水牛面珠牛肉採用澳洲穀飼牛，並以75度慢煮18小時而成，所以肉質非常嫩滑，肉味香濃。潮汕煎蠔烙講到食潮州嘢，我就最鍾意食蠔餅，呢個潮汕煎蠔烙嘅份量超多，食嘅時候好有口感！首先蛋邊非常香脆，用上鴨蛋包往肥厚嘅鮮甜蠔仔，真係啖啖都充滿蠔仔嘅滿足感。老橄欖燉螺頭湯湯色清徹，但非常足料，入口嘅時候非常清甜

作為潮州妹，當然最愛是家鄉的美食，仲會四出覓食，知道大角咀白楊街新開業的《和昌潮汕滷鵝》及《和昌潮味館》，由從事飲食業界65年潮州人高佬叔的第二代主理，將爸爸最愛的潮州菜，以最正宗及高質潮食從新演譯，保留了正宗家鄉風味之餘，也加入了新的烹調法，令口感及味道也再一次提升，所以一行四位好友，就來一次潮食。眾所周知潮州菜是中國八大菜之首，講求做工細緻，來到《和昌潮味館》主打正宗的潮州菜；甫人店內簡約木元素的裝潢，掛上刺繡畫及設有中國古典色彩屏風，約有五、六張枱，卻有優雅脫俗的親切感覺。跟高佬叔的第二代黃健聰(JACK)聊天，原來他為了發揚家鄉的美食，放棄了高薪厚職接，並將《和昌大牌檔》及《和昌快餐店》轉型為現在的《和昌潮汕滷鵝》及《和昌潮味館》。由於JACK對食品的要求也相當嚴格，即使是醬汁的配搭，也堅持新鮮自家調配醬汁，所以味道的確與坊間所吃到的略有不同，並請來潮州人的班底，食材大部分來自潮州，讓大家能品嘗到正宗的潮州風味。難怪開業只得兩個月，當日已看見有熟客來光顧，真正能做到留住食客的心。生醃膏蟹 $488起用上汕頭膏蟹，加上醬油、魚露、生蒜、莞茜、辣椒等醃製，醬汁作提鮮作用，令蟹身鮮甜

早前曾嘗過滷水鵝三寶外賣兩次，感覺鵝肉質素高入味有肉香，今晚決定試試堂食如何！潮州米醋一上枱，已經香氣撲鼻，正鵝頭頸色澤麗亮，肉嫩皮爽，味透入骨。鵝三寶有鵝肉，鵝肝，鵝腸。鵝肉軟滑充滿濃濃滷汁香。鵝肝是新派做法，粉嫩滑溜帶著微微嘅甘香。鵝腸未算是肥美，剛剛能達標，始終要迎合本地口味。檸檬鴨湯入口清甜之餘還滲透著絲絲檸檬香氣。九肚魚烙呢個潮州pizza，整個烙都被九肚魚肉舖得滿滿，咬落脆脆烙邊連帶魚肉入口嘅感覺係幸福。韮菜粿雖然唔係我心目中形態，然而味道餡料都可以，餡料如果能夠再充實就會更好。本想點叫普寧豆腐，但廚房話今日唔賣，因為天氣太熱變壞咗倒哂！好！好！有借口再嚟食，要食哂餐牌為止。