和牛燒肉一郎 (荃灣廣場)

营业中

休息中

最近喺網上搵到呢一間和牛燒肉一郎，佢哋主打和牛日式燒烤放題，而且睇住個價位都唔會貴，最緊要係食材全部都係高級嘢，仲要係放題任你食到飽，所以睇住都幾吸引我。特登安排咗一個晚餐時段嚟試一試呢度嘅日式燒烤放題！呢度地方好大，啱晒帶朋友家人嚟呢度吹水燒嘢食，嚟呢度飲酒都唔錯，好多送酒小食可以任食。呢度無論係牛肉定雞肉，味道都非常唔錯，然後真係好抵食，肉都好新鮮。🌼薄炙牛五花（燒肉醬）同牛五花（辣味噌醬）經過醬料嘅醃製，味道非常入味，都有濃烈嘅燒肉醬同辣味噌醬嘅香味，然後牛肉嘅肉質好鮮嫩，油脂嘅分佈仲好均勻。🌼切上等牛舌芯就好滑，同一般平時食到嘅牛肉好唔同，呢度燒烤後更加香更加惹味。香草雞腿肉同香草雞頸肉都非常有特色，香草嘅味道為雞肉提味，燒嚟食嘅雞肉味唔會好單調，食住好爽。菠蘿攞嚟燒烤我都係第一次嘗試，估唔到燒菠蘿嘅甜味更加明顯，然後好開胃。今次嘅日式燒烤體驗真係好正，非常推薦大家可以帶朋友家人嚟呢度飲酒食燒烤。(沒有用餐優惠)

SET F嘅套餐選擇好正, 幾道主打菜式都維持到好高質素。由海鮮到肉類, 每一樣都有自己嘅特色, 可以滿足唔同口味嘅需要。雖然係自助形式, 但食材嘅新鮮度都唔錯。整體嚟講, 呢個套餐好抵食, 可以品嚐到多款高質素嘅食材。頭盤送完黎之後，就可以qr自助落單，更會用送餐軌道送嚟，直接由廚房送到你座位，速度更快，更高效💯極上夏多布里昂⭐ ⭐ ⭐ ⭐ ⭐ ⭐肉質好嫩, 幾乎唔使點力就可以咬斷。口感多汁, 肉香濃郁但唔會滯。燒嘅時候外層微焦, 入面保持住靚嘅粉紅色。每一啖都可以感受到優質牛肉嘅細膩口感。黑毛和牛併盤⭐ ⭐ ⭐ ⭐ ⭐唔同部位嘅肉質各有特色, 有啲更嫩滑, 有啲口感更豐富。肉嘅鮮甜味好正, 唔使點調味就好好食。就算食咗幾片之後, 都仲會想再試多啲。黑毛和牛薄炙壽喜燒里脊肉⭐ ⭐ ⭐ ⭐ ⭐最鍾意嘅壽喜燒和牛。和牛嘅脂肪分佈均勻，薄炙過後嘅肉汁豐富，一啖咬落去滿滿嘅肉汁香味，配合壽喜燒嘅調味，更加加分。特大帆立貝⭐ ⭐ ⭐雖然係放題，但俾嘅帆立貝唔馬虎，都好大一粒。肉質非常細嫩，天然嘅鮮甜味，好鮮甜而且唔會滯！

上個禮拜我想想去荃灣廣場食呢間嘢，但係呢食食吓突然間呢入邊去腐爛嘅！！！嗰度嘅環境都好差，地下有一篤屎我去廁所嗰時發現有人冇沖廁😣😣😣冇下次呀！！😡😡😡

中午時間和同事來到一郎食lunch，餐廳位於荃灣廣場L6 ，餐廳在商場的最高樓層，裝修環境不錯，而且座位多，不用等位就可直接入內用餐。餐廳的Menu有午市套餐或燒肉套餐，我們選擇了午市套餐，套餐包括了日式丼飯及麵豉湯，價錢是$38至$48 ，食客可加$28加沙律吧及飲品放題，或加$48加沙律吧、飲品及甜品放題。我們選了一郎南蠻豬扒丼及特製牛舌丼，丼飯的份量很足夠，麵豉湯的味道也不錯。一郎南蠻豬扒丼的豬扒很大塊，而且吉列豬扒炸得很脆，醬汁和吉列豬扒也很夾。而特製牛舌丼的牛舌烹調得熟度剛剛好，不會煮得太韌，很容易咬開，但略嫌調味不夠。雖然餐廳提供了各種調味讓食客自己添加，但略嫌飯的味道不夠，建議可加多一些醬汁令丼飯的味道更好味。小食方面，吉列炸蝦送上時又熱又脆，配沙律醬很好味。另外，值得一讚店舖的員工服務態度很好，還提供飲用的熱水給我們，很貼心。而且餐廳的座位較多，可以邊坐邊傾偈，不用趕着吃完就離開。這間店還有外賣優惠，外賣溫泉蛋和牛肉燥丼只是$18 ，真是超級優惠，而且味道不錯，雖然份量不是很多，但這個價錢真是性價比極高，值得推薦！

我哋今日同朋友去咗荃灣嘅《和牛燒肉一郎》食個日式燒肉放題，真係食到飽滿又滿足！呢度環境舒服，而且個菜式選擇真係好多到眼花撩亂，值得再黎！分享吓我哋點咗嘅幾款招牌菜式啦：1️⃣首先呢個頭盤黑毛和牛4款（肉眼，牛肋肉，肩胛肉，一口牛），每款牛肉都嫩滑多汁，特別係一口牛，真係入口即溶，食到停唔到口！2️⃣再嚟就係M9薄炙牛里脊肉🥩。牛里脊質感嫩滑，輕輕炙好之後每一口都充满肉汁，再配上燒肉嘅獨特香味，好過癮3️⃣我哋仲食咗燒菠蘿🍍，燒到微焦嘅菠蘿甜蜜多汁，再配上燒肉，好Fresh感覺真係一流。4️⃣甜品方面，我哋還點咗雪糕，啲雪糕滑溜溜，配合燒肉後食，口感超絕！5️⃣另外仲有啲青口，青口肉質鮮甜，燒完之後更加惹味，入味又Juicy6️⃣而呢呢到竟然有香蔥牛腹肉碎壽司🍣，牛腹肉碎滑溜溜，配埋香蔥同壽司飯一齊食，真係好正，入口即化7️⃣最後我哋試咗兩色蔥花牛舌（鹽味）👅。牛舌片片薄，鹽味調得剛剛好，加埋蔥花嘅清香，好汁滑同埋入口即化，真係好味無敵！總括而言，《和牛燒肉一郎》真係一間超抵食嘅日式燒肉放題店，食物質素高，環境又舒適，真係每次你都滿足到爆！

上個週末係老豆嘅生日，我哋屋企人去咗荃灣廣場嘅和牛燒肉一郎食自助餐老豆一直都想過嚟食，終於有機會帶佢嚟啦我哋人數比較多，揀咗Set F呢個套餐最特別係入面有19款日本黑毛和牛牛肉可以任食，當然仲有好多唔同選擇既食物，食物係由自動送餐車送過嚟，好方便👍🏻頭盤真係特別推薦畀大家首先係極上夏多步里昂，取自菲力中心部位，肉質新鮮嫩滑，脂肪均勻，食咗唔會油膩仲有黑毛和牛六款，包括咗肉眼、肩胛肉、一口牛、三角腹肉、牛肋肉同牛肋條整體嚟講都好滿意，尤其係肉眼，脂肪分佈均勻，入口即化，真係好味😋2色蔥花牛舌係老豆最推薦嘅，用鹽調味，配上兩種顏色嘅蔥花牛舌切成薄片，好快就可以烤熟，仲保留到本身嘅口感無論係青蔥定係白蔥，都有自己獨特嘅味道，鹽嘅調味更加突出蔥花嘅香氣同牛舌嘅口感老媽子最鍾意嘅係黑毛和牛牛肉角切（又叫“一口牛”），切成細細粒，好快就可以烤熟濃郁嘅脂香喺烤嘅過程中就聞到，每一口都充滿肉汁，入口即化🤤生牛拖羅刺身係將牛肉中脂肪最豐富嘅部位切成薄片，可以點醬油或者配埋wasabi一齊食，唔需要烤就可以食到牛肉本身嘅鮮美味道呢一餐我哋食得好開心，好滿足呢個價錢可以食到咁多種新鮮嘅牛肉，絕對值晒！

120分鐘嘅用餐時間好充裕,可以慢慢品嘗燒烤唔同嘅食物。132款食物嘅選擇非常豐富,幾乎可以滿足所有口味嘅需求。.👁‍🗨 頭盤 - 和牛4款.➰ 頭盤4款和牛部位入面我最鍾意嘅就係肉眼,呢個部位可以話係和牛入面嘅精華,燒咗之後放入口入面咀嚼時,肉汁喺口中爆發,油花溶化嘅速度啱啱好,但係又唔會覺得太油膩。.👁‍🗨 原隻魷魚筒.➰ 原隻魷魚筒新鮮,口感有嚼勁但係唔會太韌。燒咗之後會去除咗腥味,點啲醬料食,味道更加豐富。係一道好適合配啤酒嘅送酒菜。.👁‍🗨 多春魚.➰ 多春魚燒到酥脆可口,外皮金黃誘人。咬落去時會聽到輕微嘅脆響,好有趣。鹹味適中,突顯咗魚本身嘅鮮美。可以連骨頭一齊食,營養豐富又美味.👁‍🗨 熟成壺清牛肋肉.➰ 牛肉多咗份深沉嘅香味。肉質軟嫩,富有彈性。配搭嘅味噌醬增添咗一絲甜味,同牛肉嘅鮮美好夾。燒烤嘅痕跡為肉增添咗一絲焦香,令人食慾大開。.👁‍🗨 薄灸蔥花牛舌.➰ 牛舌切得薄薄地,口感既嫩滑又有嚼勁。表面微微灸過,增添咗一絲香味。鹹味啱啱好,突顯咗牛舌嘅本味。蔥花嘅點綴唔單止增添咗視覺效果,仲令味道增加咗層次.🔛 整體評分（7.5/10）

喺荃灣一定唔可以錯過嘅和牛體驗，應該冇人會拒絕用合理嘅價錢就可以食到爽嘅日本和牛同海鮮。位於荃灣廣場嘅和牛燒肉一郎，一直都得到好多食客嘅認證，以唔同套餐同Buffet模式成功征服咗新老顧客嘅胃。餐廳可以容納大約150人，仲有VIP房，有咩節日慶祝可以特別預約。呢度係QR code點餐嘅！平日我哋幾個老友聚餐，都會食啲好嘢，唔為咩，就為自己。🤭點個豪華F套餐，睇住送餐車自動將我哋嘅頭盤送過嚟，有極上夏多布里昂、黑毛和牛六款，包括肉眼、肩胛肉、一口牛、三角腹肉、牛肋肉、牛肋條!炭火將和牛各個部位嘅汁水同香氣全部鎖喺入面，一口食落去，真係正到飆眼淚!😋🐮呢啲高品質嘅和牛部位，都帶嚟唔同嘅驚喜同滿足，實實在在食到質感同香醇。另外，兩個朋友特別對2色蔥花牛舌（鹽味）以及黑毛和牛薄炙壽喜燒里脊肉念念不忘，牛舌特別爽脆多汁！極力推薦有十個胃口嘅朋友嚟呢度挑戰食量喔。

今日周末帶老豆老母出嚟行街，想孝順佢哋，就決定帶佢哋去食和牛buffet，啱啱喺荃灣我知道有間和牛燒肉一郎，有日式和牛燒烤任食，決定帶老豆老母去試吓佢哋嘅放題燒烤。 餐廳中間有條路軌，專門用嚟自動送餐，我特登坐近路軌，咁樣就可以好好服侍老豆老母，幫佢哋攞餐點，順便幫佢哋烤，佢哋只要負責食就得。有咗呢個自動送餐路軌，效率提升咗好多，送餐速度亦都快咗。 呢度嘅和牛真係好高質，黑毛和牛有六款肉，每款都非常有特色，每種口感同口味都可以體驗到，肥而不膩。 老豆特別鐘意黑毛和牛牛肉角切（一口牛），因為肉塊較厚，每一口都流油，大小啱啱好可以一口食晒。老母就鐘意黑毛和牛牛裡脊，因為比較有咬勁，瘦肉亦都比較多。 我自己就鐘意極上夏多布里昂，可以體驗到大口食肉，配埋醬汁燒烤，風味十足。 而且呢度仲有甲羅燒食，非常罕有，喺出面好難搵到。 仲有好多唔同既肉、海鮮、日本料理、清酒梅酒都係任食任飲！ 最正係雪糕都係任食，而且口味非常多，我自己試咗比較特別嘅沖繩鹽同經典嘅士多啤梨。 老豆老母食得非常開心同滿足，下次仲會帶佢哋嚟。

前日同姊妹去荃灣行街，行咗成日街，買咗好多嘢，腳又酸，就打算順便去食埋晚餐先返屋企。啱啱好前面有間放題式嘅日式燒肉，鋪頭出面仲好多人，就好奇行埋去睇吓。姊妹睇咗餐牌之後，話呢間嘢係同事之前介紹佢嘅，話味道唔錯，叫佢一定要試吓。我哋就決定喺度食埋晚餐。我最愛嘅黑毛和牛4款有肉眼、牛肋肉、肩胛肉同埋一口牛。廚師好犀利，每一款牛肉都切得好靚，味道都係一流！燒咗兩分鐘嘅原隻魷魚筒，微微捲起，剪開之後，一啖咬落去，熱辣辣特別香！仲有第一次食嘅炙燒牛外橫膈膜刺身，姊妹食咗讚不絕口啊！呢個蒜蓉牛油海蝦真係又香又甜，仲帶有淡淡嘅牛油味，好送飯！有燒肉味噌醬醃製嘅熟成壺漬牛肋肉，味道濃郁，鍾意食牛肋骨嘅朋友仔一定唔可以錯過！姊妹話呢間日式餐廳嘅嘢食真係好啱佢口味，下次要同同事一齊嚟食！

週末我同BB去咗朋友介紹嘅一間位於荃灣廣場嘅和牛燒肉一郎自助餐。一直聽講呢度嘅和牛燒肉好出色，所以我哋特登揀咗放題Set F嚟試下😋 順便體驗一下邊烤肉變食嘅感覺，我係呢方面真係唔得，好彩有BB幫我 😅💗 極上夏多布里昂真係無得彈，肉質好軟滑，脂肪分布得好均勻，入口完全唔油膩。呢個部位係菲力嘅中心部分，非常稀少。💗黑毛和牛🥩六款包括肉眼、肩胛肉、一口牛、三角腹肉、牛肋肉同牛肋條每款肉質都唔同，但同樣鮮嫩多汁。尤其係牛肋條，脂肪分布得好好，燒起嚟香氣四溢，真係令人食指大動… Yummy!!除咗和牛，仲送左個和有其他海鮮 👇💗原隻鱿魚🦑筒經過燒烤之後，外層微微焦香，內裡依然保持住鱿魚嘅鮮嫩彈牙💗特大帆立贝口感豐富，鮮甜味十足💗特大越南大虎蝦亦係必試之一，燒烤之後蝦肉鮮嫩多汁，帶有濃郁嘅海鮮香味💗青口亦係一樣鮮美，配上少少檸檬汁🍋，味道更加出色👍同BB一齊喺和牛燒肉一郎享受呢頓晚餐放題，真係一個好開心嘅經歷。無論係和牛定係海鮮，每一樣食物都令我哋非常滿足呢度嘅食物質素一流，服務亦都非常好，非常推薦比大家試下👍！！

夜晚唔知食乜好，一定會揀放題食，特別係呢間最接近公司又方便又好食，最緊要係唔洗好貴就可以食到和牛啦！首先一定叫一份海苔溫泉蛋拌飯。有人話嚟食放題你叫飯食咪好快飽，食唔落？但係你錯晒，呢個根本就係開胃菜！真係好好食，miss咗真係好可惜。海苔同蔥花嘅香味撈埋溫泉蛋一齊食，做咗成日嘢覺得努力打工為咗食呢啖飯係抵番晒💪另外有三道唔可以錯過嘅任選食品薄切上等牛舌芯,燒肉醬薄炙牛五花同埋辣味噌醬雞腿肉咁多道菜入面呢幾道係我每次都會點最多，又食唔厭嘅嘢。牛舌同牛五花嘅紋理都好靚，加埋油脂唔會太多，而且店家將肉片切得薄薄一片，醬汁特別入味。可以叫好多碟。食得多都唔會滯。我本身食燒烤嗰陣時唔係好鍾意食雞肉，主要因為我唔識控制時間，成日燒得耐咗，好多次都會燒燶咗。但係辣味雞腿肉係其中一道可以俾我自由發揮，唔使驚燒耐咗會難食，因為用嘅係雞腿肉，同埋辣味都解咗所有嘅滯😋

荃灣廣場入邊嘅和牛燒肉一郎主打高級日本和牛放題任食套餐，整體來講比我想像中好，野食質素都算高，尤其任食來講！我哋兩個人晚餐揀咗E套餐，頭盤方面有M9薄炙牛里脊肉、黑毛和牛6款，呢6款包括咗肉眼、肩胛肉、一口牛、三角腹肉、牛肋肉、牛肋條。呢個套餐更加有海鮮組合，包括新鮮嘅原隻魷魚筒、味醂魚乾、海蝦、青口。除咗牛肉，我哋仲多叫咗一份福岡明太子卷。燒牛肉超級香，聞到已經流口水，而且d肉都係入口即溶，好正！我地不斷燒，都食左好多，好彩餐廳有沙律bar，可以食返d健康嘢，呢到d salad好新鮮，甜品同飲品亦都有好多選擇，仲可以揀有無酒精嘅。甜品我揀左vanilla，係我最愛嘅口味。呢度整體環境氛圍唔錯，同朋友或者屋企人會再來。

朋友強烈推薦和牛燒肉一郎，係牛肉愛好者嘅天堂，雖然價錢高，但品質肯定更高，唔會失望。之前我哋去過其他比較普通嘅燒肉店，而呢間因為有和牛，所以一直想試下，無諗到一試就入坑咗。店內環境寬敞舒適，我覺得通風效果做得唔錯，我應該只聞到好香嘅牛肉香味，而唔係油煙味。🧡-呢度主打放題套餐，可以根據自己嘅消費能力選擇要食嘅套餐自助落單、沙律吧、飲品同甜品任食。第一次食和牛體驗，我哋決定試下佢哋嘅E套餐，頭盤有M9薄炙牛里脊肉，日本黑毛和牛六款六個部位，包括肉眼、肩胛肉、一口牛、三角腹肉、牛肋肉、牛肋條，仲有可以生食嘅生牛大腹肉壽司。一次過可以食到咁多唔同部位嘅和牛肉，真係除咗新鮮之外，牛肉嘅雪花紋理真係好似一幅畫，超級靚。🥓-燒後嘅牛肉，被鎖住嘅汁，入口後唇齒留香，各個部位無論厚實定薄嘅，都有唔同嘅味蕾衝擊。😋第一次嘅體驗，真係無失望，食咗咁多珍貴嘅和牛肉，滿足感100分。-最後仲食咗啲沙律嚟平衡一下，順便假裝掩蓋心裡嘅罪惡感，哈哈

終於嚟到荃灣「和牛燒肉一郎」⭐️彌足珍貴的午後時刻🥰今日下午同老公同屋企人去荃灣「和牛燒肉一郎」食燒肉放題，一早就已經book好咗位！☺️ 見到個menu，佢哋嘅燒肉真係不得了，種類多款式豐富，其中好多值得推薦，包括：2色蔥花牛舌（鹽味）,薄切上等牛舌芯,香草雞腿肉,香草雞頸肉。每一款都有其獨特風味，真係令人驚豔 hehe 👶燒肉一：2色蔥花牛舌（鹽味）💜燒肉首選肯定係2色蔥花牛舌（鹽味），牛舌切得薄薄，燒得啱啱好，加埋鹽味同蔥花，味道一流，每一口都滿是驚喜！💜燒肉二：薄切上等牛舌芯💜接下來就係薄切上等牛舌芯，牛舌芯質感嫩滑，燒到微微焦香，入口即溶，真係一試難忘。配料嘅巧妙搭配，讓你不得不驚嘆和牛燒肉一郎嘅廚藝精湛！💜燒肉三：香草雞腿肉💜再嚟就係香草雞腿肉，雞腿肉嫩滑多汁，配上香草嘅香氣，燒得香噴噴，每一口都係極致享受。