咪走雞餐廳小廚

营业中

休息中

今日俾老豆叫左出去食晚飯, 佢提議黎呢度食, 我同哥哥原本對呢間野麻麻地, 因之前黎食過(講緊前身係姑媽茶餐廳時), 不過見佢老人家咁興致勃勃要介紹"好野"俾我地, 就順佢意去食啦...去到未到7:00pm, 仲有位, 不過都幾full吓, 多卡位幾舒服, 又有電視睇, 我地三人叫左三款小菜:1) 椒絲腐乳唐生菜 2) 枝竹牛腩煲3) 燒味雙拼例牌(叉燒+油雞)另+$8配白飯及例湯/飲品菜同腐乳係一齊炒, 唔係就咁淋汁上面, 炒得岩岩好, 菜好爽, 個汁又唔會一pat pat,好食牛腩煲好濃味, 有冬瓜枝竹同牛腩, 牛腩炆得夠焾, 又四正, 唔會有太多不必要既肥膏同筋位, 只係略為咸左dd, 黎lunch會試吓叫佢個咖哩牛腩, 老豆推介燒味份量夠4-6人食, d叉燒好好食, 中間有d似食緊豬頸肉, 邊邊有少少肥, 食落甘香唔膩, 油雞唔係我"飛彿'不過唔錯幾滑, 我中意食切雞多d, 佢地個招牌"咪走雞"我未試過, 有機會都會試吓, 整體好過附近"太興", 又貴又"蚊"型size, 對比呢度好味好多, 見隔離枱個腩肉好靚仔咁, 下次會叫叉燒+腩肉例湯:

原本訂了海港，但由於成日食好悶，所以最後決定近近地黎呢到食就算喇！一行12人，坐在店裡最後的枱，因為呢度只得一張大枱。一坐下，就即刻睇menu叫野食。我最忠於呢度嘅河粉，於是同表妹share一個蕃茄湯底魚蛋墨丸河 + cold 檸賓。另外亦叫了好多餸，加$8可以有飯同湯。先講我地個河粉先！份量好多，兩個人share 食，每人都有2碗。除了魚蛋，仲有魚片。兩者都爽口鮮味，無碎骨。河粉依舊有韌度，不會一夾即碎，不會太削太淋。湯底味道濃，稍嫌咸咗少少。不過有好多蕃茄粒同蛋花，正！莧菜浸豬潤：莧菜好嫩，已浸淋。豬潤切成幼條，好爽口，應該係黃沙潤。還加了杞子。個湯清清地，都幾好飲。苦瓜肉碎菜甫炒蛋：呢個送飯一流。肉碎同菜甫分佈均勻。菜甫爽口不會太咸。苦瓜不算太苦，配炒蛋好好味。豉汁炒涼瓜：之前都食過，水準依然。涼瓜好甘好苦，好正！叉燒：今次嘅叉燒比上次好食多了！有肥有瘦，梅頭叉燒，較淋身。個醬汁亦唔會偏甜。海斑兩食：$138 有兩食，都幾抵呀！西蘭花炒球：西蘭花炒完仍翠綠，很有咬口！班球唔錯，好有肉，無骨，不過火候可再掌握好d，有少少炒過火。蒸班腩：我無食，不過見到好多魚雲炸豆腐：我食咗一粒之後

又係星期六，入大埔探婆婆。今次終於有新意，唔再去海港飲茶，而係去咪走雞食lunch。雖然只係茶記，但食物款式眾多。有碟頭飯、燒臘、米線、即炒粉面飯。我要了一個茄蕃湯底魚蛋、片頭河粉 + $2 凍檸檳。而阿媽阿姨們就叫餸食飯。叫了豉椒炒涼瓜、叉燒拼油雞、咕嚕肉同上湯莧菜。先講我碗河粉。份量奇多，我呢個大食人食到最後已經飽到上心口。紅紅的蕃茄湯底，味道很天然，是很天然的酸味，無味精。有一粒一粒的蕃茄，還加咗蛋花，口感好多了！魚蛋、魚片同片頭各兩粒。魚蛋真係招牌，爽口無骨有鮮味。片頭都ok，彈牙，不過質地較魚蛋實。河粉要讚讚讚，條條分明，好爽口，有韌度，不會淋淋削削。但辣椒油唔係太掂，唔辣又唔香。豉椒炒涼瓜份量細，不過有鑊氣，炒得好入味。涼瓜當做，夠甘夠苦，正。咕嚕肉都ok，唔會太肥。不過豬肉有少少豬羶味。叉燒油雞不過不失，無咩特別。莧菜淋淋地，都ok。

估不到事隔 3 日，我又再訪咪走雞。今次是跟妹妹、爸爸和媽媽 4 人同用午膳。是次真的叫了咪走雞飯、有星洲炒米、咸魚雞粒炒飯和翻兜的豬扒酸辣米線。所謂的咪走雞，只是淋了一個熱茨汁的鹹雞，而且真的幾鹹，雞味欠奉；星洲炒米份量十足，亦頗香辣，但鑊氣唔多夠；咸魚雞粒炒飯味精下得重手咗，飯粒亦不太分明，黏埋一舊舊，更沒甚鹹魚香；豬扒酸辣米線的豬扒依然好大塊，雪藏貨色，味道普通，不過今次啲肉碎、韮菜和芽菜等配料就比例恰當。

上星期四休息日，一覺醒來已是中午時份，因為實在太累，上班與不用上班的日子都幾乎是睡眠不足的狀態。起床後，媽說不如出去食午飯，順道到超市，我沒有異議。沿路行至大埔中心，打算去京都飲茶的，不過看到這間易手了數次的食店再度轉畫，午飯餐又好像挺吸引，便與媽試一試。這店的午市選擇不多，價錢偏高，反而下午茶更吸引抵吃。見尚有 10 多分鐘便到下午茶，與媽還是邊談邊等。下午茶時間到，與媽分別點了豬扒雲南酸辣米線和雲吞魚蛋雲南酸辣拉麵。拉麵原來是類似在吉之島買的日式拉麵，麵條過腍沒口感，配酸辣湯勁奇怪，雲吞和魚蛋各兩細粒，雲吞皮雖夠薄夠滑，但餡得少少，魚蛋是沒有炸的一款，唔夠彈牙；而豬扒米線不錯，豬扒大大塊，腌都頗入味。但不知為何兩碗同是酸辣湯底的粉麵，一碗有齊韮菜、肉碎、芽菜和酸菜；另一碗就只得芽菜和酸菜