品川日本料理 (已結業)

當大家都話荃灣有好多好西食既時候，作為係呢區生活左二十幾年既我真係不敢苟同😂始終已經將d食店都試得七七八八 有時出街都唔知食咩好好彩荃灣西有新商場落成, 多番d選擇, 今晚就同朋友去試係海之戀既三川居酒屋店內環境幾寬敞，坐得幾舒服，坐近窗邊個排檯凳有海景睇！多人既話可以坐和風味濃濃既包廂呢度提供既食物選擇同其他放題店差唔多，刺身、壽司、串燒、天婦羅、熱食都有，用手機落單上菜速度好快，講緊等最耐既壽司都只係10分鐘內送到，同埋另一樣抵讚既係佢冇漏過單飲品選擇幾多虎蝦彈牙爽口醃得好香口，螺肉幾大粒至於刺身呢，劍魚腩同埋油甘魚都好肥美，值得推薦下既佢呢度有幾多特色刺身既，就好似呢個青蘋果鰻魚卷同埋呢d（笑喊），個人就比較喜歡佢既刺身多d佢d串燒質素係幾唔錯的燒翠肉瓜做得十分出色咬落口好fresh d汁又多到就爆出黎佢呢度竟然有土匪雞翼！！味道同譚仔幾相似！！呢度甜品唔算多選擇，有d 細cake、生果同埋雪糕通常大家揀放題既時候都會好膚淺咁睇餐廳提供咩雪糕去快速screen呢間餐廳揀唔揀得過haha呢間餐廳主要提供cocoberry同埋haaegan dazs兩大牌子既雪糕；Cocoberry

荃灣品川海景120分鐘既日式放題晚上放題$258起9:00後 三人同行 一人半價❗️先講下日式放題既主要食物先刺身有三文魚、油甘魚、吞拿魚、甜蝦、馬刀貝、帆立貝、劍魚腩等等食物質素 全部都好新鮮不過每片比較細塊 但偏厚身既刺身選擇頗多 呢個價錢 仲包埋油甘魚同呑拿魚 真係好難得😍壽司🍣海膽軍艦、芒果卷 都推薦👍🏻串燒大有驚喜😻 每串串燒都係熱辣辣醃製嘅味道都好易入口 唔會太濃翠肉瓜、帆立貝 、台灣腸都好yummy 🤤天婦羅選擇好多 仲有炸香蕉、秋葵炸粉唔會好厚 趁熱食🤣炸物+小食✴️炸蠔✴️牛油粟米✴️蜆

首先要講吓餐廳環境 一入到去見到有包廂嘅設計真係好驚喜 下次就算帶埋父母姨媽姑姐嚟食都可以有個舒服嘅位傾偈 第一輪刺身唔記得影相 到第二輪叫質素都仲保持到 都冇走單 我自己係甜蝦忠實粉絲 佢呢度嘅甜蝦食得出新鮮 而且都比一般嘅大隻 啖啖肉香芒軟殼蟹卷 軟殼蟹好大舊 飯嘅份量相對 食多兩粒都唔會過飽 仲有黑松露系列壽司 略嫌黑松露有少少唔夠香 但係配帶子同油甘魚真係好夾出面有日式茶碗蒸可以拎 左口魚壽司好甘香 啲飯唔會太大舊 我自己超級鍾意食比目魚 一般放題都好少有 佢呢度笑得一啲都唔馬虎 外脆內軟 仲大大塊 查咗燒汁先煎好好味 Encore左三次 仲有土匪雞翼 都做得有八成似譚仔嗰種！蒜香牛柳粒食落似西冷牛扒 牛油煎帶子真係好香牛油味 一啖一粒好快食晒食放題點少得炸嘢 芝麻雞翼好好食 一上枱出晒煙仲辣親個口 天婦羅除咗平時有嘅炸蝦 仲有炸秋葵同香蕉年糕 都可以一試

海之戀呢個新商場開咗咁耐都冇真正去行過 通常淨係會去Donki 今日就去搵餐廳食晚飯 近排天氣熱都想食日本野 行過見到有放題就忍唔住大擦一餐一開始一定係食刺身 我哋每樣都嗌咗兩件 費事叫得太多食唔晒會浪費啦 刺身款式都幾多 三文魚吞拿魚玉子甜蝦呢啲基本野 最鍾意佢有赤貝北寄貝同馬刀貝 三款都好甜 竟然仲有劍魚腩同油甘魚 全部都好新鮮 三文魚子軍艦同吞拿魚茸軍艦 三文魚子正 夠大粒鮮甜 如果每件多啲三文魚子就好啦 串燒牛舌係必食啦 唔會燒得好乾 細細塊一口一塊 值得一讚上碟仲係熱嘅 燒雞軟骨好味 上面有胡椒海鹽調味比較特別嘅炸物有炸北海道牛乳 係日本版嘅炸鮮奶 細細粒甜甜地 另外呢個辣汁煮翡翠螺好入味 個辣汁做得好好 小小麻 啲翡翠螺應該煮咗好耐 完全吸晒辣汁嘅精華仲有梅酒同清酒飲！當日落雨所以玻璃唔係好清 但係望出去有海景食都食得舒服啲同埋佢用手機落單環保唔使用咁多紙！

好耐好耐好耐無出黎食放題了，是晚同一位舊同事聚一聚，到了海之戀三樓的品川，貪呢度在西鐵站上蓋，落雨都不用擔遮，價錢278一位，屬正常價位。入到黎，地方好大喎，對住個大海景坐呢，仲有outside位，不過落雨就無出去睇了，門口仲有日式包廳，人多book個啲房坐幾正咁。餐廳用QR CODE落單，方便又唔使晒紙，又唔怕漏單，幾好喎。第二盤刺身，第一盤（上圖）先小試牛刀，見咁正即刻再落一大盤先，肥美新鮮厚切，好鮮甜無雪味，正。所有野食都係落1就黎1件的，因住自己嘅食量已落單啦。比目魚必叫，又嫩又滑好好味！竟然有土匪雞翼，雖然無x仔咁入味，都幾香口，可以encore。燒牛舌都好正，爽口甘香。天婦羅不過不失，炸粉略厚。泰生蝦好鮮味啊～encore encore！除左點單，仲有熟食自助區拎野食，拎左茶碗蒸同是日例湯～蓮藕豬骨湯，幾好飲喎，無味精。飲品有不少選擇，熱茶，韓式罐裝，紙包飲品，啤酒，清酒，梅酒等，全部不用加錢任飲。自助甜品有蛋糕仔同慕絲杯，綠色係綠茶芝士蛋糕，厚實濃郁芝味，朱古力面係士多啤梨慕絲蛋糕，軟綿綿好香口，兩款都微甜，好味。仲有一次性雪糕，有三款味，士多啤梨，朱古力同雲呢拿。平日晚

常言道放題可以有幾難食，我今日真係試過，今日我去到最近話個海好臭既海之戀食日式放題，見佢做緊抗疫價8折就入左去，入到去個感覺係唔錯既，只係可能人少少（話哂都係平日下晝呀嘛），餐廳近窗係落地玻璃望出去係個海，望到對面青衣同汀九橋感覺唔錯。掃qr code落單高科技野呢度都做緊，不過硬件做得好，啲野食唔好食都係麻煩。刺身都多選擇，大路野都有得叫，基本上就唔會難食既，睇落都尚算新鮮，不過間唔中會有一兩件三文魚有啲瘀黑色既位，而串燒選擇都多，不過味道真係麻麻地，雞軟骨串唔夠脆口。炸物就太油膩，少食為妙，最大問題係我叫既兩個鍋物，牛肉鍋純粹係湯底淥熟啲牛肉，冇咩特別，而另一個泡菜海鮮鍋一上枱就完全唔係果回事，顏色都唔啱，之後食落就好似杯麵啲味精湯咁。另外，餐牌上啲古靈精怪既創意料理，自認勇者可以一試。最後出面隨便拎既蒸蛋就真係唔好食，最大問題係啲沙律菜，雖然我冇食，不過聽啲侍應講話啲沙律菜已經放左超過24小時。oh no除左有可樂飲同有哈根大師雪糕，基本上冇咩其他可取之處。

荃灣海之戀商場既品川日本放題餐廳餐廳好大 安排坐起靠窗位置望曬成個海景 ⛴⚓️下就餐廳唔算多人食 可能係平日既關係？落單scan QR code唔會浪費紙張但一定要login微信先scan到🤭刺身方面款式都比較多🦐🐟三文魚, 吞拿魚, 馬刀貝, 象拔蚌, 赤貝, 筷子油甘魚, 甜蝦....刺身應有盡有 無雪味 好怕食放題唔新鮮 炸物方面🍤🥟芝麻雞翼,榴槤炸彈,芝士年糕, 炸餃子, 炸壕炸得啱啱好d食物 唔算好多油係碟上面串燒方面🍡🍢雞軟骨,牛舌, 台灣腸, 雞肉串, 燒菠蘿etc 全部食物屬於正常發揮餐廳比較凍 所以叫左兩個鍋物 牛肉鍋 & 泡菜海鮮鍋甜品🍨每人一杯Haagen Dazs雪糕味道包括: 士多啤梨, 朱古力, 雲呢拿

同屋企人試新嘢，地理位置方便，附近又有激安行下，餐廳環境係幾寬敞，海景亦一流，環境係舒適。可能去食的時候係疫情的關係，之前一直人流少，食物去貨量自然減慢，令到食物質素下降，食物種類都Ok，但冇乜驚喜食物，種類多係冇用，要好食才令人回頭再去，食物質素唔值呢個收費，呢個價錢可以有更好的餐廳選擇..服務方面，唔知係咪侍應忙定失憶，定訓練不足...叫佢跟進啲等咗好耐的食物，侍應敷衍咗幾句又冇覆番我地跟進情況，問咗幾次都冇咗下文，最後問到心累，放棄唔食算。求其食埋枱面果幾碟就埋單走😕連相都冇心機影

任食 二小時 食物款式多, 可以手機以電子方式落單, 落單過程又快又方便, 特別推介 : 軟殼蟹手卷交通方面方便, 荃灣西站出直達, 如果食量大的朋友, 必定回本!!

今日我同朋友一齊經過荃灣海之戀，想搵一個靜啲嘅地方睇下海景同可以食日本嘢，喺香港真係好小唔多禁既地方， 於是我就同朋友揀咗呢間放題又可以睇可以見之餘，仲可以食日本嘢 ，算唔算係雙重驚喜呢，我睇評論有好多負評差評喺呢間餐廳到，但係我一入嚟嘅感覺又未至於去到咁差。 枱與枱之間好闊落而且光線充足， 我哋用q r code落單嘅時候睇到啲壽司刺身都覺得唔差 種類亦都唔少， 啲壽司刺身上到枱嘅時候都唔駛五分鐘， 啲三文魚刺身爽口彈牙都幾新鮮，而甜蝦刺身就都幾鮮甜， 刺身都冇漏單嘅情況， 卡通壽司嘅種類真係好多有，手捲，醬燒 壽司，黑松露壽司，卷物，仲有佢哋舖頭嘅特色卷物。串燒既就比較推介嘅有雞軟骨同牛舌，牛舌佢唔會過咸，而且燒得啱啱好好脆身每人最後左一杯Häagen-Dazs添！

真係浪費左個海景！這個位置應該放一些有質素的餐廳吧！LUNCH定食（三鮮丼）1：00左右到！入到去冇客0既！都知到有D問題！！首先飯不是日本米！（現在不用日本米做丼飯都比較難生存吧！）醋飯又冷又硬！ 生魚片不新鮮！仲話係三鮮！油咁魚灰黑色0既！仲要係切唔斷0既！ 當然，金槍魚都不是藍鰭！餐具破了還提供給客人！ 員工穿製服的不超過一半。都唔知係客定員工！叫唔叫你好呢！！味噌湯冇味！茶碗蒸蛋係凍0既！成個餐基本上冇樣似樣0既！過$100個Lunch 食D咁野！ 感覺就好似中國人做的日式料理，與北京的（日式）日本料理非常相似。大家都係做定食， DORAYA / 大戶屋。。。等等真係質素好好。天同地呀！！！呢間真係唔會有下次！

呢間品川開左不是太久，我係荃灣區得呢間放題未食過所以試下。一行2人入去冇乜人食好多位，安排左六人窗邊位。坐底就掃碼點餐，是次沒有影相。原因係見到碟魚生覺得唔吸引所以冇影。。。魚生一上除左蝦刺身外其他都麻麻，size正常所以叫多一次就算了。壽司方面都係普通野，除左特别的腐皮蝦壽司外其他的一次便夠了。炸物，個炸香蕉咬一口已不吃，裏面原來是香蕉糕難食，炸蝦厚粉，秋葵厚粉，榴槤炸蛋正常，雞翼最好食。燒物，牛舌硬乾，雞軟骨乾，蝦好梅。窩物，肥牛煲內的娃娃菜唔夠熱，樱花蝦毫仔粥啲水還水米還米似泡飯no good其實整體味道一般般，而且出面冇曬熟食，可能9：00先入的關係。

環境其實不錯☺️店員態度服務也很良好👍🏻只是最重點的食物一般般😥壽司來說，不算太好吃刺身是還好的，是新鮮的重點三文魚刺身切得不是太厚😂不過刺身種類真是不算太多 這裏有點失望另外炸物方面只吃了天婦羅 炸蠔 和餃子前者兩樣粉太厚，真的不太好吃平時會不停叫天婦羅的我，吃一次就算了但餃子是不錯的😂還有他的粟米是凍的，沒有牛油😥飲品種類一般，不算太特別甜品也沒有吃了

尋日母親節一家大細去lunch放題288一位再加一一入去環境係幾好 又望海野飲櫃就正常放題有嘅野飲仲有啤酒梅酒sake感覺良好自助scan qr code落單點知勁多野唔黎 黎又黎唔足 第一round刺身都黎唔足真係好唔ok好似叫左2客軟殼蟹手卷 由頭到尾冇黎過 向不同侍應追左好多次 其中一位女侍應-Ming (類似哩個名）竟然同我講 ? “尋日賣晒今日咪冇囉” 態度非常惡劣！ 我一定要點名不過都有啲侍應係好好態度 只係哩個特別差哩間野一定唔會再有下次 咁差嘅放題我都係第一次食到！

慶祝母親節飯，一家8口一早訂位，都要係門口等30分鐘先可以入座，眼見啲人嘈兩句就俾佢入座先，攪到我家人都忍唔住要出聲，點知真係一嘈就放你入座，依啲服務態度真係唔平凡。入到去即刻用手機點餐，但眼見已經有三成都已售馨，跟著都要等起碼15分鐘先有第一道刺身到位，漏單情況真係嚴重到估唔到，起碼5成都無到，品質就真係完全...中間有好長時間都無野食，全家人一齊等左好耐，最尾要靠自助吧嘅麥樂雞同炸薯格填肚。真係食咁多次放題都未遇過。唯一可取嘅係雪糕，應該係香港品牌，都有4種味道揀，味道都唔錯。飲品嘅款式都算多，依兩樣都係自助嘅，自給自足。依間日式放題但試過一次就真係唔會有下次，咁嘅價錢咁嘅食物品質，想食嘅嘢一係無得叫一係漏單，大家真係要諗清楚先幫襯。