品川日本料理 (已結業)

今日諗住預祝母親節，就同老婆阿仔出去食la，因疫情影響唔想去甘遠，就近近吔係返荃灣食，突然醒起係海之戀商場開左間日式放題，一於去試下，早兩日係openrich book定枱，2115hrs……甘我2100hrs就去到門口，有幾個便服唔知老細定職員係門面坐低，但完全無視我，我企左5mins忍唔住就拿任住訂枱資料去問佢地，跟住個職員問我幾位，我話3位佢睇都無睇我訂位資料就叫我入去，好甘我去到坐定，入面環境比我預期差，衛生及坐位都吾多掂，而且冷氣超大，我坐低10mins都可以無人比餐具我其間我叫左位女職員佢可以扮唔知吾理走左去最後我终於有餐具，開始點嘢食，甘我如常去點我想食既野，但好多款巳表示無晒，之後重點來，第一轉刺身都可走我單，好多款刺身無到，而且味道及賣相非常不濟，感覺不夠新鮮，其他各款食物仍完全不正常，牛柳粒超硬，牛肉窩好似比人食過甘，串燒種類小，雞軟骨凍，雞串難食，蜆同帆立貝小食竟然可以無味，就連所有放題都一定好食既芝麻雞翼都可以吾好食全晚食過既野我只可以話炸天婦羅同芝士年糕可以算係入得口乍，雪糕仲要每人去限取一杯，職員仲係有鎖匙鎖住，簡直笑話，講真我好小用甘多時間去批評一間食店，

嚇死人真係冇幾何見到咁難食嘅放題完全仲衰過兆萬喺附近行完，諗住耐冇食放題，試吓食呢間 成間野真係不知所謂首先員工有部份都冇着制服，又冇名片根本唔知佢係客人定係店員，奇奇怪怪刺身方便簡直係災難，份量扣一半起碼！擺位全部打曬風！再嚟，全部都係超級薄切 ！！帆立貝象拔蚌 全部同手指尾差唔多大細三文魚油金魚完全冇味得雪藏味，越食越火滾 ！炸物 燶晒，黑黃色。食咗一個半鐘，真係頂唔順上菜又慢！比錢買難受！成300蚊都唔知食過d乜落肚希望唔好再有人中伏！！100%真食評！！

今日難得出街 諗住食好少少 近近地就試下荃灣新開呢間海景放題而家仲有優惠全日8折 可惜令我非常失望 下次真係未必會再食一去到見到好多自肋餐食物盆 點知行到埋去大部分都係空空如也試左個日式蒸蛋 點知係凍的 好失望餐廳有任飲清酒同梅酒 梅酒都不酒 但可以再凍啲放題用電話落單 但選擇實在唔多 尤其熟食 魚生option同質素都幾好 正常發揮 特別分享一呢個特色壽司：鰻魚配梳打餅⋯⋯⋯ 究竟係咩配搭 哈哈熟食方面 燒牛舌唔錯 但有啲食物就真係有代改善 烏冬煮到林哂 食左一啖就唔想食好彩最尾送個haagendaz 雪糕就開心哂

疫情有所改善，人們都多了出街晚飯，今晚的確體會了。多間放題都爆，於是試這新開的，既早有位，即一試。感覺這店寬敞，特別近窗的位置，景觀一流，不過我們沒預訂，冇得坐。刺身種類都算多，都算新鮮。壽司種類也不少。不過，我最想的都沒有，如雞泡魚干、燒羊架、三文魚鰭等，不過已調節，希望質素填補。這店比我食過的放題，食物質素不算差，但只是種類略嫌少，叫了兩round 都沒什麼想叫了。這裡每人一杯H雪糕，甜品就失色了。若叫什麼泡菜豬腩肉或泡菜鍋，一點似樣的泡菜沒有，只是辣的黃牙白。牛肉鍋，很多肥牛，反而菜蔬都甚少，汁太甜了。蠔仔粥就十分失望，你自己睇相吧！總括而言，若純粹為景，可以的。但不要對食物太大希望。

本人從未試過寫食評，牛腩味既牛柳，臭蝦，梅既牛油帶子，魚生又細舊又唔新鮮，上鎖既雪糕櫃，開起海之戀，咁既價錢非常不值，從未食過如此難食既放題，選擇又非常少，非常失望上鎖既雪糕櫃出現起放題店真係恕我孤陋寡聞，小朋友實在食得唔夠喉。地理位置不錯，有海景位，但塊濛查查既玻璃係睇唔清所謂海景，但以咁既價格開起海之戀，唔該比返D質素。食物方面，由其熟食，每樣都好難食，牛油帶子牛柳粒又梅又鞋，牛柳根本係牛腩黎既，疫情呢段時間好耐未外出晚餐，唉，今次真係貼錢買難受。

諗住去激安前坐定定食點東西先之前派傳單時已想幫襯，店子光猛，有大海景，其實幾舒服。未知是否太早入店，員工完全唔知做乜，不在狀態。叫餐要多次才回應，仲要來一句，終於決定好啦😑，朋友食物到，茶水都未上，送來水杯口反轉向下拖著枱面送到，開始擔心，現在抗疫時勢，是否太操心大意。說回食物，朋友刺身飯定食樣子合格，其實的啲鰻魚炒飯拍照也算見得人。刺身未見新鮮，我唯一片鰻魚最後還是安於碗中，那片鰻魚一夾再咬，居然咬不下，當下呆了，再咬也無力。跟著揾筷子狂亂插，絲毫無損，直至最後，這是玩具還是食物😡，完全浪費食物的店子。其他食物也不見得好，炒飯超濕，還有跟餐的天婦羅🍤也是超重雪味，但起碼食得下。正常只有伴菜蘿蔔和蒸蛋，真心要明將比他還好。最後埋單，對侍應說了實話，再示範筷子亂插的無損鰻魚，這間真的劣食之選，點解新商場會容得下這店子。

荃灣海之戀商場啱啱新開，行吓經過竟然見到有一間舖頭係打着有海景睇嘅放題做噱頭，同埋咁啱朋友都幾大食，所以就選擇咗食佢啦🤣我哋食嘅時段係夜晚9:30所以就收費$258。餐廳入邊都大，唔會有人迫人嘅情況發生，而且因為疫症嘅關係，餐廳亦都用一啲窗簾去遮住咗卡位前後嘅座位，避免同前後其他客人有接觸。我就覺得依樣係幾細心嘅！可能因為疫情嘅關係，而且客人亦都唔係太多，熟食同埋冷盤嘅選擇唔算太多，但係飲品櫃同埋甜品方面仍然有好多選擇，飲得酒嘅話可以任飲佢嘅清酒同埋梅酒添，只可惜我唔飲酒啦！如果唔係嘅就好快已經回番晒本🤧佢係要自己用QR code上網點餐，餐牌入邊亦都好多選擇，不過食放題嘅第一件事就梗係叫返個刺身拼盤先啦！刺身冇雪藏味，食落新鮮，而且值得一讚嘅係佢個油甘魚，入口即化，Encore咗幾次！！另外天婦羅方面亦都有南瓜，紫薯，蠔，炸鮮奶，蝦，我哋都係每人叫咗少少啦！另外令人驚喜嘅係佢嘅串燒，牛油味重之餘，食落熱辣辣，唔係微波爐翻熱！我個人就覺得翠玉瓜係最好食嘅🤣

家中的零食被我清得七七八八了, 所以到較偏僻的荃灣DON DON DONKI補倉。以為疫症和地理原因, 人不會太多, 誰知我錯了, 還是很多人啊唯有速買速決!沿途見到很多壽司, 看到我超級想食壽司, 但又不敢在food court進食。這個時候, 給我發現了品川日本料理, 實在太幸運了刺身sss ※ 推薦指數: 3.5/5二話不說, 即時點了一盤刺身, 雖然款式不是特別多, 但應有的都有。例如三文魚, 吞拿魚, 甜蝦, 北寄貝, 油甘魚等等。刺身不會腥, 但同時味道卻不夠甜, 中規中矩啦!海膽軍艦x三文魚子軍艦 ※ 推薦指數: 3.5/5海膽和三文魚都有呢, 跟很多放題一樣, 都做了軍艦, 但飯量有點多, 少一點會較好呢!日式肥牛野菜鍋 ※ 推薦指數: 4.5/5大推這個肥牛野菜鍋! 因為習慣一定要有點菜, 但又沒有炒野菜可點, 所以選了這個!湯底用了壽喜燒, 所以咸咸甜甜的。份量都適中, 兩個人分享剛剛好但因為牛似一開始有點生, 所以切記一開始要將牛肉浸到湯中, 等一會再食, 熟度剛好~天婦羅sss ※ 推薦指數: 4/5大推天婦羅蝦和天婦羅秋葵焗帶子 x 炸雞軟骨 ※ 推薦指數:

荃灣西自從多了海之戀商場，如心廣場商場翻新後，真是多了很多飲食的選擇。在這裡工作的我，當然不會錯過午間小聚的機會，來了這間標榜有海景的日式餐廳，這裡也有提供任食放題。午餐的選擇很多，拉麵，各種日式剌身，熟食丼都有。首先，睇睇個海景，紓緩吓工作壓力先。我和同事叫了同一款餐，松葉蟹三文魚丼。驚喜是多了兩隻天婦羅蝦，但是蝦沒有什麼的味道。而三文魚也未算新鮮，但是松葉蟹肉碎的味道，真是 肉味好腥，同事仔基本上是吃了一啖蟹肉，就沒再吃下去。它的配菜份量是不少的，除了天婦羅蝦，還有必備的麵鼓湯，蒸蛋，蒸蛋裡有兩塊日式魚蛋，和蟹枊一條，味道還可以啦。另配有一小粒凍豆腐，一般常見的螺肉，螺肉的醬很杰 @_@。還有一粒小小的檸檬Mousse蛋糕，吃了一小口也放棄了。

荃灣海之戀之前出晒名要搶住買， 係正西鐵上蓋， 一落荃灣西站就係正樓上， 但原來仲益左唔係到住既人， 因為中間果層隔住個大商場。 仲有瘋魔一時 既donki， 記得尖沙咀岩岩有既時候 排隊都排癲。 但里到就有一間比大家慢慢行，唔洗迫到傻。但行左咁耐， 又點可以唔搵野食呢。 今日就黎到 新商場乘機獵食。 只要有新奇野我都會想衝入去下咩料。行左個圈 唯獨里間品川可以吸引到我， 裝修夠地道之餘， 仲有榻榻米 夠晒私人空間， 一家人有傾有講唔洗驚嘈住人先起碼。 今次我地坐左個海景位， 有靚景 又有任食， 成個心情都唔同d， 甜品雪榚 就基本， 刺身款式多， 而且生熟 燒炸 手卷 任叫。 跟本多到只可以每樣都食小小， 但重點係 仲有清酒任飲， 里個真係小見。 我又點會放過今次機會 大似特飲， 以里個價仲要有景 有酒， 而且食物質數又夠。 無得輸， 其他鋪頭都幾難生存， 唯一係個位置比較難發覺。 只要食過一次， 我諗都好難唔食第2次。 慶祝生日 同朋友gathering 一流地點。 而且空間又夠晒， 唔洗擔心。

今年老公生日，決定揀近海既海之戀食放題。上網見評語好壞參半，加上抗疫期間人流極少，心態係試一試，誰料質素不錯，決定同大家分享自己的餐飲體驗。呢盤刺身，三文魚同蝦，同埋其他貝類海產都好新鮮，反而帶子刺身好細粒，質感麻麻。壽司飯細細，上面塊肉好juicy 😊餐廳提供梅酒同清酒🍶，供客人自取熟食選擇比較少但質素整體上好，太肚餓關係，忘記幫熟食影相📸️我有預先訂坐，加上2個家人都今個月生日，所以店長送左個生日蛋糕比我地，幾好食既，可以再去。

怕肥嘅女生都係抗拒唔到魚生壽司，魚生入口果種魚肉鮮味真係好正，所以我地兩個又去食放題。呢個地方寬敞，唔使擔心坐得太密。好，坐低睇吓有咩好食先。唔好以為放題就質素麻麻，呢度嘅刺身新鮮度拍得住日本餐廳，帶子粒粒爽甜，三文魚、吞拿魚紅潤光澤，甜蝦鮮甜味美。雪花牛肉鍋，新鮮牛肉有牛肉味，仲有粉絲墊底，甜甜地嘅湯底好惹味。壽司款式多，而且一口食得晒，飯粒軟綿綿暖暖地，好味！仲有炸物、燒物都熱辣辣上碟，怕熱氣都忍唔住要食。岀面仲有沙律、飲品、雪糕。

近排都少左食日試放題,相隔左咁耐又會有少少癮起,今日朋友就帶左我去一間新開既放題店內放縱一下.呢間放題係位於海之戀商場,內裏簡約得黎又帶有落地玻璃窗既設計食正全海景可以一邊食一邊欣賞,感覺幾chill.用電話scan一scan2D bar code就可以落單,各款壽司,刺身,炸物,煮物同燒物都齊晒.除左用電話點餐外出面都有食物吧枱可以拎少冷盤,薯格.飲品係大雪櫃有10幾款選擇外亦有日本清酒或梅酒.壽司選擇好多元化又幾齊全之餘好多特色卷物都十分吸引.金龍船用腐皮做船底,壽司飯上加上甜蝦,青瓜及海膽.其他卷物壽司飯握得夠實唔會鬆散.壽司醋飯用上珍珠米粒粒分明咬落富滿有彈性,味道唔會過酸做得相當唔錯.刺身唔會切得好薄,入口新鮮無雪粒.色澤仍然保持光鮮,入口刺身質感爽口唔會霉.叫左咁多款燒物都好滿意,燒物唔會燒得過乾同燶,火喺掌握得好好.七味醬燒雞翼外層雞皮燒得好脆,內裏雞肉仲好多汁嫩滑.燒豬仔骨好香又惹味.蒜香炒牛粒有驚喜,牛粒上既炸蒜香而不油膩.加上牛粒入口無筋,咬開牛脂味濃香,帶有少少獲氣好香.炸物估唔到有炸小丸子,咬落外脆內軟,內裏有好多椰菜絲幾香甜.炸香蕉外型好似皇帝蕉咁迷你,本來諗

小小陰天, 其實落小小雨更加靚, 呢到窗口位係對住無敵海景, 我諗呢個係餐廳既主打!桌夠大張, 食坐都舒服!非窗口位就咁樣, 一樣舒服, 但盡量拎窗口位感覺會好D!講下主打菜式先, 最正應該都係牛粒嫁啦, 首先入味, 牛味濃, 調味都岩岩好, 小咸, 最緊要係唔硬, 易入口, 有D餐廳好硬, 好難咬,呢間唔會,作為主打菜岩岩好.刺身其實好多人主要都係食三文魚, 呢到刺身係新鮮, 質素唔低,放心叫, 夠鮮甜,無咩雪藏味, 小小入口即溶既感覺.!BB骨我覺得唔太入味, 而且有點難咬, 台灣腸煮得夠香, 反而唔錯, 不過比較油,唔好食太多.!呢到壽司反而幾正下, 尤其芝士用火燒過下特別香!飯夠細而且夠痴, 好味!炸蝦同蟹柳, 炸得好夠脆,唔會太過火, 控油控得好, 最大問題反而係無比天婦羅汁我地T_T花之戀,樣好似差緊D ,但味道都係正, 最後每人可以叫一杯!整體質素不錯, 環境比較舒服!

環境裝修有啲中式 feel，與日本放題格格不入。食物質素普通，放題款式唔算多選擇。魚生普通，有啲雪藏味。熟食不過不失，雞翼燒得算好味。最好係最後可吃 haagen dazs雪糕。