品川日本料理 (已結業)

星期六放工同朋友去海之戀商場lunch + 行激安，喺3樓發現有間食日本野，雖然佢寫住放題餐廳，但員工話有午市定食，門口Menu見到有成十幾款丼飯、拉麵、冷麵等，見幾吸引就入去🙂諗住普普通通食個日式lunch，無諗過入面原來係望海😍 可能新開的關係，連埋我地只得幾枱客，全部都係坐海景位望到青衣和汀九橋，女員工仲話可以慢慢坐，真係超悠閑店舖空間超大，仲有獨立包廂添！呢度等野食耐左少少，我呢個係『松葉蟹魚生丼』有蒸蛋、麵豉湯、沙律、螺肉、炸蝦天婦羅、朱古力慕絲，勁豐富！三文魚厚切新鮮，加埋松葉蟹肉和蟹籽超好撈飯！蒸蛋口感滑溜，裏面有蟹柳和鳴門卷；麵鼓湯無偏鹹；沙律菜新鮮，但略嫌胡麻醬落得太多全部之中最差係甜品，上層的慕絲好濃朱古力味，但下層完全唔知咩黎，又無朱古力味又沙粒口感，好難食，食左一啖就無食食完行出去室外影下相，景觀開揚！其中兩張午市定食menu

今晚約左朋友去了荃灣大河道海之戀商場新開的(品川日本料理)食放題，餐廳十分寬敞，座位距離比較寬闊，食物方面包括有刺身、壽司、熱葷、冷盤、甜品等，一次過可以品嚐哂，依家喺疫情之下出街搵嘢食，都要揀些環境清潔乾淨的餐廳，就會食得安心、放心、開心。餐廳非常貼心，每個客人都會送口罩。包房乾淨舒服。十多款熱葷和冷盤盡在這裏尋。串燒拼盤~串燒蝦新鮮大隻、爽口。串燒雞肉~啖啖肉。串燒菠蘿~香味鮮甜。燒靖魚~魚皮香口肉質結實加少許檸檬汁更能帶出味道。魚又係魚，銀雪魚的肉質嫩滑鮮甜。甜品款式甚多，有芒果布甸、士多啤梨奶凍等，啱哂甜品之王的我。餐廳好豪氣，用左高級的dreyer's雪糕。

呢間放題係位於荃灣的海之戀，好近荃灣西鐵站，商場就位於西鐵站的隔鄰，幾分鐘就已經到達，位置都好方便！食完飽飽的放題之後，仲可以在下面的海濱行一下，來一個短短的散步，亦當是運動的一部份！一入門口就有一間房，房間嘅設計都好靚，好想入去坐一下😂餐廳內嘅設計都好有日本嘅風格！刺身壽司都好新鮮，而且係即叫即做，脆脆的紫菜包住壽司飯，推介海膽壽司，三文魚刺身，三文魚籽，蟹籽....燒物方面，我覺得個腸仔有少少燶，而天婦羅方面，亦炸得非常好，薄薄的天婦羅漿去炸，如果放埋蘿蔔蓉會更加好😊跟住重點推介的是燒比目魚，甜甜的，有啲似銀雪魚西京燒，呢個已經encore左幾次😍😍😍👍🏻總括來說,食物選擇多,環境舒適

之前睇過品川放題既介紹, 今次就緊係要親身黎試下餐廳既環境好寬敞, 如果朋友聚會仲有靚房提供, 提高私隱度除此之外當然就唔少得無敵大海景, 係品川既賣點之一係咁靚既地方下享受美食真係特別唔同品川係用手機落單，除左用手機落單嘅食物之外，出面都仲有自助區飲品嘅選擇種類好多，當中仲包括左啤酒同埋清酒任飲，啱晒鍾意飲酒嘅朋友自助區嘅食物有炸物，今日咁靚嘅又炸雞塊同埋芝士條除咗炸物之外，另一邊就有餐前小食，例如中華沙律，芝麻八爪魚，味付螺肉等等仲有甜品區，全部細細件，鍾意食多幾隻味嘅朋友就岩哂仲有雪糕任食放題就一定要有刺身，品川嘅刺身種類都好齊全，有三文魚，吞拿魚，劍魚腩，象拔蚌，赤貝，馬刀貝，帆立貝，希靈魚等等火炙壽司非常香，encore左火炙三文魚腩壽司幾次仲有出面唔常有既三文魚籽同海膽軍艦燒牛舌又係放題必食之一，厚切既牛舌牛味香濃品川嘅燒雞翼都必定要食，因為調味調得好好，雞皮燒到脆香，諗返起都想食炸牛乳又係出面放題較少見既食品！真係好耐冇食過啦整體來講上菜快，唔會漏單，食品全部都新鮮即做，絕對係回頭之選

同朋友出左荃灣，行下新商場海之戀商場，行完DONKI之後就冇野做，見呢間放題店有早鳥優惠，晚市放題入座時間5-6:30PM價錢會平D，星期一至四每位$258，再加上7:30PM前離座仲有88折優惠，於是就同決定早D開餐食下放題抵食D作為首輪入座食客，入場人數唔多，職員安排坐喺入面位置，成間店空間感都幾闊落，坐得舒服唔會同隔離枱太過逼，傾計都可以同朋友盡情傾一坐低望出窗外有驚喜平時通常都係高級情調西餐廳先有窗外風景睇，估唔到而家連放題店都有有海景睇，都幾特別坐低左之後職員就放低呢張紙，佢係用手機掃QR CODE落單，咁就唔駛每次落單寫紙仔要叫職員過黎收紙咁麻煩之餘，又唔駛怕會俾漏單。另外佢手機落單介面有埋食物相睇，清楚易明，認真唔錯食物種類都幾多，基本上放題店要有嘅食物佢都有齊晒咁濟落完單之後等食期間，可以出去自助BAR嗰邊拎D野食食住先，有甜品、咖哩角、茶碗蒸、中華沙律、螺肉、中華海哲、哈蜜瓜等等汽水啤酒飲品都係出去自助拎仲有雪糕，不過唔係自己拎，係食到LAST問職員ORDER，一人一杯拎左D前菜邊食邊等先送上刺身拼盤，望住海景食刺身都係第一次賣相放得都幾靚仔，刺身都幾新鮮又夠大塊火焰

好耐都冇食過放題啦，前牌就同朋友黎開呢個商場行街，見到呢間放題店好似好多人食，就決定一齊試吓啦，結果果然冇令我地失望，呢度嘅環境同埋座位好舒適，啱晒一班朋友一齊吹水刺身新鮮，夠晒鮮甜，所以我同朋友都好滿意而且出面仲有好多唔同嘅小食拎，可以揀自己鍾意嘅份量，就唔使驚太飽清酒煮蜆味道同樣唔錯，啲蜆係完全冇沙而且好清甜每次必食嘅燒菠蘿飲品亦都有好多韓國款式，睇得出餐廳好有心思出面仲有好多唔同款嘅甜品，全部都好高質素， 而且細細杯唔使驚太飽

海之戀商場開左好多食店，今次黎食下呢間裝修充滿日式風格既品川！Openrice訂位仲有9折架！由於我地6點幾就入場，2個人都可以坐到日式窗邊位😍 可以望到海景架！我都見到有啲包廂，一班朋友都可以有個小區域一齊傾下計啦！點餐佢已經唔同一般既寫係紙上面，係用WeChat scan QR code落單，亦都冇乜漏單既情況～入點可以點既食物同一般放題無異，都係各款既刺身壽司，再加啲熟食咁。個人黎講比較鐘意佢既三文魚同甜蝦～ 叫左好多呢炸物都炸得香脆😋除左用手機點野食，仲可以出去拎野食架！其中最為surprise 既係佢居然有日本清酒！飲落個人好暖身～ 最後每人包一杯既haagenDazs 加一個口罩！！！

Dining with a view is one of the best experiences in my opinion. And this all-you-can-eat Japanese buffet prides itself as being a seaside resturant.This resturant is also very spacious so you can be assured that you will not be packed with sardines here.Instead of writing of pieces of paper to order. They give you a QR code and you can order your food straight from your phone.The selection of foods are pretty standard and you get all of basics you would want to order. From sashimi to sushi to t

海景放題🤩海之戀商場開咗新既日式餐廳！夜晚係食放題！🥰仲要望住海景食放題😆最近成日都係屋企抗疫見餐廳幾闊落員工都帶口罩同手套🧤所以就落黎食個飯☺️呢間係電子落單scan QR code!夠曬環保🤩除左電子落單岀面仲有自助吧都好多唔同既野食！野飲都係任拎🤩先黎一大盤刺身！剌身都幾新鮮 特別既係有泰式生蝦！😘呢度既壽司係比較細粒！正呀可以食多幾舊😊我特別最鍾意係火炙壽司！燒得好香口感好好😆仲有其他熱食都幾好食！芝士帆立貝正呀！值得一讚呢到完全冇漏單情況！而且員工好快手成日幫我地執碟換碟😊❤️所以食得好舒服！臨到尾仲有一人一杯Haagen danz 雪糕😰

今日嚟到位於荃灣新開嘅海之戀商場食放題入到去感覺地方非常之闊落好好彩安排到海邊嘅位俾我哋食食吓仲有埋日落睇非常之靚除咗有散坐嘅位置之外，佢仲有幾間嘅房，適合一大班人嚟食，依家就咁睇間房都可以坐超過10個人或以上落單方面喺用電話掃QR code 落另外出邊仲有得自己拎小食同飲品飲品種類相對齊全芥末八爪魚做前菜非常開胃將前菜放出黎食住先，就唔使落左單齋等刺身嘅選擇非常之多擺盤亦都非常之靚魚生都切得幾厚，味道鮮甜卷物方面款式亦都好多我就每一款都要一件試吓而我最鍾意就係吞拿魚芝士火焰反卷三樣嘢配埋嘅味道真係非常之夾壽司賣相亦都唔錯飯嘅質地幾好唔會過硬同太大舊炸物方面出菜亦都好快好快就有得食最鍾意就係食榴槤炸彈忍唔住食咗幾粒，榴槤控一定唔可以錯過另外試咗個軟殼蟹手卷，味道唔錯之後亦都試咗唔同嘅熟食一定推介嘅係要食燒菠蘿同埋燒京西燒京西燒肉質非常之嫩滑除咗出邊自助站有嘅任食雪糕之外每個客人都會有一杯Häagen-Dazs嘅雪糕

Embraced with a spectacular and charming sea night view in Tseun Wan, my teacher and I enjoyed the dinner very much 👍🏻❤️The decoration in the door is very beautiful It is a 日式料理放題～ we can order as much as 刺身 or sushi 🍣 as you can. The food is fresh and and bowl is decorated with flowers 🌸 nice and eye-catchingThere are lots of sushi for customers to choose~ delicious 😋 Apart from raw food, there are some cooked food~ Yummy too 👍🏻For the dessert 🍮, you can choose ice cream or pudding~ As we are ve

講到放題嘅話， 好多人可能都諗起旺角d放題，不過其實荃灣都有好食嘅放題嫁！坐落係荃灣海之戀商場嘅品川，就係其中一間相當有水準嘅日式放題。餐廳採用天然採光，用落地玻璃，可以望到荃灣嘅海景。講返野食先，我最中意嘅就係燒牛舌，火候恰到好處，外焦內脆，肉汁鎖住曬，非常juicy！另外，推介嘅係泡菜煮豚肉，有d食緊韓式部隊鍋咁感覺，幾特別。至於刺身，以三文魚同帶子最岀色，不過如果可以厚切d就好啦。唔好以為，放係岀面拎嘅野就係質素比較差啦，入面有d急凍蝦幾好食。野飲方面都幾多選擇，有啤酒茶同汽水，同埋清酒，朋友話都幾好飲，我自己少飲野，就無試到。總體黎講，三百幾蚊嘅放題，算係中上水平，加上有無敵海景，真係值得一試！

黎左如心廣場食品川，其實商場重有好多餐廳都未開放，可能裝修緊啦。不過新商場真係新商場，開係3樓嘅品川就因而獲得地利啦。餐廳有大量嘅落地玻璃，望到荃灣嘅海景，令到成個格調都提升唔少。野食方面，先講大家最期待嘅刺身，選擇多，而且用電話落單，所以無岀現漏單問題，叫幾多就黎幾多。不過部份刺身都有少少瑕疵，會有少少未解得切凍。熟食就選擇多到食唔曬咁多樣，個人最中意蒜片牛柳，牛味濃郁，而且牛肉大大舊，又夠入味，啱曬我呢d食肉獸。另外燒牛舌都非常岀色，外皮微焦，所以有種脆脆地嘅口感。非常唔錯！甜品同野飲都好多野揀，泡芙味道幾好，另有糖水綠豆沙選擇，放題黎講，算係中上水平啦。整體黎講，品川比到住係荃灣嘅朋友更多選擇，食放題，唔一定要岀旺角嘅！

今日約朋友仔一齊食飯，大家都想食放題，之後其中一個朋友就介紹呢間新開既放題餐廳！一入到去環境非常寬敞，坐位都好闊落，最特別係佢真係好有日式餐廳既感覺，有幾間房係和式房，坐軟墊同要除鞋入去既，相當有風味！淨係個環境都抵食啦😆👍🏻👍🏻野食方面，魚生真係無得輸！好新鮮，而且好有魚味，個人特別推介三文魚，帆立貝同甜蝦刺身！帆立貝下大大粒又新鮮，厚切三文魚食落似魚排而且唔肥利（不過注意三文魚的確切得唔薄，特別女仔可能好易飽)😂另外牛肉蛋鍋都高度推介，半生熟肥牛片浸住熱湯呈上，幾分鐘後熱湯浸到肥牛片剛剛熟，食落十分嫩加埋隻生生地蛋，完美配搭！！炸物都有驚喜，炸鮮奶同炸榴連都好好食，高度推介！總括而語，絕對係可一可再既日式放題餐廳！高度評價！😋😋