品曲奇 (利園二期) (已搬遷) 新店位置

曲奇成日都食得多,一般成日食到既都係牛油或者係朱古力味.不過最近就食到一個好特別味道既曲奇, 叫做PIN既香港新派曲奇餅品牌.而味道方面每款曲奇都充滿住傳統廣東食物既風味。 有香辣蝦味，陳皮子薑，XO醬油，紅棗、提子花旗蔘 等等。包裝方面非常用心，簡單而有充滿設計感。現代簡約的設計融合佐傳統既鮮豔顏色以及簡單既圖案，非常適合送禮。而我覺得陳皮子薑同紅棗都覺得非常有驚喜.本身唔中意食姜味既野或者成日係湯入面先見到既紅棗。陳皮同子薑係曲奇入面都有好好咁控制佢哋既味道無非常濃烈。淡淡既味道所以非常容易接受。而紅棗食曲奇食起來比較似平時既曲奇但又可以食到紅棗肉同甜味。可能對於比較中意食西式曲奇既人來講係一個非常容易接受廣東風味曲奇。而香辣蝦米係另一個印象深刻既曲奇。香辣而又脆，仲會食到真既蝦米。而且拆開包裝就已經聞到香辣既味道。所以好特別既中西合璧既曲奇，非常適合推薦中意試新嘢既人，有驚喜。雜錦口味曲奇（$208）有8隻味可以一次過試食曬咁多款。適合第一次購買試食。

平時返工一日到黑坐喺office到， 做野做到悶時既時候冇啲零食食下點得架！之前去行銅鑼灣既時候經過間曲奇店，發現佢有一啲自創既港式口味曲奇，勁特別，即刻買返兩盒黎試下！我買左雜錦口味同埋香辣蝦米口味，個包裝都幾靚！雜錦口味真係幾抵試，有成8隻味道咁多，可以先買一盒，睇下邊隻味比較鍾意，下次再encore！呢8隻味分別係XO醬、香辣蝦米、七味粉、蔥油雞、紅棗、杏脯迷迭香、提子花旗參、陳皮子薑、全部都勁特別！我比較鍾意紅棗，因為感覺好養生，味道亦都幾好味！

平時牛油曲奇食等多，今次系銅鑼灣見到有一間本地曲奇PIN呢間曲奇有好多味道，仲是我未食過的味道，當然要買返兩盒來試吓，加上曲奇包裝又好亮。買左兩盒曲奇左邊是雜錦味曲奇$208，右邊是陳皮子薑曲奇$188。雜錦曲奇每盒有24片，有八種口味每種口味有三片，有提子花旗參曲奇，香辣蝦米曲奇，紅棗曲奇，杏脯迷迭香曲奇，蔥油雞曲奇，七味粉曲奇，陳皮子薑曲奇和XO醬曲奇。香辣蝦米曲奇有一隻蝦米仔食落微辣少少咸幾正，曲奇又好鬆脆可口。陳皮子薑曲奇，陳皮酸酸甜甜配埋曲奇幾特別又好味。提子花旗參曲奇，食落淡淡花旗參味加上提子乾曲奇又鬆脆又美味。七味粉曲奇輕微辣又幾特別。XO醬曲奇食落有淡淡XO醬淡香，又野好味。紅棗曲奇又唔會太甜好香。蔥油雞曲奇咸咸地又幾香口。杏脯迷迭香曲奇有杏脯粒又有咬口。

雜錦口味($208/盒)XO醬曲奇平時係中式酒樓食道到的XO醬味道，依架竟然融入西方的口味，食落咸甜交錯，仲食到有瑤柱絲🤩香辣蝦米曲奇曲奇面即可以見到成隻蝦米，食落有少少辣，適合鍾意試新野同辣的朋友仔🔥七味粉曲奇七味粉十分足，辣味比香辣蝦米勁，完全新奇有趣葱油雞曲奇蔥油雞完全係香港特色，一開個包裝蔥油味即刻湧出來，感覺似食緊蔥油餅，鍾意蔥的朋友仔記得唔好miss啦杏脯迷迭香曲奇杏脯的甜味被迷迭香蓋過了，也是一個創新的配搭提子花旗參曲奇哩個適合男女士們，因為花旗參有抗氧化、預防感冒，仲會有滋潤喉嚨等作用，而男士們都特別愛，加上提子甜甜地味道好夾👍陳皮子薑曲奇哩款完全好合適女士！味道較清新而且容易入口，罪惡感都無感大🙈另一款香辣蝦米曲奇($228/盒) -上整體感覺真係香港原味道鍾意試新嘢噶大家可以try try🥳

好多時送禮物俾外國嚟嘅朋友都絞盡腦汁，富有濃厚港味，一試難忘嘅手信禮物終於搵到啦，先由包裝講起，顔色七彩好吸引眼球，第一眼感覺好似香港啲霓虹燈咁樣，傳統得嚟好新穎，而且唔同味嘅曲奇盒包裝都將啲材料變成圖案融入曲奇盒嘅設計，別出心裁，而入面啲曲奇係獨立包裝好方便好整齊呢款係XO醬口味，一拆開包裝都已經有陣好香嘅蝦米瑤柱香味，咬一啖淡淡油香，第二層次嘅蝦米瑤柱香就衝哂出嚟，味道係完全同曲奇本身嘅香味結合，真係估佢唔到咁夾㗎！嘴饞幾吓辣味就開始出嚟啦好刺激好驚喜跟住到雜錦味呢個驚喜包啦，入面有8款唔同味，真係每一塊都有無限幻想，除咗XO醬味一開始試咗，其餘7款都一樣咁驚艶香辣蝦米你唔會估到曲奇入面會有一粒粒蝦米喺度，咸香味濃嘅蝦米配埋牛油香嘅曲奇好似畫龍點睛嘅效果咁升級蔥油雞曲奇一開始對呢種咁創新嘅口味都有啲猶豫，但係當你咬第一啖嘅時候你內心會無限驚嘆，蔥香味隨之而來紅棗曲奇甜味恰到好處，仲有一粒粒紅棗口感，小小嘅甜點可以配紅茶互相配合杏脯迷迭香曲奇迷迭香嗰種幽香係好特別，而且好少會夾曲奇一齊，所以第一次試感覺新奇得嚟又出奇地合拍，加上佢外圍有杏脯粒圍住外觀又再升級咗陳皮子薑曲奇呢款完全係養

香港繼珍妮曲奇後，終於再有香港特色風味嘅曲奇誕生啦😛😛😛先講個包裝，非常精美，好啱用嚟送禮，又靚又有時尚感😆Pin cookies嘅曲奇味道非常有香港特色，今次我就買咗什錦同xo醬味♦️XO醬味Xo醬可以話係香港獨有嘅味道，香香辣辣而帶有鮮味嘅咸味🤣係一塊曲奇上食到又幾過癮！♦️什錦味什錦就一共有8款味道，每款3塊，包括頭先上面講嘅Xo醬味、提子花旗參、香辣蝦米、紅棗、蔥油雞、杏脯迷迭香、七味粉、陳皮子薑，款款都好特別！我尤其鐘意陳皮子薑，味道非常清新，食極都唔膩～想搵啲香港特色手信，真係可以試下呢間！

有日路過間到間舖的曲奇好吸引，於是買左兩盒返去試下！開左第一盒紅棗味噶曲奇🍪， 味道都幾好味😋，點解會選擇紅棗味道，聽講紅棗係對身體好好，補血，唔知真假，但都唔錯，又飽肚再開一盒雜錦味道曲奇， 入邊有幾隻味道，有香辣蝦米味，提子味，蔥油雞味道，還有xo醬味道....... 不過我最鍾意都係紅棗和香辣蝦米味道！good不過提子🍇味道都幾適合小朋友吃，至於我老公就鍾意吃蔥油雞味道，好似入邊有個七味粉味道，食落去真系估吾到係咩味道真係十分之驚喜！不過包裝真係十分滿意，送禮比d親戚朋友都係非常唔錯選擇，吃完曲奇之餘，連包裝盒都可以重環再用，因為個包裝盒紙質硬淨，我女女都用黎做左筆盒，非常環保♻️總體黎講，滿意99分

作為一個甜味怪，但凡係甜食，基本冇嘢我係唔鍾意食嘅，曲奇當然唔會例外。單睇外包裝都真係幾精美新穎，四四方方一個盒，好難聯想到係曲奇。打開一睇，八款唔同口味嘅曲奇齊齊整整擺喺四格裡面，等緊我嚟試真佢哋。陳皮子薑味係我嘅飛佛，一打開就聞到淡淡嘅陳皮香味，食落又有啲酸酸甜甜嘅口感，忍唔住食多塊。杏脯迷迭香。雖然我都好鍾意食果脯之類嘅零食，不過呢隻味就有啲普通，食落有啲煙韌，淡淡嘅香味，不過不失。蔥油雞。好特別嘅味道，濃濃嘅蔥油香味，食落冇想象中果種又鹹又甜不倫不類嘅突兀感，反而有種中西合璧恰到好處嘅感覺。紅棗味。濃郁嘅紅棗香甜味，眾多味之中最煙韌嘅口感。提子花旗蔘。食落就普通酥脆嘅曲奇，間中有粒提子點綴下口感，但嗒真啲就會有花旗蔘果種甘甘哋嘅味道。香辣蝦米。就咁睇樣已經好特別，真係有粒蝦米喺件曲奇上面。食落鹹甜味平分秋色，好香口但唔太辣，創意滿分。XO醬。XO醬本身嘅味道濃郁，鮮中帶辣，同曲奇嘅牛油香同酥脆口感碰撞，值得一試。七味粉。味道偏辣，我唔係太食得辣，感覺只係食到辣味而食唔出其他味道。

早排去銅鑼灣探朋友，行開見到呢盒包裝咁靚嘅曲奇，送禮一流，所以就買咗嚟當送禮畀個朋友！即日食完晚飯就開箱試下，入面有幾款唔同嘅口味，令我最印象深刻嘅絕對係香辣蝦米！一食入口嘅蝦米鮮味，加上本身嘅微辣刺激，十分之惹味！就連平時一啲都食唔到辣嘅我都非常欣賞，一食停唔到口，最後仲要攞走幾塊返屋企食。另外帶畀我驚喜嘅仲有蔥油雞口味，食落去有陣酥香嘅味道，加上有陣淡淡嘅雞香，一試難忘！而其他口味仲有XO醬、七味粉、紅棗、提子花旗蔘、陳皮子薑同埋杏脯迷迭香，味道創新，而且每款都充滿港式嘅風味，照顧大家唔同嘅需要，不論送禮定係自己享受都係一絕！

超濃厚本土氣息的曲奇～～～前幾日去咗銅鑼灣搵喺利苑返工嘅朋友仔食午餐 食完之後 誤打誤撞地見到呢一間外表好精緻嘅餅舖 大舊一向都好中意食曲奇 二十四孝女朋友仔我梗係要買番兩盒返去俾佢試下啦～～～佢哋嘅曲奇有好多好得意嘅口味 有選擇困難症嘅我 完全唔知揀邊樣好 最後就買咗一盒雜錦口味同一盒我中意嘅陳皮子薑口味曲奇～～～雜錦口味 ($208 /盒)裡面有好多款味道 例如有XO 醬曲奇 紅棗曲奇 香辣蝦米曲奇 七味粉曲奇 杏脯迷迭香曲奇 陳皮子薑曲奇 蔥油雞曲奇 同提子花旗蔘曲奇～～～1.紅棗曲奇 甜甜地又養生 好啱女仔食我個人好中意 2.杏脯迷迭香曲奇裡面有d糖粒，甜甜地有香香地3.香辣蝦米曲奇 鮮味同埋辣味並存 4.陳皮子薑曲奇 陳皮同子薑味都好開胃 清清新咁 好特別5. 花旗參提子曲奇 味道健康亦天然 好特別 未食過咁嘅味 又出奇地同曲奇夾6.蔥油雞曲奇 坦白講食之前真係驚驚地 點知一食落去真係感覺好難忘 係好味嗰種難忘 蔥油香非常正7. XO 醬曲奇 好香口 味道比較濃 我覺得呢一款同咖啡最夾～～～總括來講呢度嘅曲奇味道都好有特色 好多獨特嘅香港風味 上網搵一搵先發現原來佢地由產品

有無聽過曲奇有葱油雞味😂😂真系有㗎喺FB見到呢間買好多特別味道ge曲奇原來開左實體店喺利園唔知葱油雞仲有香辣蝦米 🦐系真系有隻蝦米喺個曲奇🍪到好搞笑買左佢雜錦味道 一盒已經有曬所有味每一樣都可以試d 妳又估唔到 原來曲奇都可以有咁多玩法 我呀媽最中意食陳皮子薑味同紅棗 夠曬補 我自己就中意七味粉呢間嘢主打香港情懷 中意佢made in hk!!睇佢catalog介紹原來叫Pin系代表左品味 品質 品嚐嘅意思 要嚟送禮都靚💕😁

整體禮盒外觀Cp值高好適合送禮,加上包裝用紙盒盛裝當食完曲奇仲可以用黎裝飾物或文具夠哂實用同環保 八款曲奇玩味夠哂創新,每款都各有特色迎口唔同人的口味,可以話係老少咸宜令人一試就上癮 提子花旗蔘雖然曲奇細細塊但每啖曲奇都咬到提子乾仲帶少少蔘味可以解膩, 口感煙煙韌韌幾香口香辣蝦米曲奇比人第一印象都係甜的,但這款口味係辣同咸感覺都幾新鮮,曲奇表面仲有蝦米仔係到,咬落味道有少少似蝦米腸沾了XO醬 幾創新有驚喜的作品紅棗保健之選 如果只食紅棗應該只有小部分會選擇食,但而加夾雜了在曲奇當中既可保健又可充飢一舉兩得 得左杏脯迷迭香杏脯再配合迷迭香諗都冇諗過的配搭,食落口感竟然出奇地唔錯,煙韌之餘食完塊曲奇口腔仲有啖啖的迷迭香味 蔥油雞好有中國特色的味道,一打開包裝好香蔥味,仲越食越香口味道有少少似雞仔餅不錯之選七味粉估唔到曲奇都會加入七味粉,創作人的想法都幾大膽創新,但本人本身不太好辣,食落覺得辣味太重蓋過了曲奇本身的味道XO醬曲奇入面加了耀柱絲,估唔到曲奇都會加入偏貴格的海味做配料,味道同牛油味取到平衡,唔會搶到曲奇的牛油味,值得一讚陳皮子薑酸酸甜甜的味道減低左曲奇的油膩感,食完一塊唔會覺得有

今晚家姐男朋友上黎食飯，每次佢都好識做，總會有禮物拎上黎今次見佢拎住一個紅色紙袋，上面印住個PIN字，等佢走左拆開黎睇，完來係曲奇餅唔知係咪我孤陋寡聞，我未聽過呢個品牌🤦‍♀️，所以食之前Google 一下🤭原來PIN係香港本地新派曲奇品牌，香港製造，舖頭係銅鑼灣利園二期，而且重有官網可以網購拆開一袋有兩盒一盒係陳皮子薑曲奇，一盒係什錦曲奇，每盒24塊，獨立包裝，方便衛生👍因為不加防腐劑，所以唔似得d萬年曲奇餅咁，可以擺成年幾兩年未食之前，我完全想像唔到陳皮子薑既曲奇係點🤦‍♀️但食完內心會有一陣驚訝，估唔到係可以咁好味同夾到！！！曲奇入面既子薑粒粒好有咬口，又夠薑味👍，但又唔會太辣，亦唔會遮蓋曬牛油味，你仍然好清楚知道自己食緊曲奇餅😂呢盒係什錦曲奇，一盒有八款口味，每款三塊！呢盒不得了，一盒可以試足八隻味：XO醬、香辣蝦米、七味粉、蔥油雞、紅棗、杏脯迷迭香、提子花旗蔘、陳皮子薑！就咁聽d名其實都幾驚，不過食完真心覺得好驚喜，係完全估唔到呢d咁伏既名，但食落可以咁好食、咁夾！！最欣賞係佢每一款都真係食得出果款曲奇既味，而每款都保留到牛油香唔會喧賓奪主，每款既甜味都好天然，唔會過甜！香辣蝦米

最近見身邊幾個朋友都話PIN呢間既曲奇味道唔錯，於是我懷住好奇心去試一試。坦白講一盒曲奇$208，有24塊，8種口味，話貴唔貴，話平唔平，但叫做香港制造，無防腐劑，味道款式又新穎，中西合璧，都值得一試。包裝個盒都幾靚下，食完啲曲奇，仲可以拎黎裝下啲小飾物一盒有8款口味，味道幾特別，咸咸地，又甜甜地。曲奇加咗唔同配料，所以咬落去好有嚼口，雖然無純曲奇咁鬆化，不過整體黎講尚算唔錯的🙂XO醬曲奇 / 香辣蝦米曲奇 / 七味粉曲奇 / 蔥油雞曲奇陳皮子薑曲奇 / 提子花旗蔘曲奇 / 杏脯迷迭香曲奇 / 紅棗曲奇個人相對鍾意紅棗曲奇，因為紅棗補血，又對血氣好，女仔食多啲有益，所以我就撰多咗一盒淨紅棗味

朋友仔今日探我，仲送左一盒PIN曲奇比我，我從未食過，朋友仔叫我快d開黎一齊試下包裝精美，夠好大體、夠橘子入面有8款味道， 每款味道都有唔同顏色嘅包裝袋載住包裝得咁靚，真係唔捨得拆黎食，但朋友仔同我最後拆開試下每款味道香辣蝦米餅-餅上面有隻細蝦米仔，塊餅味道咸咸地、辣辣地，蝦米十分香脆可口紅棗餅-一試難忘，紅棗煙煙韌韌，甜甜地，非常好食杏脯迷迭香餅-咬落去有d香橙味，果味重，不錯蔥油雞-蔥油雞就食得多，用來做餅就第一次食，食落去有少少似雞仔餅嘅味道，幾有懷舊風味提子花旗參餅-估唔到提子加花旗參啲味道幾夾，甘中帶甜，提子乾夠煙韌陳皮子薑餅-餅入邊有好香嘅陳皮味，咬落去啲黑色一粒粒係子薑，味道非常夾XO醬餅-味道有少少似香辣蝦米餅，都幾得意七味粉餅-好難諗到七味粉可以用嚟做餅，但塊餅辣辣地都幾過癮，不過我都係鍾意食甜味餅多啲但朋友仔鍾意食鹹味多啲，非常好，唔會爭食八款味道都各有所長，各有特別味道，食完齒頰留香，一試難忘