品記麵食 (已搬遷) 新店位置

本看到早幾篇的食評，也擔心著來吃飯會受氣，但我們沒有看到不禮貌的店員呢。店舖小小，但座位空間是足夠的，不會很擠迫。先點了醉鴨蛋，一看圖片就知道多溏心了吧。酒香不是很濃但絕對足夠，還有除後的麻油香，濃稠的鴨蛋黃心很香濃，我連少少的汁都一同喝下了。朋友點了老薑湯，豬潤牛肉通心粉。湯頭應該是用豬潤熬製而成，湯真的蠻薑的，吃到很多薑蓉，未見太驚喜。豬潤亦因長期在熱湯內變得乾和硬。牛肉朋友則說超滑嫩，很好吃，但小粒的通心粉份量有點少。我點的油渣麵湯底反而有點優香，可能是榨菜？油渣很脆很好吃，配東菇絲和微辣菜莆連湯同吃就不錯了。上海粗麵用叉子吃有點狼狽，可以提供筷子或把麵條剪短一點。

以前一直是維記豬潤麵的fans但這兩三年已經大不如前了間中跟朋友呻 朋友都說現在只有兩間超越維記的 一間是漢發 另一家是品記品記是一家小店 坐位不多選擇也不多 在門口已經選定所有的食物必吃薑汁豬潤麵 + 溫泉鴨蛋湯好喝 但豬潤有點硬和乾驚喜地發現 油渣麵出奇地好吃比文記車仔麵的油渣更迷你更香更脆我問她們是否可以打包豬油渣 她們說不可以我試試以後如何打動她们 推介：油渣麵加油渣 + 辣蘿白 溫泉鴨蛋 店舖地方少 提早排隊 下次再試漢發

很久沒來吃那碗老薑湯豬潤米線仍然很出色，薑夠辣豬潤起沙米線也送滑的(最怕淋晒或鞋颯颯)，碗湯啖啖沙+薑蓉，刺激味蕾薑又補身😋😗😙😍😘😚大愛如果怕太辣可以叫老板娘少辣架第二日又再來一碗雙併老薑湯豬潤牛肉米線一樣咁好食坐落見到好多熟客，大多點多塊豬扒下次要來試蕃茄茸，應該會一樣出色

香港地少人多，寶物也多昔日街頭小巷的車仔粉麵到了今天可以令人一夜成名 ( 十ｘ座狗仔粉上雜誌頭條 )也可令人起死回生 ( 土瓜灣某麵店店主投資失利後接回家族生意的故事 )當中那金金黃黃的自家製豬油渣就是平民美食寶物之一可是要找間好吃的絕非易事新界大圍卻有一間小店做到正宗好吃的懷舊街頭小吃狗仔粉豬潤麵以外還有豬油渣！三十多元的豬油渣麵稍稍貴了一點多了的數塊錢換來坊間少見的好吃豬油渣！好吃的豬油渣首要條件夠脆卜卜唔係某些店子做到仍然軟扒扒，咬落一浸油係口呢間品記出奇地炸得很好很脆口之餘炸得夠乾身唔會仲係油淋淋剩餘少量油脂甘香添餘韻廚師更加了辣粉添惹味而粗麵軟滑唔會太腍湯底濃香有蝦水甜鮮加了辣菜甫和東菇絲就係往日既平民美味啦zoom 近一點浸了湯一陣的豬油渣依然脆口！細心睇睇肥膏瘦肉相間食落唔會成舊膏也有點點瘦肉韌香可惜呢ｄ美味份量比想象中少唔夠喉也仲有呢碟溏心鴨蛋個紅卜卜蛋黃質感好 creamy有酒香蛋白亦嫩滑每次來這間村屋裡的小店都要拎籌等半個鐘左右同區來講算其門若市了懷舊粉麵小食真係咁受歡迎？********往昔豬油係寶，原料豬油渣係草今天豬油係草，原料豬油渣變寶時間可以物換星移炸得

之前電視有個飲食節目介紹過大圍有間價錢唔昂貴既食店，賣港式小食和粉麵。大圍火車站行過去都唔算遠，店鋪地方唔大所以都要等位。今次叫左蕃茄茸湯炸豬扒銀針粉、老薑湯豬潤餐肉麵、雞翼和溏心鴨蛋。兩款粉麵既湯底好夠味，另外溏心鴨蛋用了秘製既醬整，比起溏心雞蛋更香口。

我是第一次寫食評.我是這間小店常客.我覺得今次要幫老闆娘平反的，其實我哋食客入ㄧ間舖食嘢你有禮貌時我相信侍應唔會冇禮貌..ㄧ隻手拍唔响的講返食物薑湯豬潤牛肉麵加塊豬扒.我每次必食佢哋嘅豬扒雞亦好正好足料.豬扒仲係手揼架.雞亦好有薑汁酒味有時唔夠飽會加件油沙煎面包.需然食到尾豬潤冇剛剛黎咁好食.我同老闆娘講過佢話堅持豬潤唔啤水.原汁原味，個湯先會有潤沙.明白晒不得不題老闆娘杯凍奶茶超好飲其實多幾間這樣有良心的食店就好

我都係呢度嘅常客，食物質素很好特別是炸豬扒，為了美味的食物我也經常來光顧。可是這裏的老闆娘態度很差、趕客，是一個黑面、控制狂、態度差劣，是不是出來做樓面的？真是辛苦了一直努力做美味食物的主厨！俾錢佢仲要受佢氣。環境食完會有油煙味，個頭同衣服都會有味。嘢食質素好但係態度係零分好容易佢就會有火藥味建議佢唔好講埋咁多不必要嘅無謂野令到客人吃不消，人哋唔係你睇你面色，係黎食你啲食物！（該經驗已唔係一次半次）

大圍品記麵食當日我叫碗豬潤上海麵，想問老闆娘拎對筷子用，點知佢回覆我係: 姨到開店6年不嬲無筷子，你唔中意可以唔黎，態度非常惡劣，我只係問一問，點知比佢咁樣答我。食品又不是非常特別，豬潤乾爭爭，垃圾都不如。

至愛狗仔粉...香濃大地魚湯底! 蕃笳茸豬潤牛肉麵正...豬油渣麵夠正宗!厚奶油多士外脆內軟! 炸豬扒炸雞翼流心蛋係必食小食...😋😋不得一提老闆娘沖嘅凍奶茶...味道一流!必須外賣辣菜圃&勁辣辣椒油

聽朋友介紹話呢度既蕃茄湯好食同埋出名狗仔粉💁🏻可惜今次冇機會試狗仔粉😭蕃茄茸湯鮮牛肉拼腸仔(銀針粉)$34睇落去個湯好似好濃咁個湯好淡 飲到小小既蕃茄味不過都叫食到小小既蕃茄茸牛肉好多好食😋 同埋都幾滑😋整體泥講 呢度既蕃茄湯唔算太出色蕃茄茸湯炸豬扒拼餐肉 $34因為最近巴西豬既影響💁🏻所以嗌炸豬扒要加多$2炸豬扒幾好食 炸得好香口不過塊豬扒係有啲薄(左) 花生醬沙糖煎厚切麵包 $16(右) 咖央煎厚切麵包 $18講下花生醬沙糖先 其實同麵包擦花生醬冇分別😂 亦都冇咩特別反而 咖央就好好食😍唔會太'流' 岩岩好食完會再想食😋😋😋

這間小店已光顧過好多次，由一對夫婦經營，雖然選擇唔算多，但每一款都很有水準，店面不大，迫迫地最多可坐16-18人，所以午市經常好多人排隊，所以我通常選擇下午時段黎！他們開店時間唔長，公眾假期仲要補假，真係唔憂做湯底主要分老薑同茄茸系列，另外亦有懷舊九仔粉同油渣麵亦有好多人會叫嘅煎包套餐，但我個人覺得比較油，可以因為煎包會用較多牛油，但喜歡重口味嘅人應該會喜歡！而我最推薦嘅係老薑同茄茸系列！兩款湯底都好好，老薑夠薑味，茄茸湯亦好多鮮茄，真材實料！另外豬扒同雞翼係即叫即炸，仲係生炸！所以皮脆肉嫩！另外強烈推薦糖心鴨蛋，佢地自制滷水汁好入味，有酒香同麻油香，而且因為用鴨蛋，所以糖心部分比雞蛋更多更香！

星期日，剛剛睡到自然醒，男友今天要上班，唯有獨自在家附近找食店。剛好經過此店，有十幾個食客在等位，門前亦張貼了多間飲食雜誌的報導，便走去試試，幸好有個單丁位，不用等便可入座。其實店裡環境頗擠迫，唯有快快點餐快快走...*蕃茄湯通粉配煎雞翼雞翼比想像中細隻，味道平平，但煎得頗香。蕃茄湯較酸及稀身，建議加多些茄膏及肉作提味之用。通粉份量及軟硬度適中，不過不失

野食好食都無用，態度好差，叫左2個餐，飲緊野果陣就比店小二吹叫我地快d走。我地已經突登揀唔係繁忙時間黎食，唔明點解仲要吹人走，唔係好明佢地點樣做生意,比左錢入黎唔係受你氣，係想坐低休息下，食個下午茶。 你就吹三吹四，食龍肉都無味講番野食，叫左個生牛肉蕃茄麵，牛油沙糖多士，多士都脆，但無想像中咁好味同咁香，可能因為無咩牛油味。蕃茄麵就低於平均值，33 蚊唔包野飲但感覺上好水，有d稀，可能食過其他地方(上環果間但唔記得咩名)，覺得呢到真係比唔上果間。同埋食完d食物殘渣直接倒係店舖入面個透明膠箱到，好唔乾淨，有味，仲要比食客見到，會想作嘔。總結，食物可以接受，但衛生同服務態度都要好好咁改善下，亦因為咁呢到扣好多分，黎嘅人要三思，趕時間先好黎，因為無咩時間比你食。

今次突意黎這間小店, 某程度係基於新假期既介紹見吾係咁肚餓, 就吾試狗仔粉,  就一於試下個牛油沙糖煎厚切麵包賣相OK, 但不太算厚切底同面都有焗, 煉奶同沙糖係面, 味道不錯, 不算太甜, 但也不算很特別, 屋企自己都可以DIY

大圍其實好似好多野食，但很多食店你只會好奇而試一次半次，回頭再光顧又欠缺理由，好似漢年金城食物好，但環境及服務差，古朴年代食物不植一提，美源和品記是我這個大圍友的首次選炸豬排$19老薑豬膶麵 服務很有心，有禮支持小店，加油品記星期一休息