品越越式料理 (奧海城) (已結業)

因工作關係嚟到奧海城附近~見到越南嘢又想食下,所以嚟咗呢間店~叫咗生牛肉湯河,比較穩陣之選~牛肉都有肉香味,而且唔會有筋或者太韌~而個湯底都有牛肉香,不過個粉就一團黐埋咁~但係揚返開都可以嘅~母親大人就叫咗個扎肉雞肉湯河~扎肉味道一般,雞肉就有點老~另外可以加錢配小食,我哋就叫咗個豬頸肉米紙卷~層米紙比較笠,而豬頸肉比較肥~其實包其他材料可能比較合適~嘢飲叫咗西柚野莓梳打~反而呢個清清地幾好飲,雖然野莓應該只係現成果醬~

今次去到奧海城見到有越南野就去左試下，入到去睇到餐牌，越南河有配油炸鬼又幾新奇，叫左碗試下，又出奇地match，雖然只係一細件油炸鬼，但越南河配嘅青檸同辣椒香草都有另一隻碟上，好似去左越南咁🤣

平時見到多人去於是試下。lunch set叫咗咖喱腩飯，味道不過不失，但係連翻熱都無做，咖喱只係常溫。侍應見食完就急急腳叫埋單。價錢貴過人但係食物麻麻。以後應該都唔會再幫襯了⋯⋯

依餐係當日第一餐，食嘅時間已經係午飯時間，所以非常餓嘅狀態，好彩上菜速度唔慢環境係個普通茶記環境，整體係乾淨，但係餐牌有小小痴立立服務態度非常好，當日入座時本身係冇人，初頭入去都順利，突然有位太太大叫“我要見經理！”，咁佢都將我地處理好先去，處理完又回頭再過黎講多句唔好意思食物水平中等，扎肉雞肉河，雞肉有d韌，扎肉太少，本身想加多份扎肉，可惜佢冇得單叫扎肉，粉同湯正常味好似叫火車頭河，有牛丸，生牛肉，牛腩，牛肉有d韌，其他野都係正常味，料一樣算少，每樣得2塊可以升級為套餐，加左串燒，我地揀左牛同雞，本身肉味已經冇曬，表面有一絲絲似係香茅，聞有小小香茅味，食落去都係0味道，醬係好淡嘅麻醬味（作為參考，本人係屋企主要食原味野，只重甜，所以可以講出街食正餐算係咸，但係我都覺得冇味）全餐冠軍，佢係正常越南春卷，食得出佢岩岩炸起飲品，就係梳打水+你揀嘅味道，冇特別

這一夜，近近地就在這間在港九有數間分店的越南菜館吃了一頓簡單的越式湯河晚餐。店舖分內外兩部分，外面的對著商場，感覺開揚，裡面的有大玻璃窗可看到外面的街景，景觀較佳，而我這晚就在裡面的靠窗卡位用餐。吃的是「品越極上湯河粉」（$88），材料有牛小排、牛腱、牛腩和雞絲，比單一的生牛肉湯河或雞絲湯河豐富，價錢也貴上一點。這湯河的湯是及格的，雖不算十分濃甜，仍算可取。四款材料中，以有三大件的牛小排最好，夠嫩滑而帶點脂膏，牛腱也甚有牛味，但牛腩就一般般。簡簡單單的越南湯河，其實自己已有好一段時間沒吃過了，這夜難得地吃上一回，感覺還不錯。

又食呢間越南野，甚本上是午市飯堂，午餐時段經常坐無虛席，餐牌上選擇頗多，可另加小食或特飲與同事一起來，基本上各人都選擇到岩心水午餐👍🏻香茅豬扒雞扒飯 熱奶茶 $69雞扒煎的香脆，仲有少少油份，食落香口。豉油汁另上，賣相好看之餘，亦可讓人選擇少鹽少糖。

星期三放假最開心 返二日可以休息下悠悠閑閑係商場行左陣 突然心血來潮想食越南野 於是選左奧海城三期既品越 無咩人排隊 可以直入 幾好😬選左2個午餐 第一個選左火車頭 材料好豐富 牛柏葉 牛肉 牛腩 樣樣都有點 👍 唔錯 湯底香甜 最適合心多多野我🤗第二個選左個香茅豬扒雞扒飯 好野味 好香脆 可能顏色比較深色 感覺好似炸多左一點 淺一點色感覺開心點😬

未飲過咁差嘅滴漏咖啡，得少少粉滴出嚟，淺啡色，這是越南咖啡嗎？唔識整就唔好賣啦！嬲！嬲！嬲！見隔離枱仲找少咗錢😑😑碗牛肉粉都一般般不會encore系列⋯⋯⋯

晚市收10. 9點搵嘢食選擇真係唔多咁啱去到奧海城雖然明知奧海城可以食嘅餐廳唔多但冇咩時間唯有是但搵間填飽個肚見到有間食越南野幾吸引就行咗入去講明先價錢真係唔平叫咗一碗烤牛肉撈檬同一碗牛丸河粉每個人平均都要大約$90以晚飯而言好似唔係好貴但其實其他越南餐廳食同樣嘅菜式大約$50至70左右然後通常都會叫個小食🙊不過！雖然佢貴咗少少但個人覺得以撈檬而言質素偏高👍🏻👍🏻烤牛肉味道唔錯可能因為價錢偏貴所以要求都高我自己覺得鹹咗少少撈檬嘅配料非常非常豐富我自己都係第一次食咁多配料嘅撈檬有芫荽西芹蘿蔔絲豆芽蒜香脆脆最特別嘅係有新鮮鳳梨食食吓甜甜地中和左佢嘅酸味真係好特別亦都好加分不過佢自己隻酸汁其實都唔係好酸😹牛丸河粉就一般般我朋友嫌佢個牛丸唔係牛筋丸個湯就都算鮮甜但唔會話好特別味精唔算重整體其實味道上都唔錯不過咁嘅價錢會令我有小小卻步不過咁啱去到奧海城又要搵嘢食既話我覺得佢係不二之選👍🏻

呢間越南餐廳好好食 當年食完個紅酒牛柳粒 好食到癲咗🤩自己一個食曬一碟 但唔知點解個次食完之後就無再去食過 隔咗好多好多年嘅今日終於去食返 但紅酒牛柳粒好似變咗法式牛柳粒.. 餐廳環境都唔錯 店員服務態度良好 可encore🥳👉🏻河內生牛肉湯河粉🐷諗咗好耐食河粉好定撈檬好 最後決定河粉嘅 但我自己本身對生牛肉河粉無乜感覺 但係！！今日改觀咗💃🏻 一上碟就有青檸同辣椒 按自己口味加 但唔知點解會比油炸鬼🤣到時點解呢？又唔係好match.. 不過我都鍾意食 湯底有魚露香味 河粉最怕一夾就斷開哂 好彩無呢個問題 生牛肉有牛味嘅呢個 但牛柳粒就無啦..👉🏻法式牛柳粒法式牛柳粒好似唔再係當年個款啦😢完全無紅酒味 份量仲好似細咗添 但個飯好重茄汁味🍅偏酸 炒得乾身 個飯加咗唔少分 牛柳唔老 但缺少咗啲牛味👈🏻香芒軟殼蟹米紙卷我覺得呢碟好似放得耐咗 有d油味 醬汁少咗d🤏🏻芒果都唔夠..另外follow ig or fb會有優惠價$8 酸辣無骨鳯爪 以8蚊嚟講好抵又好食 夠哂爽脆 無得頂🥰

終於等到一直很喜歡的越南菜開始外賣自取折扣，之前試過的小食拼盤、串燒等都記憶猶新！今日放工准備外賣返屋企，見到湯河系列HKD68起再68折算下來不到HKD50已經可以吃上很好的一餐生牛肉湯河的湯底好濃郁鮮美，配上足足三大片生牛肉十分抵食，牛肉本身質素都晤錯！總體來講是越南菜的平均水准之上！

又食越南野，就係鐘意食午餐- 生牛肉湯河、熱奶茶 加一$65Overall 都ok 既，牛肉夠滑熱奶茶都好飲、唔澀疫情期間，餐廳都安排得好好一向無枱搭，枱同枱都隔得夠開

好耐冇黎越式食嘢，難得老公今日想食牛肉河， 我當然樂意奉陪啦！坐低唔使諗我都係要食生牛肉河，黎到竟然有半條油炸鬼喺度，我仲以為上錯咗，原來而家生牛肉河加咗油炸鬼！二話不說夾黎試吓，有幾鬼脆口喎！河粉OK，生牛肉份量足夠，但唔知點解就冇以前上枱時嘅粉嫩色， 雖然牛肉都軟淋，但亦冇以前咁重牛肉味，我估佢可能已經轉左貨⋯唔知係咪因為牛肉唔同咗，所以連個湯底都冇咁濃郁，味道同以前有點距離⋯但總括味道還算OK嘅。跟住加$28叫咗個燒大虎蝦紙米卷，呢個就真係唔太得啦，三件大小不一，細細舊，只係食到醬汁嘅味道，感覺好一般！

前幾日試咗奧海城La Taste嘅香茅豬頸肉撈檬粉+奶茶。價錢大概$52-58（唔係記得好清楚🙈）以奧海城下午茶，雖然唔係平，但價錢都還可以接受。碗撈檬配料都算唔少，最令人驚喜係啲豬頸肉有兩串，都有大概5-6塊。檬粉都夠爽口，唔會癡埋一齊。不過...餐廳提供嘅魚露就無乜味...所以真係成碗粉都係靠豬頸肉同埋點豬頸肉嘅花生醬餸住黎食咁滯。希望餐廳啲魚露可以調返味，咁相信味道會大大提升。下圖係拆左竹籤嘅烤豬頸肉檬粉：

相約友人去旺角食晚飯行行下 發現依間餐廳係門口睇個餐牌價錢唔算貴，就決定食依間。生牛肉河 必食 🤩🤩🤩🤩🤩🤜🏼有5片肉左右湯好熱 好新鮮 🖖🏻🖖🏻影多幾張相就浸熟咗啲肉. 👍好好食😋想食到嫩啲嘅質感就要快手喇！🖐🏾🤚🏻🤚🏻🖐🏾🤚🏻唔客氣。謝謝！ 河粉爽滑程度： 👏🏽👏🏽👏🏽👏🏽 /5 而湯底就非常清澈同鮮甜：👏🏽👏🏽👏🏽👏🏽👏🏽/5係有少少油係面如果加上附有嘅青檸汁同辣椒