唐記包點 (頌安商場)

营业中

休息中

每一個星期四或五，若我們一家不出外用膳，就會買外賣返屋企，大家開心一下。最方便，最啱大家食既外賣，不是兩餸飯，而是《唐記》的蒸飯。這一天，先陪太太在頌安買少少野，我既《唐記》，就決定係頌安買。先說給太太的，就是近來《唐記》大賣的水晶素餃。餃子的皮，真的做到好晶瑩剔透，而且亦不會粘著任何東西，也不易爛，質素可以說是很高。純蔬菜的餡料，吃起來很清新。太太喜歡加點辣椒油去食，更加之惹味。我最喜愛的配搭，是鳳爪排骨飯加燒賣。向來，我都對《唐記》既排骨飯充滿信心。份量夠，肉夠，飯夠，味道也是眾多蒸飯專門店中最好的。是日的飯也不例外，可以說是價廉物美。而燒賣就大大件，仲有一隻蝦仔，永遠都不會不滿意。對，在正常既情況下《唐記》既出品，是永遠都不會不滿意的，這一餐，我可以說，也不例外。

完全咬唔開 唔知用咩肉。牛肉就算唔多熟都能咬到。呢舊嘢最後吃不到。感覺好恐怖 蒸牛肉 咬唔開 唔知用咩肉 ！最後吃不到掉咗！ 返叮都係咬唔開 咩肉泥架 又排隊等成10分鐘 有人投訴 嗰服務員話 ：係要等咁耐架。我做嘢係咁慢 你想快呢度請人 你泥做啦

「唐記包點」係小編食早餐嘅不二之選， 不過因為小編係美孚返工， 而美孚嘅「唐包點」係阿華田系列剛推出嘅時候都未有得食， 咁啱去接小妹放工， 就食個包、飲杯茶、等下啦～😂 身為阿華田粉絲，必試阿華田包、阿華田奶茶， 係推廣期間， 阿華田包只售$5（原價$7.5）， 阿華田奶茶只售$9（原價$12）， 都幾抵呀！😏 阿華田包（$5） 熱辣辣嘅阿華田包好香噴噴～ 阿華田味都幾食得出， 但內餡口感比較差，一patpat咁，顏色又咁像真， 令人聯想起其他野。💩😂 不過其實味道真係唔差嘅，值得一試！ 至於🌟推薦❗️阿華田奶茶（$9） 「唐記包點」嘅奶茶出名幼滑濃郁， 今次加左阿華田味， 更香甜可口，老少咸宜～

下大雨的週日，不想走太遠就近近地在屋企附近的唐記包點買外賣。唐記包點分店遍佈全港，除了包點，還有點心和蒸飯等中式茶樓食品，定價親民，精選蒸飯及凍飽優惠更加抵買。馬鞍山頌安分店還有優惠套餐，蒸飯點心加飲品只是$35，蒸包 $16就有3個，真是超抵食！最近聯乘阿華田推出期間限定新品，甚有新鮮感。流心阿華田包 $5每次經過都售清的阿華田包，可想而知有多受歡迎，今次終於試到了！一咬開就已緩緩流出阿華田爆漿流心餡，充滿獨特麥香，甜而不膩。黑麻蓉包每次來唐記我都必點黑麻蓉包，包身軟綿不黏口，蒸氣騰騰。粗顆粒的黑芝麻蓉帶有沙沙的口感，就像在吃擂沙湯圓，真材實料，麻香濃得化不開。馬拉糕傳統舊式做法的馬拉糕，就是簡單樸實的古早味。佈滿蜂窩般的氣孔，口感鬆軟香綿富空氣感，甜度恰到好處。菜肉包 比起買連鎖麵包店的空氣包，雖然價錢相若，但唐記蒸包確實是足料得多 XD 平時我食兩個都已經有十成飽。豬肉與蔬菜的比例得宜，口感分明，飽足之餘亦不膩口。這次便點了兩個 $35蒸飯點心套餐。北菇雞飯已經去皮，雞肉夠嫩滑，加上原隻冬菇菌香四溢。燒賣則是以豬肉作餡，口感扎實，肥肉不算太多。雞蛋牛肉飯就有煎熟蛋和牛肉肉餅，配料

唐記真是抵食又方便，所以成日都會行過睇下有咩好食。今次見到有新推岀產品，好吸引所以又買一轉番屋企開餐。新搞作既野以柯華田做主打，有包同奶菜，由小飲到大既華田真是好多人既至愛，呢個fusion 好有諗頭，讚👍🏼華田包係流心既，好滑又香，是很正既甜品之選，5元雞推廣價真是好抵食。另外既華田奶茶又是一創新嚐試，估唔到溝埋係幾夾既味道，9元一枝，細細枝。另外買左咖哩雞飯，是蒸飯以外的選擇，仲有糯米雞大大隻，好足料又好味的中式點心。當然仲有葱花卷，100元的大餐，抵到喊。

今日太忙，唯有搵來樓下的好幫手「唐記」來解決兩餐問題。通常我都會叫套餐， $35有一個飯和一個點心仲有嘢飲相當抵食，今日揀咗北菇雞飯和章魚肉餅飯，點心就揀咗沙嗲金錢肚同豉椒鳳爪。兩個點心份量都算多，而且相當入味，金錢肚軟硬適中，唔會太韌，鳯爪都唔差。至於雞飯和肉餅飯，同樣份量夠晒，雞肉嫩滑，冬菇夠香；章魚肉餅有咬口，兩個都有青菜附送。另外$16有三個蒸包，所以買定做明天早餐，揀咗兩個全家都鍾意嘅奶皇包，菜肉包都係穩陣之選。另外試吓平日少食嘅黑麻蓉包，香菇雞包，同沙嗲牛肉包。黑麻蓉包面頭有啲黑色點點，一睇就知，食落有好香嘅麻蓉味！沙嗲牛肉包都幾驚喜，裏面個餡都幾大，沙嗲味濃。香菇雞包裏面有香菇、雞肉、木耳絲等，有啲似菜肉包但味道又有點不同，都幾特別。除開每個只需$5.3，比起而家去麵包店買一個包都分分鐘$6-8，仲完食完唔飽！唐記個包真係相對真材實料呀！簡簡單單又一餐，不少得要盛讚佢哋支持環保，可以自己帶外賣盒買，非常好！

天氣酷熱得令人完全沒有外出的意慾，只想躲在冷氣房，所以近近地到屋企附近的唐記包點買外賣。唐記包點分店遍佈全港，除了包點，還有點心和蒸飯等中式茶樓食品，定價親民，精選蒸飯及凍飽優惠更加抵買。馬鞍山頌安分店還有優惠套餐，蒸飯點心加飲品只是$35，蒸包 $16就有3個，真是超抵食！這次便點了兩個蒸飯點心套餐。北菇雞飯已經去皮，雞肉夠嫩滑，加上原隻冬菇菌香四溢。燒賣則是以豬肉作餡，口感扎實，肥肉不算太多。雞蛋牛肉飯就有煎熟蛋和牛肉肉餅，配料豐富夠飽足。鮮竹卷以腐皮包裹著豬肉、冬菇和椰菜餡料，飽滿多汁。蔥油餅 $5.5麵團厚實，表面滿滿蔥花加芝麻，吃起來更香口。香菇雞包比起買連鎖麵包店的空氣包，雖然價錢相若，但唐記蒸包確實是足料得多 XD 平時我食兩個都已經有十成飽。餡料豐富，將香菇、木耳和蔬菜混進雞肉中，吃起來更有層次。黑麻蓉包每次來唐記我都必點黑麻蓉包，包身軟綿不黏口，蒸氣騰騰。粗顆粒的黑芝麻蓉帶有沙沙的口感，就像在吃擂沙湯圓，真材實料，麻香濃得化不開。紅豆包 $7.5雖然一次過買了好幾款包，但也不怕會認錯，除了因為外型上有分別之外，每個包墊底的蒸包紙都會寫上包名。內裡包裹著大粒飽滿、熬得起

唐記包点真一流，今次我去了頌安唐記買了2个 鳳爪排骨飯、牛肉及雞扎！鳳爪排骨飯唔會好肥，飯香，排骨好滑，鳳爪好有味亦很淋！牛肉好有料，唔似係面粉，啖啖牛肉，好真材實料，比得上大洒樓！雞扎好足料，有棉花、火煺、 雞、芋頭、支竹等，大大件，好好味，十足分量！超班！

呢排食得濃味野多，又打邊爐又燒烤又啤酒咁，攪到爆曬瘡，又唔健康，今日決定食清啲，我同媽子就決定幫襯唐記包點。到步後，笑容親切的姐姐問我食乜，由於真係好肚餓好肚餓，叫左排骨飯，北菇滑雞飯，燒賣，金錢牛肚，兩個菜肉包，同一支豆漿，直頭叫到忘我境界。姐姐同我講左句94個半啊多謝，我打左個突，下意識問左句:幾錢話?姐姐重覆94個半。我嗌咁多野都係94個半?睇黎我真係好耐無食唐記，平到你唔信，抵!講下啲蒸飯先，無論排骨飯同蒸雞飯份量都好足夠，飯粒粒粒分明，唔會痴埋一舊舊，滑雞真係好嫩滑，味道亦岩岩好。排骨有肉味得黎又唔會太軟身有咬口，相當唔錯。仲有足夠既菜底，真係夠曬健康。而且只係賣緊22蚊，係22蚊啊。牛肚，出面好多酒樓已經係俾草肚，因為金錢肚貴好多，而唐既金錢肚竟然只係賣15蚊，份量唔會俾酒樓少，而且味道唔錯，實在難得。燒賣亦都係15蚊，大大粒，肉味鮮美。最後緊係唔少得唐記既招牌菜肉包，味道不變，價錢亦都不變，6蚊個菜肉包而且係好食既係香港真係好好好好好難搵。而家香港想用100蚊內食到咁好咁多既晚餐已經好難，但唐記包點仍然做到，唔只價錢抵，仲抵讚

見完客臨返屋企之前買個簡單晚餐，終於可以幫襯樓下呢間唐記，所謂「終於」呢，係因為我成日經過出面地鐵站的唐記，但佢地同一款食物係比呢間貴幾蚊(例如點心出面賣$18呢間賣$15，蒸飯出面賣$27呢間賣$22！)，我覺得好唔抵，所以唔想買第二間分店，今日終於比我揾到個機會黎呢間買，所以好開心我覺得唐記之所以能夠速迅發展開咁多分店，係有佢成功之道，首先，佢乎合香港人要快的原則，由我落單到我拎到個外賣走得，前後不到5分鐘！第二，佢價錢平，即使係地鐵站的分店，以$27一個蒸飯來計唔叫平叫咩呢？第三，外賣中式點心唔多地方有！(超市賣嗰D唔好相題並論啦！)當然你可以去酒樓食點心啦，但酒樓夜晚都唔會食點心，同埋飲一次茶貴好多，你更加唔會去度淨係食一個點心！但呢度呢，你可以口痕買寵鳳爪返屋企食！第四，當然佢味道唔差，所以KEEP住有客啦！基於以上種種原因，佢已經開到幾十間分店囉...今晚本黎就諗住買個雞扎就算，點知見到佢有套餐喎！連埋個蒸飯和飲品都只係$35，所以最後揀左章魚肉餅飯同雞扎，無加錢轉其他嘢飲，淨係要左道地烏龍茶(盒裝). 之前買過九龍灣分店的都肯幫我走塑，今次同樣比完錢咪拎個飯盒出黎囉，點知

係頌安邨，如果好肚餓，又趕時間，但係又好想食蒸飯，可以點算呢? 大家都好熟悉嘅唐記包點，可以幫到你~~ 兩分鐘你就可以捧住個熱辣辣嘅蒸飯返到屋企。北菇雞飯賣相好，對辦。而且，薑，已經切絲，冬菇厚肉，而且蒸得夠腍，容易咬開。部份雞肉有骨，但多數啖啖肉，抵食! 。雞肉蒸得好嫩滑，而飯也是粒粒分明，沒有爛飯和一嚿嚿，算是水準之作。北菇蒸雞飯，估唔到在速食外賣舖 都可以做到呢個水準，雞很滑，飯新鮮香口，北菇香味足。 最緊要嘅係，都只係賣20蚊。