喜來稀肉 (已結業)

許久沒有掉低細路兩公婆撐枱腳，今晚同老婆食吓呢間久聞的喜來燒肉韓燒。一分錢一分貨，肉類逐碟計，唔似壯陽圓任食的 Quality，感覺會貴啲，但都值呢個價。黎呢度近乎必食，肉小塊切得較薄身，燒的時候留意唔好燒得太耐哦護心肉較喜來燒肉厚身，燒的時間會耐少少，雖然厚身，但口感一樣咁林，讚除了牛肉都叫咗個辣五花肉，大大塊五花腩啖啖肉！辣汁不太辣，可以再辣少少就更好烤爐邊邊一路會慢慢煮熟啲蛋，食到中後段剛剛熟Last but not least 小弟非常鐘意食泡菜，呢度都係免費任食，我一人共吃了4 碟

呢幾個月，每個月都食一次韓燒，好真心個句，都係呢間既旺角分店最最好食!朋友投訴我食韓燒又唔約佢，佢今日生日，就約佢黎呢間喇。雖然上次黎呢間都係叫調味牛護心肉 ($160)，真雪花牛肉 ($228)，但呢兩款真係冇得輸! 兩款牛都切得好平均，放得好整齊。真係唔食其他都唔知準備食材呢部份呢間都做得，正所謂有比較就有傷害，呢間係最出色既! 兩款既牛肉味都好濃好出。放少量既鹽，已經好足夠帶出牛味。而泡菜用黎配蛋就夾好多~ 另外叫左一份水冷麵 ($85)，食住熱辣辣既燒肉，再啖冰涼既水冷麵真係好爽! 不過麵餅就黏成一塊，比較難分開~因為要返工既緣故，冇叫酒，我地叫左柚子梳打 ($35)同埋梨汁($20)。韓燒既熱氣就唔係一小罐梨汁可以抵銷得到既😂不過係飲得舒服，又做到心理既慰藉lol 最後不得不提既係服務態度真心好，環境舒服，食得好自在。呢間既爐唔易燒窿，但店員都會密密咁黎望下，好主自動地換爐，加菜。菜都係好新鮮，唔食過其他餐廳真係唔知菜都可以難食! 呢間係呢幾個月最好食既一間，真心推介!!

想食韓式烤肉，好自然會諗起「喜來稀肉」😋以前係其他分店有過好好嘅用餐體驗，今次試一試旺角店🤪。例牌一坐低就有幾款韓國小食前菜🥳泡菜、醃青瓜、辣醬沙律菜，另加新鮮生菜可以用嚟包肉，仲有點少得滑嘟嘟嘅爐邊蛋😍！以上所有食物可以無限添加，真係抵讚😚喜來烤肉($158)••••••擺盤擺到花咁靚嘅牛肉😄紋理好靚，薄切，輕輕一燒，簡單配上海鹽已經好美味🤤護心肉($158)••••••必點！每次幫襯都一定會點嘅招牌！😌燒香後有咬口非常口感，油分不多但肉味濃，爽滑彈牙，大推！☺️喜來五花肉 配特製醬汁($138)••••••油花豐富🤩肥瘦分明，但唔會過肥，烤到微焦後十分之惹味，邊緣位帶香脆，最鍾意搭埋生菜齊食🤪。

OPPA ~ 슈퍼 맛있는 ~ 就尋日既經歷真係相當奇幻啊~ 首先尋日忽發奇想想試下一人燒肉(其實係因為約不到朋友 QQ )然後感覺變左一日旅行，最後仲變左一日戀愛添啊~ 宜家即刻同大家娓娓道來！。本身由於無飯腳曾經想過打退堂鼓~ 到最後比內心既燒肉魂打敗咗，決定去一間都多好評又一直末有機會試既喜來稀肉🤓以我所知喜來稀肉係2013年已經黎到香港，咁多年都仲保持人氣令到我都好想知佢有咩能耐🤪。入到去呢同平時係香港見到既燒肉餐廳好唔同‥嗯‥應該咁講，係同係韓國去旅行果時好似先啱！餐廳裝修超有韓味，真係搞到我少女心有D出返黎啊🧡而且店員間交流都係用韓文，哇，OPPA們又高大，加晒分啊😍。講返食物我今次一人燒肉唔食得多，就叫左1客『201 喜來烤肉』同埋『504參雞湯』 。🥩喜來烤肉($158)：其實即是牛肉片，廚師們將佢地切到薄得黎又大片，輕輕烤十秒八秒已經食得，入口熔化，抵食又好味！。🐥參雞湯($128)佢的蔘雞湯不是普通就咁人參加雞，而係將雞肉裏面夾著糯米，煲出來雞肉口感滑得黎又香，人參的香味加上雞的鮮味。無得頂啊😚。然後我再一邊食埋可以無限添加既芝士蛋🧀泡菜蛋🥚再一邊望於OPPA們😍

前陣子和好友食完韓燒，很快心癮又起，於是約了女友再食過😂-這間餐廳我在兩個月前光顧，那時因為朋友不食牛，所以才叫豬🙈而這次當然選擇了最愛的牛肉啦🤤除了燒肉，我也很喜歡這裏的配菜，一黎種類夠多，二黎是無限refill，真係只點配菜都夠食😂這裏的配菜有爐邊芝士蛋、爐邊泡菜蛋、辣泡菜、辣雜菜、醃雜菜、醃蘿蔔和生菜🥰-1⃣壹頭牛燒肉套餐 $520牛隻模樣的木盤上有冬菇、茄子、翠玉瓜和五種牛肉，分別是喜來烤肉、牛五花、牛頸、牛肋骨肉及烤調味牛排骨，每款都很新鮮，調味又夠入味，所以整晚都食得很滿足😝我和女友一致覺得牛肋骨肉是最好吃，雖然是一小片，但油脂與肉的比例都是一半一半，放入生菜中，與其他配料一齊食，不但中和油膩感，味道會更豐富😋

今日興致勃勃想食燒肉，梗係黎喜來稀肉啦！我哋嗌咗個燒牛肉套餐，有喜來稀肉、牛五花、牛頸、牛肋骨肉同烤調味牛排骨，仲有一份雜菌同烏冬。另外加咗一個海鮮蔥餅。店員拎咗好多泡菜同埋醃蘿蔔嘅小食做前菜，幫我哋喺爐隔離倒咗蛋漿，有芝士味同泡菜味，可以一路食燒肉一路食下小食，唔洗咁膩。醃蘿蔔青瓜做得幾出色，唔會一味得個酸字，又脆卜卜，非常開胃！燒肉可以夾生菜、烤生蒜或者泡菜一齊食，呢d小食仲係任添架！我最鍾意就係烤調味牛排骨，佢既調味醬好特別，燒起黎特別惹味，夾埋生菜蒜頭一齊，簡直係perfect match！再黎既海鮮蔥餅都非常值得一讚！滿滿既海鮮同大大條蔥，蛋餅煎到微焦，口感一流！夾吓夾吓好快就食曬⋯最後燒埋雜菌，燒果陣我建議加少少燒汁，咁就唔會燒到乾晒，仲有少少調味同菇嘅香味～佢仲有好多種燒肉選擇，下次會再同大班frd黎，食多幾種！

講到韓燒，相信喜來稀肉都冇人唔識🤩慶祝女朋友生日帶佢黎食餐正嘅燒肉🥰價錢唔貴，但係食物有質素。我哋鍾意食韓燒多過日式燒肉！因為佢嘅前菜配菜、爐邊蛋嗰啲可以不停添加，令到成餐豐富好多🙈直接order左個beef set ($520)有齊喜來稀肉、牛五花、牛頸、牛肋骨肉、牛排骨五種不同部位嘅牛👍🏻上到枱都幾大盤！每種部位都六片肉以上，一路燒，一路食下韓式前菜，都咪話唔飽😹店員主動幫我地添前菜同換爐，服務好周到👏🏻"喜來稀肉"係招牌，捲到成盞花咁上枱，睇得又食得，係我地最鍾意嘅一款肉。爐邊蛋都有泡菜同芝士味兩款🤤

好耐冇食過有爐邊蛋嘅韓燒，前幾日掛住啲爐邊蛋，就同朋友嚟咗食啦。呢度嘅爐邊蛋分別有泡菜味同芝士味，兩款都係免費任添嘅，我哋都添咗幾次，正。另外仲有好多免費嘅前菜。喜來烤肉$158係牛肉嚟嘅，個名講到好似招牌咁，咁就梗係要試吓啦。啲肉排到好似一朵花咁，好靚。牛肉有醃過嘅，調味適中，都好好味，牛肉味亦都幾重。護心肉$158朋友鍾意食護心肉，所以叫咗。份量都幾多，數唔到有幾多片。豬肉味幾香。海鮮蔥餅$90蔥餅比較厚身，蔥有好多，唔會太油，點埋醬汁幾好食。海鮮主要係魷魚。蟹子紫菜飯團$50一大碗飯加紫菜同蟹子，有手套可以自己捏成飯糰。不過我比較懶，直接用匙羹攪勻，再用匙羹壓成一舊舊飯團。呢個口感豐富，味道又好食。

平時食開尖沙咀嗰間，今次試吓旺角呢間分店係咪一樣咁好味先。店內環境好似靚過尖沙咀，重點係夠冷氣！首先例牌叫個喜來稀肉，一如既往嘅好味，牛肉好鮮嫩，燒一燒就可以擺入口！今次試吓未食過嘅牛肉眼，原來都幾大塊，燒完可以自己剪開，肉味超濃，有少少肥膏邊好香口，推介！驚唔夠飽叫多個蟹籽紫菜飯團，韓國嘅紫菜無論撈咩都係咁好食～最後試多個雪濃湯，入面有牛肉同粉絲，每啖湯都好濃牛肉味，趁熱飲超正！食埋爐邊嘅蛋就飽哂！

喺香港想食正宗嘅韓國燒肉又有咩選擇呢？今日就同朋友食呢間聞名已久的喜來稀肉因為肉類新鮮之餘 仲韓式風味十足必食護心豬肉！因為豬味濃郁 肉質鮮嫩調味剛好～ 配上生菜減輕油膩感覺牛肉我哋就揀了喜來烤肉薄切的質感 淡淡濃郁牛肉味吃起來有點像日式壽喜燒配上路邊烤蛋 一絕～海鮮蔥餅～起初我以為會是薄脆的口感嚟到先知道原來係比較厚身的～配上一粒一粒的海鮮 還有大蔥飽腹感十足！最後來個蟹子紫菜飯團可以用上附送的膠手套用手團起一個又一個的飯團～P.S 大愛他們的韓式配菜💖

晚市放寬返都即刻約返朋友食，想食韓燒，第一時間就諗起呢間喜來稀肉，今日嚟咗旺角店，餐廳位於地庫，地方好大，員工都幾多，人手非常足夠👍🏻餐廳係用手機落單，我地直接order左壹頭牛$520一個拼盤有齊多款牛嘅部位，亦包左最人氣嘅"喜來稀肉"，其他部位例如牛五花、牛頸、牛肋骨肉、烤調味牛排骨，睇相片以為份量普普通通，但一上到枱估唔到咁大份😱每款部位都有成6-8塊，而且仲有爐邊蛋、韓式小菜、生菜等等，絕對夠晒兩個人share😚我自己最鍾意喜來烤肉，佢係有醃製過，帶有少少甜味，食落又腍又好味。無論套餐定單點都一定要叫😋爐邊蛋仲有泡菜味同芝士味兩種，店員一見你食完又會自動幫手再加🤩食韓燒嘅話，我一定推介喜來稀肉🥰

我最近做多了健身， 所以容易肚餓了，所以我需要食番多些肉類補充體力，所以和女朋友一起去食下烤肉呢！這間的韓燒餐廳使我有驚喜！喜來烤牛肉和五花腩都很新鮮，滑嫩非常，連埋泡菜食真係爽脆口感呀！另外我女朋友叫了一大碗足料人蔘雞湯，味道一樣都不錯，湯內有埋糯米在湯，煲出來香味俱全，員工把它搬上桌的時候的湯，仍是在沸滾中的！至於泡菜蛋和芝士蛋是可以無限添加吃到飽飽滿足啦！喜來稀肉分店旺角廣華街3號百利達廣場地庫

今日去開旺角買貓貓用品，同朋友講起想食燒肉,於是佢就帶左我去喜來稀肉，其實我一路都想試，終於有機會一試，餐廳喺basement,一入到去就有種去左韓國嘅感覺, 餐廳有少少紅磗頭做裝飾，而且怖置同韓劇裡面一樣我地坐低左服務員就幫我地將蛋漿放去爐邊，仲提我地蛋要熟左先食，我地望望餐牌見仲趕得切叫左個下午茶餐，下午茶有牛五花，豬腩肉同埋護心肉，仲有個烏冬,非常抵食，牛五花肥瘦適中，本身帶有少少調味，夾生菜食一流豬腩肉片燒大概3-4分鐘變到卜卜脆第一次食護心肉，估唔到咁夾口，夾埋生菜一齊食少少油膩嘅感覺順帶提一提，生菜籃係無限添加嘅，非常貼心

店舖入口係馬路旁，落樓梯到地牢就會見到今日食既韓國BBQ——喜來稀肉。前菜——酸蘿蔔、泡菜、酸瓜、芽菜一入坐，桌上已經準備好前菜。每一款都好大份，食完侍應都有問洗唔洗再添加，我地兩個人食都食唔晒。酸瓜同酸蘿蔔調味剛剛好，酸醋唔會太搶味。泡菜大大塊，入口重有D 爽脆。爐邊蛋有芝士同泡菜口味。記得得閒就刮下佢，一痴左底就唔好食。我就鍾意當炒蛋咁煮，撈到一層一層，滑蛋咁樣就最好食。食完可以叫侍應免費再加，芝士口味值得再食！喜來烤肉薄切， 已經以醬油醃製。放到烤爐上大約五十秒已經可以入口。肉汁保留得幾好，咬落唔會乾。肉味足夠，而且唔會韌。石頭鍋飯上菜果時個鍋重滋滋聲，隻蛋重係半生熟。呢個時候就要快手撈晒佢。少少飯焦加埋烤肉汁，超juicy 超好食。人參雞湯你冇睇錯，$125 有原隻雞仔係個湯到，撈撈下重有原條人參！雖然係煲湯雞，但肉質一D 都唔老。湯汁好有味，夠晒熱，有糯米飯係隻雞入面，好岩冬天飲。柚子梳打、西柚梳打

今日同朋友飛左轉韓國，黎到位於旺角既喜來稀肉度食翻餐好既餐廳位於地下層，沿路落去都係工業風設計，比人似呢個《梨泰院Class》鋪頭既感覺餐廳環境就好似韓國一般既燒肉店咁，座位闊落，啱一班人黎食飯聚下我地兩個人就叫左一款燒肉同兩款主食前菜有三款，個人最喜歡佢個醃蘿蔔食落酸酸地、口感好爽，係個唔錯既開胃小菜--喜來烤肉 （$158）食燒肉其實最正係食佢個爐邊蛋佢分兩邊，一邊係蛋+泡菜；另一邊係蛋+芝士，兩邊同樣都咁好食之前第一次食呆呆的等到d蛋熟曬先剷起黎食，點知咁樣會好老，唔好食所以之後煮爐邊蛋既時候都鍾意係佢五成熟既時候開始得閒就mix下佢，咁出品會滑d，似茶記炒蛋呢款燒肉大約有8-10片佢上菜既時候好靚架，捲到好似束花咁，可惜唔記得影相wuwuwu食落口感似牛肩肉，甜醬油味濃郁參雞湯（$125）個人覺得佢d主菜性價比都幾高參雞湯胡椒味濃郁，條人參都頗長又濃味，感覺上幾養生石鍋拌飯（$85）配菜份量足，同埋味道都唔錯，性價比很不錯呢最正就係食佢d飯焦，一放上黎無耐就開始不斷撈，先會食到完美既飯焦柚子梳打（$35）臨走仲可以係收銀度攞翻粒韓國mint清清口氣、減輕油膩感～