喜來稀肉 (已結業)

喜來稀肉可算係早期韓風興起既韓燒店好耐無黎唔知有無之前咁好食呢4碟前菜有醃青瓜、紅蘿蔔、醃白蘿蔔醃泡菜同韓式豆瓣醬配沙律菜爐邊蛋都係免費任加所以食完唔夠就可以叫店員加一半係泡菜蛋呢個係牛肉眼 200g $150油花不錯而且肉味幾濃喜來五花肉五花肉用醬油醃過所以燒既時候不黏鑊，食落也比較Juicy五花肉醃得不太咸蟹籽紫菜飯團🍙鋪滿整個飯面麻油味嘅紫菜加上蟹籽，脆脆地既口感非常好味搓成一個飯團食食下會唔小心食多咗飯配埋燒肉一齊食都好好味👍🏻咁耐無黎肉既質素都仲係幾好，而且價錢亦都唔太貴

This branch is a bit smaller than the one in tst, you can hear strong Korean music when you just get insidesWe ordered Chicken Ribs with Seorae soy sauces, the taste is quite good, but a bit small portion with this price lol lolWanna try the whole chicken soup, we are attached by the picture of large chicken, though it disappointed us a bit, not having chicken taste at all, so sad but i think the porridge is quite nice insides:menuI think the taste isn’t bad and the cheese fired eggs is good too

雖然呢排天氣熱辣辣，但仍然無阻我想食韓燒嘅決心！而講到韓燒，一定係我最愛嘅喜來稀肉！之前食過好多次銅鑼灣分店，今次嚟到旺角分店，個人認為坐得更加舒服，而且服務非常好！有個男職員真係好值得一讚，不停會睇你嘅伴菜，爐邊蛋，生菜夠唔夠，塊燒烤板係唔係需要換等等。今次仍然係要咗我必點嘅喜來烤肉，玫瑰花嘅擺盤已經令人食指大動。作為食肉獸嘅我，其實平時食燒肉都好少用生菜包，反而會用呢舊肉來包飯，真係好好食！另外重點左牛舌，貪佢夠薄快燒完。而且其實份量真係好多，其實三至四個人叫一條都完全冇問題 。而且有個自創食法，用牛舌配泡菜係好夾的！最後仲有護心肉，同佢哋店舖招牌豬嘅護心肉一樣，非常淋！所以佢永遠都係我食燒肉嘅最愛店！

《喜來燒肉》既環境好大，檯同檯之間隔得好開，空間感十足👍 完全唔覺得吵，同朋友坐係中間位，後面有棵好真嘅假樹🌲暗暗嘅燈光，有feel得來又舒適😍-濟州五花肉黎到韓式烤肉店必選食材緊係要試下三層肉！😎真係要讃下佢嘅肉質夠鮮嫩又厚身 😋完全冇豬腥味，煎果陣多餘嘅油脂會不斷流走，煎到焦黃就ok啦🥰加埋配料大大啖咁食超有滿足感🤤意外地覺得配料有驚喜，蘿蔔酸甜適中食完唔會口渴，泡菜亦唔會太酸，生菜好新鮮😊配料部分因為味道唔重，所以捲埋塊肉質軟嘅五花肉系又脆口又多汁又好香烤肉味😆-喜來烤肉喜來烤肉相對係薄身嘅牛肉🤠上菜果陣捲左一朵玫瑰花狀好靚啊😍煎兩三秒就可以轉另一面啦，鍾意佢煎完冇縮水 大大塊好嫩滑！沾醬汁食更加好味❤️-石頭鍋飯飯入面有菠菜、冬菇、烤肉、紫菜同蛋，撈完d飯 發現有好多脆卜卜嘅飯焦 😍😍系唔痴牙嫁☺️其實好大份！兩個人食完全冇問題🤔 一定要撈佢個韓式辣醬一齊食，味道更加有層次 ！👍👍👍

唔好意思，又係食韓燒啦！今次去咗旺角分店既喜來稀肉，座位比銅鑼灣感覺上寬敞啲。而餐牌嘅內容2間分店係一模一樣。枱面上嘅伴菜味道都係一樣。今次同行朋友唔食豬，所以我哋決定要咗個全牛宴！首先有最快熟嘅牛舌，一開始咁肚餓梗係食啲快熟嘅嘢填飽左個肚先啦！牛舌好爽口，亦都唔會有嗰陣怪怪的羶味，而且份量十足！相信大家都知道呢度最出名就係護心肉，其實我之前次次都叫豬嘅護心肉，今次係第一次試牛，原來同樣出色！肉質非常柔嫩，肥瘦比例啱啱好，仲勁香牛肉味，好值得食！最後仲有每次都係啲點嘅喜來烤肉，份量同價係好多，記住燒之前點多啲醃汁會再juicy d!又係滿足的一餐

每個月都要食幾次烤肉，今次終於唔係日式烤肉啦，轉食韓式😍😍好好味呀。唔知大家有冇食過喜來稀肉，不過我真係第一次食，朋友話好好食，笑我竟然未食過😅兩個人叫咗兩份肉，一個湯，已經好飽，因為佢有好多配菜食，例如爐邊有烤蛋，一半加咗泡菜一邊加咗芝士，另外仲有4款前菜，任食唔嬲，仲有免費生菜。。。最好味一定係喜來烤肉，180g ，$158，真係好好味。佢用嘅係靚肉，睇相都睇得出，簿簿一片，我覺得每邊燒10秒其實差唔多，之後就咁食又得，我就鍾意包好多野一齊食🤣生菜、肉、泡菜再加埋佢嘅醬，一大啖咬落去，真係好正😍另外雞肉份量都多嘅，$110，150g，不過就冇牛肉咁好味，以後去會試多幾款牛肉😊點大醬湯，$80，係因為見到佢有個👍🏻，所以一定冇死，果然好足料，入面竟然有半隻蟹，真係第一次飲咁足料嘅湯。如果爐邊嘅蛋加多啲芝士同泡菜，呢餐就完美啦😊

喜來稀肉牛 · 真雪花牛肉 $228油脂分布平均，食落肥美甘香牛肉比較有咬口牛 · 喜來烤肉 $158牛肉片排成玫瑰花嘅形狀，未食先興奮。油脂比雪花牛肉少，但油份份量啱啱好，牛味濃得黎又唔會嚡口豬 · 護心肉 $1583 款肉之中呢款最有驚喜。食落彈牙肉味濃，油份剛剛好，配合生菜及泡菜最夾。爐邊蛋有2 款口味：芝士&泡菜泡菜蛋惹味、芝士蛋易入口，難分高下侍應們都好勤力咁經常換鐵盤，確保唔會痴底，又留意生菜份量，唔夠即刻 refill, 服務好細心👍🏻

🍜烤肉水冷麵 $80 ✔️酸酸甜甜好開胃 ✔️有蕃茄同青瓜絲雞蛋醃蘿蔔✔️啲麵好爽口 (本身係一舊然後有人幫你用鉸剪剪開)👏🏼✔️烤肉份量夠、硬身兼烤得香😋😋👅前菜 (跟lunch set)✔️泡菜醃製正宗，有啲辣✔️芽菜好香麻油味，仲有蒜👏🏼✔️薯仔軟熟程度剛好，薯仔炆雞翼嗰隻味😋✔️小黃瓜好酸 開胃🤣🤣🤣👏🏼👏🏼有得refill勁滿足😋😋食到勁飽🥤飲品 +$5叫咗檸檬汽水，解辣解渴👏🏼👏🏼打卡度Igable: 8/10美食度Taste: 7/10 翻兜度 Worth revisiting: 7/10

韓國野食得多，呢間環境好有韓國氣氛又夠寬敞。Lunch時間都幾抵食。一坐低已經有幾款前菜提供最愛泡菜，夠哂惹味。「海鮮牛胸肉大醬湯」原鍋滾熱辣上枱，好多料👍🏻(蟹．豆腐．牛胸肉．蜆．翠玉瓜．洋蔥）將珍珠米加入大醬湯，泡飯嘅口感，海鮮+牛...呢個配搭嘅湯底無得輸😍「西柚汽水」凍冰冰解暑解辣。韓國必飲嘅果汁「葡萄汁」「桃子汁」裡面粒粒果肉，超好飲😍見到燒肉都好吸引，下次約埋Friend嚟一定要試🤗

喜來稀肉，第一次同朋友去，有驚喜。入到店內灰黑格局，好似去左D古老地方，好有食韓式傳統燒肉既氣氛。坐低後店員已經快速準備好前菜及開爐，行動快，服務不錯。呢度泡菜、生菜、前菜任添，開爐後店員準備既邊爐蛋有芝士味同泡菜味兩款，兩款都好好味！我們點了推介的護心肉和喜來燒肉。護心肉油份不多，爽滑彈牙，香口夠肉味，配搭店內提供的醬料，美味可口！喜來燒肉，燒至6-7成剛剛好，肉汁足夠，入口不油膩，一試難忘！喜歡韓式烤肉既會鍾意呢度，而且會想一試再試！

喜來稀肉都食過好幾次了，我最鍾意嘅就係豬護心肉（$158）。唔會太肥膩，又唔會有雪味。口感爽爽地~用生菜包住食一流呀！另外仲叫咗調味醬油雞肉（$110），係原塊雞扒咁樣上嚟，成舊擺落去燒，在自己展開細細件～雞肉本身已經醃咗有味，都係一個唔錯嘅選擇～豆腐湯（$80），豆腐非常嫩滑，再配上翠玉瓜、豬肉碎蜆肉等等配料，小小香辣好開胃～蟹籽紫菜飯團🍙（$50），可以自己落手DIY，張紫菜條同埋蟹子同埋啲白飯撈埋一齊，自己帶手套搓成一個個飯團，好過癮呀！本身附送嘅小菜有幾款可以添加嘅，爐邊蛋都有芝士同埋蕃茄兩款口味！

人在旺角LUNCH時間一個人去食個午餐， 肚子說想食韓國菜。於是去OPENRICE SEARCH下發現在附近有一間地度的韓國料理。入到店內店員熱情的招呼，介紹燒肉是最出名的，可惜我是一個人吃下次一大班朋友來才食韓燒吧~ 近來食欲不振，氣血不足都是Order一個人參雞湯套餐補一補身吧 人蔘鷄湯是朝鮮半島的傳統名菜之一，人參主治五臟功能，具安神、延年益壽功效，是延年益壽的佳品。每次食韓國料理最期待就是一小碟一小碟的小前菜，估唔到佢地是什麼就是最驚喜 ，我最鍾意的是泡菜和醃青瓜食落酸酸地、口感好爽又開胃。小薯粒及紫菜仲可以用來包飯呢~店員把人參雞湯上桌時湯仍在沸滾中的，大大隻熱辣辣的雞肉內夾著糯米;湯擁有著十分香濃的人參甘味，加上雞肉新鮮令到個湯都變得很鮮很甘甜，雞肉嫩滑滿滿的好足料， 白飯都差點兒食唔曬呢~最後飲一杯冰凍的柚子汽水, 立即令整個人清涼了一陣 ~ 呢餐大滿足呢！

近排好鍾意食韓國菜，今日又約左朋友食烤肉，人愈大我發現寧願食精d係好過食多d，又可以對身體好d，我地兩個人食左3個肉加一個飯已經超級飽啦，千祈唔好睇少韓國菜的周邊小食，因為足以令我地連肉都食唔哂呢！喜來烤肉$158擺到花花咁，見到都開心d，而且有醬汁醃左，一碟大約有七塊，每邊煎大約10秒就可以食啦，而且d肉嫩好食，推薦牛肉眼$150都算大塊而且都有一定厚度，我地剪左一塊塊去煎，煎完包住生菜配埋個醬一齊食剛剛好醬油雞肉$110超入味超嫩，平時食烤肉都唔係好食雞肉因為比較乾同冇咩味，但係呢個雞肉令我有驚喜，juice得黎味道亦十分到位，可以再encore 蟹籽紫菜飯團$50係自己diy，帶上手套自己拌好再成捏成形，好玩又好食不得不少看爐邊蛋同埋其他小配菜，爐邊蛋可以免費再加，有芝士及泡菜兩款口味，真係好好味架

是日約咗朋友食飯，最近因為減肥所以食啲嘢比較寡。今日決定嚟過Open Day等自己大吃大喝一下。最後我決定食韓燒。喜來稀肉喺香港已經屹立多年。想當年啱啱興起食韓燒嘅時候，我亦都係幫襯呢一間。講返正題。我哋喺星期二嘅夜晚大約六點鐘嚟到餐廳。當時人就唔算多。亦都好快安排到我哋入座。餐廳採用QR code形式去落單。我哋點左必要嘅喜來稀肉，牛肉眼，調味醬油雞肉同埋蟹子紫菜飯團。落緊單嘅時候，侍應已經準備定一陣食燒肉嘅配料。而且亦都準備我最愛嘅爐邊蛋，爐邊蛋會有兩隻口味分別係泡菜口味同芝士口味。先講喜來稀肉。牛肉切得夠薄，基本上燒一燒已經熟，做到入口即溶嘅感覺。牛肉眼亦都係牛尾濃郁,牛味香濃，油脂分布平均。啖啖肉嘅感覺簡直令人為之一振。醬油雞肉醃得勁入味。雞肉都夠滑。而蟹子紫菜飯團，蟹子分量十足，而且亦都可以比自己DIY唔同嘅形狀。又好食又好玩。最後就係必食嘅爐邊蛋， 自己就鍾意芝士口味。但係今日朋友夠嘅食法就係可以將泡菜同芝士同蛋漿混合一齊。 呢種食法簡直可以一次過滿足晒三個願望😂

無得去韓國，唯有去食韓燒解下旅行癮。之前已經聽朋友大力推薦過依間喜來稀肉物超所值，今日一試果然無介紹錯。餐廳係地庫，空間都幾大。每張檯相隔都有一定距離。坐得舒服又確保到私人空間。Menu選擇都幾多，淨係牛都有超過十款以上。我地揀左真雪花牛肉同護心牛肉，另外仲叫多左個水冷麵。一碟牛望落好似唔多，但食落份量真係足夠有餘。雪花牛肉肥瘦均勻，燒好放入口一試，真係無得彈！肉質勁嫩，入口即化。唔加配菜落少少醬就咁食都已經好好味。護心牛肉牛味濃郁，比雪花牛更有口感。兩款肉都好好味。依度嘅配菜可以無限添加，生菜新鮮，泡菜酸度適中，超級惹味。係燒好嘅牛上再加上泡菜、生菜之類嘅配菜，令到口感更加豐富。係咁keep住食都唔會覺得厭。怕淨係食燒肉太熱氣，所以叫左碗水冷麵中和下，雖然個麵底捲埋左一齊，食落一餅野咁，不過勝在湯頭清甜，真係做到解膩嘅效果。依間韓燒無論環境定食物質素都有中上嘅水平，想再食韓燒嘅時候一定會再黎幫襯。