喜喜燒臘茶餐廳 (已結業)

今晚飲左唔少，醉就梗嘅，醉左肚餓要醫肚，天經地義。想去永華食麵，但夜晚一點幾已經收左工，就去翻曾經所愛嘅食肆喜喜度食碗雲呑麵，睇下質素有冇翻生！唔食燒味，就食喺度點左食過唔錯嘅雲呑麵，評雲呑麵永遠分三個部份，麵、湯及雲呑。雲呑麵 HK$32賣相唔正宗，雲吞冇擺底規扥起麵身。麵麵爽口，有硯味而不重，份量比正宗雲呑麵大碗，算唔錯。湯甜，好有蝦皮味，亦有豬骨及大地魚味，但飲完幾口乾，味精唔少。雲呑最好，豬肉少於一成，有大地魚粉，蝦爽口而有蝦味，啤水時間掌握得好好。總結: 整體而言碗麵算做幾好，二十四小時營業方便食客，好適合我呢類夜晚飲到啤啤夫嘅酒鬼。

雪耳豬骨湯，是日例湯，味道唔差架喎，只係外賣唔夠熱囉。舊雪耳有成個碗咁大呀，真誇張！雞鵝飯加咸蛋，原本係切雞髀燒鵝髀飯加咸蛋架麻，叔叔話要過百蚊，咁貴？！公司比錢點肯過我﹗依家仲要比骨杉杉無肉食雞翼我，陰功 ﹗好采味道質地都好滿意。鵝肉味道香濃，肉質細嫩多汁，唔錯唔錯。咸蛋高質，出晒黃油，撈飯無得頂！我叫左 8 個飯其中 4 個都有雞，點解全部都係雞翼呢？乾鞋口感又味道平平，no good！如果唔係再興燒臘休息都唔會走過黎喜喜買飯，再興平靚正又好食，雙髀飯七十蚊有找架 ﹗每年只有兩三次黎灣仔會展攞 show，其中可能只有一次能夠去再興買燒味飯食，但居然星期日休息呀 ﹗我仲長途跋涉行到身水身汗，點知買唔到，侷住去對面喜喜買，但雙髀飯要過百蚊呀 ﹗唯有放棄，轉買普通燒味飯啦。我地都係想食餐好少少，開心啲啫 ﹗平靚正既再興雙髀飯都只係六十蚊有找乍。

旅行完落機搵飯食！因為已經好夜，加上好攰！所以叫司機去灣仔買燒味外賣（因為快）再返屋企！去到門口排隊買票！因為我要寫食評，收銀阿姐落好單放櫃位，我順手攞起睇幾錢（方便我之後寫）點知我一攞張單，阿姐以成間舖都聽到嘅聲量喝止我：「你做乜攞呢張，你攞走就無嘢食呀！你唔係攞呢張架⋯⋯」我即刻話：「睇下啫！」佢依舊好激動！好像我偷單咁 （其實張單都係我order! 個客唔知情咪解釋下，唔使咁激動嘅！我都係第一次幫襯啫！唔好嚇親我呀！ 不過佢激完，可能都覺得自己激動咗！之後又笑笑下無事！我三個人叫三個單拼（燒肉、油雞、叉燒）分享（咁叫最抵食 ）食品好快包好！連例湯！即刻片車返歸！打開份量好大，後悔無叫少飯，燒味都好多！先講叉燒：燶邊，厚肉，比較乾！油雞：雞胸背部份，唔夠厚肉，比較嚡，用薑蔥茸好味點！燒肉：好肥，肥多過瘦，所以好淋，似啫喱，皮唔脆係硬！伴碟菜心新鮮爽口，唔錯，飯比較乾，淋了豉油汁好少少！份量大值得讚！個例湯都值得讚，唔味精，金黃色，煲得好濃，而且外賣之仲夠熱！地方普通茶餐廳格局！我只在門口企一陣，但門口都油淋淋！唔算乾淨！

來灣仔上堂揾間茶餐廰食個早餐先左行右行来了呢間喜喜茶餐廰menu太陽蛋火腿方包，蛋有蛋味煎得都幾靚沙嗲牛肉麵，牛肉普通麵底麻麻，個湯太鹹凍奶茶好飲好飽嘅一個早餐

一如其他燒臘茶餐廳，整潔度及舒適度不要有太高要求。小吃一碟乳豬三寶飯，乳豬拼上叉燒切雞，連飲品一杯$55，都唔平噃！乳豬頗瘦，基本上無肥肉，肉質乾身，幸好主打外皮夠薄夠脆口。叉燒肉紋有路，鬆軟度中上。切雞同樣用上瘦雞，口感不夠滑溜。配上的薑葱蓉亦顯然過鹹。

肉食男三個，中午想起要找好地方食飯時，也即時地想起燒臘。同事要說去試再興，可是人山人海的，都唔知要等到幾時。在灣仔，不怕沒有靚燒臘食，有再興、有雙喜、有喜喜，再加上太原街街市及鵝頸橋街市內的，要搵靚既燒味，周圍都有。既然再興排晒長龍，唔想等，就在對面就有一樣咁好的選擇，而這就是陣容強大的喜喜。史釗域道的，也是我回港後第一份工的飯堂之一。一多野做時，要買飯盒，就近的喜喜，方便又好食。我因為喉嚨不適，燒鵝鴨既熱氣又毒，都係少吃為妙，於是同昨日一樣，來一碟叉油雞飯。叉燒，味道香甜又夠腍，而且食得出是半肥瘦的叉燒，甜美，腍，要求普通一點這就是美味，要求再高一點，也是美味。而豉油雞，雞味就不算太重，不過肉嫩而且瞿肉入味，肉質內是夾帶有豉油香的，豉油雞的妙就是這一種感覺。再興人多，這一間喜喜也一樣人多，我們被安排坐在路邊食飯，果真是 "風" 味一足，我的咳嗽聲不停.......

生不逢時大家就應該聽得多了，那麼生不逢地又是什麼呢？本人文化水平低劣，文字參差，意思表達差勁，也許真的要花多一點文字，才能說得大家明白。又是午餐醫肚時，既然店家主打燒味，當然要吃碟燒味飯才像樣，由於之前已經吃過一點東西了，二人就吃件多士，再分吃一碟飯好了，所以貪心的我，就要盡量選吃最多款式，而當中又最為美味的燒味，看見此店竟然有燒豬賣，當然不會放過，最後要了碟可以跟乳豬的三寶飯。先來談談那件奶油多，此店供應的是最基本的薄身版，不過口感又真的不比厚的差，確是烘得香脆可口，不過多士的包身明顯的不夠鬆軟，而奶油的味道都算是恰如其分，吃起來都夠煉奶的香甜，牛油就勉強還可以吧，不過重口味的人如我，都是認為多一點奶油就更好吃。之後就是萬眾矚目的三寶飯了，先來談最吸引我的燒豬吧，店家用的果然是乳豬，皮下的肉薄而脂肪極少，乳豬皮真的夠脆而不油膩，肉質尚算鬆軟而不韌，不過當然跟專門賣豬的店子來比，就真的未算很出色，但是公平點說，以有供應乳豬的茶記來作比較的話，其實一點也不賴，只不過個人還是認為附近的新嘉美，其乳豬以茶記來說，比此店的肉質更鬆軟，說回此醋，脆脆的乳豬皮蘸點甜醬來吃，味道不過甜，也算不賴。另

上課後急急來吃晚飯。附近夜場頗多, 但來的時候不算太夜, 感覺上仍不太雜。望了望餐牌, 價位頗高, 身上現金不多, 吃個相對較便宜的雙拼飯 ($40, 連例湯)。那個例湯是薏米黃瓜湯, 問了阿叔是什麼, 他講到一舊舊, 問了兩次才知。那個湯還好, 起碼有點老火湯風味, 也不覺有什麼味精;但這個叉雞飯就...算了吧, 雞韌到猶如煲湯雞肉, 叉燒也是又乾又硬, 只有飯是好一點的, 不過我都很有衣食地吃光, 真係行兩步去再興食都無咁嬲!

與同事週六於灣仔工作，只得約一個小時的午飯時間，大家也拿不出甚麼主意，當從新鴻基中心的天橋回到地面時，見到這一間老字號的喜喜燒臘，既然如此，二話不說就與同事進入內堂坐下。想灣仔區內亦有不少老字號的燒臘店，最出名的自然是以叉燒聞名的再興，這也是當天的考慮之選，只是週六午市自必人滿，加上發生「呃秤」事件之後，心裡也留下了一點負面的印象，最大問題，是水準也帶點不穩，曾買過買叉燒回家，卻給老父彈得一文不值。至於這一間喜喜，途經那邊絕不難遇到，亦屬於老字號之一，記得以前亦曾品嚐過，年代久遠之下，已沒甚麼印象了。坐下見到一個乳豬三寶飯，除了主角之外，更有切雞及叉燒三味，就叫了一碟來試試。自來那些多寶飯，多是從架中取些頭尾揍合而成，這裡單就乳豬一項，已見份量不少，斬得亦算齊整，入口之下的芝麻皮固然來得脆身，更嚐出一點從爐頭中烤過後的痕跡，論皮下的脂肪厚薄適中，吃不著過於肥膩的狀況。旁邊處另有切雞數件，屬於翼下的「轉彎位」，亦是皮滑肉嫩的貨色，沾了薑蔥蓉之後，不禁嫌偏鹹了一點。翻開乳豬之後，見到約有七至八塊叉燒，屬於半肥瘦的部位，看刀手也絕不手鬆。撰文之時，才知道樓下的龍五兄亦叫了相若的飯品，個人感覺

灣仔多喜喜，早前就在修頓附近吃過另一間同名字的喜喜燒臘茶餐廳，後來發現原來公司附近都有一間，連燒臘茶餐廳這幾個字都一樣，就一直想找個機會試試。上次喜喜的燒臘實在出色，其實我不知道這幾間喜喜是否同一老細，如果有朋友知道再告訴我吧。坐下想都不用想，馬上叫了一碟乳豬叉燒飯。還包飲品，我一向喜歡例湯，是日牆上寫的是木瓜雪耳煲瘦肉。但實情是這個絕對不是木瓜，也沒有雪耳，茶餐廳就是這樣，永遠也可以給你「無限驚喜」。乳豬叉燒飯的乳豬皮脆，肉的部份也不少，但這邊有點過肥，當然這是跟每天來貨有關，非戰之罪。叉燒就真的比較失望，不夠鬆化，筋位頗多，這個和駱克道那邊那一間有一點距離呢。其實燒味每天燒出來的也不盡相同，今天的差不代表明天也差，我想我還是會多給一次機會，期望「明天會更喜」。

今時今日灣仔食個早餐又餐旦又牛通又多士又飲品才21蚊，想點先？幫襯左成年，直到上個月，一鋪清袋！果日如常點個五香肉丁麵，上一黎D水(湯)吾熱，麵硬崩崩，自已又吾知衰照食，餐旦又凍，又照放入口！好o拉，結果疴足一日，晚飯都慳番！

十二月下旬‧晴練習完畢，要買點東西回家吃，來買二十元叉燒試試。要了焦的，師傅果然斬了幾條叉燒焦焦的部份，大大盒也只收二十元，幾抵，感覺服務也很好。味道不甜，卻不鬆化，焦位的部份很香口，還算不錯。也勝在經濟。

4,5年前係附近打工既時候,會幫襯呢間野..以前覺得真係好唔錯...成日對佢念念不忘佢既福建炒飯記得果陣時食...見佢話mini size..$34蚊..就不妨一試~因為平時我好中意食福建炒飯...有d汁~自己得閒都會煮下~食過覺得佢有酒樓整過d咁既水準!$34就食到,.雖然係迷你版..但係一個人食岩岩好今次咁岩經過...又唔飽...夜晚11點幾..就諗起呢間野入到去梗係叫返我好耐冇食過既福建炒飯啦~$34(唔要凍飲既價錢)有蝦有紅蘿白有菜粒蟹柳等...菜粒係應該用菜心差切粒的...以前好似係用露荀菜粒嫁...同埋以前都冇蟹柳既...d配料好似慳皮左喎....以前同酒樓果d一樣落足料嫁嘛...另外佢個汁好鹹呀..同埋生粉多左d..搞到個茨有d一舊舊咁...唉.........................想食返以前既福建炒飯呀...

由於是下午茶時段(兩點半開始)所以唔駛等位就可以入坐啦叫咗個油雞瀨$16 都算份量ok 既但係待應叔叔見我唔加飲品就好似唔係好歡喜咁隻雞唔係好滑...........所以下次再去都唔會再點雞啦另外叉燒個樣都唔係咁好(因為偷睇到隔離位的姐姐那碗)

Not my usual place for food, but since someone was treating, came here.I got the instant noodles because its just plain noodles and msg soup, nothing extraordinary could go wrong, msg will just taste like msg!!Not much variety for the noodles, so went for the pork chop, quite big too almost covering the bowl.The usual chinese cafe style pork chop, just deep fried in oil, not very helpful served on a bowl using chopsticks to eat it either. The tea is the hk style tea, so not worth commenting.