喜客比薩 (已結業)

話說都幾想去呢度食, 但耐何次次等位等到九彩!上星期有一天6:50PM 左右到, 出奇地仲有3-4張枱凈, 唸都唔唸就坐底, 因為我知今次唔食都唔知幾時有得食!叫左果大蝦PIZZA ! 厚批都OK 好味!如果KEEP 住熱辣辣食仲正!之後叫左果好似叫肋骨, (即有豬軟骨的) 嘩,一上嚇死, 勁大SIZE, 我唸岩4個人以上食多D ! 雖我地2人叫左2樣野都$200 了! 我唸係地下果層中! 呢間算合格! 不過就要多人食先OK 囉! 期間我見到有果女仔一人霸了張5人枱, 到我食完佢都未齊人, 其實職員應要限定OVER 半數齊人先入得囉!

pizza 好咸, 但係好香芝士味最好食的係薄薄的薯仔片不過有樣野最唔低的是一jar 汽水要成$76差唔多係一客小食我的意見係去到唔好叫汽水飲叫特色飲品都冇咁嬲

次次經過都好多人等位, 昨晚早食飯, 就試吓啦! 二個人叫咗個二人餐+9吋pizza二人餐有2碗蘑菇湯- 賣相巳經覺得好"欺", 飲落好似溝水咁凱撒沙律- 無特別海鮮意大利飯- 唔好味鴨胸- 勁難食9吋腸+芝士pizza - 勁salty (本人巳經食得好salty既人, 可以梅菜扣肉送飯, 豆豉鯪魚送飯)好在d野細碟, 可以每人少少勉強食晒, 下次真係請都唔嚟呀!

成日經過都見到好多人等位．．同男朋友決定一試．．我地點左一個pizza,一個意粉..同埋個個做木板上既豬肋骨..一試之下除左個意粉係ok之外..其他都唔係咁ok..d野真係咸左d..係咁不停飲水都解唔口渴呀~買相就真係唔差呀~個pizza就乾"曾曾"咁...味道就勁一般,個名就改到鬼咁勁..個豬肋骨真係好普通..係木板上有新意d...服務唔多得...d侍應愈嗌愈走...價錢又唔化算..我同我男朋友都唔會再去

隔了一段日子昨天再度幫趁...二人叫了希臘花園9”pizza($78)+海鮮蕃茄意粉($7x)叫返這款pizza係因為在menu眾多的pizza中只有這款係最合我心意~較為有點特色囉！其餘那些成日都係青椒、辣肉腸嗰d...我很害怕又食返pizza hut那種感覺！至於今次叫9”係因為忘記了上次第一次幫趁時原來我一開始膽粗粗就叫12”...唉~咁怕會難食叫太多時糟質的咪又係自己！到返來睇返我上一次寫這店的食評原來係12”...其實兩者相差約三十蚊，咁其實12”都抵耶！講返pizza味道水準~我覺得上次的第一次幫趁就係擺晒鮮花開張時，當時味道真係唔錯的，最緊要價錢相宜嘛！至於今次的pizza我覺得唔夠開張時好，係就係賣相與上次一樣，但食落有分別。因為焗得唔夠乾身，仲有一少陣蒸氣咁...但慶幸仍然脆邊及還有豐富的芝士滿足我。pizza總括來講：我會俾返合格，至少我沒有食pizza hut的感覺~因為讀書時食到驚！咁個意粉亦慶幸比我預期中好！初初想叫risotto~但一諗到這係美式餐廳食意粉會穩陣d所以就放棄了。首先，意粉口感煮得唔錯。仍有點生冇煮得太熟太稔...同埋感謝個sauce唔係用茄膏

入到沙田，專登一試美國過江龍人氣Pizza店「Shakey’s」，標榜採用新鮮發酵麵糰同用手拍方法做餅，但食過真係不外如是，除咗Pizza外，其他嘢食都一樣唔好食，好失望。一行有大有細8個人，叫咗小食拼盤、凱撒沙律加三文魚、秘制燒肋骨、忌廉蟹肉卷、南瓜蔬菜意大利飯、深海龍皇（龍蝦Pizza）、雙子魔法（鴛鴦Pizza），埋單連加一$774，平均每個人成$97，飲埋嘢仲唔止呢個價添，貴得哩唔抵食，仲要唔好食！兼且地方細細排好多位，搞到好逼狹，還好嘅係Ｄ侍應都好有禮貌，招呼幾好！小食拼盤有雞翼、炸蝦、炸薯塊各4件，香口嘢不過無咩特別；凱撒沙律份量好少，所以叫咗兩客，味道都ＯＫ嘅！另外，個忌廉蟹肉卷不過不失啦，個人覺得意粉屋做得好食Ｄ。全晚最好食係個秘制燒肋骨同個深海龍皇（龍蝦Pizza），前者大件夾抵食，賣$88一客有成尺長燒豬肋骨，做得幾出色，燒得都好靚，香濃燒汁味，肉質又唔會話好乾，好似柴皮咁；而後者用澳洲龍蝦仔，連龍蝦頭同尾一齊上，賣相夠晒氣勢，雖然話用咗成隻龍蝦哩做餡，不過定價$198都偏貴，還好嘅係方形Pizza界開一格格，睇睇格格都有啖啖龍蝦肉，味道幾好，但又唔算話好大驚喜，仲

終於可以早收工，要求老婆去SHAKEY PIZZA晚餐. 當我地望緊個MENU時，隔離對情侶黎左碟燒豬肋骨，又香又大份. 我地即刻諗都唔諗照叫一份. 當我地份燒豬肋骨到時，另一邊隔離台望到實，之後又ORDER左一份. 哈哈! 1. 燒豬肋骨- 入味，甜甜地，但醬汁偏多. 2. 12" 煙三文魚PIZZA - 薄批香脆好味，芝士和煙三文魚的份量剛好，一D都唔'漏'. 晏少少就已經好多人，D位闊D就好D.

到達未夠7點, 唔係好多人, 因為朋友要8點先到,7點多再去輪位, 之後都起碼等左半個鐘, 我地3個人叫左2人餐\, 有小食,雞, 有pizza, 有2杯drinks, 有個面, 但係d面唔多夠熱....因為唔夠食, 叫多一個pizza, 但係好喊....小食同menu既圖片相差好遠，d野好快送到黎, 可能一早整定，我地3個人, 但係坐左5個人桌子....所以位好鬆動, 服務員既service ok la食完都仲有人排隊等位

情侶套餐:炸雞味道ok,Day of Specail Hawaii pizza一般無surprise, 雞扒意粉味道好淡,飲品無得選擇something taste like peach juice 但太甜!! 地方太迫, 唯一好就係個服務員有好禮貌

十一月十七日我同我堂姐去新城市廣場的Shakey's Pizza!!我叫了一個意大利飯(入口QQ的好好咬口),堂姐叫了一個農村鮮茄長通粉(番茄味恰到好處)仲有我叫了招牌的焗薯(好好味) 仲有隨餐奉送果茶一杯(味道酸酸甜甜幾好飲) 餐湯係南瓜湯(味道中規中矩)結帳$158 都算ok 唔太貴我會再去試試佢的pizza 呵呵!!

環境:兩個人叫個情侶套餐,地方太細坐得唔舒服,想坐耐d傾下計都唔得,張二人枱太細上齊食物都無位攞,同隔離枱"痴"得太埋,相距約只有10cm,坐低後都無位放背囊,個背囊要攬住係前面食,頂住晒食物:炸雞太燶,雞扒意粉唔錯,但又係雞食到厭(好心個set就唔比雞扒意粉,改其他肉啦),因為之前己經食炸雞,pizza好味直得一讚,香脆可口飲品:無得選擇,一定係係部機斟出黎的果茶,太甜,我寧願佢比茶/啡好過份量:一個情侶餐二個人食一定夠飽

Have tried out the pizza and pasta in Shakey's yesterday with my wife.The pasta was dry and the cheese was not melting! The hand-tossed pizza was even worse and it's hard to be chewed.And the other big problem was the HYGIENE! They put the used dishes right next to the washed dishes, and I saw the staff need to check every single dish before putting on the table. Are they new to operate a restaurant?It wasted me $17x for a hard-to-chew pizza and a cold pasta. Never again.

晚上去這裏食飯好多人,但都好快有位.好迫.好辛苦.傾計唔方便&唔坐得耐點了個情侶餐,有炸雞.pizza.長通粉.飲品因為鄰桌都有對情侶食緊,好似好唔錯我 侍應[ 唔得架喎]嘩,唔得咩意思見到經理就同佢講可否遲d先上長通粉.佢就好有禮貌話可以,叫我地想上既時候就叫佢地上pizza喇!熱辣辣,好脆啊!題外話:我就開始聽到鄰桌對情侶對話.情侶侍應係o靚妹,睇洛雖然有活力,但一陣煙味,超嘔

週末關係,6:30已好多人拿飛等位;本來要等50幾張枱,可能太多叫咗nos.冇回應,7:00左右已經有位;裏面䒷 很小,但食物D碟卻很大,很擠迫;我們二人點了最想試的凱撒牧場Pizza (Chicken Caesar) 及喜客脆雞.......先來炸雞,很燶(似炭),裏面雞肉很乾,最恐佈是其中一件雞脾表皮已炸至漆黑,但裏面仲係生,有血水滲出!我立刻call待應,她主動陪不是及立刻更換過一件雞胸給我,服務態度好好,不過件雞胸都係似炭!我認為肯德基d炸雞"正"好多跟住上凱撒牧場Pizza, salad都幾好味, 配上pizza的濃厚芝士茄汁味,原來都幾夾！我認為可以再去這裏試其它菜式,不過真係不值得要等咁耐先有位食!

今晚全年最冷的一天叫了外賣，食物為夏威夷PIZZA及香蒜磨菇天使麵。返到屋企仲係熱烘烘的，不過PIZZA完全唔夠味，CHEEZE以及茄味都不夠，皮是夠脆不過味覺感受太普通，好似食餅乾似的﹗天使麵仲衰，無咸無味，一0的蒜味都無，搞咩呀，上次食個長通粉好好食架喎﹗失望之一次﹗有外賣又唔打比我，好在我０係門口等０即﹗唔係凍哂都唔知啦﹗