喜客比薩 (已結業)

新城巿飲食區重新裝修之後,各新食店都人山人海,若說最多人,便是這店，連買外賣的人也多。後面九州拉麵最少人,Hip sushi都少人, Pokka都OK, 泰國菜可能位置較隱蔽人不算最多。終於等到我朋友放假,佢無所事事排隊取「飛」,然後去shopping, 時間好,我放完工join佢, 有位,此乃星期五晚上八時多。可惜坐在路口位，面向新城巿地下大堂，與friend談話，少聲一點也不行。一行四人，當天本席好吃食品排名榜：1. 特色potato (記住，此食品的編號也是１號）2. Shakey至尊細厚pie3人套餐：　牛排、飯、caesar salad4.豬肋骨5. 特色飲品--> 唔好飲上菜很快,打針都無咁快很小,放不下以上食品價錢相宜, 吃得又飽又多都只是每人一百元左右,相比附近幾間店, 我終於明白此店多人的原因。服務好,他們的侍應很專心留意客人的需要,沒有工作時都會逐張打量看看有沒有需要服務的地方。

今日中午三人去沙田搵旅行社順便食午餐, 見到Shakey無咩人所以入去食個lunch, 當然係食Pizza啦。Mozallerra沙律: 全碟沙律都有偏淡, Mozallerra同埋d Olive就好濃味, 幾好食。餐湯: 好淡gei菜湯...飲水好過...Pizza: 是日Pizza係Margerita加d Salami。美式薄批, 味濃而蕃茄味出唔到, 批底就好脆同埋唔油淋淋, 中上之作。餐飲: 同意樓下gei朋友,不冷不熱果茶，唔甜唔酸咁...服務: OK wor, 唔算差。

這間店不設訂位，晚市動輒要等上個多兩個小時，於是決定lunch來試一次，好吃的話再試晚餐。星期六的中午，都要等差不多半小時才可入座，被安排在商場行人路的座位，多少有點不快，完全沒有私人空間。坐下後點了兩份午餐，分別是豬肋骨和pizza，跟湯和salad。最上送上餐飲，是不冷不熱果茶，甜甜的不太討好，就像這餐廳的服務態度。接著上的竟然是豬肋骨﹗不是吧，連湯及沙拉都未吃，就來這個？但為免生事，還是乖乖就範。豬肋骨燒得很乾，完全沒有肉汁了，必須點上醬汁才可下咽。味道也不外如是，不難吃就是了。反而伴碟的那兩片薯寶更好味。再來湯和salad，湯熱熱的都ok，不過十分稀，就像溝了很多水。Salad的菜很不新鮮，不明白為何這樣子都可以拿出來給顧客吃。Pizza是異國迷情，以為是pizza專門店的就會好一點吧，原來pizza有十分多的油﹗吃下去又油又膩，差勁。我們坐的位置十分不好，食物一般，最令我們詫異的是別人的豬肋骨比我們的份量多，賣相更好。服務不敢恭維，完全沒有幫我們加過水，收碟時又沒有詢問。那一位高級一點的侍應更經常在我們身邊遊魂。如果沒有改善都不會再來了。想想要等這麼久，卻有如此對待，多浪費時

今日三人行吃生日飯，看到平日這裡大排長龍，心想可以試一試是否真的好吃。星期六18:00攞飛，結果19:30才有位，幸好附近有很多店舖可以殺時間。三人要了一個二人餐，包括凱撒沙律，不錯；兩個忌廉湯，有點鹹；海鮮意大利飯，很好吃，不過有點膩；另外可以選肉眼扒或煙鴨胸，我們選了鴨胸伴薯茸，鴨胸很"鞋"，好失望。另外還有兩杯荔枝茶，好怕！隨了二人餐外，再加一個九吋的日出海港pizza和小食併盆。pizza幾好，小食併盆有每樣四件的雞翼、炸蝦餅和薯仔，雞翼很好吃，其他兩樣普通。服務方面都幾參差，有些很有禮貌，笑容可掬，但有點就唔係好掂，收拾桌面時"扒"在我杯水上，弄得我也不想喝了，而且口黑面黑的。因為太多人等位了，所以難免會不時詢問「食物是否到齊？」「這些還要不要？」，不過也算問得有禮貌的了。總括來說，下次可以再試。

我同我bb豬去食dinner, 叫左2人套餐$198, 有蘑菇湯+海鮮意大利飯+肉眼扒配薯蓉+2杯set drink (水蜜桃茶) 湯好咸;飯好食, 好重芝士味;扒六成熟, 好大塊,唔DRY, 口感好juicy. 我地仲追CALL order 左豬肋骨, $88, 有7條骨. 我地果份好DRY, d肉好'鞋' 有點失望. 羅左飛等成個鐘, 我勸大家有心食就一早羅左飛去行下街轉頭番來食. 檯好細,檯與檯之間好迫. 我地都係坐係路邊. d待應好多時出左錯野. 可能太多人有點亂我本人覺得可以再番來個pizza, 我見旁邊d檯好多人散叫pizza, 賣相好好食

三個女孩子點了一客長方形pizza、一碟意粉、一客豬肋骨，份量剛剛好。三文魚pizza 最好味，餸料足，pizza 底薄脆，很好很好。侍應會問客人是否落黑椒，他們會代勞。我們說只要一點點，她卻重手的落，當我們叫停的時候，整個pizza 面都是黑椒-_-"豬肋骨：不過不失吧。意粉：令人失望，有未煮熟的麵條！味道太salty不過實在太多人等位，如果七點前或九點半後等位會比較合理。否則以長長的等位時間換來這樣的食物質素，會大大扣分。

成日都甘多人，心諗一定好好食。見到個老外起open kitchen做pizza, 好似好有水準甘，所以同朋友一早講好會黎呢到食生日飯。三個人食lunch, 早黎到唔使等位。叫0左凱撒沙律–唔係我食過最好食，不過都幾出色。什菌雞肉寬條麵–白汁做得唔錯，D麵都好好食，雞肉好淋唔鞋好。咖喱雞肉pizza (9”薄底) –係好食既，足料，好juicy, 好多洋荵同雞肉，覺得Over 0左，好漏佢地比既水係水喉水，好唔得囉~ 減分！

今日同左個朋友黎呢度食, 補祝生日飯。經理介紹我地食龍蝦pizza@ $198 但朋友為我個荷包著想，我地叫左個$92 既三文魚pizza, 炸雞, 蜆肉扁意粉同埋兩杯紫色派對先上左個炸雞, 我同朋友一致認為好惹味, d味好濃好脆，好好味再黎係個意粉, 小小辣味, 唔錯, 如果硬身d仲好味。朋友認為相比起頭先個個炸雞, 尼個味道好似淡左d, 我就覺得ok勒.然後係個pizza, 好脆口, 三文魚味都好重，整體黎講幾好, 不過當隔離台上左個龍蝦pizza, 我同朋友都好後悔無叫到, 因為人地個pizza賣相相當好...早知唔慳個一舊水個drink, 紫色派對充滿巨峰提子味，底下好似有d jelly< 面頭有d沙冰, 好冰涼好好飲。淨係咁樣我地已經好飽勒 下次一定要食龍蝦個個服務方面十分之好, 侍應們都好有禮貌, 上菜都幾快。環境方面, 比較狹窄, 同埋都幾嘈下。

佢一開舖, 已經好想去試下嫁啦, 點知勁失望, 我們一行三人, order了1)凱撒沙律配煙雞肉(2)火星任務Pizza (辣肉腸, 火腿, 意式肉腸, 燒烤醬)(3)雜錦拼盤(4)龍蝦汁炭燒大蝦闊麵首先凱撒沙律唔夠味, 煙雞肉似火腿扒; Pizza勁油同勁咸, 成個碟都係橙色既油, 好難頂; 拼盤原本好期待, 但等到最後先黎, 佢話無晒雞翼轉炸雞, 但黎到係4隻雞翼變兩隻炸雞, 所以我無食到炸雞, 但d薯餅係炸到勁黑, 勁, 勁油, 一d都唔好食, 個炸蝦粉多過蝦, 最差就是這一碟了,千萬不要給圖片扼了;闊麵無味, 係完全無味個隻, 但d蝦都可以接受囉!食完係絕對唔會再試, 一黎食物差到爆, 二黎無服務可言, 我坐的位置係對住拉麵近放叉叉碟碟的位置, 員工不停將一盤盤的刀刀叉叉倒黎倒去嘈到爆, 仲要粗口橫飛添.

9/19 晚早左放工同男人一齊去試下呢間新野大約7:00PM 到, 要等50幾張, 於是走左去SHOPPING, 估唔到7:30 番黎就已經有位喇, 太LUCKY 啦....可惜得兩個人試唔到好多野, 淨係叫左個KING LOBSTER PIZZA ($198) 同拼盤($7X) 就已經飽鬼死個LOBSTER PIZZA 好似貴左D, 但其實真係好多料又好味,成12" 長(分為6件, 同PIZZAHUT 既普通批差唔多大)雖然D股票未贏錢, 不過人一世物一世試下啦~~拼盤有3樣野, MOJO D 薯味真係好正, 可惜我唔LIKE 果D香料味。蝦同雞翼都幾好(我覺得有些少似RUBY TUESDAY)有D人話SERVICE 好差, 我又唔覺噃~~ 尋日都好多哥仔帶位, 又比我換位, 服務幾好啊~~ 可能之前太新未摸熟啦總括黎講, 我都會再去, 不過會叫埋D 朋友去, 叫多D野試下。

六晚要到沙田看話劇，順風順水相約住沙田的師兄食tea。　早兩個星期亦來過新城市廣場，知道Shakey's人氣度爆燈，lunch time閒閒地要等50幾張飛。今次由於屬下午茶時段，難得人少少就一試。　來這裡，當然必要試食pizza，但禁食的我有九成的批都食唔到，包括下午茶的Hawaii pizza...難得師兄非常體諒，大力支持我揀12"煙三文魚pizza($92)。烤得頗薄又香的pizza，不會太咸的煙三文魚，加上水橄欖，味道不錯呢；起初我還擔心12"長型pizza會吃不完，原來大家都「食力」相當，十件很快全數清完。　之後，追加了炸雞+mojo($32)，以及warm chocolate brownie($28)茶餐。炸雞是禁物，我當然沒有享用；mojo就是一陣濃烈香草味，頗油膩不太討好。Brownie是小小的兩件，味道一般，索價$28不算抵食。順帶一提，茶餐的果茶也是淡如水。　總括來說，Shakey's的下午茶味道麻麻，亦不抵食；但趁這人少時段來散叫pizza，則是不錯的主意。幾開心的一餐，多謝哂~

星期日下午約五時四十五分到場，以為可以早點有位，誰不知都要等了差不多一小時才能入座。三大一小點了龍蝦薄餅、蕃茄海鮮意粉、小吃拼盤三支啤酒及一杯特飲；原本想點忌廉蟹肉卷但賣完了（朋友勁推介）。龍蝦薄餅：幾特式，批底夠薄同脆，龍蝦肉味道稍嫌不夠突出及龍蝦肉少。但都幾好味。蕃茄海鮮意粉：味道及意粉口感不錯，如果能多些有殼的青口會更好。小吃拼盤：雞翼香口及惹味，最好味是薯餅，原塊薯仔加調味炸，好香口及入味。總括味道幾好，是必X客或意X屋以外選擇，但要有耐性等位。

今日去此店試一試, 諗不到的難食!三人同行, 等位等左成粒幾鐘, 入座後, 叫了, 可雙拼的pizza(薄), 拼盤, 朱仔骨+三柸飲品, 份量都好夠, 但味道MA MA, 尤其個PIZZA, 黎到已出水, 同服務員講, 他拿走了, 乜都冇講喎! 我再問, 佢答我, 係焗得唔夠乾身, 之後拿去返焗, 咁都得, 仲答我美國pizza係咁喎~0~

尋日去到新城市已經九點幾，想應該好快有位，但都等左半個鐘！睇完Menu發現隨pasta, pizza外還有steak之類食物，最後點左凱撒沙律，龍蝦湯，南瓜意大利飯同芝士肉腸pizza!!凱撒沙律- 味道可以，但出了很多水，這樣基本的菜才做不好！龍蝦湯- 湯底好濃好味，但沒有龍蝦肉，只有兩只雪蝦，兩只青口，兩只蜆，蜆仲要好潺!南瓜意大利飯- 味道同質感可以，只係鹹了點！芝士肉腸pizza - 比pizza hut差！總結：如果唔使等就會再去......

又一家美式連鎖店係香港開業, 今次這家, 奇, 點解未食過? 再看看網站, 分店係包括Alhambra, Monterey Park, 連Whittier都有!? 不過小弟以往都係不太愛吃美式食物, 寧願吃那些好多人鬧的港式西餐, 或者Shakey's Pizza都係比小弟自動略過的一家.美式食物來到香港, 點都想試一試. 星期二的晚上來到這裡, 九點了, 竟然仲要等, 點知等極都未到, 不過等開又唔想轉第二到, 就越等越耐, 一等三十分鐘先有得入坐.極度肚餓的緣故, 未入坐就揀定了, 就係要個"You and Me" Menu for Two情侶套餐, 由$198減到$168. 有雞, 薄餅, 意粉同汽水, 都幾抵.Selected Soft Drinks x 2汽水兩杯: 不很大杯, 基本上係唔夠飲的. 奇怪係美式的應該係無限添飲, 點解這裡沒有?Penne Alla Carbonara with Bacon in Creamy Egg Sauce煙肉蛋忌廉汁長通粉: 8分, 先來的一碟, 個煙肉蛋忌廉汁正合文迪的口味, 小弟就覺得個汁杰了一點, 但用個汁去撈長通粉係相當開胃的.9