喜滿樓菜館

营业中

休息中

留港消費支持小店的情況下，在網上看到KOL大力推介，由於Happy Friday 客滿，要列入後備名單，直到當個星期二才確實到星期五，冇所謂啦！一班為食貓想試新嘢嘛！一行七人相約近期人氣小店，真係食到一肚氣訂枱滿坐情況下，被安排坐樓下，迫住坐細長枱。螳螂式情況開餐，如果是吃碟頭飯的話，是沒有問題，可是大大碟的餸菜和一大鍋燉湯速到，結果倒瀉湯，朋友即時彈起，筆者迫到拎住個袋，都不能立即起身，剛巧隔離枱，又有食客倒瀉滾水，那種混亂情況下，加上他們無禮的態度，真是大開眼界。人齊即開餐，八分鐘內一次過上晒七個餸，包括一鍋燉湯，要求拖住，因為真係食唔切，店員不客氣的回應話: 點解唔預早通知，要一個一個餸上。由於訂枱，有些菜式需要我們一早預訂，包括:黑松露蝦多士:7 件~$220避風塘鮮魷~$138蜜椒脆鱔球~$178秘製新加坡酸辣蝦~$158原隻菠蘿咕嚕肉~$248爵士燉湯6人分量~$498招牌芝麻雞一隻~$368甜品:家鄉炸米糍7粒 ~$103食店門口，大大個招牌寫著”喜滿樓菜館”, 用膳完之後，才明白原來樓上才是菜館，樓下只是茶餐廳。爵士湯$498(六人分量)~如果作為燉湯，比較清淡。原隻菠

連自費飲食網紅都讚，食完有點驚喜。餐牌有很多款鑊氣小菜，主打地道懷舊菜。我們點了招牌菜芝麻雞、梅子荔芋鴨、蝦多士鹹魚煎肉餅同黃金鮮魷。對於最鍾意食雞既我，芝麻雞真係有料到，從來未食過咁特別。雖然食得出係用冰鮮雞，但肉質嫩滑，芝麻沾滿全隻雞，雞味適中，又香又脆皮。梅子荔芋鴨都係懷舊菜，梅子汁夠酸甜，食落唔會油膩，開胃好味。最欣賞係蝦多士，蝦膠中有好多鮮蝦，蝦膠入口好彈牙好鮮味，食得出廚師花了好多心機打出咁彈牙蝦膠。所有菜式都反映到廚師心機，值得讚賞！

食物份量足，碟碟都大大碟，睇見都開心。味道方面都可以：爵士湯偏淡，無嗰種一飲就知好多材煲左好耐嗰種感覺、焗魚腸都唔夠香第一啖仲有啲啲腥、蝦多士非常好味、芝麻雞好香好脆但偏咸、腰果密椒鱔超好味鱔肉大大舊、荷葉膏蟹炒飯都非常出色蟹算大隻。環境方面就認真麻麻，超迫，坐得唔舒服。服務態度都幾好（除咗門口坐收銀枱嗰位阿姨）,上菜速度正常。openrice 訂咗枱後佢哋會whatsapp 菜單俾你睇同預訂，都方便清晰。食飯時間得一個半鐘，其實係趕，但因為坐得唔舒服所以快啲走都ok.

今天下午去土瓜灣高山劇場陪阿媽看大戲，睇完才未夠六點，近近地找間食店吃過晚飯才離開。從OpenRice找到這間所謂「隱世食店」見佢食^評好好就此一試，叫咗芝麻雞、一字骨及小炒王。原本想叫蒸魚腸怎知店員說要預訂才有。咁我就算沒有試啦。一字骨及小炒王的味道都好，但是芝麻雞就有點失望，冰鮮雞肉，沒什麼鮮味。只是芝麻頗多及雞皮幾脆。食店環境就使人失望，被安排上樓上坐，一張大枱跟其他人客人合併，足足坐成12人。三唔識七咁坐左三台人真係冇癮。還有最使人不快的就是服務員的態度奇差。我心想我們都盡量希望多留港消費去支持香港食肆。怎知香港食肆的經營者好不爭氣，班夥計有心趕客咁款。搭枱的年長女士都有同感，唔識路上樓上問多兩句，更俾樓下阿姐呼呼喝喝，搞到佢都話唔會再有下次幫襯啦。唉！食餐飯啫，搞到大家咁唔高興為乜呢？怪不得啲香港年青家庭咁辛苦都要北上。因為消費得來有勝價比、優越感及滿足感。平民食肆想留住顧客，除咗食物要保持水準外，就要花點心思培訓員工好好待客。不要恃住老店就忘記咗對客人的基本禮貌。

芝麻雞好食，爵士湯好飲，但價錢貴，鱔煲惹味但有d鹹，份量係足夠既因為當日book咗五位，但有一個frd臨時話唔嚟，入座只有四個人，比餐廳話要早d通知佢地去換位……全程服務態度都係標準香港茶餐廳咁，好一般😂廁所要兜去餐廳後巷入，唔遠但好滑同埋有少少味建議提早book位，餐廳會WhatsApp send定餐牌，可以提早book定某d菜（但佢地WhatsApp唔會應機），當日人齊之後就可以通知佢直接上菜

元朗冇咩懷舊菜館，經朋友好介紹，所以阿媽生日一家人出去土瓜灣食。樓面阿姐推介幾道懷舊菜包括芝麻雞丶焗魚腸丶蝦多士丶咸魚煎肉餅。佢話芝麻雞呢道菜係功夫菜，花幾個鍾將雞上芝麻及封乾，技巧也流失了。另外個焗魚腸而家好少地方有得食，呢度都算真材實料，而且焗到好香，值得一食。最鍾意個蝦多士，大大隻蝦，啲蝦餃夠晒彈牙，連埋塊脆多士一齊食，多重口感。下次會預訂埋個爵士湯同其他菜式。雖然係遠啲，但係不枉此行，最緊要阿媽生日過得高興。

呢期流行食懷舊菜，朋友帶我去了土瓜灣喜滿樓食下夠唔夠懷舊。呢度除左有多款出名懷舊菜式如芝麻雞、梅子鴨丶蝦多士丶蜜椒鱔球丶焗魚腸，更推行少鹽少油，啱晒我口味，食了幾道拿手菜，真的少鹽少油，味道仍足夠。我最欣賞個燉湯叫爵士湯、材料十足，清甜滋潤，當甜蜜瓜及螺頭遇上金華火腿就是這種味道，另外叫了幾款招牌菜芝麻雞、椒鹽鮑魚、蝦多士、黃金蝦，食過番尋味。芝麻雞算特別，食完才知道什麼叫香脆。食完呢餐完全冇口乾冇味精反應，值得推介比各位健康飲食男女。

不去也罷。每樣餸都冇特別，特別在我從來未試過焗魚腸入邊有叉燒。嗰個湯佢夠膽叫佢做爵士湯。如果爵士知道都激到彈起。猛咁推薦呢個爵士湯嗰啲人究竟有冇飲過爵士湯？有啲飯店係屬於唔會專登去食，經過去食就無妨。呢一間就經過都唔會入去食👎

呢間餐廳鄰近高山公園出名食晚飯小菜，今朝一早經過見有做早餐，一於試試。早餐選擇頗多多，三四十蚊價錢實惠。叫咗A餐金牌沙嗲牛肉配通粉，牛肉粉量多，有口感得嚟好淋同冇筋，沙嗲湯底極濃非常惹味，每啖牛肉同通粉入口都感受到沙嗲嘅辣勁，食完成碗湯係深啡色可見沙嗲味有幾濃，好味！跟餐仲有腸仔煎蛋同牛油方包，味道正常，值得一提係牛油份量極多，唔會好似坊間好多茶記搽得少少。$37飽肚得嚟食到咁高質嘅沙嗲牛，性價比高👍🏻👍🏻

與其等上半年湊熱鬧预訂食"懷舊菜"，倒不如近在咫尺提前一星期網上訂座!沒有KOL助興，一眾食客更專注食物質量和烹調功夫;不可不食的焗魚腸，厚厚的如焗蛋批，吃得出廚房事前花時間和耐性處理魚腸的。黑松露蝦多士是無得輸的令人享受眼福和口福之後說 "值得再嚐"! 看到鄰座日本客人點的以炸物為主，可想而知是佐酒的好選擇, 其時為下午六點，可能是他們的 happy hour!至於爵士湯、芝麻雞和蜜椒腰果脆鱔均屬水準之作，圓滿甜品炸糯米糍，錦上添花不會飽滯。實而不華!

土瓜灣呢間懷舊菜餐廳之前都食過，上星期六再幫襯，當日我地8個人叫咗芝麻雞、爵士燉湯丶蝦多士、蓮藕煎肉餠、鮮菠籮咕噜肉同砵酒蠔煲。小菜色香味都達到水準，個人好鍾意個鮮菠籮咕噜肉，新鮮菠蘿帶出果種鮮甜能同肉香，咕噜肉外脆内嫩。特別推介蝦多士，真材實料，多士夠脆，蝦膠夠彈牙，仲有原隻鮮蝦夾作中間，多層次口感。最激讚係個爵士燉湯，數過啲材料有蜜瓜丶螺頭丶金華火腿丶雞腳同豬𦟌咁多，夠哂滋潤。整體價錢適中，份量都幾多，個人覺得係良朋歡聚唔錯既選擇。

早1個幾禮拜BOOK位, 聽電話阿姐即時confirm有枱, 仲話唔係waiting, 我同時話想訂埋D餸, 阿姐話weekend 先send menu俾我, 之後先留。係呀, 食之前果禮拜6收到whatsapp menu, 我禮拜日覆返留咩餸, 之後一路都無人覆, 打去餐廳個阿姐又話食之前果一日先會覆, 甘我再等啦, 等到我去食果日都無人覆!!! 有心開舖既甘樣做生意????上網睇返原來慣犯黎，如果你哋想去食，真係要唸清唸楚！仲有佢send俾我個menu比起1,2個月前啲影出嚟啲相又加左價，去到甘既價錢真係有大把選擇，無謂到時一肚氣！

早兩星期經Open rice 預訂,太跨張啦，我地有5個人,再提前一日落定幾個預訂食品。爵士湯～6位份量，夠分10碗，個湯好甜好清潤,有蜜瓜，豬𦟌，雞腳，金華火腿。鳳尾蝦球～6件,蝦球好足料啊…啖啖蝦肉味好彈牙啊…芝麻雞1隻～傳統食品怖滿芝麻，隻雞上下部分應該腌得唔均勻，上部份有咸味，下部份無味道，要點芝麻醬先有味，如果要試可以叫半隻試吓荷葉蒸蟹膏炒飯～用荷葉包住上層係原隻蟹，下面係臘味，潤腸炒飯，將蟹蓋膏撈埋炒飯食，簡直一流原本已預訂埋黑松露蝦多士，然後店員跟我講原來跟鳳尾蝦球同一樣食法，祗係有多士同無多士的分別，最後便睇餐牌轉食其他咕嚕肉～用新鮮菠蘿炒，個咕嚕肉外層脆的，正常味，沒太大驚喜黑松露墨魚餅～個墨魚餅都好食，同蝦球一樣彈牙，一定要叫啊…然後叫左個炒豆苗正常，喜滿樓標榜少油少鹽，都算係嘅。最後店員問我地要唔要甜品炸糯米糍有5粒內有芝麻，花生，紅豆味道都好食的

上星期一家人去土瓜灣食團年飯，要泊得車又方便都係去喜滿樓，最緊要係衞生企理，食物質素有保證。預訂了爵士燉湯、芝麻雞、椒鹽鮮魷、鳯尾鮮蝦球、芥末沙拉骨，黃金蠔及八珍豆腐。首選係招牌菜芝麻雞，坊間少有，味道一流，手工精湛夠特色。做得招牌菜唔會衰，沾上自家製辣麻醬，令到芝麻雞生色不少。黃金蠔，鹹蛋黃味唔錯，香口惹味。鳯尾鮮蝦球用自家手打蝦膠，又新鮮又彈牙，包住隻鮮蝦，係今餐的最驚喜。喜滿樓呢啲懷舊菜館已買少見少，埋單唔使三千蚊，性價比高！

晌11月試過同同事食….覺得味道唔錯！於是今年團年飯，我就提議同屋企人去食，22/1打去訂位31/1，當時聽電話嗰位話，我哋係正選，唔係waiting list上面，不過都要等佢同事打嚟落實。等緊嘅期間，由於之前我哋訂位話因為有老人家，我哋唔上樓上了，但發現原來樓下只係茶餐廳嘅正方形枱，所以再打去更改話都係可以去樓上。同時間亦都同接聽電話嗰位職員講話，仲未有人打嚟確認訂枱，職員叫我哋留低電話。然後一路等，去到27/1，我又再打去，仲未有人確認訂枱，職員都係叫我留電話。到29/1，我再打去，因為佢哋有啲菜式需要一日之前預訂，職員都係叫我留電話，話夜晚九點幾十點會有人打電話俾我。結果去到30/1，都仲未收到任何人電話，打電話去，都係話叫留電話！我有同11月當日都有去食飯嘅同事講，原來佢哋響一月嘅時候都有再去食，又係發生訂位混亂嘅情況！