喜萬年酒樓 (已搬遷) 新店位置

吃在香港，又怎能不試原隻叉烤的炭燒乳豬？在廚房面積侷限下，肯去以人手逐隻乳豬花半小時，在高溫炭爐上作「碌燒」的酒家實在不多，這夜137人在喜萬年見識了十隻烤豬同時上場的經典場面，還有鹽焗雞及焗魚腸等古法菜，實在難忘．．．那一夜不是擺酒。出席者：137消費：$200

因家住附近, 曾有一段時間常常光顧, 目標衝著其出名的燒乳豬及冬瓜盅. 但由於其他餸菜水準一般, 所以亦沒有再到好一陣子. 今晚一行七人, 再試試有沒有驚喜!? 到埗時發現很多大枱, 最細6人, 最多反而是12人枱, 再加上中年人及老人家客為主導, 98%以上一定有叫燒乳豬(要多人才可幹丟啊!)是夜訂了燒乳豬一隻, 龍躉兩味(脆炸骨及炆頭腩), 清炒芥蘭, 脆皮牛腩, 椰汁南瓜牛肉煲, 金沙黃金蝦....最後結論仍舊一樣 --- 除了燒乳豬外, 其餘只屬合格, 用作陪襯飽餐的角色罷了........到這一類的舊式酒家, 最好人多或作聯誼餐飲, 價錢不貴但亦沒有額外收穫, 只憑一技走天涯, 無期望, 無失望

又是一個月一次的大局，惡男兄搞大局，真的經驗豐富，是日又是一個過百人的盛宴，整個酒家的大禮堂也要了，有如擺酒一樣，真厲害！所以在此先多謝惡男兄的安排。在此也先解釋一下本食評的標題，一如以往，本人針對的是食店出品的質素，從是日吃到的多項食物之中，才以歸納這個判定，這當然跟惡男兄周詳的安排是一點也沒關係的。是日的主角是燒豬，所以一開波就入正題，十一枱食友十一隻豬，店家端了兩隻代表出來讓大家拍過照之後，就搬回入廚房斬件奉客，此店的乳豬看來是在細豬及中豬之間，而食的方法有如吃烤鴨一樣，伴來一點甜麵醬，再配來點麵餅，當然先獨吃一塊豬肉來嚐豬的真味，可能真的是人多的關係吧，豬出場的時間不算很熱，但幸而塊芝麻皮仍然真的挺脆，肉不嚡口而有點彈性，但皮下肥膏的積聚都幾結實，吃起來油份甘香的感覺好像遜色了一點，沒有爆油的快感。伴上麵餅吃又如何，此麵餅有如扁平的蒸包，包看起來很厚粉，但原來也還可以，而同來的大蔥真的挺有辛香，跟甜麵醬及豬一起吃，絕對能降低油膩感；有咁多豬，有的是更多的豬腳，這味鹵水豬腳仔，白鹵水的香味來得不夠重，花椒及桂皮等香料的味道是可以再強一點，但勝在鹹度適中，當它是鹽水豬腳仔吃也夠味，

喜萬年, 我細細個就聽過呢個名啦...相比起幾十年前還叫「喜萬年酒樓夜總會」的時候, 晚晚爆場, 來演唱者盡是當年影視紅星的盛況 (當時鄙人當然未出世, 都是聽家人說的哩), 今天的喜萬年就幾乎洗盡鉛華, 但仍保留著八九十年代的氣氛。7 月大局選址於此, 又是逾百人之數, 還吸引到應是飯局舉行以來最年青的參加者 - 年僅 3 個月的美女 BB, 搞手的號召力真強勁, 果然是一呼百應。是晚菜單如下:鹵水豬仔腳 - 用了白鹵水故「鹵」味不重。皮尚算爽, 但始終用上豬仔腳就不會太多肉了。粵式烤乳豬 - 顧名思義. 是這晚「親民烤豬宴」的主角。店方非常從善如流, 讓一眾急不及待的食友們以原隻新鮮燒起的乳豬餵飽相機, 然後乳豬們便返回廚房裝身, 再出場時已分好一件件, 兼多了兩隻閃閃紅燈眼! 感覺就好像去飲...夾了件肉地較厚的乳豬, 肉質結實得來還有肉汁, 不錯, 而作為地道廣東人的我, 當然覺得粵式芝麻皮乳豬皮才是王道! 這隻豬皮色金黃而脆口合度, 是滿意的。後來又發現, 一眾 11 隻豬頭也正嚴陣以待, 其千軍萬馬之氣勢, 相信當晚出席的食友仍印象深刻吧! 自己不算很喜歡吃豬頭, 但同桌的

八月的大局定了在這家老牌酒家舉行,是睌出席人數達137人!很多食友也是首次出席,11圍檯佔了差不多整個大堂,氣氛極之熱鬧!各食友也準時到達,飲飲食食確是最佳的聯誼方法,檯中互不相識的很快便能熟絡起來.八時多飯局正式開始!粵式烤乳豬----皮連肉一同斬件的乳豬風昧確比去掉脂肪層的來得有風味,還有點暖的温度,皮仍帶脆肉質嫩滑.鮮蓮夜香花冬爪盅----向來不喜連鎖快餐店手掌般大的迷你冬瓜盅!瓜小而無味和喝例湯沒分別!這夜的高湯味道是濃了一點,幸冬瓜肉還帶點甜味.鹵水豬仔腳----除賣相一般外,鹵水的味道及豬脚的軟淋程度還可.家鄉雞蛋焗魚腸----可能要等齊才起菜,出到來已見面層收縮,雞蛋像發不起似的,吃起來質感太實及魚腸帶點腥味.蠔皇蝦籽柚皮----柚皮軟身但不太入味,蝦子味道薄弱,茨汁埋得重手了一點.蒜子上湯浸勝瓜----清淡的一道菜式,勝瓜清甜軟淋.古法鹽焗龍崗雞----雞皮黏口肉質結實入味,咸度適中.鮮蝦荷葉飯----欠了點荷葉香味,調味較淡口.干燒伊麵----做得頗為乾身,油膩感覺不重.明月卷----鳴謝壹碗麵的米高特別贊助!外皮軟糯,荳沙餡料幼滑不過甜.菓盤----西瓜還可以.哈蜜

無黎食飯已經幾個月, 今日有屋企人生日再度幫親。今次除左叫必食脆皮乳豬全體 , 今次仲叫左 "脆皮燒鵝" "海蜇貴妃雞" 首先講下隻大燒鵝唔太肥恰到好處, 咬落去肉質好嫩, 皮又夠脆加埋 D 燒鵝汁直頭係絕配, 我覺得仲好食過中環鏞記 而貴妃雞亦係好嫩雞肉唔會韌, 絕得一讚爽口海蜇超多, 唔似一般酒樓海蜇得果幾條。 另外仲叫左荷葉飯, 真係有少少荷葉味 椒絲腐乳炒通菜都好味... 想讚下服務員換碟次數都好頻密。 眾人食到好飽 & 過左個好開心既生日晚餐

遑哈哈，我第一次參加了惡男兄搞的飯局。(其實他無乜惡氣)由最初報名，到獲得邀請出席，過程我都是糊里糊塗，因為為人是得過且過，隨緣卒之飯局日子到了，出門之際，竟然有雷暴警告，唔通個天都唔鍾意我--地參加。好彩只是有警告，無雨到，有都是微雨一陣。可算無驚無險。惡男兄早就做足功課，坐位早就編排妥當，井然有序，八時準時有得食。先來過雙豬合照留念的簡單儀式。跟著安坐席間等食。先來滷水豬仔腳，味道可以，因我喜清淡味道，的但真的是三吋金蓮，我見猶憐。緊隨而來的是全晚戲肉，烤全豬，由於明咀蘇曾經品題，所以特別留心品嘗，皮脆，可以稱得上合格，但算不上極品，肉都頗滑，但欠肉香，只值七十分，(一百分滿分)。至此心裡一涼，莫非我期望過高？冬瓜盅接力登場，湯底清晰，不油不膩，但好快就感覺師傅到，味精的後勁湧上喉頭。馬上將心中評分拉下，雖然份量十足，但都是六十分左右水準稍一停頓，接踵而至的是魚腸，我早想試焗魚腸的甘香咁，入口方知是另一回事，蛋欠蛋香，魚腸帶腥，欠了果皮或大量胡椒粉辟腥之故，評分再降畀盡都在合及水平之下。至此期望已變失望。餘下的再無幻想。再來是蝦籽炆柚皮，碟子不少，芡也如汪洋泛濫，想起師傅再臨，心又

第一次參加這裏大型飯局, 所有私伙相機全出動.今次主題為烤豬, 烤豬甫一上場吸引很多人去拍照, 斬件上枱後大家又拍了一遍才試吃, 確實不確, 皮脆肉嫩, 不過稍微凍了一點, 但己經是全晚最後的菜.之後來的焗魚腸因攪拌不均導致一邊有魚腸味一邊只有蛋味, 失敗; 蝦子柚皮也因處理柚皮時間不夠不太淋, 且汁水太稀近乎沒味道, 失敗; 鹽焗雞變鹽水雞; 不能盡錄, 唯獨是最後主辦人送的甜品亡羊補牢, 好頭好尾......不過這個宴會我體會到吃甚麼不重要, 最重要是能跟志同道合的人分享, 這才是晚宴的真正主題, 也是人生的意義......

朋友生日, 講左好耐去食豬. 今次約得成. 好多朋友都擔心話食評一般服務唔好. 都係要試下先知既.叫左以下野食.1. 乳豬一隻 - 真係正既. 皮脆肉嫩, 隻豬一上檯已經俾我地食到七零八落2. 龍躉兩食 - 都正既. 魚鮮美.3. 洋蔥紅酒焗桶蠔 - 正 ... 我岩食. 不過朋友話蠔太巨型, 非常美味.4. 玉米斑塊 - 麻麻地冇咩特別5. 炸子雞一隻 - 可以唔叫. 我諗唔係佢地拿手既野. 皮唔脆雞好咸.6. 腐乳通菜 - 好麻麻, 冇腐乳味.

母親大人六十大壽，爸爸揀了呢度食呢餐生日飯。本來睇到d食評，我都好擔心招呼差，除左乳豬外冇野好食，曾經提議不如轉去海景嘉福，但爸爸實在好想食乳豬，所以就黎試下..結果，食物質素真係唔錯，而且服務態度亦良好，叫佢開酒，換碟非常快手亦無黑面，究竟係我好彩定係人地咁唔好彩就真係唔知。所以我決定上黎俾番個笑面佢!叫左半隻乳豬，唔太肥有鮮豬肉咪又卜卜脆! 另外叫左花龍躉2味，tempura略嫌多左酒，但蒸garlic珍珠米真係好好味!仲有洋蔥紅酒焗桶蠔，惹味非常~ 蠔亦肥嘟嘟，不過因為好大隻所以一煲得4隻.. 多人一定唔夠分!仲叫左蔬菜，壽面同一個唔記得既小菜... 全部對板!最抵係corkage只係20蚊支.. 勁抵! 呢d老字號仲keep到有水準, 真係值得支持呀! 唔係食黎食去都係稻香, 福臨門, 好悶!

今日晏晝去左呢度飲茶，哈！超搞笑！流沙包不再流沙！因為裡面凍冰冰！不過我平時食係ＯＫ架！味道係好架！之後，食埋個ＸＯ醬咩咩炒米，嘩。火辣辣！！真係唔知搞咩鬼，可能今日有幾圍酒席要準備，因為我見點心車都少左。。我或者都會比多一次機會佢既。。

先來了預訂的乳豬、算是皮脆但乏善足陳。惟這已是此頓飯較好的一道菜。個人平常很愛吃魚香茄子,但這裏的魚香茄子鹹魚味過重,簡直是魚臭茄子,加上太油膩,不好吃　脆皮豆腐味道不差、但原因是根本無味道。宮保醤爆鶏丁卻較像宮保西芹、鶏粒少得可憐。麺豉油麥菜和上湯莧菜均不合格、死死氣的。冬菇芋頭鶏粒煲仔飯更是差勁、一點兒的香氣也沒有、吃下只像無味的冬菇、芋頭和鶏粒加在普通的白飯上。甜品可説是這餐最容易入ロ的。有紫米露 、紅和綠豆沙三個選擇。結論是我以後也不會再來。

我19/12係個度食左一個套餐,之前因為要搵電話而上過LEE度睇平語,見到你地個個都話唔好食都諗住唔去既,一來我住新界區但因為我老爺話要黎食咪黎羅.我地7個人叫左個HKD1000既套餐, 1 -乳豬什錦幾好味喎, 有叉燒/汾提/豬腳仔-真係唔錯2 - 蒜頭排骨 , 幾野味但咸左dd3 - 一個黃金魚券西芹 (黃金蝦就食過黃金魚就第一次) 都唔錯4 - 鮙4 - 因為一魚兩食, 魚頭用左黎蒸 ( 因本人唔食魚頭so 冇意見)5 - 蝦 + 米粉..米粉係濕濕地都幾好味同第一次食6 - 密糖豆炒牛粒 , 7 - 西炒飯8 - 甜品 ( 紫米露 + 綠豆沙 ) 唔錯9 - 生果 包左 COKE / 7-UP 共 6 服務幾好, 有waiter 走不時係度 ( 不代表佢地唔忙 ) , 有換過碟.有免費代客泊車, 但當然會比 Tips 啦, 我地都泊左3個鍾比左HK20 蚊LAW呀仲要係我地7個人怕唔夠個部長話都夠既唔需要話再特別再+ 餸

Last night, I went to have dinner by invitation of a friend. Our table was set inside a spacious room. Dinner started at about 8:30. Food were fine in both quality and quantity. Though we drank much and our voices were a bit too loud, the waiter and waitress served us very well. Our only complaint was the fish which were over-cooked. Before leaving, we were surprised that a senior managerial staff came in asking for our comments on their service and food. Well, it was more than OK!

差!貨不對辦! 小菜size味道好好好一般, 伙記了無生氣, 服務差到.................不思進取的老店, 應好快會被淘汰.