喜萬年酒樓 (已搬遷) 新店位置

記得上年得龍，由盆菜開始到今年，期間大大少少的局，與食友在不少「乾杯」聲下又一年，今年以乳豬為主打，柴娃娃的到喜萬年吃燒豬、盆菜來個新春團年宴。擺了多時由北京帶來的手信終於可以拿出來，與食友的靚洋酒來像大合照，睇頭十足，連番「乾杯」下，看盡人生百態。OR的食友「為食」，換個角度看，其實是喜歡吃而已，最早來到的E．T聲帶沙啞，仍堅持一吃而後快，對著喜歡吃的朋友，只能說聲：「量力而為。」由發板上菜到乳豬出場，前後不到廿分鐘，金豬紅燈，意味十足，切得整整砌砌，仍嚼著半件鬆化而不的乳豬時，心知不妙，只因在洋酒在breath之際，老頭子送來了中國代表二鍋頭，56度的酒精伴著乳豬，互敬一番後，團年意頭海鮮盆菜徐徐而上。邊影相邊與身邊食友談論早前一局，當傾到四川菜時，一些從前未想過的問題及抽象概念替死板的思維注入新元素，得著不少，在此謝過身邊的兩位食友。看著海鮮盆菜，由花膠、海參、燒肉、蝦、鮑魚等材料組成，以半分計，分量唔少，團年飯局，若無此品自然實色不少，轉了兩圈砂鍋已鍋底朝天，是當晚去貨最快的一味。再來是琵琶鴨，與貴刁談起此品，沒有半分似琵琶鴨，老頭子走來拍拍膊頭，大家笑說是king size的

在香港可以坐得舒服吃炭燒乳豬，一隻手都數得晒，這裡絕對是數一數二的選擇，勝在方便又價錢實惠。一班人又來吃，坐足一圍，少不了的當然是一隻大紅乳豬。原隻斬大件上檯，脆皮連肉，還有「車厘子加9V電」的無敵組合，絕對高興。事先交帶要一隻不肥的，上檯的又真的是肉厚少肥膏。皮燒得鬆脆，肉豐厚，因屬乳豬，亦嫩滑不鞋口，調味做得不錯。原隻金豬400蚊一隻，一圍人，人人都吃到幾件，一致同意是滿足又滿意；除了乳豬，其實鹽焗雞也不錯。跟校友會的規格相若，是做到雞皮也焗得微焦的。吃落鹹味略欠，不過雞件就幾嫩滑，也是轉頭就清碟的一味，是要預訂的菜色；另外叫了幾味小炒及其他菜色，水準雖然談不上是出色，但都比以前為好。炒鮮奶有蟹肉在內的，感覺似在吃賽螃蟹；咕嚕肉是酸了一點，不過都幾脆口，算是水準之作；炆斑頭腩沒有蓮香樓般做得出色，皮不夠豐厚，過油溫度不足，不過人多幫襯，也要叫一份來吃才似樣子；最後來一煲油鴨臘味飯，香味四溢，飯吸滿油份，亦粒粒晶瑩，縱使吃得飽也一樣「清煲」。飯後送果盤糖水，幾位阿姐及部長的服務都很好，有禮貌又快手。埋單每位一百七十蚊，要吃炭燒乳豬，始終我還是會來這裡。

上個星期六晚一行13 人去咗 "喜萬年" 晚飯, 聽人講老字号咪試下. 好在我哋有預早book 咗檯, 因為嗰晚都幾full. 我哋訂咗北部小菜廂房, 房間裝修幾靚而且仲有獨位洗手間(幾有CEO karaoke feel). 乳豬脆仆仆, 熱辣辣. 食完d 乳豬皮仲可以剪開乳豬肉再食. 唔似一般酒樓食完d 皮就冇.蟹皇翅亦好正, 足翅冇呃人又夠熱, 成碗翅都係橙色d 蟹皇香噴噴very good 呀! 古法鹽焗雞好入味, 連d 雞肉都有鹽焗煙薰嘅香味. 正!其他餸都好好味! 有機會要再嚟咩食喔!

今日lunch去飲茶.d點心好普通. 不過間酒樓幾多位. 唔使等位.食左唔係好多野. 都成五十幾一個了.

中秋提早做節見有半價乳豬就訂位, 訂位及晚飯當日都問過煙花夜有沒有特別措施, 酒樓都説沒有及有散餐叫. 但當晚發現只有一張特印菜單, 價錢並不便宜但因訂了乳豬只有叫散菜. 乳豬上枱後食完四十五分鐘還沒有其他菜上枱, 只見侍應不斷上套餐給其他枱, 再三吹速下菜才慢慢上, 碟頭細不特止,牛腩還是冷的呢! 我想如果應付不了散菜倒不如只做套餐吧! 還有, 我們已是兩星期多前訂座但被安排到坐在貴賓廳的走廊加枱, 請問大家看過這一篇後還敢在大時大節到那裡食飯嗎？最後還送我們飲食coupon，如有誰有興趣請聯絡本人，本人會無條件寄到府上．

同事fairwell ，選這兒是因為主人家想welcome lunch 和fairwell lunch 都在同一地方。十二人吃了近三十個點心，埋單才$660 左右，相當經濟實惠！這兒點心種類終極繁多，各式大路點心穩穩陣陣。如：釀節瓜、豉汁魚雲、柚皮鴨掌（好味好味！）、黑椒牛仔骨、綿花雞、鮮竹卷、咖哩土魷、粉果…。至於，澱粉質點心係食得幾飽。如：蝦腸、牛腸、叉燒包、雞包仔、珍珠雞、皮蛋瘦肉粥、滑雞粥（幾多料）、鹹薄撑（推介）、鳳爪排骨飯（細盅）就連小食，滷水鴨翼、滷水豬腳仔，都有得供應，味道一般而已。炸物，如：炸海鮮卷、蜜糖蛋散、炸春卷，炸得麻麻。焗豆沙餐包係最差！！！！唔介意擠迫嘈吵，志在食港式點心，想平平地熱鬧一番，呢度係不二之選。

5月28日星期天，老公和小頭對晚飯的地點茫無頭緒，後來老公想起喜萬年的乳豬在星期天堂食半價(平日一隻$400，半隻$240)，立即訂座。半價只限堂食，所以我們兩人只點了半隻。大家不用為我倆擔心份量太多吃不完，我們很能吃的啊。半隻乳豬上檯時有一只會發光的眼睛，還有兩小籠荷葉餅同上，賣相一點也不馬虎（雖然單眼發光有點怪）。乳豬皮脆肉嫩，老公喜歡不蘸任何東西吃其原味，小頭覺蘸甜醬或白糖也很冶味。不過略嫌此豬皮下脂肪多了一些，而荷葉餅很麻麻，較乾和硬。豬頭還給我們打包。<img vspace="3" hspace="3" border="3" src="http://www.imagestation.com/picture/sraid207/p2e7adc49e7b5fc3be54f1f5094da7b08/eeb5ddf8.jpg"/>再加一味炒鮮奶，香滑好吃，不過油多了一點。<img vspace="3" hspace="3" border="3" src="http://www.imagestation.com/picture/sraid207/pf0972c55

8/1 12nn今日要OT, 返工前同男友黎飲茶,假日全單7折,小點$14,中$16,大$20,茶芥$8,如果黎食都幾貴!環境同一般舊式酒樓大同小異,服務亦如事,點心阿姐既態度不可一世,但預左!我地叫左7個點心,蒸蘿蔔糕,春卷(4條),叉腸,魚片雞粥,煎薄撐,五香牛孖筋,鴨掌柚皮.全部點心均屬水準之作!份量亦比一般酒樓多,平時7個點心我地理應清晒,但今日食剩2-3樣.推介五香牛孖筋,鴨掌柚皮,煎薄撐,春卷.折左$124,呢個價錢其實可以3個人SHARE.recommended!!

大前晚同ｄ公司o既貴賓黎食飯，發誓以後都唔會再黎！！怕ｄ賓客肚餓，早ｄ到點左ｄ小菜。點小菜果時個部長見我又唔叫套餐、又唔叫ｄ貴野…態度即刻極差。到我ｄ客黎到…等到個個都超肚餓都未有「食送」黎！！催勻全酒樓o既侍應同部長都當我地冇到！！真係谷鬼氣！ｄ野又唔係好食過人、又細碟喎！今時今日咁o既服務態度加埋咁o既質素真係唔得你死呀！！

果次有親烕黎玩, 咪帶佢地黎食lor.個環境, 唔似得家下果d酒樓整色整水要咩無敵海景, 但都叫四四正正一間酒樓, 乾乾淨淨咁. 食廣東菜的老字號, 侍應人人一口純正廣東話, 服務冇話好公式化同果d經訓練完超好(機械化)禮貌, 但都算懇勤, 個部長仲會走黎吹下水咁, 好有親切咁。食物唔錯。乳豬反而係最失望的, 可能係我期望太高, 因為人人都話到超好味。其實都唔錯, 都脆又香又唔會成堆皮下脂肪咁。但放耐左就唔好食lu...其他餸計有芋頭臘鴨煲, 炸肉餅, 咸魚雞粒煲, 上湯西洋菜等等. 每一個餸簡簡單單咁, 但食得出係用心整的, 一種好精緻既味道，食完之後係仲有一種香味係口度滲出黎果d。真係要細嚼慢嚥先食到個味。最緊要的, 呢個咁好既生活享受, 都唔算貴...以呢個quality係可以叫平tim!!

昨天是我母親大人的生日~所以一早便為了他準備好預約此間可以吃到古法食物-金錢雞的酒家晚上7點多到達~已看到每一台都被hold了~可想然知真的很有知名度~不預約一定沒位子~訂了一客金錢雞跟乳豬(例牌)~另外到場叫了一魚兩味,香妃雞,竹笙磨姑豆苗6味菜可能預訂關係~甫坐下點了菜不久~金錢雞跟乳豬就首先登場~有三層:上-鳥我干,中-叉燒,下-肥豬肉.個人而已吃一件就超滯~但我媽咪就說不錯~而且已好少酒家有在賣了~再來是乳豬:我最愛吃~因為他的皮真的好"翠"但係又唔肥唔油淋淋~係眾多菜式中唔錯的~必叫之後菜色都好快上台:包括一魚兩味的天婦羅炸魚~看上去平平無其~但係一食下去才驚為天人~外層"翠"卜卜~內裡的d好熱好有魚汁~庶埋d甜酸醬黎食.一流~而另一味的陳皮魚~我就麻麻好~但家人都一致同樣讚好~我猜應該不錯^^竹笙磨姑豆苗夠大碟~份量真係幾大下~但味道普普通通拉~沒啥特別~最後上的香妃雞就唔叫都得拉~我們一家人都好愛吃鮮雞~但係這雞雞味唔夠~係唯一一款我地冇食清既菜~最後奉上免費生果跟甜品~沒什麼好評語~就是普通而對於服務方面~我絕對要給負分=.=~因為當晚家人瞞住媽咪買了蛋糕想最後給他一個

通常舊式酒樓好食但服務一般，尤其是生客。但昨晚晚膳，食物有水準，份量較新派酒樓為大，而驚喜的是服務來得親切而不煩客ｏ食物用料也很好給新鮮，最後價錢也合理-三小菜加一例湯，為335元。

週六中午，跟家人在這兒吃點心作午餐。裝修後的「喜萬年」，價格都不同了。七位埋單約共$460 。「胡椒豬肚涼瓜湯」味淡。「鳳爪」、「蝦餃」、「鮮蝦白菜餃」、「燒賣」都是一般酒樓水準。「炸兩」的油條淋身，腸粉皮既硬且厚。「煎腸粉」似乎未煎好。「煎鹹薄撐」比以前少料。「煎蘿蔔糕」、「煎芋頭糕」味道相當災難。「炸春卷」、「竽角」每啖都滲出油，可怕。無一款點心像樣。改善的只有環境和多了少許所謂的服務。其實，還有其他點心點了但沒寫下來。但總括而言，水準每況愈下！

附上菜單一張, 大家不仿參考下不能不讚是乳豬, 火膧翅, 上湯焗大中蝦+ 生麵底!超正!!!

新裝修的喜萬年酒樓給人一種豪華, 舒服感覺, 每間小菜客房均有唔同design, 部份客房附設獨立洗手間. 菜式方面招牌乳豬依然保持水準(脆卜卜真係好正) 懷舊菜式而然有得食. 侍應亦好好招呼. 決定下星期再多食!