喜萬年酒樓 (已搬遷) 新店位置

上週六帶了個外國朋友黎呢度飲茶, 嘆下traditional 既點心, 原來週六比較容易搵位, 全日大中小點都係$12 蚊, 我個朋友非常喜歡, 呢度既款式都比較多, 真係不枉此行呀!!!

今日我地5 個人去飲茶，因預先訂左檯，去到好快就有位。間茶樓好似裝修過，我地坐的一個小菜廳，以蘇格蘭feel佈置，紅格仔牆紙，掛左好多騎馬畫，幾有趣。開左茶等左好耐都未有點心車推入來，我同個同事走去對面大廳搵食，仲以為d點心車會集中在大廳，點知眼見得兩架咁大把，阿姐話其他d車就快出架啦。依家都差唔多1點lor喎！冇計，求其取走幾籠食住先。食左都有十幾二十分鐘，d主角終於出場，蝦餃、艽菜餃、牛柏葉都好好食，奶黃飽餡就夠但唔夠香滑，飽唔夠軟，燒賣d肉唔新鮮仲好似有d怪味tim，其他如薑醋、白糖糕、鮮竹卷、牛仔骨都幾好食。環境唔錯，服務亦好，唔錯。

又係Openrice食家聚餐, 撞岩放假梗係要黎啦.通常去飲都係食到乳豬, 但係唔係凍左就係柴皮.今次一行廿多人專程吃呢間話乳豬唔錯既酒家.除左乳豬之外另外一點菜式.本來想叫龍蝦但十分貴, 最終冇叫.先來牛展花生同海蜇(lazyqueen提醒我呢的以前細細個叫做像筋)牛展很入味...牛味重而牛展十分腍...一碟好吃的小食.花生冇食不作評分.海蜇好爽但唔係太入味.跟上菜是乳豬...很回味兩隻眼會裝燈閃下閃下.自己食左好多件...我諗都有最少7,8件最脆的係頸位(都係見到牛油果跟住又食果的位)但其他有肉的卻是另一風味...肉很嫩和一片薄薄肥油同脆皮恰到好處.不消10分鐘個碟得返個頭和數件骨.個雪耳煲豬又係好野黎...清甜得黎又潤又唔多油...自己都飲左兩碗...鯪魚球都算唔錯...炸得冇過火...金黃香脆...都食得過.生炒骨和咕嚕肉則是生炒骨較為好食...個骨較脆...兩者都唔會太多肥肉...較甜少酸...個人覺得都不錯...但有食家卻認為過甜.....不過隻碟都係一陣就冇哂.菜ok...但不作詳評.蠔仔餅卻是失敗之作. 我夾的一件只吃到蛋沒有一點蠔...蛋似乎是過火了....蠔仔也有點

從來未試過一次過吃下五六件連肉乳豬, 件件都脆卜卜,雖連肥膏但又唔覺油膩, 而炸魚餅都係好脆口同乾身, 咬下可清澈見到鯪魚肉, 唔覺有溝左好多粉, 食完香口野, 跟住黎個清潤雪耳煲豬爭, 呢個湯夠晒火候又清甜, 另一款造得唔錯o既係生炒骨, 雖然其他人都話同咕嚕肉差唔多, 但我覺得生炒骨係較脆皮, 味道兩款都差不多, 都係帶甜而不太酸, 唔錯。蠔仔煎蛋,呢道係失色之作, 旁邊o既EE 話, D蠔係咬唔開o既, 我就唔知好彩定唔好彩, 夾o個件係冇蠔o既, 不過食左件好年邁o既煎蛋後, 都冇興趣再夾第二件。 而第二道失色之作係味鹽焗雞, 冇嘜雞味又過咸, 用白粥黎送口就差唔多, 當中一位食家又話要趕快來個糖水, 好把口中咸味沖淡, 最後係剩餘大半隻慘情雞被遺棄係碟上,雖然浪費, 但真係幾咸。

一班食友又聚，選這裡只為一個目的，就是即燒的乳豬。廿人坐了兩圍檯，經理亦為我們間了一間房，有電視睇，感覺亦好過坐大堂。也不能只吃乳豬，所以亦叫了不少的其他菜色，有得有唔得，短評如下：乳豬全體：是真正的乳豬全體，亦是即燒，同經理夾過，廿分鐘前通知就有熱辣辣乳豬吃。其實這裡的乳豬已吃了幾次，今次依然是十分有水準，皮脆肉鮮嫩。份量亦多，一圍十人，有男有女，一人吃好幾舊都有剩，四百大元一隻，十分抵吃，仍然是掛頭牌的一道菜色；例湯：是無花果雪耳煲豬爭，煲得夠火路，沒有一點味精的影，一人可渴兩碗，都是不可錯過；牛展：是前菜之一，原以為一般水準，但吃落是又腍又入味，連墊底的花生也好味道。我的那檯雖然有麵包伉儷不吃牛，又有幾位嬌滴滴的女孩子，但也一下子清了碟，結果要走過隔離檯至可以多吃幾件；順德煎魚餅：其實是炸而不是煎的，可幸是炸得很是酥化，鯪魚餅又彈牙好味，雖然看樣子不似是家鄉菜，但作為下酒菜也是不錯；生炒骨‧咕嚕肉：炸得脆口，但不夠甜。「甜酸肉專家」Olivian一眼便指出，咕嚕肉只是肉片，不及格。生炒骨還可以，算是比咕嚕肉好；煎蠔烙：只是有蠔肉的蛋角，完全不是煎蠔烙。蛋亦煎得實實的，無厘火氣，敢

首先多謝lazyqueen的餐前小食,很好味,尤其是花生糖.之後要多謝有份帶酒的各位.謝謝!昨晚和Openrice的眾食友在這裡食乳豬.例湯- 很濃,很香,真係唔錯.乳豬- 兩隻車厘子內的燈,閃下閃下,像眼睛一樣,很可愛.乳豬很脆皮,廋肉嫩滑可口.味道一流!真係很少地方有這麼好味.值得一試!咕嚕肉和生炒骨- 完全一樣,味道也一樣,只是有骨和無骨的分別.都幾脆,但味道就真係麻麻.生菜和白菜仔- 都幾新鮮,味道唔錯.鹽焗雞- 完全唔得,味道唔夠,又又唔新鮮,差!(真係掛念港大校友會的鹽焗雞)蠔仔煎蛋- 味道一般,但像蠔仔炒蛋多d,怪怪的.炸魚(忘記了名字) - 幾好,唔錯.每次食飯也是開開心心的渡過.

前言：女友介紹下，上週五跟四位友人於此吃點心午餐。中午十二時半，尚有三成吉位，但仍然等了十分鐘才安排到座位。食物和評語：點了約十五款點心，埋單$250。 1. 大牌檔美食：煎鹹薄餅、四拼生滾粥（雞肉、皮蛋、魚片、瘦肉）都相當不俗。 2. 點心車供應的：蝦餃、燒賣，份量偏多。懷舊點心，如「綿花雞」可一試。包類水準一般，如叉燒包、流沙包。其他蒸物，如金錢肚、蠔皇鮮竹卷、鳳爪、排骨，味偏濃，可拌白飯食用。 3. 不得不提，此家的「炸兩」分量足，油條香脆、腸粉皮軟滑薄，可一試。註： a. 店內鬧哄哄，好不熱鬧。有點心車供應新鮮點心，頗有風味！略嫌擠迫，但算特色。 b. 份量偏多，算抵食夾大件，適合家庭飲茶聚會。個人覺得，較一般連鎖港式茶樓優秀。

星期二真熱鬧，下午同Openrice的眾食友在蓮香樓茶聚，晚上就同另一班認識多年的食友來呢度食乳豬，正所謂餐餐有食神，人生就開心的莫過於此。側聞這裡的脆皮乳豬好出名，一行七人就來會一會。星期二晚大廳人客不太多，得一半客人左右，但埋邊的貴賓房是間間都有人，可見亦不乏奉場客的。侍應相對下來便較多人，而服務都不錯，一見有客人揚手，便會放下手頭上的工作來招呼，不錯。脆皮乳豬是主角，當然要最先上。叫了原隻全體斬件，用一大碟托金盤上檯，加入兩隻車厘子內有閃燈的眼睛，賣相對辦；份量比想像中多好多，十二人食都足夠有餘。皮脆而肥油不多，真的燒得卜卜脆，又有那股豬油香。除了脆皮外，廋肉亦嫩滑可口，而近豬腳的部份尤其有咬口。一輪風卷殘雲後，就只剩下豬頭及豬尾，眾人的「食力」可真驚人。這個乳豬，整體而言是非常出色，絕非尋常飲宴的「乳豬全體」可比，亦不枉我們專誠拉隊來吃。乳豬是主角，其他食物只屬配角：龍蝦12蚊一兩算平，但魚缸得幾隻小龍蝦，要了最重的都不過是一斤八兩，用來上湯焗墊煎米粉底，沒有芝士焗伊麵底咁膩，可惜不多肉，不太夠喉；冬瓜盅小小的，只可分得十碗左右，部長說沒有大冬瓜，所以想吃大一點就要預早訂定，又

星期日一行五人, 吾駛等位.<br>可能呢度真係好"格涉", 我都係第一次黎.<br>原來呢度星期日都有下午茶優惠.<br>大, 中, 小點一律同價. 好抵喎～<br>而且點心選擇都幾多, 吾會冇野食！<br>呢度有即叫即煎薄餅, 好懷念啊！<br>以前都有自己整, 但己經好耐冇食過了.<br>阿姐手勢好好呀～煎得好靚, 熱辣辣好好味.<br>叫左個廈門炒米, 酸酸地好開胃.<br>大大碟只係廿幾蚊～好平呀！<br>星期日想飲茶又吾想等位. 揀呢度好呀！

星期六的下午茶都幾抵食架<br>仲要唔係好多人.又夠靜.都叫做有野食既..

今天, 我在此參加別人的晚宴, 嚇親我的是這樣的.我坐在位子, 突然間有人用手指督我肩部, 說: 我嚇親的督我者乃一侍應也, 竟然可以那麼無禮的!?還有, 那天有跑夜馬, 我發現大部份侍應都手持馬經完全當客人無到的去咆馬!

此店部長普遍態度唔多好，你問佢野，佢就叫你自己睇牌，講多句都嫌棄。出奇地點心嬸嬸就好熱心兼好人，豆腐花滿到瀉。食物就一般，但易搵位。

High quality and quantity of the food.ah Wah is very nice!Wong Hung,u are very cool but nice!!