喬妃齋 (已結業)

今日難得同舊同事食飯，2個女仔又吾想食西餐，最後話不如吃素吧...同事話功德林都幾好吃，但價錢偏貴。之後話之前係尖沙咀海防道食了一間上樓素食好味又價錢抵，因而早一日打去訂7點半位。最後我地7點已到，可能因為平日問題吧，只有大約3﹣4桌客人。 我地一坐下已經有一個小食和有幾款茶選擇。花生豆腐小食:最後知道原來＄10，花生勁淋同入味，正!~  反而豆腐有點硬得滯，一般。我地因為只有2個人原因都不想叫太多，因而叫了2個餸先再想..... 荔芋卷：一黎到已經好香荔芋味，一口咬下成口都是荔芋好驚喜材料堅足！～又吾咸，好有荔芋味加上卷的炸腐竹，而炸腐竹又吾油，但汁吾夠酸，如果汁再濃點和杰一點更加好。 南瓜素火腿煲：素火腿勁多，同真火腿有過之前不及。反而蔬菜吾夠多，味道白汁都好味又吾咸同吾杰。上面有少少燶燶地好似芝士... 臨到最尾原來仲有免費甜品馬豆糕：味道淡，偏硬，可能落得太多粉的原因。。。有點失望最後我地食左個半鐘頭，超飽地離開。最後結帳都係＄86.5/個，堅抵！下次一定會再來。

上個月,有朋自遠方來,Kawai 當然一盡地主之誼 -- 請食飯!香港好吃的東西很多,但朋友是純素主義者,選擇就好像少了截,最後去了離酒店最近的喬妃齋....其實對於傳統素菜,我卻沒有太大的認識,平常我吃的都是較為新派,少油少鹽,我是極怕百鳥歸巢那些又炸又濃重獻汁的菜式!!!因為我不熟悉,以下由朋友發辦 先叫了素叉燒,外層燒得香香脆脆,口感同真的叉燒沒兩樣,最神似是"燶邊"位!!朋友一 已經戒肉類四十多年,早已忘記了肉的味道,口感,而同行太太的也戒肉十多年,對肉類的口感還殘留著一點記憶,她說好似呀!之後朋友問我,像不?亦有再問店員是否真的素食,我說,口感真的有85%相似,只是比較硬身,雖然我一向不鼓勵人家食素肉(始終是加工品)但真的好可以一試,你會發覺人類的舌頭是如此容易欺騙~接著是一道冷盤 --素魚生,由始至終,我對加工的素食是非常麻麻,不過朋友在炸素雲吞選擇其一,我只有投降於魚生片,素食已經吸油仲要炸,真的不得了~講真沒有特別,都是來貨,不過總比油炸的雲吞健康呢個菜式已忘記了名字不過,我自己就幾喜歡,因為是我平常喜歡的,不是炸麵筋,沒有濃重的醬汁,也沒有多餘的調味,蓮耦爽身,味道清

近幾年我有很多時候也會吃素，特別係初一十五.但是香港素食館選擇很少很少，今日朋友就我在尖沙咀食素。那天吃得很早，六點半食反，已經有幾台客，生意不錯。屬於細食的我們，點了四種菜。第一：素燒味：素叉燒：是幾種中最易造得不錯的。口感不錯。但黃咖喱味那個有點太酸。總的來說算中上。紫菜豆腐湯：不太推薦這個。紫菜䏌over cooked .很淋，吃的時候口感超怪。不討好。最喜歡這道菜。紅燒豆腐配草菇。味道不太淡也不太濃味,剛剛好合我們口味。豆腐燒得剛好，外面爽爽,內裏還很滑。另一道菜忘記拍照。兩人吃了二百多。TST 來説算合理。我們吃完反約七點半，餐廳已很多人。看得出很多是熟客。大概我們不是熟客，招乎不是很熱情。叫了侍應幾次才應。所以係service 方面扣分。幸好老板（收$那個）算好禮貌。加番分啦!相信我們還會再來.

上星期五同朋友嚟左呢度食生日飯,朋友話之前本來有機會嚟,但最後冇嚟到, 所以今次就想再嚟啦. 店子小小的,我們坐在卡位,有點自成一角的感覺,大聲講話不會影響其他人,也不會俾其他人的聲浪影響,7點半己幾乎坐滿,都好好生意喎.小食係一碟菠蘿,幾得意,開胃.五個人點左八樣餸,好誇張吧, 點左一碟酸齋拼盤,一窩粟米魚肚羹,炸芋頭魚,齋魚生,菠蘿咕嚕肉,喬妃炒飯,四季豆炒百合,豆腐(個名唔記得)仕應初初落單係唔使記低的,我們還問佢你記得架啦,後尾到話要食四季豆百合,佢就話要寫低,大家都覺得呢個餸應該比較小人叫. 題外話,那個仕應是蘇杏璇的兒子.上菜都算快, 酸齋好味,有幾款的,咖喱味,酸齋,齋鴨腎,仲有一款脆卜卜的,好味呀,全部都好入味. 粟米魚肚羹好大窩,個顏色好深的,入面有好多料,有粟米,仲有些豆,跟住有些唔知係咪雲耳,木耳之類,好好味,唔會太濃味,但好香,結度適中.芋頭魚唔係好大條,但係好香,炸到金黃,入面芋頭好粉,GOOD, 齋魚生賣相好似,加埋豉油及芥辣一齊食,感覺好好笑,朋友話食呢個會思覺失調,幾特別呀. 菠蘿咕嚕肉賣相都好吸引,那件咕嚕肉應該係麵筋,酸甜度適中,好味.喬妃炒飯入面有

老實說，本人一向對齋菜沒有好感原因是....自小以為酸齋是齋菜的 唯 一 和一切.... ( 想起都自覺很無知...)但又自從幾年前吃過佐敦一間老子號齋館後就改觀了 這幾天一直都很想吃 齋 ( 其實純粹掛念芋頭魚 ) 碰巧昨Green Monday 日又是 星期一， 順便來個Green Monday 這個概念好像我從上海回來後便開始聽得多；其實Green Monday是 一個社會企業, 鼓勵每星期素食一天 (一年可減少150萬噸碳排放!!)這間喬妃齋位於尖沙咀海防道 ( 九龍公園旁邊的林蔭大道 )，要上樓的 就在意大利站上方是一位前藝人 蘇杏璇 開的，菜式為新派素食前菜波蘿招牌喬妃炒飯有蛋白、菜粒、栗米粒、素火腿、素翅、腰果粒炒飯很有口感，素火腿做得很真....素翅很彈牙，有 o趙頭很喜歡這種菜粒切法的炒飯! (純個人偏愛)咸度適中偏愛腰果所以特別喜歡這道菜五柳石斑 ( 開口埋口話要食既芋頭魚 )其實就是芋頭褣炸成魚形狀有酸汁配上的，建議第一口吃原味，其後再點酸汁配上酸汁吃可以 減 掉 油 膩 感比想像中厚身，還是比較喜歡佐敦那家老子號 <3雲吞豆腐煲是因為好好的職員/老板娘

朋友生日, 話想食齋, 於是搵左呢間明星開既齋舖, 上個星期四去一行3人去食晚飯, 地方唔算大, 不過坐得都算舒服。咕嚕肉很不濟,外形很像,但一咬落去,好似是用一舊咕嚕皮包著肉一樣,口感極怪。再來喬妃卷，味道很好，外脆內軟。芋頭魚炸得好正~外面薄薄脆槳,感覺炸得又輕又脆,醬汁酸甜洽到好處~唔錯~最後的一道是新出的芝士龍蝦伊麵，上面真的有芝士鋪著，但龍蝦就不見，只見有素蝦，還以為可以見識素龍蝦是甚麼樣子，熱吃時味道不錯，凍了不碰為妙，因芝士糊在一起又冷冰冰的，一定要先吃這 菜，而這又是很滯的一道菜。上菜速度快, 服務唔錯, 我一定會再去~ 

轉眼已經几個月冇黎了,..有少少掛住蘇老闆 ,今日專程約左粉絲黎食齋~坐落好似一切冇變,,唯一變了就是少了蘇老闆的笑容粉絲第一次黎~緊係要比佢落單,食佢想食的餸菜啦~!我不會多加意見~上枱啦~有少少令我感到意外~!!感覺冇左過去的精緻粉絲叫左兩碟菜,佢話係兩個菜名好唔同冇圖睇,所以衡量唔到~,結果來了兩碟差不多的炒時菜, 部份菜炒得有點過火, 太淋了, 不爽,亦沒有名字形容得那麼特別五柳仙斑 – 芋頭本身好淋好棉好香芋頭味,外層炸得好夠火候~上枱即使係淋左酸汁, 切落去仲可以聽到脆到十十聲~!!之後仲有甜品送,今日係芋頭糕同芝麻糕,我覺得兩隻糕點本身質地過硬~幸好芝麻糕有好香的芝麻味可以補償過硬的缺點~芋頭糕就麻麻地~!傾下講下唔經唔覺都坐左兩個鐘, 期間一直都座無虛席,,隔離枱的客人走了又來,雖然係咁,服務員都冇借機清我地枱同示意趕我地走~我真係好中意呢種寫意的感覺

今日約左兩個寶貝黎呢到食齋,感覺好耐冇黎LA!心情特別好~~我覺得呢到係尖沙咀唯一一個未比強國人攻佔既地方黎到當然二話不說咁點個菊花茶先LA!清清茶香令人回味!話就話去食齋,但係我地几個都中意食濃味野所以點几個主打柚子生果沙律,清清地之外,其餘都點左D重水味既菜式柚子生果沙律 – 必食之選~生果係新鮮切出'食落好清新,簡單開胃芝士白汁忌廉海鮮 – 基本上味道同出面冇分別, 齋海鮮雖然全部都係豆製品,當中各種味道好突出,一D都唔覺得自己食緊齋,最欣賞佢隻齋蝦,勁彈牙~而且上枱時睇得出係啱啱焗爐拎出黎,碟邊忌廉汁仲有一卜一卜的感覺五柳石斑 – 半條五柳絲都見唔到~唔知係咪比漏左呢~芋頭魚炸得好正~外面薄薄脆槳,感覺炸得又輕又脆,醬汁酸甜洽到好處~唔錯~喬妃卷 – 食咁多次其實都食唔出佢係乜野材料整,只係覺得佢外脆內熱,味道好持別,~三色甜糕,質素比之前差左D,多粉左而且冇咩味,只有桂花糕保持到水準!!呢到食物出品好有份量,一D都唔HAR場雖然我地仲有好多野想食,可恨我地只得三個人,其餘想食既野只好留返下次再黎~!     

有位朋友食素的，我們便選擇了黎喬妃齋飯聚。店子小小和裝修古舊，坐得唔太舒服。前菜幾好味，唸住其他野都 ok 啦，但就失望啦。首先要左大蝦沙律，大蝦又熱又乾，完全唔似真正凍大蝦；沙律夠凍，但太多沙律醬了。然後我地再 order 香酥鴨和荔竽脆乳豬，點知上枱時原來係八成一樣既野，兩碟竽泥放係面前真係睇到都飽。上菜既店員也疑問為何落單那位同事唔提醒我地，那位落單店員竟然話我地分開落單咪唔知囉，我回應是同一時間落單，重係向他只 order 了呢兩樣菜。其實我們也無所謂，都黎左菜，亦唔會話唔要，但店員唔應該唸都唔唸就推卸責任。面對兩大碟竽泥，我地之後要左d清淡和酸微微既菜。菜煲超普通，味精味重。甜酸肉炒得沒有鑊氣和無引人流晒口水既香味， “肉” 既口感又乾又硬！百合蘑菇炒雞就比軟油膩。最後有糕點甜品送，馬蹄糕夠凍又爽最好味，其他就一般啦。其實最好味是荔竽，其實菜式也麻麻地。

父親年紀漸大, 吃得比以前都健康了, 今年父親節, 我們幾個帶了爸爸去吃素看來香港人都習慣大魚大肉, 父親節吃素不算人多我們一行12人, 職員極力推介8人餐($998), 說比較大碟也很美味, 也可以加大份量為12人餐但因為某兩三人都不太餓, 我們就點了8人餐, 如果不夠再加菜... 沒想過, 12人吃8人餐... 差不多吃剩三份一, 最後包了4大盒回家大蝦沙律 - 大蝦做得很似, 好好味鮮淮山榆耳炒花枝 - 用淮山炒菜好美味, 淮山都吸收了菜汁的味道, 花枝的質地也彈牙, 咬上去一點都不似素西芹百合炒帶子 - 跟酒樓的大致一樣金湯素翅 - 是南瓜湯來的, 如果不喜歡南瓜你便會很討厭它!! 不過我是很喜歡南瓜的梅菜蒸黃魚 - 呢個真係麻麻地, 個"魚"質地好散, 一點都不似魚, 但又說不出是什麼, 唔好食西檸鴨片 - 呢個鴨真係無話可說, 好像和真的一樣, 根本不知道是否在吃素, 好好味七彩鰻魚絲 - 樣子和真鰻魚做得一樣, 但咬上去還是粉粉的... 加上其他配料算不錯啦, 但不算好有驚喜雪菜炆米 - 這個本是素, 質地炒得很好, 但有點油這個餐$1000 有找食飽12人再拎走4盒,

一行5人的好友聚會, 因其中一男士為素食者, 而另一位男友人有同家人嚟過呢間由藝人蘇杏旋開的齋店, 所以提議呢間。我們有book位 (友人話佢同家人嚟幾次都無book位的習慣..哈哈), 7:00PM, 地方唔係好大, 一坐下就見到蘇杏旋女士, 同友人食飯。食物：錦鹵雲吞：叫的時候, 問侍應份量有幾多(你知啦, 茶樓果D一碟四隻咋嘛, 驚唔夠食), 個女侍應話好多咖, 數唔哂。一上枱, 果然無欺騙我地, 真係勁多。個炸雲吞就無"涵"的, 好香口, 唔會好油。個汁好正, 酸酸甜甜, 一流, 不過內裡"扮"海鮮果D就唔多似。咕嚕肉：個樣都好"真", 食落D口感都真係幾似肉, 幾好味。菠蘿焗飯：個飯好香, 都幾足料,不過我自己覺得個味唔夠, 所以自己配上錦鹵雲吞的汁...好味。份量都幾多, 差不多有7-8碗。沙嗲串燒：個樣唔多似出面的沙嗲串燒, 似煎"樣"三寶, 哈哈。味道都OK, 不過就唔多似沙嗲。炸豆腐：好香口, 豆腐好味。咖哩四蔬：我自己麻麻地呢類型食物, 所以無食。送的糕點：有好幾款糕, 紅豆、馬碲、芝麻...都幾好食....不過就比較"痴"...唔知係切得唔好定本身係咁...哈哈.

今日午飯時候, 大家都忽然心血來潮想食齋喎!! 於是, 梗係去公司附近既"喬妃齋"路上, 大家都只諗住點咩餸!! 入到去, 一坐低. 同事D小姐已經急不及待點了一碟齋鹵味, 男侍應友善地問我地要大碟 / 細碟!!再叫了一窩粟米粥, 芋頭魚.之後, 再經熱情既男侍應介紹下, 叫了一客"泰式黃魚"!! 齋鹵味唔記得影相, 但當記起時, 已經食左大半碟!!! 粟米粥d齋好脆..... 老實講, 比出面其他齋舖好味得多 芋頭魚好似係必食之選!! 味道一般, 只係d醬汁好味!! 泰式黃魚第一次食...... 外形真係好似一條魚!!大家都不太喜歡那種味道. 雖然有d冬蔭公feel, 但配上"腐皮"魚之後, 感覺麻麻!! 可能, 介紹俾我地既男侍應見到我地只係食左幾件"腐皮"魚, 佢好奇地問: "係咪唔好食呀? d湯都可以飲埋!!"我地只係答佢: "ok啦!!"埋單每人平均$65左右!! 好昂貴既一個午餐哦!!! ** 當日見唔到璇姐蹤影, 只見到佢老公在店內打點!! **

蘇杏旋息影後開了這家素食店, 她常會在店中幫頭幫尾. 今次見她, 手臂瘦過我, WOW, 減肥人士要學下啦~我們午飯時來到, HOLY COW, 全場只有1個樓面阿姐, 忙到氣咳, 所以連收銀阿姐都落手, 老闆娘亦插下手, 我地都幫下手, 自助助人嘛 2個人, 點了2個午餐套餐: 乾炒牛河: 非常好味, 她們用的是較窄身的河粉, 像是泰國金邊粉, 比起傳統的香港濶身河粉, 炒起來更不油, 亦更入味, 我們要了辣椒醬, 非常好味, 食完個碟都沒有什麼油在上面, 真好~ 鹹魚素雞粒炒飯: 很好口, 不油不膩, 但我個人不太愛吃素雞, 太人工化的食品.當日例是椰子粟米加紅蘿蔔湯, 我不愛椰子, 但湯頭很清甜, 我們照掃清光. 附送的甜品是紅豆糕及芝麻糕, 口味不俗, 不會太甜或太軟~2個人吃完還有飯剩要打包~44元一個午餐, 在尖沙咀算便宜了吧! 但我個人是較愛隔壁座的素食店, 感覺他們多些手工菜及點心!食到還完, 才見到樓面的男生來上班了, 可能有事, 好在店面不大, 客人也吃得頗開心~

等到10點才吃飯，因為朋友只能吃素菜，所以讓他挑了這家聞說是明星開的店，去到店看到老闆娘才明白是誰，那是一個你未必叫得出的老牌明星。點了粟米粥，清甜好吃，吃到粒粒鮮粟米的感覺。喬妃卷，其實是包了菜蛋菇芝士的炸醬腐皮卷，味道不錯，但如果煎的或蒸的應該會更好吃，炸的，太油膩了。萄汁焗四蔬，好像已經是齋館的必有菜式，萄汁其實做得很香花生味，不過咸了些，潮式齋滷味，有素雞酸齋咖哩齋叉燒，最愛依然是齋叉燒，味道則是不過不失，一般水準。一坐下來，會有一小碟前者，有花生蠔油滷味酸青瓜，感覺比潮式齋滷味更好！飯後依人頭送上甜品，我和朋友分到的是馬豆糕和馬蹄糕，馬豆糕味道很一般，但馬蹄糕清甜有很香馬蹄味，不錯！埋單$215，另付了$15貼士，老闆娘竟然馬上說: 甘多！好可愛的老闆娘。光顧4次就可以有會員卡，地點很近海港城和港威嘉禾，逛完街看完戲也不失為吃飯好選擇。食物有些吃了1/3才想起要拍照，份量並不完全準確。

如果一間食肆嘅食物好味、又有水準、價錢又經濟，而室內環境、裝修都可以係其次，不過，假如室內環境係普普通通之餘，再加上又殘殘舊舊，就可能打了折扣。今日哩幫襯喬妃齋，就有咁嘅感覺，雖然店員有好嘅招呼，環境、枱凳、碗筷都乾凈企理，但牆身不單有點殘殘舊舊，仲有污漬斑斑嘅情況，觀感上真係令人有D不自在！既然坐低咗，就只好隨遇而安啦，反正都只係食個晏！隨遇而安，就點了一個沙律、一個腸粉和一窩湯麵，雖然點得唔多嘢，但三個人都好夠食。柚子沙律$40 – 唔好見佢叫柚子沙律，其實好多款材料撈埋一齊，生果沙律做底，再鋪上好多柚子肉，再放幾片芒果片做裝飾，仲有用奇異果同香蕉切片圍邊，全部擺埋一齊鋪滿成隻碟，堆到成個小山丘咁，份量方面一D都無欺場；生果沙律普通啦，柚子肉就真係幾清甜多汁，奇異果同香蕉都熟透夠香夠甜。好食！其實當佢係飯後果一樣得呀！素金銀潤腸粉$25 – 依客腸粉，仲貴過晌酒樓食，腸粉皮叫做得OK，但質感就有少少削，而素金銀潤有D食而不知其味，都只係覺得食緊素肉一舊。時菜鮮菇腐球湯麵$68 – 好簡單嘅材料，時菜幾條，鮮菇十粒八粒，腐球？似係切片素肉十數塊，賣$68確實有點貴！唯靠湯底提味，不至