嘉兵衛

营业中

休息中

📍嘉兵衛 元朗馬田路38號怡豐花園地下12號舖元朗日式餐廳，木系裝修，座位寬敞，夏日炎炎，見到有新菜式，午市限定日式冷麵，好想食❣️🧊和風冷素麵冷麵醬汁有紫菜，水雲，秋葵，蕃茄仔。夾一小撮冷面放入醬汁泡一下，酸酸甜甜，清新開胃。如果有大食的朋友，可以選大份🧊名古屋風味雞翼因為好鍾意食雞翼，所以叫咗兩份，醬汁用上黑胡椒蒜蓉，惹味香口，雞翼切成單邊，方便食用🧊磯辺炸獅子狗卷海苔味，即叫即做，經酥炸後香脆可口，餐前小食的不二之選🧊 燒焦醬油年糕串表面有紫菜包住年糕，一份兩串，輕輕一燒，軟糯香甜🧊 八爪魚章魚丸雞蛋沙律醬一份六糕，雞蛋沙律醬好香滑，雞蛋而設成碎粒，章魚丸外層脆卜卜，同朋友share 食🍨 豆腐雪糕有兩球，表面灑上黑糖和黃豆粉，豆味濃郁，夏天必食🍹cassis orange黑加侖子果酒加橙汁#元朗#元朗美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#居酒屋#日式#沙律#丼物#定食#酒#冷麵#雞翼

想不到嘉兵衛會捲土重來，但食物質素實在大不如前，樓面人手及經驗不足，招呼客人到座位後，等了好久才把桌上上一個食客食完嘅碗碗碟碟收走。（樓面只有一個員工，連埋我哋，現場只有2-3枱食客）豬扒肉質沒有很實，也沒有另上，沒有生菜，咖哩好咸。烏冬淡淡的較正常

7點前落單，落單之後等左半粒鐘先嚟第一個小食：名古屋風味雞翼（$62）雞翼似乎無醃過/醃得唔入味，食落無乜鹹味，得少少甜味，好奇怪，呢個價錢可以話係搶錢！然後上第二個小食：薄切蔥花鹽燒牛舌（$79）牛舌完全唔覺有燒過，懷疑只係隨便攞煎pan煎過下，然後灑啲鹽同擺蔥花，又係搶錢之作🙄之後再等多20分鐘（落單後等咗50分鐘🤯），終於上主食：味增北海道十勝產豚肉丼（$112）簡單嚟講就係現成味噌煮豚肉，質地同煲湯豬展差唔多，唯一可取之處係啲肉都算多，夠塞飽你，但係你諗下係煲湯豬展🫣個人認為浪費咗食材。最後係：黑豚生薑燒定食（$184）一睇已經嚇一嚇😵‍💫 我未食過豚肉生薑燒係咁煮法，而且完全見唔到生薑，只係見到一粒粒疑似用嚟沖飲品嘅調味薑粒，真係好shocked 🤯🤯🤯 食落肉質都係煲湯豬展，味道令人非常失望。四個字：不知所謂！！！最後係難食到食唔完啲嘢，埋單加一後$480，簡直係搶錢！！！歡迎大家試伏☺️

啱啱喺佢地度堂食，食完晚餐～Order咗1客 塩燒黑豚扒定食1. 定食冇包飯，飯要另加$10，Ok～ 算～ 係有少少奇怪啫，2. 個沙律菜Ok嘅 (沙律菜都唔Ok嘅～ 就～）3. 個湯係好飲，好足料，4. 個黑豚扒極似湯渣 (WTX）5. 本身冇發熱毒，自問體感係正常人類，完全feel唔到有冷氣～6. 服務真心差，唔知玩電話定乜，要落單又唔知，茶又唔會斟俾你嘅～整體而言，以我今次order嘅黑豚扒嚟計～ 真係1星都俾多，只可以俾半星～

星期六與好友相聚，好耐冇黎，好掛住佢哋個湯同炸豆腐😍佢哋出名正宗日本家庭味道美食，由日本藉廚師主理😋😋黎到睇餐牌樣樣都好想食，樣樣都想叫，所以叫咗好多野食同朋友一齊share😄燒雞尾串同燒橄欖油廣島蠔甚至叫咗2份😆味道一如以往咁好👍個味噌豚肉湯，非常好飲又多料，喺第二度真係飲唔到💯和風炸豆腐既做法好正宗，唔係就咁炸豆腐，一試難忘💯其他食物都好出色，店員服務有禮，絕對要支持本地小店😁今次肚皮有限，甜品都食唔落，已諗定下次再黎試其他菜式😉

今日首試這間日式食店，評分十分高，因為是結婚周年，所以都十分期待。正題。首先來個飛驒牛薯餅，香脆熱辣，薯味有但無牛味，係見到牛肉，不過唔會多到食到味。軟殼蟹溫泉蛋沙律，份量十足，軟殼蟹有調味配上蛋液沙律，十分好味。柚子胡椒牛舌，十分驚喜，厚切，夠淋。可以話見到魚已經知回本，夾落仲有肉汁，十分厚身，調味適中。吉列廣島蠔一樣大大隻，炸皮厚度適中，外脆內軟，唔錯。和牛漢堡溫泉蛋定食，和牛漢堡一樣十分厚身，但唔會過熟，牛味夠。最後蘋果雪葩，雪得好冰，但味道可以。今餐真係十分十分滿足，我們縱使細食但都食得八八九九，份量十足，味道幾好，上菜速度剛剛好，而且樣樣都熱度夠，環境清潔，侍應十分有禮，而且細心，見我們叫得多都提我們可以少飯。今餐可以話十分滿意。

曾到訪過嘉兵衛舊店，水準不錯的日式家庭料理，由日本人經營有不少熟客。前陣子結業勾起不少元朗人的離愁別緒，近日在附近選址重開，故此可以舊店重遊了。來嘉兵衛是該要吃丼飯，但是日胃口欠佳雙雙選了烏冬，又貪心挑了幾款小食。意想不到稻庭烏冬挺滑溜，湯身清甜自然，吃得出食材備料上相當用心，能得到我家地獄食評家認證。牛舌、日本蠔都有驚喜，份量亦不欺場。不要小看家庭料理，往往能受到街坊歡迎，能待客如家人般，又能嘗到家的味道，應該屈指可數吧。

💛嘉兵衛元朗馬田路38號怡豐花園地下12號鋪由日本夫婦親自主理的日式料理食店，日系裝修，坐位不多，大家可以book 枱😀餐牌有多款丼物，烏冬，小食等。🍱鹽燒黑豚扒定食黑豚扒肉質嫩滑，有口感，半肥適中，不會太韌，定食已包味噌豚肉湯，入面有大量豚肉，蘿蔔和蘑菇，旁邊有沙律🥗🌸磯辺炸獅子狗卷一份有四件，外層有紫菜味，炸得香口，小朋友勁鍾意食🌸名古屋風味雞翼單邊雞翼，非常入味，醬汁有黑胡椒和蒜蓉，必點🌸芥末辣章魚冷盤份量多，同其他店舖食嘅味道唔同，芥末味比較重🌸溫泉蛋鍋燒牛肉烏冬昆布湯底，配上半流心溫泉蛋，牛肉份糧多，烏冬彈牙，一上枱已經有陣陣香味😋🌸日本甜蝦沙律甜蝦新鮮，已經剝殼，配上柚子沙律汁，鮮甜美味🌸厚切牛舌有兩大片，好香牛油味，表面煎得香口🥰配上大量蔥花,yummy 🍨小倉紅豆白玉㭑茶雪糕🫘一上枱已經勁吸引，小朋友都爭住話要食。口感豐富，外層餅乾鬆脆，有大量紅豆蓉，白玉煙靭，再加上濃郁抹茶雪糕，好好食🤤#元朗#yuenlong#元朗美食#香港#hongkong#食好西#相機食先#hkfood#hkfoodie#食好西#相機食先#手機食先#香港好去處#週末好去處#冷盤#雞翼#定食#烏冬

網上見有介紹的家庭料理店，所以來試試，18:10來到但已經full booking，侍應立即問了可能有客人取消booking, 竟然真的取消了，剛好有位！因為之後很多walki in客人都沒位子了叫了兩個定食, 侍應有提出食物製作時間會比較長, 大概18:20左右落單，最後18:55左右，並不是一整個定食到，而是豚肉湯先上，豚肉湯份量不少，材料很足，是肉塊，蘿蔔塊，不是肉片，蘿蔔片，有驚喜到，但是沒牛蒡略欠豚肉湯獨特的味道 19:05，主菜跟飯來了，有日本家庭料理的感覺鹽燒黑豚扒定食（鹿兒島產 ）$194食物製作時間很長，豚肉湯亦不錯，對主食充滿期待可惜結果是…整塊黑豚扒是十分之韌，表面煎得很乾很柴，味道就是簡單的鹽燒，但豚肉扒有一點點豬騷味，而且一直咬很久才可以咬斷黑豚扒，亦有很多咬不斷的筋…..這次晚飯後，咀嚼很硬的黑豚扒的感覺一直在口腔維持了很久…製作之久跟預想的味道、質感完全不成正比…對主食十分失望…香煎菠蘿黑豚扒定食（北海道十勝產）$194這一個黑豬扒未知是因為不同種類還是烹調不同，肉質軟淋很多，但仍然是煮太久有點韌的感覺…醬汁味道偏酸，只是不是個人喜好餐廳其實門面餐面都很乾

說了再見，果然就會再見！2022年年中位於元朗的日本家庭料理店嘉兵衛突然宣布要休業一陣子，幸好同年年尾她們就在原區重新出發！正所「機會只留給有準備的人」，所以小妹每次去嘉兵衛吃飯都會預早訂檯（看到那些walk-in客戶大多是不成功的）。另，可能是家庭式經營的緣故吧，所以大廚是緣「慢工出細活」的方式準備餐點，心急的食客可能要留意一下，不要不停追問煮餐的進度，反而應該好好享受和朋友一起的時光。點了滑蛋廣島蠔丼定食。先吃3小碟。南瓜沙律很好吃、汁煮蒟蒻很入味、螢光魷魚鹹得有點過火（所以小妹直接把它加進飯裡作配菜）。麵豉湯是超足料，很好喝，超欣賞！如果可以添飲的話，小妹最少可以喝3碗！滑蛋廣島蠔丼本人呢，屬正常發揮啦！滑蛋是滑滑水潤的（廢話！），飯粒是粒粒分明，亦是小妹喜愛的軟硬度。吃完正餐後就是要點個甜品啦！今次選了原個蘋果雪芭。店員把它送來的時候，小妹真的呆了。(它真的沒有違反商品說明條例，整個蘋果呈現在小妹面前！)雖然店員附上餐具，但小妹決定不顧儀態，直接拿起冰凍而清甜的蘋果的頂部小口小口來咬。而蘋果雪芭本人呢，還是要先用匙羹清空蘋果芯入的冰甜蘋果雪芭，然後把軟化的蘋果KO，說真的，超級

今日突然想食嘉兵衛，平時如果要walk in 係無咩可能食到，但都以一試心態先打去問下幾點有位，點知淨係得6:30有位，終是就照book 位，放工即刻趕去嘉兵衛，時間岩岩好😙。入到去，地方比之前舊舖大，而且光猛，坐位都比之前多，又坐得舒服d。裝修好日式而且簡單。味噌北海道十勝產豚肉丼$112依個丼豚肉量算多，豚肉嘅味道真係好濃郁，肉質又好嫩滑，加上味噌嘅香濃滋味，令人一試難忘。鹽麴燒三文魚定食$162三文魚燒到岩岩好同埋有三文魚既油脂，另三文魚既肉質好香同嫩滑，鹽麴味道好香濃！唯一比較敗筆係分量真係少左d如果以依個價錢計。推介跟餐三文魚味噌湯，有好多既三文魚，湯亦好鮮甜。

住係元朗應該都識嘉兵衛 知道從開返 走去試下 我們2個人訂了1815 入座 入座時侍應已通知食物要等耐一點 我們叫了兩個定食加一個小食 小食 30分鐘後上菜 已經算好 兩個定食竟然等了60分鐘才上菜 我明白可能廚房人手不足 但都冇可能等60分鐘掛 因為等太耐已經食慾大減 加上食物質素真係比之前差好遠 麵鼓湯保持到正常是好飲的 但另一個䐁肉 and 豬扒定食 就差左好多 豬扒食得出 是雪藏了好耐的 完全唔新鮮 中間仲有小小血 有小小未熟 所以唔會有下次

嘉兵衛相信好多元朗嘅人都會認識，舊鋪嘅時候我都係幫襯過一次，今次轉左鋪位係內街入面再黎到訪，餐廳光猛左闊落左👍🏻朋友叫咗咖喱吉列豬扒飯（$128）+轉餐有埋豚汁同沙律（$25）睇單價，覺得價錢係有d進取，但塊豬扒上到枱，又會覺得價錢合理。配上日式家庭必備嘅咖喱，入面有少少蔬菜配答我就叫左松葉蟹棒雜炊（$98）好鍾意式日式嘅湯飯，因為佢哋嘅湯底全部都係用鰹魚湯底，配埋蟹腳嘅鮮味，一絕👍🏻小食我地就簡左明太子玉子燒（$58）玉子燒嘅甜味加埋明太子嘅鹹辣，唔會有邊邊搶左味☺️

滑蛋北海道十勝產吉列豬扒丼（$94)午市感覺稍貴，但實際上份量好足，豬扒勁厚切又夠脆，Yummy 仲加左$25多個豚汁同日替沙律😋 豚汁向香港真係少見，佢個蘿蔔係厚切❤️而且味道夠濃。 吉列池魚（$52)池魚炸衣比例好好，唔會太厚成口粉，外脆內滑不得了。

早前見友人推介「嘉兵衞」，可惜已是結業前夕，以為再無緣嘗試；豈料事過幾個月後，友人竟通知它已租到新地方，不久便會再度回歸，大家便約好開業後便去一試！😋幾經波折，期待已久的聚餐，就定在初七人日，好友更特登去買了元朗名物(金蘋果蛋糕)，可惜因趕住還枱，未有時間再嘗，實在白費了友人一番心意，深感抱歉！小店位置隔涉，在大街根本很難發現，要行入內街才可找到；又因座位有限，要分兩輪時間，所以大家約好提前到達，一入座便立即下單，務求要在90分鐘內完成，不過其實都真係幾趕；而且因人手有限，出菜時間又比較慢，差不多夠鐘才上甜品；而下一枱客已在門外等候，大家也只好匆匆忙忙食完；相信如是食第二輪，雖然係夜少少，但應該會好啲。🤔我們因事前已決定，每人叫一個套餐，另加一些少食一齊分享。原來玉子燒都可以有三款，認真誇張，玉子嫩滑可口值得一試；牛舌係友人指定必點食物，自然有佢過「牛」之處；燒魚油潤嫩滑，也很吸引；吉列黑豚豬，更是酥脆有肉香；唐揚炸雞外脆內軟，非常好吃，是必點之一；抹茶雪糕，香滑可口，吃後也完滿結束今次飯局。大家玩得不亦樂乎，笑聲不斷，可惜時間有限，又要趕住還枱，有點未能盡興，只好期待下次再聚！🤗#燒