嘉寶小食 (已搬遷) 新店位置

同事話要支持小店，所以今日放工後一同出去支持。去到店鋪，小小的一間店，只有2張枱，好彩已過lunch 時間，有位。和同事1人叫了個餐我叫了個芝士牛堡$27 跟餐加$15（有汽水、薯條）個包有生菜，蕃茄芝士及牛堡包皮烘很脆，很好味。個人覺得，個牛似唔係美國牛，欠缺美國牛的so味芝士薯波加$15跟餐～很好味，薯蓉包著流心芝士小心熱哦同事叫了個芥末波蘿牛堡$29（加$2轉牛）同事反而好鐘意個牛，覺得好爭食即炸薯條配上BBQ粉，好食

地點不就腳，店舖小小的，不是葵興的街坊就不會去。以上不帶旺人流的條件，大概成就價廉物美的因素。更有不少媒體慕名而來。餐牌是手寫的，簡單清楚不花巧，最平24元，最貴的雙層牛蝦堡，也只不過55元。跟餐13元，包炸物和飲品或湯。不想吃炸的話，再補3元轉凱撒沙律。舖頭只有兩張四人枱，我們坐著短短一小時也有不少識食的外賣客。等吃的時間，可拿起枱上的Marker在牆上塗鴉，大家寫的都很正面。是日餐湯是蕃茄薯仔湯，我聞起來蕃茄味酸了一點，薯仔看起來打得不夠碎，大小不一。友人並沒有把它吃完，大概不太合胃口。我點了最基本的牛肉漢堡HK$24。賣相很好，看它的包和生菜就加分了。嘉寶用了比較硬身的麵包，包皮比一般厚身，中間也很密實，令它很挺身，托得起沉澱的牛肉。生菜夠大塊來分開包和肉。我懶健康要了沙律，完整的大生菜灑上芝士粉和沙律醬，一點都不馬虎。但麵包粒已經不脆了。這個組合是HK$40，咬下去的味道才是關鍵。麵包做得十分好，皮的厚度令烤過的包變得脆口，咬下去能感受到威化。麵包帶微甜，它的密度有質感和彈性。沒有變形或滿枱麵包碎。它的茄汁又多又濃，帶酸甜。而蛋黃醬更是令人驚喜，是甜甜的香噴噴的童年味道。此味道

聽同事講左幾次呢間隱世小店食漢堡包，今日終於去左試，雖然店舖不算大，只有兩三台客。牆上寫滿好多食客既留言，證明好多捧場客！我叫左個芝士牛堡，加左隻蛋！自家工場手打牛肉漢堡，肉質鬆軟，芝士配牛堡無得輸！麵包烘得好脆身，足料到要禁扁d先咬得曬！另外一個豬柳菠蘿漢堡， 菠蘿同豬柳出奇地夾。食開牛既我估唔到豬堡都有另一番口味。番茄南瓜芝士湯都係必叫之選！口感偏杰，夠足料。夠曬濃味，掂呀！ 呢個薯條都好好味，特別在有唔同口味既粉加落去食，今次揀左蒜辣味， 非常香口 ！下次要再試下其他味！總括黎講呢個隱世小店，性價比高，全部即叫即整！誠實之作！值得一試

食左惹味辣汁蛋雞堡，免治雞肉好彈牙，亦好嫩滑，煎蛋剛剛熟，生菜亦好新鮮。但食唔到辣味。整體配搭得好好。跟餐的薯條係粗切薯條，炸得剛剛好，芝士薯波亦值得一試。抵食。去開附近不妨試下呢間小店。

隱秘小店愈來愈好少有，店鋪位置的確難揾，一到就即刻order左芝士牛堡餐，因為實在太多人叫外賣同埋即叫即做，既關係，等左10分鐘終於上台啦啦隊，麵包有烤過所以入口脆卜卜，牛肉漢堡既口感係比較有咬口既一種，唔會成口油林林，但牛味唔算太突出，價錢方面實在太超值了~~~ 套餐另外兩件三角形既薯餅亦都好好味，炸到熱辣辣，食落口完全沒有面粉既感覺，簡直薯味十足呀~~~

上網留意到此小店, 見放假就去試下. 一入到去, 環境唔錯. 好舒適, 鋪面雖小, 但都好整齊. 叫左個"蜜糖芥末菠蘿豬堡" 跟餐.見到都漏哂口水...咬落都唔錯, 塊菠蘿都幾厚, 豬肉都有肉汁bi出黎, 不過如果再煎香d就仲好. 個蕃茄湯都唔錯, 幾入味. 不過就多左少少胡椒粉, 少返少少會好d. 薯條又熱又脆,仲有6,7種shake粉比你試, 試左BBQ味, 下次試下埋其他味. 總捨黎講算幾好, 下次試埋其他小食. 

光輝圍隱世手打漢堡！！！小店位置偏僻到唔偏僻lol簡單來講就係"亂炒一通"對面同老人院隔離本身熟路，所以細妹一講我就知係邊到yaya話說細妹諗住外賣比我，咁我就要左個雙層芝牛，佢話我一定食唔哂，點知7點幾去到已經落左閘。結果今日本放假一個人去食，真係食唔哂。。。。。成個餐＝P小店有8個位，牆上就係餐牌，除左漢堡仲有其他野食，咖哩飯都有得食！（不過我冇影低姐haha）成間鋪1個姐姐一腳踼（舉起大拇指）跟餐就有野飲同薯條，野飲可以簡汽水同蕃茄湯,薯條仲有shake shake粉簡琴日剝完牙，凍野唔敢飲，所以試下個蕃茄湯Wuuuu.....入口係燉爛左既茄蓉，杰身又香噴飲落唔會太酸，唔偕愈飲愈漏同太濃既感覺每一啖都好似飲頭啖湯咁仲有黑椒既小小辣味，淨係碗湯都100分！薯條就冇咩特別，新鮮炸起連埋包純紫菜既shake shake粉，成包除左紫菜就係紫菜lol係嫌個份量少左D，唔夠shake勻一包著條滿清誠意既雙層芝牛第一眼真係冇乜太大感覺，好普通但係一拎起手就feel到熱辣辣個包有烘過，脆脆地入面有茄汁＋芝士＋生菜＋2塊漢堡扒仲有類似沙律醬既sauce以前麥記既big mac未縮水時，我可以一

我一向都好支持小店的！唔係話連鎖店唔好，而係連鎖店業務太大，所以唔能夠每款食品都創新！但我一入到嘉寶小食，我第一個感覺好頭痛！因為太多野食選擇了，樣樣都好吸引，樣樣都想食！最招牌既元祖級漢堡都有九款，哈哈，要選擇食邊款都要俾啲時間！老闆會定期推出新款既漢堡，好有創意，我感受到老闆好用心去搞呢間小店，我好欣賞！我好多野都想食，但無可能食得晒，所以唯有多啲黎啦，哈哈！shake shake 薯條唔需要去麥xx既，去嘉寶就得啦！麥xx最多得三款shake粉，但嘉寶就有六七款shake粉你揀，薯條又夠脆，正呀！上次試左咖喱撈麵，今次我叫左個辣醬撈麵，加左墨魚丸同燒賣！不過我忘記了加底添！所以唔夠飽，要整多樣我既最愛！我既最愛就係呢樣啦，就係炸鴨脾！五香味好香，炸得好脆，而且唔會油膩 大家一定要試！

店距離地鐵站要行二十分鐘，夏天熱辣辣，一入店內已叫汽水降溫。點了一份日式芥末雞堡套餐，配芝士薯波包汽水一罐，total $33. 雞堡肉汁豐富，芥末汁的攻鼻食一口是不覺的，但幾秒後慢慢標升，好刺激，正！ 最佳專業精神獎要俾店內煎漢堡及炸薯條的姐姐，三十幾度對住個爐有冷氣都熱，但你的辛苦好值得，即叫即做真係好好食。三十多度高溫前來食小店漢堡絕對值得，希望香港有更多不同特色小店，不用單一只有大集團食肆。

等當奴叔叔搖一年搖得先幾獲！和風紫菜有排先有又要等將軍返黎，唯有去嘉寶有多款味粉日日有齊唔駛等即叫即整，漢堡牛大件抵死肉汁多味道好可加蛋加芝士加菠蘿。唯一終極挑戰熱死唔夠冷氣，悶焗天氣三十二度食完熱死左。

太耐無寫食評 今日食完嘉寶忍唔住要開返筆因為呢間小店好值得一讚首先店嘅職員服務態度十分之好而家香港一般食肆店員黑面已經係好平常嘅事食野唔洗受氣　已經好似執到實呢間個姐姐仔有禮貌到我真係不敢相信　所以係食野之前已經加左一百分本來想食蜜糖芥末菠蘿豬肉漢堡不過點完之後姐姐仔話無晒肉, 要改牛或雞最後改左牛肉 要加$2即係原本38一個餐變40有一個包、一飲品同一小食 加左2都好抵食因為新鮮即點即整 所以要等一陣間但姐姐仔好快手已經攞左飲品叫你飲住先慢慢等晚上八點左右小小店的坐滿人, 亦有幾個人等外賣過左一陣先上小食 小食有三樣可以揀－薯條、芝士薯波同印尼蝦片愛薯同芝士嘅粉仔諗都唔洗諗當時揀左芝士薯波一包四粒　新鮮熱辣　啱啱炸起　姐姐仔溫馨提示　小心辣口果然外脆內軟　薯仔芝士完美結合　好食！食完小食　唔洗一分鐘　主角上場蜜糖芥末菠蘿牛肉漢堡淨係睇到個厚度已經好吸引個包同舊漢堡都係外脆內軟而漢堡極之juicy!菠蘿香甜!蜜糖芥末汁亦不錯!唯一係覺得菠蘿可能真係match豬或雞會好啲有少少覺得自己轉牛唔係最好嘅配搭但整體真係好唔錯 平靚正 服務又好 心情靚靚咁食完一個美味晚餐呢間小店唔錯到要開返支筆

喜歡吃港式漢堡的朋友可以到葵興光輝圍那邊試一下 , 其實我先是被朋友放在 intagram 裏的鴨髀相片所吸引才引起要追蹤這間小食店 , 隨後我越看越多相關小食店的資料 , 原來港式漢堡才是小食店的主打。告示說明食物是「即叫即做」~小食店又怎會沒有魚蛋、燒賣 , 但連魚手指、仿帶子這些價錢稍貴的即炸物都有 , 不錯不錯 ~ 漢堡包有九款之多 , 而且不再侷限於牛肉漢堡 , 醬汁都是自家調製 , 每塊漢堡扒在未煮前都是足 125 g , 別人是用煎漢堡扒這方法把扒煮熟 , 他們卻把漢堡扒抽真空然後慢煮一小時 , 上檯前再稍稍落鑊煎香 , 難怪吃得到漢堡扒是份外鬆軟 juicy !漢堡包單售每個由 $ 20 - 40 不等 , 轉套餐配薯條及汽水 / 自家熱湯 就由 $ 33 - $ 53 不等。我點的 「蘋果豬堡」套餐 $ 35剛巧店員從外面把麵包帶進店 , 從袋子的外觀上看並非是嘉頓那些品牌 , 難道是特別訂造的嗎 ? 麵包在拼成漢堡前會烘一烘 , 吃到外脆但包肉質感軟熟 , 帶麵粉香。 豬柳漢堡扒厚身而且是比麵包的直徑還要小 , 不會像美式漢堡般是肉扒比麵包大。漢堡內還夾入生菜、蕃茄

聽朋友介紹葵涌開左間隱世漢堡,自己不嬲支持小店,今日終於有機會一試~該店有9款漢堡可供選擇,而我點了蜜糖芥末菠蘿豬堡套餐。漢堡即叫即製,絕不馬虎,麵包咬口軟熟,豬肉配塊菠蘿味道岩岩好,生菜配蜜糖芥末醬味道岩岩好；而自己更欣賞佢地製作既薯條,薯條有4款口味選擇,包括紫菜,咖哩,香蒜辣和抹茶鹽；今次先試咖哩味,薯條炸得香口,混入咖哩粉非常開胃。等餐之際見到該店還有炸雞睥與鴨脾提供,由於炸鴨脾比較少吃,所以點了鴨脾一隻。鴨脾熱辣辣,肉質又夠滑,鴨皮又脆扑扑,真係食完好有罪惡感。該店除了有美味既漢堡同小食外,WIFI都可以提供埋,可以摼返D數據加上該小店服務殷勤,相信下次再嚟葵涌時,該店會成為指定飯堂。