嘉寶小食 (已搬遷) 新店位置

連大J都好推介既#黃店 嘉寶漢堡尋晚終於食到 @kabo.burger🍔叫左個B2黑松露芝士牛堡不過跟餐配既小食賣曬 得返薯格 部分漢堡包亦賣曬 想食到炸蕃薯條 薯條 炸燒賣既 睇黎要早啲去漢堡包有烘過脆口 🍔重點係黑松露醬搽滿整個圓面 咬落好香口 漢堡肉質味道唔算驚豔 不過50蚊個包 尖沙咀食咁大個漢堡包幾抵食除左黑松露醬之外 佢有一般漢堡包既經典配搭 有芝士 蕃茄 同生菜 質素正常 但略覺今日生菜落得唔太夠喉 漢堡食落比較易膩

又來尋找漢堡包店@kabo.burger 呢度有多款漢堡比你揀，有岩愛食肉既（牛，豬，雞，羊）唔想食肉類亦有海鮮（蝦）可以揀。每款漢堡或慢煮小食都可以$13升級套裝有小食有野飲（薯條，薯塊，燒賣，炸燒賣，薯格+$2，凱撒沙律+$4，）。飲品方面除左一般既罐裝汽水，奶茶，咖啡外，亦有茶類，較少有既洋甘菊茶都可以係呢度搵到👍雙層芝士牛堡$50 -》+$13，薯條，提子汁面包非常鬆軟，牛肉好juicy,生菜好fresh,芝士係可以溶到成個包都有，正薯條係條條都熱辣辣既粗薯條麻醬雞堡$27 -》+$13 薯塊，洋甘菊茶面包同樣鬆軟，麻醬同雞肉好夾，完全一啲油膩都冇香脆粟米片雞塊配蛋黃醬$20有6件，麥樂雞黏上粟米片去炸，脆卜卜超好食食完熱氣野飲杯洋甘菊茶清下熱😊📍青山公路499號嘉寶大廈地下A-B鋪, Kwai Chung

經常見到有唔同平台報導呢間小食店嘅漢堡。評價都係超高。今日終於有機會試下。一探究竟。芝士牛肉漢堡 $29價錢相當大眾化。論味道，老實說，我自己覺得只是普普通通。漢堡肉牛肉味非常薄弱。肉質過份軟淋，沒有免治肉應有的質感。而且口感有一點“濕立立”，很“黏”的感覺。芝士只係就咁放上面，只靠漢堡肉和麵包熱力，根本完全無熔透。麵包如果選用有芝麻款式會更好。蔬菜算係新鮮。炸薯塊 & 罐裝汽水 (轉套餐 +$13)兩者都係供應商產品。不作評論。以呢個價錢算係幾好。但並不是物超所值。

 年假既最後一日黎到葵興就順便揾埋野食 係網上揾到呢間近期幾岀名既港式漢堡包小店 係葵興地鐵站行過黎都要成10分鐘 其實都幾遠 好彩去到人唔多 唔駛等呢度既漢堡包選擇好多 我睇來睇去都唔知揀咩好就問老闆娘有冇推介 老闆娘就話大多數客人都揀牛堡而坐我地隔離嘅老粉絲亦偷偷提我話呢度既蝦堡就麻麻地蜜糖芥茉菠蘿豬堡 ($29)漢堡包身烤到好鬆軟但又有少少脆 一口咬落去菠蘿汁慢慢滲入漢堡扒入面 漢堡扒既肉汁又慢慢滲出嚟 真係超級juicy 蜜糖芥茉醬再加上薄薄既生菜感覺好fresh不過其實個漢堡包並唔細 要一口咬晒咁多層其實都唔簡單 我自己都食到一手都係汁 不過自己帶定濕紙巾就無問題了香辣煙肉蘑菇芝士牛堡 ($40)男朋友叫既呢個牛堡都唔錯 唔算辣 我好怕辣都接受到炸芝士 ($8 2件)超脆既金黃色外層包住流心既芝士真係好邪惡當日既燒賣太腍 似係擺左好耐 蒸得太耐其實我都幾中意小店 感覺好温馨好有人情味

呢間嘉寶小食店，係網上一直都有唔錯評價，今日有經開個邊，所以就去試下啦鋪頭位置都唔太起眼，但其實離巴士站好近，要搵又唔係十分之難搵既，店內面積小小，只有相信應該係老板娘係廚房再加一個樓面，枱凳都得幾張，店內貼哂餐牌同埋食物啲相，好有充滿人情味街坊小店feel，黎買野食既不乏附近啲學生點左個五香烤雞脾+薯條套餐好快手就炸好送上枱，隻雞脾都唔算細隻，淡淡肉，而且炸得皮脆肉嫩滑，最緊要係又唔會好多油之後再食下薯條，薯條唔同某美式連鎖快餐店個款咁，呢度啲薯條全部都粗身兼且非常脆，而且附有多款調味粉俾你揀，例如孜然，紫菜，BBQ，海台，地獄等等，將啲粉倒入裝薯條袋仔，再搖勻佢，更加好味最重要係價錢十分之親民貼地，絕對值得過黎試下

話說兒時老死有日講起嘉寶漢堡，話好想試下，咁就搵左日星期五晚同佢試試。(基本上，我一個月都會幫襯一兩次，因為近屋企。)我地大概七點半左右就到左，門口已經坐左幾枱人，為左涼冷氣，我地唯有等店內坐位，好在等左五分鐘就有位。一坐低我地就即刻叫野食，點解？一黎依家人手不足；二黎係超多外賣；三黎係佢地係即叫即整，唔會HEA做！最後我地叫左個黑松露牛堡餐同紫菜肉鬆豬堡餐，再加一份我次次必叫的炸燒賣！大概等十二三分鐘就有得食...依個紫菜肉鬆豬堡，塊慢煮豬漢堡熱辣juicy，紫菜肉鬆又係prefect match，邊有可能唔好食~明顯唔係加工貨，絕對係真薯條，我每次都會加酸梅粉，正~扺食炸燒賣，外脆內軟，邪惡之選~老實講，連鎖垃圾漢堡真係無得比，價錢又親民，阿姐忙都甩轆都有講有笑，樓面小伙子殷勤有禮，抵讚，真心推介！

間野本身唔近地鐵站, 作為街坊既我都隔左兩年先食。 終於試左, 發現係極有驚喜粗薯條厚肉好味, 仲有好多調味粉俾你揀,試左紫菜同芝然, 但係我都係覺得茄汁最好食芝士牛堡好入味, 配埋生菜同千島醬好fresh, 再點左菠蘿豬堡包, 包脆, 汁肉香, 配埋檸檬茶係perfect match價錢方面係around 30~50, 呢個價錢, 超越既質素聽講尖咀開左分店而且貴d, 慶幸住葵涌附近可以食平dps.如果覺得時新已經好食既就一定要黎試。

記得之前食時新 真係唔係好食得出佢有幾好食 食完嘉寶之後更加忘記左時新既味道 咁當然唔排除係因為同個ex食既時新 同邊個食既感覺或者會幫回憶既味道加鹽加醋作為一個港式burger 嘉寶真係整得唔錯 肉又夠 醬多又夠味 薯條夠粗 仲送shake shake粉 雖然每次去都要坐出面開張檯坐路邊 雖然每次食都好messy 但係依然無阻我對嘉寶既喜愛 通常食外國burger 都係要話嚿肉幾juicy 啊可能因為我無食過呢度牛肉 所以唔知道 但係我就一直都唔會用juicy黎形容 因為 其實佢係多醬 但係醬都好好食 所以依然開心既 因為唔係牛肉愛好者所有無嗌個招牌burger 呢個菠蘿豬肉都幾好食 同個醬幾match 成嚿罐頭菠蘿放入黎真係好開心 作為喜歡菠蘿既朋友就會好開心 因為菠蘿同豬肉都真係好夾 burger細細地 食完一啲都唔覺得飽飽濟濟 簡直覺得可以再食一個呀 但係唔會 我知道自己唔得 吹下好了

今日到葵涌做野，順路就過嚟嘗試吓期待已久嘅漢堡包舖頭其實唔大間，店員直情要開張枱畀我地坐雖然係星期六，但係都到咗 lunch time，所以有唔少人食緊，眼見得一兩個樓面，反正有時間都唔介意等吓一行三人，一人一個包，落咗單唔使好耐就有野食另外兩個嗌咗日式芥辣雞堡同惹味辣醬蛋雞堡，而我就食麻醬雞堡（$25，跟餐菊花茶同薯格加$15）個包唔算太大，同M記嗰啲包差唔多尺寸，不過餡唔會太少雞肉比較厚，肉質容易入口，加上菜同埋蕃茄，簡簡單單就組合成一個包麻醬雞堡個名聽落好似普通過其他包，但係食落原來一啲都唔平凡我其實唔太好麻醬嘅口感，不過一個包最緊要有咩呀？沙律醬呀嘛，所以兩隻醬混合嘅味道係幾夾、幾特別個薯格就應該係即炸嘅，所以就可以食住個包等，咬落薯仔係夠淋嘅，作為求飽肚嘅小食絕對係及格有餘價錢嚟講廿幾蚊個包，呢個質素算係平架啦

食過了這間小店漢堡包，相信你唔需要去嘗試一些高級餐廳嘅漢堡包，因為從佢你已可得到有質素既漢堡包享受。它一定比好多餐廳都更好，而價錢方面係高級餐廳嘅 1/2 或 1/3。 還有他的薯條係粗款，仲要有成七種口味嘅shake shake粉畀你去混合, 我哋揀了三款，真係好味到不得了！香辣煙肉芝士蘑菇牛堡: 第一啖未食到牛都已覺好好，因個飽焗脆咗小小，放到嘴前已聞到蘑菇及芝士香，到口就是飽、芝士、煙肉、磨菇和菜，呢一刻已有驚喜。再食到牛肉的部份，簡直係會即刻想叫出來“好味呀”😍😍！好明顯係自制手打牛肉，juicy, 鬆軟唔嚡。咁既質哋係邊到食到呀？😗😚😋蜜糖芥末菠蘿豬寶轉牛堡: 朋友話甜蜜得黎只是有輕微芥末味，混得好好。菠蘿+豬，燒過既菠蘿特別甜，痴住豬扒一齊食可助減少豬扒既肥膩感😋😋yummy!紫菜粉我哋揀咗蒜辣、酸梅和紫菜粉。咁多味都比佢諗到?我特別喜愛酸梅!炸燒賣:有魚肉同豬肉兩種味道下面的BBQ蛋朋友話都推介，下次要試試!

愛新鮮感的我甚少連續兩天到同一間餐廳吃飯，嘉寶的漢堡包就是有這種魔力。第一天吃黑松露芝士牛堡 $42 加紫菜 $2黑松露醬汁澎湃，賣相一流，黑松露味沒想像中濃郁，醬汁不會膩，蔬菜新鮮，自家製牛肉漢堡扒保持質素，啖啖肉這兩天都選擇轉套餐加 $13，配飲品和小食，必定要試試鴛鴦燒賣!分別有豬肉燒賣和魚肉燒賣，不是低價貨色，沒有滿口粉漿感，香菇豬肉燒賣彈牙有口感，最出色的是獨家辣椒醬，辣勁強，帶點孜然粉味大愛! 另一次試了蜜糖芥末菠蘿豬堡 $27 加肉鬆$3個人挺喜歡漢堡包裡加菠蘿，清新水果能減低膩度，如能與肉扒味道相輔相成，juicy度大增，便天衣無縫不過這個豬堡令我有點疑惑，味道跟牛堡十分相似，略嫌有點鹹。每次來嘉寶都強烈感受到家的感覺，店主姨姨一家人用心經營，分工合作，與街坊熟客不時互相問候，噓寒問暖。牆上寫滿街坊們的留意和支持，倍感溫暖人情味。個人最愛吃他們的蝦牛堡，推薦

這家漢堡小店在朋友間口耳相傳，聽到的評語都不錯。店子除了有葵涌店，近來還擴充分店至尖沙咀，相信真的是做得好才能開分店吧。芝士牛堡 $27 (追加 烤洋蔥 +$2 煙肉 +$5)初次嚐新店，就選一款最基本的芝士牛堡，外加些餡料。麵包烤得外脆內軟，烤洋蔥香甜，漢堡扒不是爆汁派，但也調味調得好，還有兩款醬料夾在中間。漢堡每一部分都吃得滿意，合起來當然是個出色的港式漢堡。麻醬雞堡 $22 (追加 煎蛋 +$5)小店其中一款特色漢堡便是這款麻醬雞堡，重點當然是獨有的醬料。麻醬有點日式味道，配雞肉漢堡是意外地「夾」。煎蛋就普通，沒有流出的蛋黃液。Shake Shake 薯條、炸芝士、炸雞翼套餐配有小食一款，我們當然選薯條，就是為了吃得又玩得的Shake Shake粉。兩款口味分別是紫菜和蒜辣，想不到一小包粉竟味道濃郁，比連鎖快餐店的無不及。炸芝士及炸雞翼兩款小食就不過不失，最好趁熱吃掉。小店位置不多，若室內滿座就可能要在室外開枱了。另外室內抽氣系統可能較舊，以致廚房的油煙味會輕微沾在身上。另外有看見他們有用某外賣app接單，住附近的朋友就有口福了。

開頭是給佈滿報章雜誌的門面吸引了過去，之後是被它食物吸引了再去 ！口味漢堡包很熱很脆，內𥚃肉厚多汁，除了肉汁多之餘，本身配上的醬汁味道也很讚，很豐富，總之很好吃！環境小小的幾張枱，整潔！服務也很貼心！

繼時新漢堡暫停營業後很多人都概嘆好吃的港式漢堡已沒落，但近日見 "嘉寶小食" 這名字頻頻出現在不少社交媒體平台上，是另一間有名的漢堡店。嘉寶小食最近在尖沙咀開了分店，今日先來其位於葵涌的舊店嚐嚐元祖店的味道。舊店位於葵興光輝圍的一個小角落，不是住在附近的人很難發現有這一小店，就算經過也不會為意這裡會有甚麼驚世美食。店子小小，多客人時會在對出天橋底加開幾張摺檯，所有食物皆由姨姨一人在廚房忙東忙西地製作。點了個蝦牛堡 $49 追加配料 芝士$5 和烤洋蔥$2漢堡即叫即做，埋砌得很高店方沒有提供餐具，是鼓勵食客以最原始的"手"法吃漢堡包嗎？用手吃雖別有風味，但醬汁會不斷滴下，女士嘴巴也不夠大，吃得較狼狽，所以我還是選擇逐層擊破。包身鬆軟，食材新鮮蝦肉彈牙厚肉!是我吃過最好味的蝦堡牛肉口感較淋，完全吃得出是自家以免治牛肉碎製成的零加工漢堡扒整個漢堡包出色得無懈可擊加$13 可轉套餐，有一小食和飲品。蕃薯波波香甜可口，不會太油膩。牆上更寫滿街坊的鼓勵說話，可見嘉寶深得民心若要跟時新比，個人認為嘉寶絕對不會被比下去，是少見高質的港式漢堡值得推薦。

最近得知嘉寶小食於尖沙咀開設分店的消息，才想起數月前攀山涉水走到葵涌只為拜訪它一次的狂妄，瘋狂但值得。屹立紅磡半世紀的時新快餐店是香港首間引入漢堡包的餐廳，作為港式漢堡的始祖，一直以來人氣高企備受追捧，直到數月前突然暫停營業仍沒有機會一試，頓時成為了包括我在內不少人的遺憾。身為一個香港人，我始終對港式漢堡有著一種情意結，時新快餐店的結業是否就象徵著港式漢堡同樣已經走到盡頭？腦中忽爾浮現出一個平凡但卻埋藏於心底已久的名字——嘉寶小食。早於兩年前它已經成為我頭號收藏餐廳之一，卻因地理位置於我而言實在過份偏僻而遲遲未有決心到訪，如今時新快餐店的結業彷彿就是無聲無息地提示著我及時珍惜一切，生怕再生遺憾的我終於下定決心長途跋涉前往。漢堡分為牛、雞、豬、蝦四大類，另外更有提供撈麵、魚蛋、燒賣、雞脾、鴨脾等小食。店內座位不多，牆壁上除了張貼著餐牌之外，背後七彩繽紛的牆壁定必是焦點所在，仔細一看發現原來是由客人一筆一劃寫上的評語及支持字句，這大概就是小店總是洋溢著溫馨氣氛的原因。菠蘿蝦牛堡 ($54)三心兩意於蝦漢堡及牛漢堡當中躊躇不決，瞥見原來有一款蝦牛堡能夠一次過滿足我貪婪的兩個願望，而身為一個「