嘉麟樓

营业中

休息中

半島酒店嘉麟樓的奶黃月餅多有名大家都應知道，不過飲茶我又真係未試過喎！跟好友們約生日聚會，壽星正選了米芝蓮一星餐廳嘉麟樓！ 首訪嘉麟樓給我想像以外的美好感覺，典雅的裝潢、親切到位的服務，也令我留下超良好的印象！ 是日要留肚吃生日蛋糕！所以只點來了數款點心分享，總括出品穩紮穩打沒投訴！ 叉燒酥＄96熱烘烘香脆可口的酥皮吃下一點也不油膩，內裡的叉燒餡香甜恰好！ 我選了飲茶必吃的蝦餃＄88，圓潤的造型反映了餡料的豐盈度，澄皮不黏牙但不算透薄，餡料內的蝦肉很爽脆，調味也恰到好處！ 這天最得我心是這芋角＄104，粉淋的荔芋香氣非凡，餡料是鮑魚及雞肉配合起來天衣無縫，外酥內香誘人非常！ 我們更點上兩款腸粉來品嚐，鬈毛豬叉燒腸粉和帶子腸粉＄118，腸粉不算滑不溜口，可惜足料又鮮味的帶子挽回不少分數！ 而鬈毛豬叉燒腸粉＄98看到已知有多足料，滿滿的鬈毛豬叉燒正是快樂泉源，添上香甜豉油吃增加滋味。 素聞半島的鮮果忌廉蛋糕非常出色，一試下果然可口美味，揀手生果新鮮非常，甜度亦我是喜歡的，而且蛋糕濕度也完美，要好好記著這反樸歸真的口味！

今年生日老公安排嘉麟樓食晚飯，平時只知呢度月餅出名，唔知晚飯係點。。。當晚點了廚師時令套餐前菜有兩款: 蟹粉小籠包&匈牙利鬈毛豬义燒义燒入口即溶 小籠包就正正常常第二道菜:南瓜蟹粉拆魚羹個賣相已經好靚，個羹勁多蟹粉勁鮮味，而且食得出唔係溝蛋黃第三道菜: 係另外自己追加大閘蟹令人難以忘記嘅蟹膏，入口甘香到充滿成個口腔，肉質雪白飽滿，絕對不是普通平價貨。第四道菜: 蟹粉水晶蝦球個賣相好有心思，滿滿嘅蟹粉浸住了少少蛋白，再加了爽口大蝦球在裡面，超級滿足!第五道菜: 蟹粉粉絲蟹鉗煲又係滿滿嘅蟹粉淋在粉絲上，大大隻蟹鉗又唔會比蟹粉蓋過本身嘅鮮甜味，非常配合。最後一道菜: 松露醬鹿兒島牛崧炒飯食到呢樣已經飽到一個點，可能之前太多蟹粉太好味，令到個炒飯無咩驚喜。甜品: 薑汁糕 & 薑汁湯丸兩樣甜品都唔太甜，非常好食。

環境3分：有人送到門口，唔使自己去拎，環境如何不得而知，不能評價地畀三分。衛生5分：兩層月餅盒入面有八隻迷你月餅，隻隻獨立包裝，衛生可以畀滿分。服務3分：都係果句，有人送到門口，唔使自己去拎，服務如何不得而知，不能評價地畀三分。味道4分：就咁食舊月餅呢就有啲乾乾嚡嚡，扣佢一分先。但係用塊濕紙蓋住叮番嚟食就潤番好多，所以加番佢一分。除左個蛋黃中間乾Ｄ，其餘Ｄ奶黃就好軟熟，又唔會話好甜好甜果隻，所以再加多佢一分。抵食3分：半島個奶黃月餅確又真係幾好味嘅，不過好似同其他公司果Ｄ質素差唔多姐，值唔值得同人去搶呢都只係睇你係咪追名牌。

半島酒店-----嘉麟樓月餅一盒8小個! 屬於迷你月餅! 個人覺這個size剛剛好, 食一個就感覺有滿足的感覺了!!若是傳統size, 食一個就會有超標的感覺!!打開盒已聞到香味，因佢沒有獨立包裝!不過以現代衛生標準, 加上是以嘉麟樓的名聲, 配以獨立包裝會更好!!味道就幾好食!! 個人覺得恰到好處!! 味道整體平衡等好好, 個人覺得幾好食!!! 上網check過價錢, 半島賣$550元一盒! 值不值就見仁見智!!!!!

今年先後吃過三款奶黃月餅。第一款是奶黃始祖嘉麟樓，去年已吃過，未知今番再嚐水準如何？硬盒的包裝沒有變，放在雪櫃裏一樣的霸位，一樣的難抓。但古色古香的風韻猶存，尤其兩層似是中式抽屜般拉開，蠻懷舊的。最重要的當然是奶黃月餅本身啦！去年吃的時候貪快沒有加熱便吃，餅皮壁咚的掉了下來。今次一於叮叮才吃……詎料餅皮仍是超級脆濕零落，千萬別按，因為一拿即散。小人好不容易地掐起一舊來拍照！奶黃餡激香，甜度適中，不愧為奶黃月餅的一哥。差就差在餅皮，奶黃餡真的無得輸。

好耐冇嚟過嘉麟樓飲茶竟然臨時定位都訂到今日嘅口味突然有啲想食辣看完整個Menu 最令我心動的就是蟹肉酸辣湯另外大家也不是很肚餓 叫了幾個點心其實與其說他用料上盛不如說他做得更出色的是他的氣氛及環境格局非常cozy 舒服😌蛾姐潮州粉果 不過不失冇乜特別 略嫌芫荽有點多黑毛豬叉燒腸粉 腸粉很滑很薄很晶瑩拍得住陳漢記 但叉燒略嫌多 下次會試吓帶子腸應該質地會更好雞紮 冇特別蟹肉酸辣湯 不知是否口味問題這個酸辣湯幾滿意 還是現在外面的酸辣湯都太hea了 打包了合桃 但最後唔記得拎大頭蝦作風怎樣改也改不了🤦🏻‍♀️

很失望 去飲茶 雞扎 D雞吾熟 送左個掦枝甘露 本來飲開壽眉 加水后拿了個烏龍茶 真乌龍其他食物不過不失 完全沒有驚喜 食物不如香宮和福臨門 而且人手也不夠 5 星級不外如是 不會再去了 ！

嘉麟樓飲茶就多，食晚飯就第一次。反正今年媽媽生日諗唔到去邊到食，就去間相熟既比較方便。 其實除左嘉麟樓富貴雞要預訂，其他話限量供應既即場叫一般都會有，所以都無再預留其他小菜。我地一向唔鍾意叫餐，所以當晚都係散叫。我姪仔好鍾意隻富貴雞，因為有得玩，可以拎住個錘仔扑碎外面層泥。 但隻雞味道普通，無驚喜。 反而夏天廚師推介有一品螺頭冬瓜盅, 清清地，味道唔錯。 細佬佢哋好鍾意個匈牙利捲毛豬叉燒，而經理又好醒目同貼心地一早幫我地預留左一份半， 實在抵讚。 至於其他晚飯小菜可以，但唔會有太大驚喜。個人覺得都係飲茶比較好，不過如果諗唔到去邊到食飯，呢度又的確係唔錯嘅選擇，因為環境及服務唔會令你失望。

鑑於我家母好重視舊曆生日亦因為我地係佢新曆生日準備左驚喜所以係佢舊曆嘅日子去食嘉麟樓 伴碟的美味合桃都如正常的香脆, 也不過甜 花膠醉雞煲足料的花膠(收費咁足唔足料都幾灰心)香濃的酒香再加上雞肉好補身的感覺 帶子芋頭餅香脆不油膩芋頭也香 匈牙利鬈毛豬菠蘿咕嚕肉咕嚕肉上了醬也很脆身又係啖啖肉配上新鮮菠蘿好味道 乾清八寶鴨(半隻)見個名應該好功夫菜嘅感覺可能因為係半隻立刻少了這種感覺鴨身下也有滿滿的料子但好像並沒有將鴨的香味吸到材料內 鮮淮山畔水芹香這個好清新的素菜全部炒後仍爽口而不會很油好味道 蟹肉金絲米粉炒得好乾身好味道眼見每條米粉都掛上了蛋應該要很好功夫才可完成 龍蝦湯泡飯龍蝦湯超濃味若泡飯有脆身一些更好味 黑糖蜂巢糕 + 紅棗糕蜂巢糕超好味淡淡的甜紅棗糕反而唔算特別自己整嘅更香濃 飯後小點心笑口棗鬆化千層糕沒什麼特別 服務當然一流啦環境都非常好間中食下都係一個選擇

週末時間去嘉麟樓嘆杯茶食點心，真係賞心樂事，餐廳裝潢高貴典雅帶點懷舊特色，環境寧靜舒服。兩人點了4個鹹點心和1個甜點心鮑汁瑤柱珍珠雞，瑤柱大大粒放在中間，糯米飯煙煙韌韌，香濃鮑汁餡料一齊食好美味。香焗叉燒酥，外層焗得金黃色而且好香脆，一啖咬落去一層層酥皮好鬆化，叉燒粒和醬汁都好入味。XO醬炒蝦米腸，腸粉炒得很乾身，加埋XO醬微微辣味滲透入味蕾好惹味。芹香水蓮三色素餃，素餃好有特色，有芹菜，香菜，貢菜三種不同蔬菜。乾清棗皇糕，口感好煙韌，味道不太甜帶有香濃紅棗香。

早陣子一對朋友因外遊未能到訪五星盛會，轉贈友人以為執到寶，一起與小人盛裝赴會。鵝肝醬乳豬好味是好味，但乳豬醬得三點，怎「車」都「車」不到整舊乳豬，教人如何是好😰？伴碟墊著一塊枯乾了的楓葉的物體……又吃不入口裏……老實說，小人未去到這個呢，未懂欣賞到這個地步。石榴球就是一包的炸團，炸雲吞一舊。松茸淮山杞子燉桃膠，燉湯中之極品……無油是無油的，只是同樣地是無色無味的，燉成這個樣子，跟冲水焗的差不了幾皮，何來燉湯的滋補養生？香煎龍躉扒，浪費好一塊龍躉，肉靭不特已，更是汁還汁，肉還肉，失敗中的失敗！芝麻脆皮雞算為較好，起碼多芝麻，有舊雞肉落肚，但坊間不乏如斯菜式，高出有幾多。黑松露蝦蟹肉炒有些小蝦有些蟹肉碎，叫做雜雜碎碎炒埋一碟，但以五星級酒店而言有何矜貴之處。吃到此處肚子仍是大半懸空著，一個不留神，竟然這麼快到甜品？？小人不禁倒抽一口涼氣，早知多吃兩碗飯！！甘露芒果布丁吃不出如何的甘露，就只是一杯芒果布丁而已。甚麼黑糖蜂巢糕更加不知所謂，甜不夠甜，口感無感，縱使加有金箔亦徒貝虛形。吃完我們要吃魚蛋粉補飛。之前吃月餅還可，今番一吃，大打折扣。

幾年前黎過食晚飯同飲茶，已經愛上呢度，因為平時食飯飲茶啲酒樓餐廳都好嘈。但嘉麟樓就好靜好舒服每次一坐低就有楓糖合桃食，好香好脆，真係會食唔停！如果唔係要留肚食點心，我一定會一個人食晒成兜，ｈａｈａ～今次因為多人食，可以叫多啲點心，樣樣都好似好好味咁！個燒腩仔真係好好食～真係皮脆肉靚！無得輸！又叫左個龍蝦餃，除左好味，我都唔知講咩好！仲有個松露包都係我最愛！岩晒我呢個松露怪！本來想叫個醉雞，但見倒有個廚師推介既花雕醉雞花膠煲好吸引，就叫左黎試下！一黎到已經好香，有陣陣花雕酒味，個湯鮮到不得了，啲花膠同雞都好滑，好味到我地連湯都飲晒！好正！下次黎都要叫返呢個食！

如果免費讓你在半島酒店吃一次免費餐, 你會選擇在那一間餐廳? 醒目仔的你, 當然會揀最貴的那間, 那一間是最貴? 段估 都是法蘭西菜吧..., 法蘭西餐廳最貴, 那最平會是那一間呢? 如果以平均消費來算, 應該是嘉麟樓吧, 所以, 我很豪氣地請了同事去半島酒店食飯, 但又想慳錢, 來嘉麟樓飲中茶, 平均每人二百幾元就攪掂.安排上一層的雅座. 就是我豪氣地講了句: "... 半島酒店食飯, 我請!!"但姑孤寒成性的我, 又點會捨得呢.., 所以 攪盡腦汁, 算盡辦法, 來嘉麟樓午市飲茶, 兩位, 六件點心, 連茶錢, 四百八十, 還要用有85折的獅子銀行信用卡找數, 最後每位只是二百三十元, 簡直係超值... (窮L唔好流口水...)餐前小食是蜜餞合桃, 高級酒樓, 絕不吝嗇, 差不多是超市五十元的包裝份量, So..., 區區五十元而已, 每件點心收貴些少就打個和了, 哦... 還有那... 每位三十二元的茶錢... , 老友提醒我, 前幾個月去過 位於太空的天龍軒, 茶錢是每位六十元正. 係..., 現在只是一半價錢, 我當堂覺得... 太便宜了..! 哈..哈..哈...正是那..

聖誕節普天同慶日子，希望不分宗教，這是我最喜歡的節日，各大商場聖誕裝飾繽纷，尤其是酒店，尤其是半島，所以襯此機會邀約長輩到此午膳，感受聖誕氣氛，始终半島在他們心中懷舊及高檔。早於2星期前訂枱，高高興興團聚一翻，只因掛住跟他們聊天，未及仔细品嘗每樣點心，令我有印象：白汁蟹肉石榴球，餡料好幼滑，不知是否等耐才吃，皮唔夠脆；陳皮野菌牛肉賣，陳皮是我喜，肉質彈性，新鮮；蟹肉金絲米粉，好爽口，鬆身，乾身又不油膩，有味又唔咸；蛋白杏人茶,香濃杏人味，自家礳，稠/濃味過最近萬麗酒店滿福樓。我時常鼓勵、引導長輩，捱咗一輩子，晚年要好好享受，唔好咁慳，能付出的對自己好些，兒孫自有兒孫福，莫為兒孫當馬牛。

很多人都喜歡在中秋節前或中秋節正日吃月餅，而我和家人一般都喜歡過了中秋節後才吃月餅。大概都是因為很多月餅都是中秋節正日收到的。雖然朋友早早就在中秋節前送了麟樓迷你奶黃月餅給我，但我和家人在中秋節後才把它吃掉。言歸正傳，沒想過朋友知道我特別喜歡吃奶黃月餅，所以特意送我一盒來自嘉麟樓的迷你奶黃月餅。他們的迷你奶黃月餅出名程度已經不用多說，但今次才是我第一次吃他們的奶黃月餅。外觀上，迷你奶黃月餅的盒子看似平平無奇的正方形盒子，但其實打開盒子後才發現它的設計相當有心思又美觀，同時又帶點高雅。打開了盒子後，先看到第一層的月餅有四個，然後左右往外趟開後另有四個月餅。由於他們的月餅都是新鮮製造，所以沒有獨立包裝。月餅上印有嘉麟樓的logo，大小方面都跟坊間所見到的奶黃月餅差不多，不會很大，所以一人吃掉一個也應該不會太難。用焗爐加熱後，外層的月餅皮的顔色明顯變得更為金黃，輕輕用刀切開後便看到橙黃色而油潤的奶黃餡。外層的月餅皮鬆脆而富有濃郁的牛油香，而內𥚃奶黃餡好的奶香味和椰香味都比蛋黃的鹹香味濃郁，口感細緻幼滑，同時又不帶過份膩滯的感覺，口感和味道都相當出色，難怪他們的奶黃月餅如此出名。奶黃月餅雖然做