嚐越 (已結業)

放假 要出九龍灣德福 影野做完野 當然要食野 近水樓台 就去嚐越見到 個 c set好吸引香茅豬扒+嚐越春卷+迷你撈檬轉飲 越南三色冰 共 $57等左6-7.mins左右就到lu雖然下午茶個量 好似好少但勝在樣樣都有d個炸春卷 炸左個米紙 +粉絲 物體個紙有d硬 但配料夠爽口而個豬扒 好香 香茅味熱辣辣而且塊豬扒好軟熟睇下 d肉 仲好嫩囗而且味道唔會鹹 啱啱好跟手食下個撈檬 落左個撈檬魚露 好開胃加埋d配料 最後 呢杯 越式三色冰係椰奶+星星 椰果+紅豆泥+栗子粒口感都好豐富 唔會話好甜但好香椰奶味

同朋友睇演唱會之前 覓食 搵到呢間嘢， 見價錢ok就去試下。 食過咁多間越南餐廳， 呢間真係我見過嘅最對得住價錢同最夠份量嘅。味道又很不錯， 啲阿姐服務態度又超好超貼地。 一定會返轉頭幫襯。

嚐越：名字改的不錯，一講朋友已經知道食越南菜，又近MTR,無論晴天雨天也不用擔心，位置方面卻不太起眼（處於角位不及其他食肆），幸好座位都很舒服而且枱於枱之間不會太接近！蝦膏炒嫩菜：菜很入味，不會太濃南乳吊燒雞半隻：不知道是否錯覺，好似不像半隻，但勝在新鮮嫩滑又好味！菠蘿炒飯：賣相有少少特別，好似盆景藝術一樣！三越二人份：每樣小食兩份 ，蔗蝦賣相最吸引，粉包的皮很像自家製一樣，口感不錯！豬扒撈檬：份量及賣相已經很吸引，味道又好，很快就被KO了！最後更開啟第二個胃（食甜品）😅我非常喜歡吃雙層香芒黑白漢堡，比泰式的做法更出衆👍

又到中午搵下午茶既時間 (2點!) 來到了環境幾舒服的越式餐廳蕃茄蟹膏湯檬第一啖試下湯，好有蟹膏味，好！ 只要蛋花碎而不見蟹膏但有蟹膏常擦存在感~😉 加上蕃茄湯同蕃茄，係幾香既~配料: 魚腐(?)一件: 幾香本菇(細細粒頭仔好滑個啲,普通蘑菇，大隻白蘑菇: 白烚的味道，但有咁多款算有誠意？兩件扎肉: 一般，本身調味一般一束九層塔，一束豆芽: 正常香茅雞翼撈檬同行幾個友人都叫左香茅雞翼撈檬(全轉湯檬湯河😅), 一致評價: 麻麻地，香茅雞翼冇香茅味，唔係平時食開既香茅味之類同行另一友人叫左咖哩牛腩飯，一般，話白飯質地不好吃😩😩整體感覺，下午茶，還好吧，樣子比味道吸引，可能吃晚餐小菜會更見真彰？😅

作為東九龍居民的〈為食小肥兔〉有時放工攰攰地就會喺附近覓食，今天就到九龍灣的〈嚐越〉品嚐越南菜。餐廳位於德福廣場二期，地點非常方便。而且店內座位都很寬闊，坐得很舒適，沒有侷促感。<柑桔話梅特飲>炎炎夏日，先來杯凍飲！！酸酸甜甜的梳打加上話梅的咸香，冰爽又開胃醒神<芝麻豬柳配米紙>見到是餐牌上的必食推介就點了。想不到還有炸蝦條和爽脆青瓜條芝麻豬柳條表面密密麻麻的全部沾滿芝麻粒，非常香濃的芝麻香撲鼻而來口感清爽的豬柳條咬開後內裡的肉肉竟然是充滿肉汁的！連同青瓜，菠蘿，炸蝦條及惹味炸蒜粒一起吃，清新爽脆，口感和味道都極好<椰王青咖喱海鮮焗飯>又椰王又青咖喱，一聽就知香濃又惹味濃濃的醬汁帶有椰汁的香甜和青咖喱的惹味，整體味道香而不辣，配上海鮮粒後真係成個焗飯一個人擦晒南乳吊燒雞（半隻）<小肥兔>最愛的吊燒鷄當然要壓軸介紹來到的時候真的超~香~吊燒雞的外層燒得夠香脆而且肉質咸咸香香又嫩滑，質素極高，絕對是必食之選！！其實還想說這個足10吋長的特大虎蝦，但是真的太飽了，唯有留待下次吧。

九龍灣開咗一間越南菜-嚐越😍 性價比高！足料！越式春卷 爆多餡料 一咬落去 嘩！ 勁多餡 好滿足！蟹膏湯檬粉 湯底濃郁 有越式豆腐 內有木耳餡料 咖喱牛腩河 一口牛腩 軟腍好味少食蒜蓉青口熱辣辣好好味抵食消暑特色飲品========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*🤩YouTube channel:3badfoodies 三個90後吃貨💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬大眾點評:三個90後吃貨 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_觀塘美食推介..=======================.

午市認真抵食，餐牌可見，多款套餐提供，價錢大眾化，難怪一到午市時間，都出現等位情況！今日我地同行4人食lunch，一共叫左3個套餐，同時都加$15，分別叫左3款小食，有越式炒雜菜，白雲鳳爪，同埋越南網紋春卷 ; 佢地全部既味道都好唔錯，岩曬一齊share食先黎既主食有，香茅豬扒越南湯粉絲，成個賣相非常吸引，香茅豬扒烤得香口切件上，而湯粉絲既味道唔重味精味道，清清地 ; 份量都幾多既佢，係個唔錯既選擇第二主食係，胡椒蠔仔海鮮湯飯，呢個湯飯都幾有驚喜，因為味道真係非常唔錯，飯有口感，湯底與一眾配粒非常配合好足料既佢，整體味道有d似食緊冬蔭公湯飯，夏天時間食都幾開胃，胡椒味道反而唔太強，所以都好易入口，其實幾出色最後一個主食係，安南炒金邊粉，呢個金邊粉唔好睇佢好似炒到一餅野禁，夾起上黎一d都唔乾身，口感重要好好，因為佢就係能夠炒出金邊粉會煙煙韌韌既口感！因為想再食多d唔同既菜式，所以我地再額外叫左其他食物，包括呢個峴港牛油焗青口，唔洗多講，一啖夾起鋪滿越式醬汁，同埋香蒜既青口放入口，真係好正！越南菜中其中一個代表菜式，今日都有佢！就係水晶軟殻蟹米紙卷 (1條)，佢一條既情況下，一共分到3大件

越菜黎講, 個人覺得呢間餐廳唔錯原個菠蘿柚子虎蝦沙律, 又大份又吸引, 虎蝦大隻又彈牙菠蘿、柚子都好多柚子仲要大大舊, 甜中帶酸, 夏天就夠哂醒胃三越就係春卷, 粉包加蔗蝦, 二人份量, 樣樣都可以食D蔗蝦大粒, 蝦肉打成, 所以入口彈牙, 加上脆炸, 外皮夠脆, 真係滋味半隻既南乳吊燒雞外層皮薄, 燒得好脆, 入口好香呢個不得不讚, 牛肉河粉, 湯底帶微辣，入口惹味雖然湯底係好有特色, 但都冇奪去牛肉的味道, 入口牛味依然濃郁，肉質嫩滑

好難得老公早放工過我，黎接我放工。咁happy,梗係出街食飯啦～我地去左公司附近食越南野。估唔到閒日夜晚依度咁多人，好彩仲有位😁老公係牛魔王，先黎點左個鮮黃牛脊湯粉，加左金不換，有重獨特既香味，再配芽菜、洋蔥等，好爽口。湯底用左牛筒骨熬，好濃郁既牛味。主角牛脊好軟，好重牛味，好好味😋食越南野，點少得香口野，所以點左個香脆蝦卷。蝦卷外面脆，裡面彈牙，好重蝦味。旁邊既沙律醬少少辣，好惹味！再配酸菜，令油膩感減退！不過都要平衡返，所以又點左個馬拉盞炒嫩菜。一上枱就聞到馬拉盞既香，通菜顏色翠綠，而且新鮮爽脆👍🏻加上餐廳毫不「論色」，加左好多馬拉盞呢～我就點左我鐘意食既香茅豬排撈檬，加入我最愛既酸辣醋，酸酸、辣辣，微甜，混著爽口既檬粉好好味呀😁香茅豬排既香烤味令味道提升，而且調味入味。豬排烹調得岩岩好，一d 都唔靭。老公無渣車，又可以啤啤佢，點左特色越南啤酒。老公話越南啤酒比一般啤酒味更濃，如果唔鐘意淡味啤酒，一定要試。然後佢提議我飲柑桔話梅特飲，好啦，聽你講啦～話梅粉加話梅既咸香再加青檸既清香，好夾呀！再加上七喜既汽和甜，岩晒咁熱既夏天，令人感到refresh~

在九龍灣德福廣場逛倦了想找一家越南餐廳醫肚就來看看有沒有驚喜頭盤點了越南春卷及香草蝦餅越南春卷脆口伴以生菜同吃有風味香草蝦餅以蝦肉及墨魚挅成質感彈牙有鮮味但得推薦熱盤則叫了咖哩牛腩煲牛腩肉質炆得很軟稔但咖哩味未如預期般突出再來是酸湯牛肉金邊粉湯底名稱特別就抱著一試無妨的心情湯頭特別喝得出用心製造最後粉連湯都吃過一滴不剩因為今天香茅燒豬扒有優惠所以追加豬扒份量巨大有驚喜惟肉質稍鞋但味道很惹味這一頓晚餐吃得滿足二人埋單只是三百多元很超值

是日因為公司產品發佈會在九展舉行，所以相約同事到九龍灣午餐。*胡椒蠔仔海鮮湯飯 ($72)午餐其實都頗抵食，約七十蚊包飲品，又可以加甜品和小食開心SHARE。這個胡椒蠔仔海鮮湯飯個人認為超好食；首先海鮮料好足；湯的味道適中，帶少少胡椒的辣。*香茅豬扒越南湯河 ($68)香茅豬扒炸得很香脆，又不會感覺油膩；河粉很滑溜，不過麵條就碎了一點。*蝦卷 (+$15)蝦卷有原隻的蝦卷在中間；外皮炸得很脆。*啦爺糕 (+$9)暖暖的啦爺糕，煙煙UNUN；不過味道就比較淡一點。*龍眼海底椰蜜 (+$5)海底椰很柔軟，甜度適中，龍眼味濃。

之前曾經食過嚐越的海鮮喇沙，一試難忘，時常都想再來食，甘岩今日老公到九龍灣做健身，而嚐越就在附近商場，今晚晚餐就一同再去回味一下！咖哩麵包蝦：這味餸上枱要即食，因為麵包外脆內軟,還加入了濃濃的咖哩汁，容易令麵林晒，所以要盡快食。脆口的麵包點了咖哩汁食，十分惹味，大蝦已開邊，加入了咖哩汁，咖哩汁不辣但咖哩味香濃！大蝦爽口彈牙！香茅豬扒鮮蝦撈檬：香茅豬扒煎到金黃色，又香又入味，鮮蝦爽口，檬粉加些魚露好惹味！海鮮喇沙：材料豐富，有大魚旦、豆卜、蛋、魷魚、蝦、青口、芽菜，濃郁的湯底鮮味十足，麵底是油麵和米粉，口感滑得黎又有爽口的感覺，真的一試難忘，令人回味無窮！

嚐越，已經唔係第一次黎食！平日都有食開午餐，小弟覺得好味又抵食! 所以德福廣場分店，都有唔少Office Boy/ OL 幫襯呢....如果繁忙時間的話，還要等位呢！今日同屋企人經過，小弟就推介左同佢地黎開飯，晚飯的菜式也不少呢！😋😋香茅豬扒撈檬，撈檬是小弟最喜愛的粉麵之一，夏天食，比熱食更吸引、更加透心涼😎😎酸酸甜甜開胃之餘，豬扒好大塊，份量唔少，豬扒香脆鬆軟，令個撈檬更令人滿足😝😝南乳吊燒雞係令我驚喜菜式之一，吊燒雞外皮薄而脆，肉質燒得仲好嫩滑，南乳醬又夠香濃，屋企人個個大讚滿意！味道比起平時酒樓圍菜的燒雞更加好味出色，值得一讚！👍🏻👍🏻三越小食拼盤：包括有春卷、粉包、蔗蝦蔗蝦蝦肉多而彈牙，入口香而不膩，春卷鬆脆，裡面的蔬菜新鮮爽脆，感覺清新！加上粉包味道較清，令整個菜色精緻飽肚，又有不同的特色，令人更覺滿足😋😋

今日係九龍灣食個越式午餐, 嚐越位於德福商場, 餐廳裝修簡潔光猛, lunch hour 搵食艱難, 真係超多人！！Lunch set 最抵食, 幾十蚊貨仔送埋飲品, 亦可以加錢加配小食/甜品/飲品。一心來到.....當然不能叫兩個 set lunch 咁hea 啦, 搵下有乜其他越南特式菜先。越滴凍咖啡 （加配$12 /凍）開飯前先來杯凍咖啡收一收汗水先, 越式咖啡特色就係用呢隻過濾杯, 即叫即上檯沖比你, 聞得到的咖啡香, 煉奶獨立上, 自己中意點加就點加, 飲完熱氣全消, 充滿力量, 醒神曬。檸汁鳳爪 (加配$15）夏天總喜歡食酸酸mei mei 的東西, 呢個無骨鳳爪祇有酸沒有辣, 個人比較鍾意食泰式的酸辣鳳爪多啲, 辣辣地更惹味開胃。越南牛肉湯河午餐（$65 /包飲品）湯色清澈, 先呷一口牛肉湯, 入口香甜, 帶淡淡的牛肉香, 相信應該係用牛骨、白蘿蔔及洋蔥熬成的, 白蘿蔔熬湯真係有一手, 令啖湯零捨清甜。上枱時牛肉還是處於半生熟狀況, 非常嫩滑, 牛丸都好爽口, 仲有食得出既牛肉味, 唔係坊間嗰啲粉丸, 蘿蔔就好腍甜兼無渣, 還有爽脆芽菜及香口洋蔥絲。呢碗湯河河粉份量真係幾

父親節飯契老豆選址九龍灣嚐越，都好起碼我又可以試新嘢！裝修都幾清雅時尚。水晶鮮蝦扎肉卷 $32我最喜歡小食細細碟價錢又合理可以試多幾款，口味清新👍是日特價只用 $27 就可以換購，這道嚐越脆春卷，皮脆得有點硬，肉料做餡咬落感較乾身🤨另一道米紙卷，水晶軟殻蟹米紙卷，近期合時海產軟殻蟹，炸得鬆脆香口👍咖哩麵包蝦 $115椰香咖哩，麵包太淋，味道一般蟹肉炒越南粉絲 $108這道菜有驚喜，粉絲炒得好乾濕適中，甜甜地清新爽口充滿醬油味👍👍，一食難忘！三越拼盤$118鮮黃牛脊湯粉 （小）$48黃牛脊肉非常淋，湯底都非常清甜可口！整體感覺還是不錯，服務員💁🏼態度積極主動👍餐廳環境優雅潔淨！三人用餐 $532 在九龍灣都算抵食👍