嚐越 (已結業)

我們因工作關係又要到九龍灣徳福廣場，徳福廣場實在多美食，但要食到平價而又有小許質素的，都較為難找！今日時間較趕，只想快快趣趣地食過午餐，之後再返公司工作，因為真的不想遲收工呢！所以我們選擇了嚐越，之前嚐越給我的印象不錯，我本人就最喜愛它的湯飯呢！但今天真的很失望！我選了鮮黃牛脊湯河配青檸梳打，因為覺得它的湯應該不錯，自己又唔想太飽，所以就選了這個。牛脊肉一般，不太差又不太好，還過得去，不過就實在太少，得4-5片肉😱，而且啲肉都係比較薄，真係有啲失望，不可能用幾片肉食得晒一碗湯河呢！而同事就選了咖哩牛腩飯配咸檸梳打，但牛腩亦真的太少了，得2件牛筋及2件牛腩，同事只是用咖哩汁餸飯，真心，都有啲失望！它的價錢亦不像從前一般便宜，現在差不多要50元一個餐，而且個餐真的不太值！味道尚算過得去！我有些不好意思，因為是我提議到這間舖呢！😔

下午茶時段嚟試下越菜。雖然選擇唔算多但四十幾蚊食到下午餐包野飲，喺徳福好難揾。⬇️下午餐menu叫咗個鮮黃牛脊湯檬($48)，不過佢個湯好似唔夠熱。因為牛肉生生地想用熱湯整到佢熟d，但好似整極都唔夠熟。湯檬比較難夾，但湯底入味，牛肉都多。我覺得湯底唔夠酸，可以叫佢比清檸自己再調味。

在下午茶時段order了三個tea set, 一個炒金邊粉熱奶茶, 兩個越南飽配巨鋒疏打, 因餐牌只說明只有巨鋒疏打或熱飲, 便詢問店員可否改為青檸疏打,並沒有說明需要任何額外加錢, 到結賬時查看賬單突然多了兩個+$8, 便問店為何要加錢,?她只已公式回答是需求另收$8, 再質問為何不早說明?跟著擺出一副不耐煩表情,就因為只是$16我們沒再追問, 不過這樣不老實做生意只會換來沒下次

因為唔係太餓，所以簡左食個粉麵做dinner。我同叮叮大約9點鐘坐底，人都算多，岩岩坐滿。招牌生牛肉湯河(4/5)味道鮮甜，蘿蔔無渣。而且份量好夠！牛脊肉牛丸湯檬(2/5)湯底一般，越南香料小小辣既湯。其實係辣湯底有啲出乎意料。餐牌無道明湯底，只係用辣椒評辣度，令人誤會係招牌湯底加指天椒。食物不俗，但員工質素有好大進步空間。一、員工之間無溝通，無walkie?侍應睇唔到我舉手點餐，我果個area係無人serve，直到收銀處有位先生見到我，佢無即時協助，繼續企係原地。二、出餐慢，應對差2個粉麵，大約20分鐘都無得食。我明白就收工要清場，但隔離枱同我地點餐時間接近，佢地大快朵頤既時候，我地都係食一陣風。至於叫侍應跟跟單，佢地採取敷衍態度。應完冇入過廚房問，無睇我地係order啲咩。三、兼職長工服務態度差依頭有野食，果頭要我埋單。我明要埋數，但唔係你企係我隔離催我拎張卡出黎。叫佢等等先，佢十分不滿，大聲同其他員工等陣先喎。以為兼職請人有參差，不足為奇。到簽卡果一下，係個長工姨婕。果時我地就研究緊餐牌，佢又要八，又要唔好禮貌要我簽。事實證明依間毫無服務可言。講真食物都唔差，但前線人就差到爆。但

早前參加了嚐越既Facebook 活動，幸運的被抽中了，獎品係新加坡招牌海鮮喇沙一碗，指定 Kowloon Bay 分店享用。終於趕在中獎限期既最後一日去食「免費喇沙」。十多年來也是捧場客，從前舖位在鄰舖，現在遷至中庭位置，比從前更覺得開揚。Menu 設計仿「玷版」，很有feel二話不說，「領獎」先雖然正值晚餐黃金時間，但「獎品」好快就送到喇！滿以為免費既可能份量會減少啦，但仍舊係大大碗，好足料！喇沙湯底夠濃，香氣撲鼻！海鮮有蝦，青口，魷魚，魚蛋同豆卜等配料也沒有偷工減料。呢款海鮮喇沙湯底據聞仲用上超過十種香料配製：椰漿，紅辣椒，蒜頭，蝦膏，葱，香茅，蝦米，南薑，鮮蝦，魚露 ， 九層塔， 乾蔥， 喇沙葉， 胡椒粉、咖哩粉、黄姜粉、香菜粉、叻沙叶、玉桂， 蝦米 ,花奶,油,喇沙葉,薄菏 我仲extra order 左 芝麻脆豬肉條 $128乾左點，食到kick 喉加上薯條同花生粒，真係乾上加乾椰汁糕也算普通，價錢略貴。不過，無可否認，碗喇沙係好好味既。

今日放工幫同事拎野回家，佢住九龍灣德福，同事客氣話請我食晚餐，多謝我幫忙，她說商場有一間嚐越，佢成日去食，果度係食越南菜為主，都幾好味！海鮮喇沙：材料有魷魚、青口、蝦、豆卜、大魚旦、雞旦。湯底濃郁帶少辣味，大魚旦超彈牙，豆卜沾滿了湯底好惹味，油麵和米粉有不同口感，好好味，我連湯也飲晒呢！原個菠蘿咖哩海鮮炒飯：份量不少，飯粒粒分明，有咖哩香味，大大隻蝦爽口，還有菠蘿和其他海鮮切粒炒，味道不錯。法國牛油蒜蓉雞翼：皮脆肉嫩，有牛油和蒜香味，香脆可口！

春天來了，又到了換季的時候，為左去大型連鎖店shopping，今天去了德福廣場，穿過了那條充滿香薰的天幕大道，扶手電梯連接到商場的上層，沿着電梯轉啊轉，每層都食肆雲集，而且人氣極旺，相信能在此立足的每間食店，都一定有過人之處，唔駛考慮了，一於break 1 break , tea 1 tea沿著扶手電梯上到4/F，已見一排一排的卡座環著商場的外圍，感覺很悠閒，雪白的招牌簡簡單單寫著（嚐越）。正在打量之際，服務員一聲歡迎光臨，不期然的就走進了這間餐廳坐下來。甫一坐下，服務員端上了兩杯清水，玻璃杯子清瑩潔凈，見微知著，印象加分。我們正值下午茶時段，一眼望落個餐牌，最貴的也是＄55元，還可以加配特色飲品、越南小食或甜點等，超值呀。河內雞絲越南湯粉絲，雞湯清甜，粉絲爽滑，粉絲浸在雞湯之內，一口一口的，唔覺意就吃光一大碗。意猶未盡，再研究一下餐廳的菜牌，單是小食也有很多選擇，越式春卷，粉包，庶暇，還有蒜蓉包，牛油雞翼，真後悔只得兩個人，不能多吃幾款。越式拼盤唔使講，一定靠得住。不得不提軟殼蟹米紙卷，卜卜脆的軟蟹包在薄薄的粉皮內，加埋米粉配菜卷成條狀，點上酸酸甜甜的汁料邊有得輸呢。因為今次是即興而

某日 , 到 九龍灣 - 德福廣場 行逛 ,  並在這間 嚐越 吃晚餐 ~Menu ~麥片椒鹽軟殼蟹 : 上桌時是熱騰騰的 , 炸得酥脆金香 , 亦因為有麥片入饌的關係所以絕不油膩 , 真是外脆內嫩 , 蟹肉的味道鮮而不腥 , 極度惹味 ~河內湯粉配生牛肉 : 賣相十分吸引 , 份量也夠重手 , 相當夠睇頭 , 這碗湯河很是足料 , 有生牛肉、金不換葉、青檸 等 ; 湯頭味道清香 , 味道濃郁醇厚 , 一入口便嚐得出是以牛骨熬製出來的鮮濃之味 , 每一口都是精華 , 每一啖都是鮮味 ; 河粉幼細滑順 , 口感煙韌而且富有米香 ; 生牛肉的肉質鮮嫩 , 味道富牛肉香 , 很好吃 ~本篇完 ~ 

今晚同朋友去九龍灣睇完戲, 到附近搵下有咩平野食, 經過見到呢間食越南菜好似唔錯, 而且餐廳內人流都幾旺, 抱住應該唔會中伏既心態入去一試。呢度既食物款式都幾多, 而且價錢不算太貴~【鮮芒果雪糕沙冰】HK$45沙冰打得好幼細, 就咁飲雖然有少少酸, 但夾埋芒果雪糕一齊食, 中和左酸味, 而且芒果味幾突出, 仲有少少果肉食下。【手打蝦多士】HK$58多士烘得略帶脆身, 釀了大大件手打蝦肉, 蝦肉好厚身, 鮮甜彈牙, 當中仲有少少蝦肉粒增添口感。【水晶軟殻蟹米紙卷】HK$36軟殻蟹炸後不帶油膩, 很酥脆, 薄薄米紙包住有粉絲、蘿蔔絲、青瓜絲, 口感層次豐富亦帶點清新, 點上酸酸地既越式汁醬, 更加開胃。【海鮮喇沙】HK$68呢碗喇沙果然很足料, 隻蝦雖然稱不上超爽口, 但總算不是死蝦質素, 大大粒魚蛋鮮甜彈牙, 魷魚非常爽口, 湯底帶微辣, 仲有幾件吸味既豆卜, 更能吃到湯底精華, 非常惹味。喇沙平均以吸湯能力較好既米線, 再混合麵質較為彈牙既油麵做麵底, 兩者加起一齊食, 味道跟口感同樣兼備, 很喜歡!【香茅豬扒湯粉】HK$65香茅豬扒大大塊, 肉質林而不油膩。滑滑既湯河同樣地大大碗,

九龍灣要食越南嘢，呢間一定要推介，環境舒服唔再講，食物質素亦在水準之上前菜都十分精緻，餐具也十分講究這個串燒熱騰騰，很不錯，不油不膩，因為和朋友都十分肚餓，差點忘記拍照，好彩還剩一串這個蠔仔肉睡碎湯飯，有鮮蝦、香芹、蠔仔，特別開胃醒神，不過提提大家小心燙口我朋友叫了一個咖喱牛腩煲，煲仔上還有慢火保溫，誠意十足，絕不欺場，咖喱香，牛腩肉味濃，有咬口唔會UN我們不約而同都order了巨峰提子汁，淨係睇賣相心情都已經提升不少，不過就覺得甜左少少，始終香港人現在都會注重健康，少甜小油少鹽是常識吧總括來講，係一個食飯傾計的好地方

下午茶餐F.$48魚旦用豆卜皮包住，檬粉幼滑。最重要辣椒絲夠多另外加了碟雞翅$29，原本是2隻全奕，現在改為4隻雞中奕，一個人吃都可以。但略遜的是雞奕有雪氣味同有點雞蘇味，尤其第一啖咬落去時。順手取枱面的魚露沾，味道較好點。加一埋單$88 一人下午茶，勝在位置多和夠静，店員服務都好好。

今晚約左朋友聚會、放工後有點空檔時間、同男友搵地方食少少野先、去到德福廣場、佢有幾層都係食店、覺得越南野簡簡單單、就選lee間啦！店鋪地方光猛、簡潔整齊、坐位都唔太迫；我地點了煙肉蒜蓉包、炸蝦卷㩚粉同軟殻蟹米紙卷。蒜蓉包上枱時熱騰騰、夠香脆、比平時出面食既不同、佢全個包面都滿滿蒜蓉、有少少煙肉碎、好好食軟殻蟹卷、大大件、材料十足、蟹炸得香脆、裡面仲包著大量米粉同蔬菜條、感覺無咁熱氣檬粉都係有好多菜伴著、加入佢地既酸汁食、好開胃、好清新、用腐皮包著蝦膠整成既炸蝦卷同樣香脆可口今次因為輕食、所以叫左少少啫、但係都試到佢都幾好食；而且見到佢地會推出一d晚餐特價菜式、下次再黎就試埋其他啦！

前排喺德福跳完舞，就去咗附近商場到搵嘢食。由於口渴嘅關係，突然好想飲椰青，於是就去咗食越南菜。食越南野點可以唔叫湯粉呢？諗住同朋友兩份share，所以就叫咗一份鐵鍋火車頭。上菜時見到個窩大大，不過入面唔算多餸。配料有齊牛肉片、牛栢業及牛丸。餐廳有不同煮法的菜，大家只要揀菜同鍾意的煮法就可以。今次我們就揀左蝦膏炒通菜，通菜煮完的軟硬通度剛好，另外蝦膏都好香！如果大家同我們一樣係晚市時段惠顧，可以用半價$27要一份嚐越脆春卷。春卷的皮炸得好脆口，入面的配料都幾Juicy。飲品方面叫左一個椰青及柑桔話梅特飲。椰青非常青甜，不過略微有D唔夠凍，特飲的柑桔及話梅味都夠出。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

每當想吃的清淡點就想吃越南菜一碗熱乎乎的湯河已很飽足嚐越吃過很多次 都是正常的越南菜之選店面光線充足只是位置有點偏僻不過因此人流比較少店員遞上的是溫水店面整體整潔牛肉湯河是必點湯頭很甜很有牛骨味道 pad Thai 也是維持水準通菜也不會老 很安心地點的穩陣菜式一般在越南菜餐廳 點的都不外乎幾道菜但就可分出每一家的味道如果芽莊的牛油雞翼是8分嚐越的是6分很香牛油味但雞翼本身不算大件芽莊的脆皮之餘肉汁豐富 這裡有點乾身芒果青檸梳打甜甜酸酸 小朋友大愛這咖啡也是越式風味 記得下煉奶才對又是美味的一餐

今日約了朋友去九龍灣逛街，行到肚餓了，就搭車去德福搵食。我同友人都漫無目的行過幾間餐廳，因為我倆實在太肚餓了，所以揀了間唔使等位的餐廳試一試。一入到去，望落餐廳設計簡簡單單，有少少「家」的感覺。再望一望menu，見到有半價優惠，差不多枱枱都有叫，當然要試一試啦！見到menu上面的湯粉好似好吸引，所以我們叫了兩大碗一碗叫了「鮮黃牛脊湯粉」(例牌) $68一心諗住上枱時似「生牛肉」，可惜碗湯粉上面的牛脊一到已經熟晒味道亦一般...另外叫了碗「蟹膏湯檬粉」$85賣相不錯，滿心歡喜地喝一口湯，點知一試發現湯底的紅色原來是來自蕃茄......明明menu寫著的是「蟹膏」，但味道全是滿滿的蕃茄味，頓時覺得味覺完全被騙了好失望最後上場的是燒豬扒雖然是日半價，但份量足。肉質較為乾身，有少少薑粒去除雪味，價錢尚算合理。特別一提的是，原來枱上的暖水有一點點的檸檬味，可以去除燒豬扒的油膩感。