嚐越 (已結業)

來到德福廣場又唔知食咩好於是朋友話想食越南餐廳就入去試一試呢間餐廳嘅裝修都叫坐得舒服唔會話好迫好窄，我哋當晚係晚餐時段都需要等位排隊不過就唔駛等好耐我哋叫咗一份扎肉紙米卷， 本人好鍾意呢一道菜色因為感覺食落去比較清新唔油膩扎肉嘅味道亦都好香口。之後再叫一碟馬拉盞炒通菜，通菜新鮮唔會好鹹夠晒惹味算係炒得有鑊氣最後仲叫咗個豬扒撈檬， 分量十足而且賣相都好吸引， 豬扒亦都醃得好香口呢間餐廳唔算好貴值得一試

今日同M佬去到九龍灣德福廣場睇戲，睇完戲就見到呢間似曾相識嘅越南菜，A姐仲話那些年第一次食越南菜，應該就係嚐越。今日一於試試多年後嘅味道，睇吓有無重回初戀嘅感覺。法國牛油蒜蓉雞翼一般嘅越南菜都係牛油雞翼，呢到就加入咗蒜香，炸到金黃色嘅雞翼上面鋪上大量嘅炸蒜，令味道更有層次，炸得香脆可口，仲有淡淡嘅牛油香，夠晒惹味。越式燒豬頸肉豬頸肉夠厚身，食落好有口感，仲帶有陣陣嘅香茅味，唔錯。鮮黃牛脊湯金邊粉配料有牛脊肉、白蘿蔔、金不換、芽菜同洋蔥，夠晒足料。而湯底有淡淡嘅牛肉清香，再加埋青檸汁同辣椒，成個味更加提升，牛脊肉夠軟腍，牛肉味濃。原個菠蘿咖喱海鮮炒飯菠蘿炒飯就食得多，呢個就加入咗咖哩味，味道即刻更有層次。炒飯夠鑊氣，配料有蝦、肉鬆同菠蘿等等，夠晒飽肚。

從越南回來不經不覺3個多月了，很懷念越南滴漏咖啡的味道，真的點滴在心頭 放工立馬去慰藉單思之苦。。。服務員，請先給我一杯熱的越南滴漏咖啡 看著滴漏如人生，時間一點點過去，抓緊和享受歡樂時光最實際，大家共勉之吧！回魂後，再醒醒胃，首先叫了期間限定的嚐越脆春卷 $27 超抵吃! 伴着我超愛的魚露酸甜汁 Nuoc Cham，又稱碌冧，帶出春卷的脆和蔬菜的清香! 為了多吃這碌冧，再多叫一客水晶軟殼蟹米紙卷， 薄薄的米紙卷，用米漿制成，有少少煙韌，半透明的看上去特別有食慾, 它熱量低、澱粉含量又少，正適合我這個又怕胖，又貪吃的人喔 !主菜來了: 㗎喱麵包蝦 ~ 由内到外都甘吸睛，大大隻蝦，有4只，肉身夠厚，甜甜的㗎喱汁，煮得入味，加上青紅椒配菜， 舖滿滿的在麵包内，用刀切下那一刻，如洪水湧現，呵呵，看電影太多了吧! 麵包外脆內軟，混合兩者的香味，充激了我的味蕾，不停手的搶着吃啊!

朋友話想食越南菜佢要來九龍灣做野約左我來呢間餐廳食飯呢度環境好舒服有好多卡位呢個set包埋野飲可叫d特飲唔錯香茅雞鎚撈檬 $59炸雞鎚炸得金香食落肉質唔錯順化牛脊湯檬 $75朋友鐘意食牛肉叫左呢個湯底唔會太辣飲落好香酸酸辣辣非常醒胃牛丸好彈牙牛肉唔會煮得太熟剛剛好食得口感唔錯水晶軟殻蟹米紙卷 2條 $72炸過gei軟殼蟹非常鬆脆越南啤酒 $38朋友鐘意飲酒呢個幾易入口加$5 龍眼海底椰蜜 我最鐘意飲d潤喉gei野呢杯好正唔太甜好潤多料又美味整體我地幾滿意呢度有好多嘢食不過我地得兩個人所以叫得唔多有機會多d人來食可試多啲唔同嘅嘢

在九龍灣完成工作後，跟同事一起去德福廣場竟然趕到食個下午茶餐，呵呵呵✌！點了兩個下午茶餐連飲品跟多兩個小食， 再加一份甜品，選了一冷一熱！呢餐咁豐富就當晚餐食喇！特別一提，侍應招呼非常周到， 感覺好窩心！鲜黃牛脊湯河粉，我喜歡湯底夠清， 黃牛脊唔肥好有牛肉味，河粉夠滑。咖哩牛腩飯，牛腩夠腍又入味，咖哩有香茅味不是太辣， 配白飯最啱。露筍釀雞翼， 雞翼已去骨，露筍穿插其中，啖啖肉，一口一件，肉汁豐富，入口甜甜哋，真係大力推介。檸汁鳳爪亦已去骨， 好味到食唔停。地道啦爺糕(熱食)及水晶椰青糕(凍食)， 兩款都好有椰香味。凍青檸梳打，要糖水分開上， 要幾甜自己話事。I

經常逛德福廣場shopping，最近才發現有間嚐越越南餐廳逢（一至日）下午茶好抵食，食物質素有水準。店舖位於廣埸第二期近扶手電梯附近。入到店內落完order後正等待期間，見天花掛著用麻繩物料設計成唔同形狀的吊燈，很特別的設計，燈光效果充足。下午茶餐有9款菜式，另可加優惠價錢有多一款小食。叫咗C餐係鮮黃牛脊湯河，呢個部位肉味較濃，且有油脂香味。用優惠價加咗個檸汁鳯爪，質感腍而爽，醃得夠入味。三越有（春卷、粉皮同蔗蝦）每款各兩件，可以一次過試曬三種口味，蝦肉夠彈牙同鮮味;我連蔗棒汁都𡁻到亁。綱絲蝦卷蘸埋酸甜醬更加滋味，又給我帶嚟多一款驚喜菜式。下次去德福廣shopping ，一定又會再嚟食過番尋味。

德福二期食店為主 搵食易過借火🍟🍕🌮🌯🥘🍝🍜🍲🍱🍣🍵🍻今次試左間越式野😛😛😛😛😋😋😋睇個logo好似熟口熟面 但原來得2，3間分店可能越式餐廳間間個logo都咁上下😂😂😂推介馬拉盞通菜！又香又大份！仲叫左個蟹膏撈朦🦀🦀🦀🦀🦀🦀個味唔太濃 稀左少少🤔d蟹味比蕃茄味遮哂🍅🍅🍅🍅🍅🍅🍅🍜🍜其實味道唔錯 但貴左少少8x蚊仲有個套餐!其實主要係貪佢杯野飲🥤🥤🥤🥤🥤但個炸雞槌都唔錯 岩岩炸起 好香🤓🤩🤩🤩🤩唯一係枝汁個人麻麻地鐘意😣😣😣😣覺得酸得滯

嚐越位於德褔二期，之前有一次同 friend黎過食晚餐覺得幾抵食，所以今次又再光顧🤭今次我地有6個人，多人d可以叫多d野食🤗平日睌飯時間 walk in都有位。首先叫左個香茅豬扒撈檬，只係$70。幾大碗，有一整塊豬扒，香茅味不重，有香葉，青瓜，蘿蔔，菜絲，加汁撈在一起，酸酸的幾好味😼椒鹽軟殼蟹😍😍😍超好食，熱辣辣上碟，食落去其實係咸蛋黃味！！應該叫黃金軟殼蟹先岩😂蝦膏炒雜菜，味道濃郁，喜歡雜菜因爲咩款都食d，冇咁悶。鮮蝦扎肉米卷，因為6個人，所以叫左2份。店員好貼心話幫我地一條切開三份👍👍👍👍特價青口！每日都有半價菜，今日係青口！只是 $36，好抵食！蝦多士有驚喜！我地叫左2份，原來超大件，而且蝦肉超厚😍甜品，叫左個糕，味道像斑斕味，口感彈牙👍

今日同左屋企人去德福行街，食埋生日飯，屋企人想食越南野所以就試下呢間【嚐越】。我哋叫左份「三越小食拼盤」有嚐越脆春卷、南越蒸粉包、香燒甘蓆蝦，唔記得點解會有埋法國牛油蒜茸炸雞翼，份量都夠，嚐越脆春卷很鬆脆，法國牛油蒜茸雞翼肉質鮮嫩，香燒甘蓆蝦香脆彈牙。「水晶鮮蝦扎肉紙米卷」味道清新而不膩，吃多點也會得很健康。「柚子大蝦沙律」柚子有豐富維他命C，而且纖維多熱量低，還有養顏作用，醬汁用魚露及青檸，既清新亦養顏，加上啖啖厚肉既大蝦，滿足至極。「手打蝦多士」炸至金黃色的蝦多士，蝦肉手打至起膠，當然大蝦先要夠新鮮，咬落爽口彈牙，入口香脆之餘，又不會過份油膩，，令人想一吃再吃。連識飲識食既的舅公也食指大動。

星期五放工過後，非常肚餓，跟朋友到了德福的嚐越！剛剛這一家也不用等位，我們直接便坐下了。餐廳環境寬敞，和朋友聊天幾適合。我們要了一碗牛肉金邊，粉湯味濃郁。配上金邊粉加牛肉加香葉。另外還會想一些辣椒粒及青檸，可加落去。另外這一份是特價的，所以我們叫了來試。😛有一大塊豬扒下面配一些像煎了的米粉。。。沒有味道的。。。他們會有一個醬汁給你。要點來吃😯菠蘿炒飯，上面鋪上蟹肉及肉鬆，吃下去很好味😋但菠蘿粒的份量不多，如果比較牛肉河，我會認為牛肉河比較好味。

星期六來到九龍灣搵食，由德福一期搵到去二期，終於睇岩'嚐越'唔駛等位，門口接待見到我們帶住小朋友，特登去執張卡位枱，很貼心的服務！由於小朋友之前食左太多零食好飽，所以只叫2份午餐俾大人食，選擇都幾多，最後點了越南蛋拼香茅豬扒飯同海防蝦丸湯檬，外加2隻雞翼做小食。越南蛋似煎過的蒸水蛋，幾得意同好味，豬扒無特別海防蝦丸好好味唯一問題係雞翼顏色好怪，黑黑地，差點以為是變壞的，好在味道都正常飲品可以揀巨峰梳打唔駛加錢，抵呀

德福的餐廳選擇都算多今次和朋友選中了吃越南菜於是就來試試嚐越～～公眾假期的晚上8:30店內的人流不多不用候位就能入座和朋友一行三人，點了鮮黃牛脊湯粉(例)﹑原個菠蘿咖喱海鮮炒飯﹑馬拉盞炒通菜及三越鮮黃牛脊湯粉，要了河粉配料有牛脊肉﹑白蘿蔔﹑金不換﹑芽菜及洋蔥，用料算足！湯底的味道尚算清，但味道較淡個人認為要加些青檸汁及辣椒才能吊出味道！河粉不會煮得過稔，夠爽滑牛脊肉夠稔滑～～～原個菠蘿咖喱海鮮炒飯，份量都多炒飯乾爽，粒粒分明，略有咖哩香味配料有蝦﹑肉鬆﹑菠蘿等等菠蘿味道微甜而不酸大蝦質感爽口，但不夠鮮甜肉鬆能增添一下炒飯的層次～～馬拉盞炒通菜，基本上用馬拉盞炒菜是穩陣之選！馬拉盞香而不鹹，夠惹味！！通菜嫩身爽口，不會老到起渣！！三越(二人份)，包括春卷﹑粉包及蔗蝦蔗蝦是將蝦膠包裹著蔗後，炸好而成蔗蝦爽口彈牙，外皮夠脆，脆漿不會太厚～～春卷夠脆口，但饀料的味道略為單調，不夠惹味！！粉包的餡料足及，皮夠滑溜又不會過厚綜合來說，整體的食物質素都算合格但算不上十分好吃～偶爾嘗一次都還好！

德福租金貴,食咩都唔會平,咁就要睇性價比啦。今次1行3人點咗5樣野每人約150。飽飽。首先第一道係必食的椒鹽軟殼蟹,非常好味。第二道係燒朱頸肉，夠味又軟，送白飯梗好，可去油。第三道係法式牛尾煲，汁太水，味唔夠，牛尾可以。第四道係越南春卷，正常水準，夠脆。最後係有大馬特色的海鮮喇沙，辣度中性，喇沙味濃，油麵米粉十分夾，魚蛋都幾彈。總結，性價比中上，未食過點都去一次，平均我每月都會去食一次。不過我對店內有幾個姐姐人少無客時服務態度都傲慢有點失望。

今日放工自己一個去咗德福搵嘢食，咁啱見到嚐越唔係太多人等位就入咗去食啦。提提大家依間嚐越有得用The Gulu 排隊的。自己一個人食叫一碗麵又好似唔夠飽，所以我就叫多咗一個豬頸肉啦。麵我就揀咗圖中所見嘅牛丸牛肉麵，麵同牛肉都係正正常常啦，反而牛丸嘅味道就好重牛肉味有驚喜，依一碗麵個香茅味就比較重，如果大家覺得唔夠味佢仲有魚露可以俾你加落去添。個豬頸肉都係普普通通，不過不失啦。佢配嘅係泰式酸辣醬，我覺得點左隻酸辣醬，反而令到豬頸肉冇咁好食。整體來講都係一般般啦，唔會太難食，但亦都唔會吸引到我再嚟。

差！差！差！在這光顧了兩年，真是越來越差，店內明明有圓枱坐位，但一行六人也要卡位加一張2人枱，讓你坐得周身唔舒服，跟住其他2人枱都滿了，外面有2人等候，就嗱嗱聲將我隔離一對男女的碗碟收拾，之後扮傻，遞上帳單，迫人哋埋單，該對男女稱都沒叫埋單，該服務員只說“吓”,而男的也不糾纏，就埋單，但該時店內仍有圓枱及卡位空著，也不讓門口2人進入，寧願出這樣手段趕客走，所以明白為何當不讓我們坐圓枱，因為他一定要8人先可以坐，但你一晚內真的有很多8位客來食越南嘢，假日還可能，這是星期三，不會吧！你們這樣的服務態度，我和朋友都不會再來。祝每枱都8位客。