嚐越 (已結業)

今日匆忙地選了荃灣的這一間越南餐廳，只是隨意在OpenRice了解餐廳資料，例如環境丶菜式等…第一眼就俾餐廳的二人餐內的拼盤吸引到，已經決定一去到就已經有想法。今睌共三個人去餐廳食飯，餐廳裝修雖不太特別，但勝在夠特色，特色於位於中間的枱均有大太陽傘，令你置於其中都感到休閑渡假feel☺️，枱與枱之間亦不太迫有足夠的空間。我們三人被安排餐廳最入的一張四人枱，對於比較怕嘈嘅我絕對稱心滿意。點餐時當然第一個就點二人餐，餐牌唔記得左影，另外今晚餐廳於指定期間會有指定一款食物會有半價優惠，今晩可享半價優惠的是香茅豬扒撈檬，原價$58，半價只需$29。由於擔心二人餐唔夠食，所以都點了做半價優惠的香茅豬扒撈檬。第一送到的香茅豬扒撈檬，令我們三個都非常滿意，厚厚的豬扒覆蓋整個碗，我們都提起筷子相繼試食，厚厚的豬扒，味道滿意，肉質鮮嫩而且不會乾而且有肉汁。第二款到嘅食物就係我哋期待已久嘅小食拼盤，一上枱，我哋全部已經俾佢吸引，除咗個盤唔錯，整體食物排放得非常之好，完全係吸引眼球之作。當然呢個時間，相機食先😁牛柳粒整得好好味，肉質不會乾，配埋荷蘭豆同車厘茄，賣相又紅又綠，確實令我胃口大開。第四款食物係雞絲湯

星期五晚Happy Friday Night, 原來想去打邊爐，但要等成2個鍾，唔想等所以去左食越南野7點去到，唔洗等位其實以前食過佢地其他分店，應該唔會中伏。哩到環境好好，坐得好舒服，岩晒我同Friend 吹水，服務態度都好好，環境衛生，最緊要唔洗等位我兩個女仔，叫左個2人餐，1，有兩指定嘅粉 : 已經好飽肚2，前菜 : 亮點炒牛肉粒，好鮮味3，小食拼盤 : 亮點2香茅豬排正 炒藕苗好清新 雞翅就麻麻地 米卷ok 4，兩杯野飲我地兩個都好飽好飽好飽

Good stuff. The cold vermicelli is excellent and so are the spring rolls. Efficient staff and I even like the interior.

裝修算係好有越風, 好似係森林feel的樣子~最特色係呢個, 佢地用麵黎代替飯~呢個已經係餐廳既飯黎!味道ok, 好特別, 佢d"飯"比較彈牙~份量正常呢個牛柳粒,個人覺得加d醬汁會好食d呢到睇落去好清~,望落去觀感會差咁d爽口度算ok~份量正常麵既份量就比較多, 料都ok,主要湯底比較濃, 味道比較出色,所以連湯飲咁送麵會幾好食!甜品係焦糖黎,比較甜當然, 份量細,夠一人食!內部都好鬆軟,同比較香~

搵地方醫肚，見到呢間餐廳幾寛敞，好有越南風，就入嚟試吓啦！我們兩個人，食咗四樣嘢，個牛油雞奕最驚喜，鹹度適中！而且蒜香和牛油味亦突出！滿意， 而生牛河湯低濃郁，亦是滿意之選，可惜炒通菜略咸！今次整體滿意

今次已經係第2次黎食，第1次係食晚餐，已經好回味，今日試個下午茶先。我本來係要雞絲湯河，但侍應姐姐可能太唔專心，黎左粉絲（嗰片牛肉我朋友放落去）。每次食越南嘢都會食雞絲湯，呢間個湯幾鮮，唔太feel到有味精。朋友的牛肉湯，佢都話幾掂喎！追加小食，蒸粉包同牛油雞翼。蒸粉包味道唔錯，牛油雞翼，個皮炸得都薄，香口。後來自加蝦多士，配埋個醬食真prefect~

這間越南餐廳地方都幾大，環境幾好，地方寬敞，坐得舒適。但食物就普通，叫左個特色崩沙爽腩米粉，崩沙腩一D都唔爽，好韌，米粉太碎，份量又唔多，不過湯底味道濃郁，咁嘢質素，價錢就貴左D，下次未必會再試！

個日同朋友行完街隨意就入左呢間越南野度食飯la。佢個鋪位幾好，都幾易搵。因為好肚餓既關係，一坐低就點左生牛肉湯河粉。想講，個湯底完全無諗過係咁好味。佢甜得黎，又有好大陣香料味，好Rich。牛肉都唔錯。

天氣起伏不定，連身驅看似健壯的蝦子餅，早前也病倒了！生病時，天天吃粥的日子，的確淡而無味，雖說可順便讓腸胃稍作休息，但的確令人無奈。 一星期過後，總算一切返回正軌，蝦子餅突然很想吃一點味道較濃郁的東西，於是，我選了荃灣千色匯一家越南餐廳，加上，BeautySearch 也好像一段時間沒吃過越南菜餚了，於是，便來到開業只有數月的《嚐越》去。 這兒的地方相當寬敞，佈置亦非常講究，充滿園林設計的景致，置身其中，仿如來到越南旅行去，十分舒適。 MENU 設計亦相當精美，而且有不少食物相片，要揀選食物就更為方便。 平日，到越南餐廳食飯，多半我也會點選生牛肉河之類的東東，不過，今天蝦子餅竟點選了一道「大蝦蟹肉炒越南粉絲」HK$92，驚喜他的選擇之餘，更驚喜這菜餚的味道。 粉絲並非家中那些透明狀的龍口粉絲，而是呈灰色，較粗身的粉絲，十分彈牙，富有口感。 餡料方面亦相當豐富，有蝦肉又有蟹肉，猶如小海鮮匯，而且份量亦不少，除了大大隻的大蝦，還有好實在的蟹肉，食落啖啖肉，相當滋味。 另外點選了「嚐越燒雞(半隻)」HK$138，蝦子餅大病初癒，胃口還未回復，所以還是淺嚐半隻為佳！

放工滂沱大雨, 都係走入商場搵飯食算, 2樓呢間越南野新開一輪都未食過, 睇下價錢唔太貴.期間限定幾款食物有半價優惠.仲有精選2人餐, 不過同行人唔食河粉, 所以最後決定散叫.越南野梗係要食春卷, 外表夠脆, 唔會炸得太過火, 餡料足, 唔算油膩.仲有麥片椒鹽軟殼蟹, 麥片非常多, 鋪到成碟都係, 軟殼蟹大舊, 外表夠脆, 肉都幾多, 椒鹽味唔算太重.馬拉盞炒通菜份量亦十足, 馬拉盞味濃但唔會太咸, 菜夠嫩綠, 爽口無渣.加埋飽肚燒豬頸肉炒飯, 豬頸肉, 扎肉, 蛋絲等等, 飯炒得乾身, 唔會太腍太油. 幾種配料味道唔濃, 所以加埋蝦乾咸鮮味配搭就剛剛好.加埋都係3百蚊左右, 2人食已好飽, 消費夠額又可以免停車場一個鐘, 唔錯.

偶爾經過千色薈都會被這間餐廳的裝潢吸引，適逢端午節前夕，所以來臨一試。一踏入餐廳已經能感受到外國渡假風情，善用玻璃採光，增加空間感。可是有點不配合的是，這異國環境不停播著Eason的歌。友人點的是碳燒牛柳粒紅飯，牛柳鮮嫩多汁，不會過熟，而紅飯則有點酸酸的，蠻開胃的；而我的是河內雞絲越式粉絲，雞絲都是雞胸肉，可是也是滑嫩的，沒有渣的，只是有點被粉絲嚇到，孤陋寡聞的我第一次看到粉絲有點黑黑的，吃下來是QQ的，有口感，配以豬骨湯底，都蠻好吃。有一點要注意的是吃粉絲要吃得蠻快，要不然就會全部吸收湯頭發脹。我們另外點了迷你芽車快，即是雞絲沙律，跟牛油雞翼。沙律的蘿蔔絲吃下去都是爽脆，配以微酸的汁，有一種清新的感覺，蝦片就是聽別人吃的時候會覺得很脆，可是真的吃下去就其實不太脆，虛有其表。牛油雞翼則是更讚，蠻大隻的，外皮炸得十分香脆可口，咬下去牛油味濃，但不會太油膩，十分喜歡。飲料是越式奶茶及百香果梳打，這兩個都是普普通通，沒甚麼特別。

一向喜歡越南野食，但咁岩呢餐已經係呢星期既第三餐喇餐廳位於荃灣千色匯，十分方便，地鐵行過去，落雨都唔駛開🌂餐廳環境特別，中間大枱有棵大樹，咁岩係一家人圍住食飯，好似同個小朋友慶祝生日，好好氣氛食越南野多數都會叫既越式粉包（$48），呢度都做得唔錯，扎肉出色，我就鍾意連埋粉包一齊食，味道豐富尐好特別既麥片椒鹽軟殼蟹（$98），未試過咁得意既味道，驚喜！軟殼蟹炸得香口，啖啖肉，沾左麥片食感覺無咁熱氣添，要試啊越南野另一必食既係生牛河（$55），呢度牛味濃但相對湯就失色，下次會試第二樣最後食埋個馬拉盞通菜（$68）就飽曬喇餐廳服務唔錯，輕鬆既一餐家庭飯，就係咁簡單

最近迷上蕃茄蟹肉湯檬，知道嚐越有呢款檬，約埋朋友黎試下先。近期千色匯多左唔少新食肆，帶來新嘅吸引力，食飯前有少少時間都行左陣千色。嚐越餐廳裝修幾有渡假風，視野開揚，唔會太迫，都適合同屋企人黎。馬拉盞炒通菜$68: 馬拉箋嘅蝦香味幾濃，但唔會太鹹，通菜嫩中帶爽，無渣，份量好足。春卷$55: 春卷炸得鬆脆，皮薄，裡面的豬肉香好突出，用爽脆嘅生菜包住食，減輕油膩感。蕃茄蟹肉湯檬$68: 今晚嘅主角黎到，好大碗，好在我地兩個人分黎食，有大大件嘅蕃茄，唔酸、茄味濃，蟹丸蟹味出、口感軟，扎肉偏薄片，有些碎粒粒似係蛋或蟹膏幾好味，湯底蕃茄味較出，幾濃香，成個粉最弱係個檬，夾起上黎一餅餅，又散修修，有進步空間。香芒軟殻蟹米紙卷$68: 由芒果、青瓜、檬粉、軟殻蟹、生菜組成，特別嘅係個皮頗煙靭，而口味則較清淡，靠魚露提味，個魚露似係自家調製，酸酸甜甜，味道唔錯。椰青糕$12: 最後甜品有啲失望，呢個糕有椰青椰汁味，但太實淨，個人不太喜歡呢個口感。

星期六，下午3點。3個人到荃灣千色𣾀嚐越，叫了兩個精選套餐，生牛肉湯粉，配牛油雞翼，南越蒸粉包子，越南滴滴咖啡，咸檸檬梳打。另加一個蓮藕苗蝦沙拉，平心而論味道可以，但生牛肉太熟，只得3小片(>﹏<)太少了吧，盛惠257蚊連加一服務費⋯⋯失望(˶‾᷄ ⁻̫ ‾᷅˵)

今天早收工, 天氣又㸃熱和濕, 所以決定去食越南菜。可能時間尚早, 大概6:45左右啦! 不用等位。其實之前來都試過串燒, 牛肉撈檬, 燒雞, 大蝦紙米巻, 粉包等等....味道ok.但又未值得寫食評。但今次不同, 叫了蕃茄蝦蟹湯麺, 幾好味, D粉入晒味但又不會太鹹。掛住食無影相。脆皮燒乳豬--正, 正, 正! ㄧ流呀! 果皮十分十分香脆, 肉質嫩滑, 無得頂! ㄧ定要試唔同其他的乳豬, 皮脆但肉質鞋又或者係皮不脆肉味鹹。燒魚---另一𠎀作, 估唔到燒完後魚肉不但没有過老過鞋, 反而仲保存滑滑的, 好香香茅味, 再加上秘制醬汁, 味道剛剛好,不淡又不鹹。下次真的要再幫襯呀!