囍雲天酒家 (已結業)

份量貨不對辦，2隻龍蝦合共只有5粒肉，你沒有看錯，是5「粒」肉。6個人去吃晚飯落單時，部長聲稱1隻龍蝦足14両，我們6個人怕不夠吃，便叫了2隻龍蝦加伊麵底結果一大盤龍蝦伊麵來到，我們看見伊麵之上有不少被紅色覆蓋的範圍，本來還心懷歡喜，結果翻開一看，裡面怎麼數都只有5粒肉，其他都只是空殼，別說2隻龍蝦，1隻龍蝦也不只那麼少肉好嗎？！😠😠😠😠不要說我是誣陷他，我可是有相為證，圖中是我們幾經辛苦把龍蝦肉都翻到面上，絕無偏頗的照片，圖中除了白色的5粒肉之外，都是龍蝦中不能吃的部份和空殼。其後我們向另外一個部長反映此事，她還說一隻龍蝦一向都只有10両，2隻龍蝦就在這裡，我們也不可能抽出肉來。這家餐廳一來位置偏遠，二來上菜時間過長，三來多人吃火鍋抽風系統不足，只調高冷氣，四來貨不對辦，五來服務不佳，六來欺詐。應不應該吃，應不應該自己去拿氣來受，應不應該吃一頓飯影響心情，你們自己決定吧。

今天跟媽媽嘗試下午茶，兩點開始，我們很快便選好食物了，給了點菜紙予職員，但等了很久還未有食物來，詢問下，原來入錯單，好彩我們唔趕時間，所以都算了吧;之後吃完埋單，職員拿來的賬單計了正價(下午茶時段小，中，大點6折)，但職員未有計算，全收正價(平時好少check單，因為這次不想給tips，所以睇一睇);所以各位到這店吃東西，結賬時要看清楚金額。**下午茶:小點，中點，大點，全部6折**

服務態度差、野食品質又差、出嘢食又出到亂曬 、7點未到叫上菜8點半先上到4個餸。追佢就話「我跟單出……我唔知喎……」根本冇人理過我哋，再追佢重大聲講「咪幫你追左，你想點呀！」一餐晚飯要食咗兩個幾三個鐘，一家人食到一肚氣。我絕對負評！個部長開頭攪錯 我哋係 隔離枱 話我哋改餐單， 叫我哋諗清楚先好叫 （唔知係咪因為佢 搞錯 影響到我哋）。但係我哋根本就冇改過 ，我哋只係要一個佢哋基本套餐！ 而且同場 都好多枱 嘢食出錯曬， 個個都好勞氣 。我就一定唔會再去！

价钱贵，分量少，重点是出品差！地方又偏，绝对不值得去第二次所謂的少鵝，一點都不乾身，很難吃。108一個例牌，不算平。咩四選一特價套餐已經不存在！炒通菜58,非常細碟，兩個人500蚊，感覺沒野食

10點多來到，問侍應拿早茶點心紙，她說早茶已經完結。等我們寫好中午點心紙，她又走過來說早茶未完，叫我們快點下單，因為早茶要10點半前下單，11點前結帳，否則會以午巿正價收費。擾攘一輪，下單時已10點30分，過了一會，她又走過來說太遲下單，早茶已經完結。就這樣，反覆寫了3次點心紙，才成功下單。奶撻先上，冷的，而且沒有奶味。接著是炸兩，腸粉是冷的，油炸鬼微暖。菜苗蝦餃皮夠薄，菜苗很多，蝦只是碎粒。雪山叉燒包賣相頗差，外皮不夠脆，底部有焦，不知道是否焗好後用煎的方式加熱，味道不過不失。紅油抄手味道最正常，皮薄，餡料分量足，辣度零。上了6樣點心，從來不收碟。總括而言，這間酒樓予人混亂之感，且早巿定義有搵笨之嫌。點心就算不是即點即蒸，亦應確保熱度足夠才上桌，這點基本條件都做不到，加上點心用料不足，味道強差人意，整體質素在2017年我飲過茶的酒樓中幾乎墊底，性價比亦不高，沒有下一次了。在食肆芸立的觀塘，這間酒樓離地鐵站頗遠，地理位置已處於劣勢，再加上在平均水平線以下的服務態度和食物質素，不難理解為何在假日的早巿，晚巿，都是冷冷清清。

前幾個禮拜日去飲茶，去到嗰時1:50，門口嗰支客小姐話等多10分鐘有下午茶，下午茶有半價，咁我就等多10分鐘，同時仲有幾台人都係喺度等。到咗兩點鐘門口個位小姐話可以入去，跟住喺門口等位啲人一齊入去。入去坐低再問問啲侍應係咪有下午茶，嗰位侍應竟然答冇，我哋話佢知門口個位小姐叫我地等多10分鐘先入嚟，係佢話有下午茶我哋先至等，跟住嗰位侍應走去問經理，經理又話冇下午茶，我話唔係淨係我哋一台喎仲有幾台都係一齊出邊等架喎，你而家又話冇下午茶出面門口又話有，咁即係點先，呃我入嚟?擾攘左一輪跟住個經理又話有下午茶，咁跟住問個侍應係咪有張下午茶嘅點心紙，個侍應就攞住張點心紙話呢張就係下午茶啦，我哋就開始點野食，到埋單嗰時，睇吓張單，啲半價野原來得好少，問返個經理，佢指住張點心紙，話只係得有兩行點心係有半價，我哋話頭先係你有位夥計拎張紙過嚟同我地講話呢張紙就係下午茶，個經理竟然問我地係邊個夥計，我哋點記得。總結：呃人入去，搵笨，小心小心

周圍都好多人，遲左少少出嚟，想揾位都難，尤其是想食嗰間米線，排到三間店舖外。 我地唯有邊間有位入邊間。行到最尾的茶樓終於有位。但大家都想食米線，所以叫左窩蕃茄脆龍躉米線。魚湯鮮味而濃， 滿怖蕃茄，魚的份量算多，將龍躉炸完先放響米線湯內，不再脆。 炸粉都幾厚吓，放左落湯就淋了，麻麻地。$98 一窩，米線份量都算多，仲幾掛湯，同事連埋啲濃湯一起食都唔夠，仲連湯同煮到散了的蕃茄一起食同飲埋。食完返公司都唔覺口湯感，無乜味精，味道又好，又足料！ 如下次都有咁既情況，都可諗下再去。

未寫過食評，但質素實在太差差，一行8人夜晚2小時任食自助火鍋，飲品只有罐裝啤2款,汽水3款，上菜慢...算，公仔面只來一個，烏東只來一個,我地8個人呀!!豬肉冇肉只有肥羔，牛柏葉/豬肚白過A4紙唔敢食，食物太差不能盡錄，有好些點左食物冇來，坐左2小時只來了3round食物,再追仍然冇來，都過晒2小時坐多過食，佢都自知理虧，都冇叫我們埋單.........夜了有些朋友住新界，算了....走. 我們不是攪事，冇影相，永不再來，只想提醒大家，唔信既可以去幫襯.....

本來book 左一行十二人在One Pacific 去打邊邊一人一鍋。訂左12.30,12.20見到無人confirm booking咪打去reconfirm law.點知佢話我book 左下星期。。。。我想講三對耳聽住我book今日，佢都話無,仲要唔好意思都無講句，哎吔，算啦！十二個人的胃等緊我嫁，三個同事四人周圍打去問有無其他餐廳有位，打左幾間呢間終於有，咁就起行了。去到，個receptionist個態度好差，好似阻住佢玩電話咁！呢間茶樓裝修算好而點心選擇亦不少。餃類除咗虾餃都有四五款。食物上菜比較慢，差不多要1.10pm先有野食。燒賣唔夠爽全因無乜虾，有啲過咸。迷你煎堆，唔太脆，但很香，食完全口芝蔴味，喜歡佢餡唔多(sorry,我諗我真係有啲怪)…脆麻花，坊間主要有兩款，由細到大都鍾意食較薄嗰款，即係呢款。呢個夠薄脆，不過多點糖膠會好好多。鮮虾腸，虾既份量算多夠大(不是超大，但唔會細細粒咁)。皮不厚亦不薄。其他點心都中規中舉，因1.30要返公司，啲嘢食又上得慢，所以大家都食得趕頭趕命。。。

說好了的陳氏聚餐，由五月母親節，拖到六月父親節，再拖到今日，終於一聚，兼歡送小雞出國留學交流。挑選聚餐地點，往往費煞思量 – K和阿叔好中菜，要坐到舒服，又不欲飽受2小時用餐的限制。幸而，由C出馬，揀了觀塘位處較偏遠的囍雲天酒家，大家均盡興而歸也﹗去酒家，最方便快捷且著數的，就是點圍餐了。可是，左看右看，有太多菜式不合適小雞進食了。還是，散叫算了。例牌的乳豬拼盤$188 也蠻大份的，除七件脆卜卜且鹹香的乳豬外，還有香腍甜美叉燒、甘香油潤的燒鵝、嫩滑的貴妃雞和香辣爽口的醃青瓜。再來一盅可供4-5人享用的滋補養顏且潤肺的杏汁燉潤肺湯$128，幸人人有大半碗的，可分甘同味。燉湯入口清潤甘香且帶陣陣濃郁的杏仁香，甚是滋潤清甜。喜歡的話，也可以挾起放在一旁的湯渣豬肺，蘸上豉油同吃。據說，豬肺沒有異味，蠻酥軟可口的。酒家晚市推出數款抵吃孖寶，我們要了鮮元貝孖寶$148/份。先來一客四隻的25年鹹檸檬蒸扇貝，簡單地放入粉絲、蔥粒、豉油和鹹檸檬皮同蒸，原汁原味，鮮味盎然。當中，最為強悍霸道的，就是有25年的鹹檸檬了﹗真的鹹到出汁，「味」力無法擋，絕非筆墨可以形容的﹗蒜香芝麻骨份量不太多，切成一小件一小

好耐冇去過中菜廳食嘢⋯今次黎間嘢整體上都算唔錯！有京都骨，豬仔骨，燒雞，燒鴨，蓮耦肉片，蝦，竹蟶子，兩碟齋等等，都幾夠食!一行七個人食咗1500蚊左右，共11碟⋯雖然好似貴左啲，但幾好食！燒雞同燒鴨一定要食，雞同鵝ge皮都燒到好脆，皮下脂肪又唔算太多。另外，因為雞同鴨都燒ge時間都剛剛好，d肉唔會太實，食落口又唔太肥膩！其他餸就無乜特別，正常水平，不過不失 蟶子好似係25蚊一隻，都幾抵食！最重要ge係，聽d服務員講，海鮮類ge產品全部都係即日運送過黎餐廳，全部都係生生猛猛。由此可見，d海鮮都算幾新鮮。其實去酒樓食飯都係志在有個環境傾下計，黎間酒樓環境都算唔錯！ 所有總體黎講，黎間酒樓都食得過ge！

入場時間為9點30分，因為好餓既關係，今日簡左食雞煲加魚，2個鐘頭任食，因為得一個爐既關係，先食魚，再食雞，大約十點就last order,我地急急咁落多一轉野食，先廣個肥牛，從來未食過任食食牛個質數差成咁，超薄，薄到塊牛係黑黑地，因為佢個盆係克克，薄到透底，拎去拾，拾完都搵唔返，一蝶就4塊，食落好似碎濕濕，啲雞滑就滑既不過個汁既味道就淡口一啲，啲丸同魚腐重有唔知咩既手指條咬落去都冇味道，寫單寫左1，佢每款黎左十舊，粟米同雞子都幾好食，最後一轉落左10蝶肥牛，落單個短髮侍應話食唔哂同你逐磅收費，其實7個人落10蝶都唔過份呀？10點15左右要埋單，食到11點，侍應話11點我地要收工，要求我地離開，但當時枱面都餘下不少食物，我地回應會盡快食哂，過左15分鐘，因為我剛但洗手間返去，路過廚房位見個短髮侍應係兩排燈制中研究，當我一出到去，未坐底，全場燈關上，我真係覺得好驚訝，重會有人咁做生意，黑到咁熟唔熟都睇唔到啦。之後經理剛好出來，叫佢開返燈，咁樣睇唔到係好危險架。最後大家不喜而散，離開時重有閒言閒語你聽下，話你阻住佢收工。真係冇一樣野會令我黎第二次，服務質數太差。

要黎觀塘工廠區買野，順便黎食埋午餐，揀左囍雲天，本來去apm樓上嘅茶樓，但太多人，寧願行遠少少過黎呢便唔使等位。行到過黎，果然唔使等，好多吉枱，坐返上次黎個張枱，成年幾無黎啦。唔知食咩好，叫住少少先。海蜇青瓜，整返個頭盤小食先，海蜇幾夾口，青瓜清新，但個調味汁好甜，怪怪地，食開酸辣味，唔估倒呢度係甜嘅。牛栢葉，味較淡，蘿蔔吸左汁側幾好味。點心併盤，有蝦餃，粉粿，叉燒包，紅棗糕，菜苗餃，黃金糕各一，蒸得太耐，全部都淋哂，包類濕左，變得唔好食。菜苗餃一夾即爛，呢盤野唔掂。兩個人食左少少野咋，留返下午茶去第二度食過啦。

好耐之前黎食過一次宵夜飯，好食今次再黎見到有雞煲打邊爐，竟然有驚喜！我係８點半後入座，仲有九折，全包價都係百零蚊任飲任食得黎Ｄ野食絕對唔馬虎，剩係食個雞煲都值回票價個雞好滑，好好味！食完雞之後侍應幫我地落埋湯打邊爐，Ｄ野食都好新鮮唯獨係肥牛比較差，太肥，不過食落都ok牛栢葉水魷都好爽，不過就有好幾樣野都話賣哂，可能因為係宵夜時段啦人唔多，坐得舒服，而且侍應態度好好絕對會encore

星期日的工廠區杳無人煙，坐落在甲級商廈的囍雲天酒家有如被遺忘的天堂。慣於應付白領的高要求，服務員在星期天表現依然良好，食物保持優質水準。與男朋友要了4個菜，全部都在水平之上。蒸原隻鮮鮑魚鮮味十足，價錢合理。客家咸雞不肥膩，皮薄肉多，有淡淡的咸鮮感。茹汁煎蝦先炸後煎，是用心煮的菜。味道恰到好處，配飯佐酒一流。金銀蛋白菜，味道一般。我還是比較喜歡莧菜。最後是清新甜品，雖然免費，但味道不錯。觀塘工廠區的食肆臥虎藏龍，是晚餐時段的另一個好選擇。