囍雲天酒家 (已結業)

復活過後又是排山倒海的忙碌所以遲了寫食評了難得的復活長假, 沒有外出旅遊當然做個乖女陪陪家人飲茶啦首先來的當然是我最愛的燒腩仔上檯時已經覺得挺特別, 這裡的擺法是皮向上的, 有趣!這真叫人又愛又恨, 一口吃下皮真的很脆!而且還暖暖的~這真的值得一讚呀! 因為我吃過有些是冰冰的然後要來的是個麻辣鴨舌辣度還好, 但是份量太少了吧可能是前菜的關係吧再來當然又是我的最愛, 飲茶少不了它的蝦餃王這個上檯時真的是熱烘烘冒著煙呢而且裡面真的是一大隻蝦雖然我不懂分是新鮮不新鮮最少吃下去是很香很爽口!老人家怎樣也要白飯到肚所以點了個瑤柱蛋白炒飯吃下去粒粒分明, 淡淡的鹹香, 最適合老人家其實年輕的都不應吃太濃味最後來個甜點這真是老少咸宜值得一提的是它這個糖漿不會太多而過甜而且咬下去不黏口, 是酥脆的! 這真的是讓人滿足

復活節假期前最後一日返工，幾個同事心情靚靚，決定落樓下酒樓食晏慶祝下！叫左幾個小菜杏仁湯一黎到已經好香杏仁味，杏仁磨得好幼細，加上瘦肉，無花果，好滋潤！同事話杏仁湯有保健作用，呢排流感盛行，真係要飲多碗蛋白浸白菜苗白菜苗配蛋白，最驚喜係個上湯好新鮮，唔係味精野，送飯一流！焗芝士釀茄子芝士同茄子本身都係濃味食物，少少地都幾香口，太多就好漏始終都係西式野，同其他小菜唔多夾誠意推介：冬瓜烏冬唔好以為個鳥冬無乜味，冬瓜、冬菇、栗米，簡單鮮味！要再讚多次呢度既上湯，成個冬瓜湯咁，絕無欺場！食完個濃味茄子再食呢個，即刻覺得冇咁油膩！

之前係呢頭返工既時候已經留意到呢間酒樓, 上星期六趁住假期就帶屋企人來飲茶, 做個孝順仔, 呢邊人流無咁旺, 假日唔怕無位要有排等, 坐得又比較寬敞~~牛肉腸: 個皮幾薄幾滑, 牛肉雖然普通, 但都叫做啖啖肉! 算係皮簿餡足蝦餃: 蝦夠新鮮, 比想像中大粒, 呢度蒸點既皮都做得唔錯~~最重要係有趙口唔黏牙排骨: 無乜味, 可能蒸得太耐, 有些少韌..馬拉糕: 千層糕&馬拉糕既混合體, 質感軟綿綿得黎又夠奶皇味, 岩晒嗜甜既朋友! 我自己唔好甜都覺得唔錯行得過得黎梗係想試下新野, 今次就叫左個米網蘿蔔絲腸個名咁得意, 個樣又幾似炸兩, 原來係腸粉包住炸過既米網再包住蘿蔔絲, 層次分明, 口感豐富! 估唔到除左越南米紙春卷, 齋腸都可以咁食~~推介最後仲叫左八寶蓮子糖水試下好足料! 應該真係有8寶, 阿媽話起碼食到蓮子, 芋頭,花生,紅豆,薏米! 滋潤之餘又有咬口~~但好似我咁唔好甜既朋友就要認真考慮下

一年伊始, 開工大吉!公司一早幫我地訂左檯食個開年午飯, 所以我地唔駛等位就食得, 爽!原來公司一早幫我地點埋菜, 咁我未冇得揀食咩?!一坐低樓面好快手就上菜了由於我響呢頭返工冇耐, 所以我都係第一次來呢度食飯諗住燒腩仔應該冇走雞, 點知食落去皮唔脆, 呢度真係要改善下諗住都冇咩驚喜, 殊不知呢個老火湯又出奇地鮮甜問同事呢個係咩湯, 大家都唔知淨係覺得幾好味, 整到我都想飲多碗所以比埋d湯渣大家辨識下勒半隻燒鵝, 初時以為佢燒腩仔出事, 呢度d燒味應該普普通通點知食落又得喎, 上檯時皮居然仲脆脆地, 肉質又唔太韌, 掂!鮑汁花膠燒豆腐, 呢個都唔錯, 花膠數量唔算少, 豆腐燒得夠入味, 唔啖口鮑汁古法扣元蹄, 因為食到中段已經飽飽地, 而且見到佢份量非常足, 我食左一啖仔就放棄了但覺得個元蹄有陣臊味, 唔知係咪我食唔慣居然晏晝都有蒸魚食, 平時好少食魚, 但見同事話個魚汁好好味, 整到我都試左幾啖, 估唔到d魚肉又唔太鞋, 同埋個魚汁又真係好鮮甜, 之後同事八卦問部長, 原來個魚汁係秘製的, 有誠意, 值得一讚!最後一味就係西施龍蝦泡飯, 原來呢個壓軸最精彩一來龍蝦份量唔算少, 我地一

還有一星期就過年，今晚約了舊同學食團年飯。畢業之後，舊同學飯局都愛揀中菜，喜愛圓枱可以圍在一起聊天，不似長枱天各一方。例牌OT的朋友在觀塘上班，為使他能參與飯局，今次就到他推介在宏天的酒樓「囍雲天」開飯。難得團年，當然要豪食一番!!脆皮燒腩仔一層脂肪一層肉，肉質尚算嫩滑，可惜外皮不夠香脆。好吃的脆皮燒腩仔可以成為一間酒樓的招牌菜，可惜可惜青紅蘿蔔栗米豬骨老火湯足料鮮甜，不似味精湯一味死鹹，未食飯已經飲下兩三碗，大家連後上湯渣的栗米都不放過瑤柱扒豆苗豆苗嫩口，煮得夠軟身，沒有我最怕豆苗煮過火結成糊狀的情況出現，配上瑤柱，不錯不錯燒鵝正常燒鵝，可能本身對燒鵝不算鍾愛。但大家一致認同比燒腩仔好吃，最重要是皮脆！部長推介：龍蝦泡飯！落單時本來想叫伊麵，部長卻熱情推介龍蝦泡飯，據說連黎姓名人都十分鍾情這道菜。上菜時大家都忍不住「哇！」，龍蝦泡飯的引誘確實難以抵擋！湯底用龍蝦，蝦干等製成，再加上飯焦脆脆，清而不濃，稱得上全晚高潮所在！！原來同屬「囍」字輩

apm排隊撘轆上茶樓勁長龍，於是去左較遠嘅囍雲天，有報章寫呢度用地溝油……門口有告氏澄清左，話唔只一間供應商，咁事實係點就唔知，不過唔知係咪因為咁而受影響，入到去得一半客，勁多吉位，鐘意坐邊都得。原來已經到左下午茶時段，有好多款特價點心，叫左幾樣大路野。煎餃子，皮厚，入面啲餡有啲似鹹水角，感覺奇怪。鷄包仔，肉嫩多薑絲，正。鮮蝦菜苗餃，菜苗新鮮，皮韌，好味。牛肉球，大大粒，多馬碲芫茜，正。綿花鷄，鷄好大件又大肥，成層肥膏令人卻步，其他料幾好，入味。鐵觀音茶香，水滾，嘆返杯茶去油膩，唔錯。唔知點解無乜客，侍應主動執碟沖茶，服務唔錯。坐位闊落又唔使等，行遠啲都抵。

假日同友人約飲茶 佢係附近返工常來幫趁 就知假期尼頭少茶客(離地鐵站較遠)位於商廈一樓 酒樓環境寬敞 好多吉檯 茶客不多傳統既點心牛肉球,蒸排骨,鳳抓,燒賣,炸雲吞 製作同味道好一般 價錢略貴好味點心~雪山叉燒包 夠熱又夠脆 餡又多 剛出爐既製作 正叉燒酥 好香脆既酥皮 叉腸 幾滑又多餡 剩叉燒一碟 蜜汁同肉質都好得好味炒飯~瑤柱蛋白炒飯 簡單既材料 炒出飯粒分明 又夠香口 正 想食叉燒既時候 此處也是個好選擇

快將2點飲下午茶.0黎到一間其怪的酒家.廿幾人響度等位.但里面仲有位響度.原來全部都等下午茶入座.只好一齊等沙薑鳳爪-將鳳爪一開二更易入口蘿蔔絲酥餅-三件大小不一手工較粗和風脆豆腐-這做法較特別.豆腐香.軟.滑叉燒腸-皮溥而透明.但叉燒太硬

夜晚係宏利開完會，就近就去左佢樓下間酒樓食飯睇下啲紙仔　$88　翅餐？？包一個翅，一個涼菜，一個小菜，一個飯……係唔係呀……3個人叫左2個餐再加多碟片皮鴨翅：雖然唔係好大隻，都幾多朵下，同埋個湯都幾濃 口水雞同拍青瓜：個口水雞如果再辣O的O的就好啦粉絲雜菜煲：比想像中大份，都幾多海鮮配料沙拉骨：送飯一流個皮幾煙UN；不過個片皮鴨就睇落較凋零下次可以全部都叫佢啲餐，唸落好似化算啲，因為佢O的件頭真係幾大份下

中秋節,LUNCH預左會多人,所以就BOOK定位先,BOOK 1點,點知去到都仲要等lor...ok,我諒解今日係節日,人多d,會亂d,但係問佢要等幾耐佢又唔答,人地遲過我地黎,話比個位個d遲既人先(我地7位,佢6位)~~我就火都黎~~就大罵佢,罵完,即時有位,今日一定要點餐,點左個完全唔值既$788餐,有一個湯,2個點心,一個龍蝦伊面,一碟燒味,一碟斑球,2碟菜咁就788~~算啦,節日貴d都算....最大問題係,佢d野遲遲都唔出,真係罵一次先出一碟lor~~大老,我地打工仔食lunch~~你估真係有咁多時間,點左個set,食左一半,又唔可以cancel~~講下d野食先,我地另外點左d點心(係要點左個set先可以點點心ga)最好食係牛肉,夠嫩,其他點心同普通茶樓沒分別(分別在呢間貴d)個湯好淡,咁覺佢加左好多水...龍蝦伊面係凍左,無咩味,有幾舊蝦肉唔去殼,又niu唔到出黎,你叫我用牙咬開個殼??!!不過蝦肉真係幾好食~~總之呢間野食水準比出面係好少少~~但係無咩時間既人就唔好選呢間喇

下午成日來這飲茶, 媽媽生日就帶她過來試下晚飯, 因這裡晚上極小人客, 可以坐得舒舒服服.點了以下菜式上湯龍蝦伊麵----軟為細隻小小, 個上湯同龍蝦伊麵好夾, 個麵吸收曬d上湯,超正蒜香雞----皮脆肉滑, 蒜香味一流 安格斯牛仔骨---肉質好林, 口感好好 清蒸青斑----可能蒸既時間多左, 肉質有點UN, 依個要改善下 overall黎講都好好味, 價錢仲好底食, 一人都係$120左右, 唔嫌隔攝的話係一個唔錯既選擇

端午節日某auntie介紹到囍雲天飲茶, 環境一般, 可以選擇嘅點心已經好有限, 仲要唔係漏單就係好遲先至上菜。 當日雖然係端午節, 但係完全唔使等位, 啲伙計仲可以企埋一堆傾計。咁都可以漏單, 真係有點那個。 小麥草蘆薈糕: 一味得個甜, 一啲小麥草味都無 紅燒皇子鴿: 肉霉 椒鹽炸豆腐粒:皮沐, 好難食

19/2/2010 (星期五)難得今天放假，與家人在這間酒樓飲茶，早上人客不算太多，所以很容易有位，開茶之後，叫咗幾款點心。蝦米煎腸粉： 外皮煎得香脆又夠乾身，配合醬汁食好美味。春卷： 外皮炸得香脆，內有蝦肉，不過有D熱氣。豆苗鮮蝦餃： 蝦新鮮又彈牙，有菜比較健康。奶皇流沙包： 最緊要趁熱食，熱辣辣咬開，包入面有很多奶皇流出來。煎堆： 外皮香脆，新鮮炸起。咸水角： 有水準。义燒包： 有水準。 燒賣： 一般啦。棉花雞： 有水準。鮮竹卷： 有水準。炸饅頭： 有水準。楊枝金露： 係我的至愛，有水準，還是覺得滿記比較好吃一些，因為多D新鮮芒果。

每星期也會有一天到這裡吃午飯.. 不想走得太遠而已..加上這座大廈其餘的食肆還未完全開業.. 其實是沒有太多選擇!這裡食物的款式.. 賣相.. 質素.. 味道都只是一般.. 價格亦比較貴.. 有些不成正比.. 有點不值!水準每次不一.. 今次是最差的一次..平時等待點心也要花半句鐘.. 可能是直叫即蒸吧!但上桌時不見得是熱騰騰的.. 莫非不夠人手出菜?湯麵炒飯永遠是第一時間到.. 不用十五分鐘.. 漏單情況嚴重.. 每次也會遇到.. 尤其是侍應生的服務.. 他們的服務態度及表情像點心般冷冰冰的..緩慢和沒有禮貌.. 假裝要看不到你在招手呼喚他們似的..明白在午市是多人及忙碌得很.. 不夠人手這不是理由.. 希望在未來的日子裡可以有些改善!

晚市去過四、五次飲過兩個湯, 兩個都有驚喜茶市去過多次, 觀塘區數一數二好食的酒樓脆麻花是少數一吃難忘的甜品可惜是食了三次, 三次的水準都不同簡單來說, 只有新鮮炸起的才可使人一吃難忘