四寶食堂 (華凱大廈)

营业中

休息中

第一次去北角嘅四寶食堂食，相當有驚喜！兩個人叫咗一個黑蒜油叉燒滑蛋飯，午市套餐嘅泰式冬陰功黑毛豬煲仔飯，一個蛋撻（因為怕食唔曬但又好想食）同兩杯奶茶。黑蒜油叉燒滑蛋飯係我暫時食過最香最好食嘅叉燒滑蛋飯！黑蒜油超級香口，叉燒肥瘦適中，滑蛋不會太熟不會太生，調味調得剛剛好，所有野配合得天衣無縫，價錢都唔會太貴，尼個真係超級推薦！泰式冬陰功黑毛豬煲仔飯對我尼講都係好好食，冬陰公味濃厚，辣度剛剛好，唔會辣到我要不停飲野，黑毛豬片都好好食，材料十足，CP度很高！不過朋友唔唔食得辣，佢就會鐘意蒜油叉燒飯多啲～我兩個都鐘意。蛋撻同朋友一人一半，食落正常發揮，冇主菜咁大驚喜，但都唔錯，奶茶也是平時飲開果種，不過不失。餐廳內環境整潔，枱與枱之間唔會太迫，野食份量都好大碟。因為怕食唔曬，我地都叫咁小飯，最後都食剩咗小小飯，所以真係一間會回頭再食嘅餐廳。由其是鐘意食叉燒滑蛋飯嘅朋友仔，真係推薦一試！唔會失望呢！

Tiffany Blue茶記💚💙，又可以打卡又好好食😝而且份量十足，一啲都唔係呃錢。 秘製麻辣雞扒撈公仔麵$54雞扒大塊到嚇親😍肉厚而嫩，味香而唔鹹。麻辣公仔麵濃味夠哂過癮。 配炒蛋、多士$2、凍奶茶 $3平時茶記啲炒蛋都好頹，呢間茶記嘅炒蛋超出色，軟綿綿又豐盈🥰感覺又滑又有咬口，唔會水汪汪🤩多士脆邊，中間軟熟，仲有牛油添。凍奶茶真係不得了😍感覺超多奶，好滑好滑，但茶味都好淳，正到爆炸。 XO醬蝦球滑蛋飯🦐 $68呢度嘅滑蛋好多，而且真係好滑。蝦球好爽口，蝦同蛋味道唔濃，但加埋XO醬就好香口啦。 喜哥蔥油豬扒太陽蛋飯 $58豬扒又係好大塊好抵食。平時嘅豬扒多數好鞋或者好韌😆呢度個豬扒好驚喜，大塊得嚟真係juicy, 肉質夠稔又有肉香，很好。 凍檸茶 $3 凍檸蜜 $7檸茶香而不澀，檸蜜好滋潤。

蔥油豚肉眼撈公仔麵 $54蔥油味幾濃，幾足料，一想碟聞落去已經好香口👍🏻公仔麵口感好對路，彈牙，煮嘅時間啱啱好😌～神奇係塊豬扒都幾大塊😮大到遮住咗成碗面～醬汁亦都均勻地撈喺麵入面，唔會一啖鹹一啖淡👌沙嗲牛肉公仔麵 $50沙嗲牛肉分量多，唔會得幾塊就食完～不過上碟就微暖，再熱少少就更好～水門雞飯 $65雞係順紋路切，切出嚟比較大嚿～都算滑身～今次走飯，雞嘅份量都一樣👍🏻另外跟餐上左蛋同埋包，試左炒蛋同太陽蛋，水準都唔錯，調味剛剛好～包就有別於一般多士，上咗菠蘿包🤩細細隻，跟餐十分唔錯～

新年約了朋友見面，這家茶餐廳午市生意非常好。餐廳門面是湖水綠，顏色醒目，裏外裝修一致，乾淨企理。餐廳有午市常餐，價錢好抵食，奉送飲品。本來想吃沙爹牛肉，但已經賣完了。我點了一份，朋友也點了一份午餐。⭐️黑蒜蔥油豚肉眼撈公仔麵$54配嫩滑炒蛋 及 菠蘿油這個餐有豬排公仔麵，還有炒蛋和菠蘿油，超值。菠蘿油味道不俗，咬下去很鬆軟，配上炒蛋，份量不少，又香又滑。豬排不算太硬，入口鬆化。⭐️熱檸水⭐️大阪醬油鰻魚炒飯$68配清酒𣲙鎮鮑魚我比較喜歡鮑魚，有兩隻酒煮鮑魚，入口軟腍，且有酒香。炒飯很入味，入口很乾爽，米飯粒粒分明。夾著鰻魚裡，口感不錯。⭐️熱朱古力熱朱古力加入奶，冬天喝最正。

炮台山分店仲有自家烘焙嘅麵包🍞 除咗經典菠蘿包之外，仲有幾款特色包點🥐 例如咖啡栗子同紫薯流沙包😚.🍳經典叉燒滑蛋飯: 炒蛋好嫩滑 加上甜豉油好惹味😋 叉燒有好多件，每件都好大嚿，而且幾瘦👍🏼 唔會好肥膩，飯嘅份量都好多，男仔食都一定夠飽🤣.🍜沙嗲牛肉公仔麵: 配嫩滑炒蛋及自選餐包! 沙嗲味好濃郁😍 加上花生碎更有風味🥰 公仔麵夠爽彈😚

大家都知我銅鑼灣食神近來好注重食肆嘅禮貌！剛剛嚟到呢一間又係呼呼喝喝，大家如果睇OpenRice嘅可唔可以用腳抵制一下佢等佢改變一下！好實際嘅嘢OK好食但咁樣守頭關嘅人喺度係咁講趕客咁樣整個集團係冇將來好事實隔離幾間都幾好食你哋咁樣做會浪費廚房好品質唔係講笑我作為銅鑼灣食神我都睇唔過眼希望你哋做好啲我咁多年我都好中立㗎喇壓力大嘅員工休息多啲讓更加多職位出現更加好我就有咁嘅意見啦已經好中立！希望睇到

其實我之前喺網上面見到呢間餐廳，有唔少人都講室友佈置得好靚。我自己都幾中意Tiffany Blue 😍咁講返嘢食先啦，今次呢就同朋友叫咗幾樣嘢食因為樣樣都想試，好難取捨沙嗲牛肉麵+火腿炒蛋+菠蘿油並非一般茶餐廳既沙爹牛肉，而係沙嗲醬有非常香濃既花生味🥜 醬汁濃郁，唔會水汪汪甘，而且牛肉味重亦有咬口 炒蛋嫩滑creamy，係蛋味差左少少。已經有價錢來講已經係超級抵食。 菠蘿油表皮香脆，包身鬆化，加埋牛油既油香味 邪惡之選🤤🤤我自己應該都好耐冇食過菠蘿油拔絲山渣汁菠蘿咕嚕肉可能因為加左山渣汁既關係，醬汁變得清甜而無左一般咕嚕肉既死甜，甜酸balance剛好。而咕嚕肉炸得岩岩好，香脆而juicy 拔絲效果滿分。如果鐘意拔絲效果既朋友就唔好錯過啦! 😋😋 就算食到最後咕嚕肉亦都好脆口，值得一讚火龍果柚子檸檬雞球比起一般西檸雞多左柚子既清香，雞球同咕嚕肉相比之下就冇咁脆身。但肉質juicy 唔會乾噌噌，淨係得炸皮無涵。如果連續食左幾塊雞球覺得濃味 可以食一塊火龍果解一解膩👍👍薄荷菜心苗炒黑豚肉菜心苗有薄荷香味夠哂特別🌱 但出奇地夾 黑豚肉份量多得驚人😱😱一堆肉山甘😂黑醬胡椒粉絲大蝦煲必食推介!

下午茶幫襯四寶食堂，好抵食！餐廳門口有出爐麵包櫃，麵包款式多，琳瑯滿目，套餐仲可以叫菠蘿油添！瑞士汁雞髀配菠蘿油($38)熱辣辣菠蘿包加牛油，充滿港式風味！雞髀入晒味，呢個套餐抵食夾大件！蔥花鹹牛肉炒蛋三文治($34)三文治非常厚身，好足料，亦好飽肚！呢度的下午茶去到6點，其實當一個early dinner都唔錯！過左6點後有晚市常餐，一樣滿足到想食菠蘿油的人。招牌沙爹牛肉公仔麵，配炒蛋、火腿、菠蘿油($55)朋友遲到就只好食常餐吧，份量比下午茶更多，更飽肚，沙爹牛肉味道調教得較甜，怕辣者都啱食架！

「今晚 .. 可摸耳陪我食飯.」「可摸耳 ? 摸你隻耳 ? 」我回道 . 「可唔可以陪我食飯 ? 我係北角 . 」「可以 , 但你要等我搭車過黎.」我回道 . 「Okay.」一見面 , 佢就俾咗一箱野我拎住 . 原本我都唔知點解突然約我 , 直至我細細聲問佢呢箱唔通毒品黎 ? 佢先講我聽 佢今日俾人炒魷魚 佢今日炒左老闆魷魚.「咁今餐我請啦 , 當補償我咁遲先到.」(哄下佢都應該既)因為有一大箱野 , 所以就搵咗呢間坐得舒服啲又有卡位既四寶食堂 .點知佢一落單就落咗一個叉燒滑蛋飯同三道小菜 (一碟檸檬雞球 , 一碟忌廉栗米石班塊, 一碟椒鹽豆腐 ) , 仲想飲啤酒 !!!!!!!! 化悲憤為食量 ??????野食就隨佢叫啦 , 但啤酒就唔好啦 . 我見小菜加20蚊就可以升級套餐 , 有個養生燉湯 , 就呢個啦 , 再加杯忌廉紅豆冰俾佢 .叉燒滑蛋飯一上枱俾佢嚇親 , 洗唔洗咁大碟 !?  啲叉燒蛋鋪得好滿 , 叉燒唔嚡口 , 滑蛋冇水汪汪亦冇過老 , 淋係面既黑蒜油幾好 , 令整體食落冇咁膩 .不過我最大疑問係佢究竟用咗幾多隻蛋 ? 檸檬雞球 睇返餐牌全名應該係火龍果柚子檸檬雞球 , 

經過北角唔知食咩好 見到呢間茶記都幾多人 一於入去試下！去茶記有沙爹牛面就一定會叫，今次都吾例外，仲要聼講呢度沙爹牛面好出名。我地仲叫左黑醬胡椒粉絲大蝦同半隻水門鷄黑醬胡椒粉絲大蝦係餐牌見到已經覺得好吸引要試！黎到完全無失望用沙煲上 wok氣一流比左3隻大蝦 真係好大隻 彈牙粉絲炒到好乾身 胡椒入曬味 送飯好正！水門鷄 半隻 +20 轉餐我地見半隻都只係88 仲要加餐只係加20好抵就叫左結果好驚喜！水門鷄鷄肉好滑嫩 點醬汁同係泰國食既水門雞有過之而無不及！燉湯好足料 好多藥材 感覺好補沙爹牛火腿炒蛋公仔面麵煮得爽彈，牛肉軟嫩，湯汁濃濃既沙爹味，果然係其中一樣招牌跟餐配左個菠蘿油 個菠蘿包超大個食完都飽左一半lol塊油就略細塊 食食下就得反個包每樣野食分量都好大兜！好抵食 推薦！

今日黎到四寶食堂（北角炮台山）試下新式地道茶記先~呢間店好新,裝修好靚, 好適合打卡, 店員安排左卡位比我坐, 好闊落好舒服,餐牌有埋圖, 好易睇。傳菜速度快。店員態度良好, 親切 經典叉燒滑蛋飯係用大碟裝,可想言之有幾大碟幾飽肚! 叫左小飯都仲係好多飯~ 一D都唔孤寒, 滑蛋係完全覆蓋哂D飯, 而且超滑, 叉燒肥瘦適中, 大片, 加埋小小鼓油同蔥花真係好好撈飯!香煎紐西蘭牛扒餐 (包括有嫩滑炒蛋, 脆皮菠蘿油)牛扒可要求唔好煎咁熟, 我呢塊就岩岩好, 炒滑蛋係一如以往好滑好食! 菠蘿油好出色勝在菠蘿包夠熱夠脆, 而牛油夠凍; 牛油好貼心地係冰鎮, 自己將牛油夾入菠蘿包內, 牛油既香咸味太正! 而且大塊, 雖然好邪惡! 但一定要試!

成日經過四寶見到門口都好多人排隊，今日早左收工就過嚟試吓佢👍🏻好味，無得彈👍🏻門口大大張poster 介紹蔥油豬扒煎蛋飯，於是就試試佢，另外朋友仲叫左肉絲兩面黃同椒鹽豆腐磚。我大大力推介呢個蔥油豬扒蛋飯👍🏻👍🏻一上枱我同朋友都 嘩！左一聲，件豬扒成隻碟咁大塊，仲要唔係薄喎，睇份量十分足料。豬扒仲要煎到金黃色，望上去已經十分juicy ,咬落仲正，D油岩岩好係豬扒面層，食入口唔會太乾，雖然咁厚但都唔難咬開，肉質好鬆軟滋味😋😋仲有個蔥油，撈飯一流👍🏻豬扒，蔥油，太陽蛋，全部都高質♥️一啖蛋黃蔥油飯+一啖juicy 豬扒！大家真係必須要叫！好好食！朋友叫個肉絲兩面黃都好正😋個面炸到成個小山丘咁🤩4個字金黃香脆！肉絲汁濃稠足料，配合個香口脆面岩岩口。椒鹽豆腐磚，外皮咸香脆口，𥚃面豆腐嫩滑，一人一舊好快清曬🤩總結所有食物都好高質，上菜又快，環境都好乾浄，如果呢間四寶開係我樓下我實日日都落去食😋

喺東區有好多唔係好貴但又可以食飽飽嘅餐廳，尤其係北角/炮台山呢一晚同一個朋友想食啲酒樓菜，發掘到四寶食堂，原來喺東區人之間都有一定知名度！ 必食推介好吸引，好多都係茶記食物價錢好實惠亦有啲家常啲但喺屋企比較難整得好食嘅菜式健康啲叫個浸時蔬高湯係蟲草花湯，有好多蟲草花同杞子清清甜甜咁，我哋揀白菜仔都好淋無渣火龍柚子檸檬雞球芡汁酸酸甜甜好開胃同適合送飯雞球大概係一口size，炸衣薄薄哋同脆，唔錯招牌菜之一：蔥油豬扒煎蛋飯豬扒好厚好大件，蔥油係比較爽身，係我比較鍾意嘅口感大份同女仔可以兩個人share，勁抵食朱古力雪山，睇隻杯同其他物件嘅對照就知有幾大朱古力比預期滑同香，有少少偏甜面頭仲有大量忌廉，好懷舊呀🤣

夜晚約咗朋友食飯，於是就嚟到呢一間四寶食堂食晚飯。食物款式都幾多，除咗有晚餐之外，都可以單點餐牌裏面嘅食物，價錢合理。星加坡黑醬胡椒粉絲大蝦煲一上枱就聞到好香胡椒味，蝦大大隻，新鮮爽口彈牙，粉絲夠乾身，軟硬適中，索哂胡椒味道，味道濃郁。香煎紐西蘭牛扒配嫩滑炒蛋及脆皮菠蘿油牛扒煎得啱啱好，唔會過熟，肉質幾腍，都有肉味，外層煎得幾香口，另外配有蘑菇汁，令味道更豐富。炒蛋好嫩滑，重蛋味同牛油香。菠蘿油係分開上，牛油冰鎮住，菠蘿包熱辣辣，外皮脆卜卜，麵包鬆軟，夾埋厚切牛油，內冷外熱嘅感覺好正。邪惡鹹蛋奶黃流心西多士賣相都幾邪惡，多士好厚，炸到金黃色，裏面係鹹蛋流心奶黃，奶黃味道突出，帶有鹹蛋黃嘅鹹香， 咸甜咸甜既味道，好好食熱奶茶奶茶好夠熱，奶同茶嘅比例恰到好處，奶味唔會蓋過茶味，入口細滑，茶味香濃檸檬多多梳打賣相好靚，新鮮檸檬汁配上益力多同梳打，味道好夾，酸酸甜甜好開胃柚子氣泡茶柚子味幾出，甜度岩岩好，茶味濃，配搭得幾好雪山紅豆冰面頭好大pat cream，口感軟滑，紅豆多而且飽滿，起晒沙口感綿密，唔會好甜。配埋淡奶，好好飲。

2021年11月10日 晴上次食完銅鑼灣四寶太驚豔, 特登又試下北角呢間分店北角呢間主要係中式, 而銅鑼灣就西式為主黑蒜油叉燒滑蛋飯 $58黑蒜油好香, 幾特別。另外叫店員拎多左dou 豉油, 豉油都好香。滑蛋同叉燒都好多, 叉燒半肥燒, arm arm 好星加坡黑醬油胡椒粉絲大蝦煲 $88有三隻大蝦, 啖啖肉粉絲重胡椒味, 吸曬d 汁, 好食整體偏乾身, 就咁食粉絲好惹味。都見好多枱客叫呢個餸泰式腩肉炒椰菜苗 $72食落惹味, 似燒肉炒菜, 有d 汁送飯arm arm 好燒肉超多食唔曬, 我地話太多肉la靚哥話梗係la, 我地好足料ga ma小菜+$20 可轉套餐, 有湯有飯有野飲今晚係川芎百子湯, 好足料, 入口有濃濃藥材味本身叉燒飯+$20一個湯, 一個跟小菜+$20轉套餐, 點知姐姐話兩個小菜轉套餐抵d, 變左好多飯食野飲叫左男朋友飲過翻尋味ge 阿華田雪山+$7, 而我就熱朱古力埋單total $265, 抵！上次想食ge 菠蘿油又飽到食唔到了...唯有下次再食