四寶食堂 (華凱大廈)

营业中

休息中

係炮台山呢個小社區入面，四寶食堂絕對係值得一試，之前都已經試過銅鑼灣分店係唔錯。我地叫左個常餐牛油多士炒蛋同沙嗲牛肉公仔面，茶記必食😝牛油多士夠鬆軟，烘到微脆，唔錯～炒蛋賣相同味道不錯，唔會太生太熟，幾香幾滑。沙嗲牛肉公仔面有非常香濃既沙嗲味，牛肉份量又多，比起一般茶記質素高，要試！🤤我地仲叫左個瑞士汁乾炒牛河，加左瑞士汁的乾炒牛河顏色比較深，但唔會太濃味，無蓋過牛肉同炒河個種風味，非常推介大家試下。拔絲山渣汁菠蘿咕嚕肉，咕嚕肉唔厚粉，而且啖啖肉，加埋拔絲山渣汁酸酸甜甜配合得幾好，個汁真係可以拔絲！雖然食落會有少少倫盡，但效果十足😆菠蘿仲大大舊非常鮮甜，大滿足！！

星期日要返公司開OT, 心情十分不爽， 所以要對自己好d, 嘆返個豐富早餐先係good morning. 於是行去屋企附近的茶餐廳"四寶食堂", 平時經過呢間茶記都係要排長龍。 今日0830 都唔例外， 大約等左5分鐘， 終於入座， 望望餐牌， 有火腿通粉果, 多士餐等等。 但聽聞佢地出名係沙爹牛肉麵， 於是就叫左呢個招牌餐。招牌餐除左沙爹牛肉麵外， 重配炒滑蛋同餐包。 滑蛋炒得非常嫩滑， 剛剛熟，有蛋汁，亦有香濃蛋味。沙爹牛肉麵， 沙爹汁好香， 有花生醬味， 唔會好甜， 帶少少辣味， 非常可口。 加上個沙爹汁，杰杰地， 可以做到掛麵效果，好食。

四寶用上Tiffany Blue色調喺電氣道好搶眼💛嗱時段經過都有一條小小嘅人龍，等咗5分鐘入座完就快快手叫完餐，等一陣就有得食。喜哥蔥油豬扒太陽蛋飯 $58好多人都食呢個招牌菜，大大件豬扒啖啖肉，肉質唔鬆散，爽口又醃得夠味。蔥油同大陽蛋加埋甜豉油送飯一流！常餐B $50香濃沙嗲牛肉麵配嫩滑炒蛋 及 自家制精選麵包牛肉有咬口唔會嗱到鬆晒，沙嗲汁香濃有花生粒，撈勻沙嗲汁去爽口嘅麵度，味道啱啱好。炒蛋滑得嚟唔會油淋淋，麵包係比較少見嘅墨西哥包，甜甜地仲要係實心包，幾好食又特別。午餐香芋臘味炒飯配雙冬羊腩 $68秋風剛起，臘味羊腩缺一不可，羊腩炆得又香又夠入味，香芋臘味炒飯足料，啖啖都食到芋頭粒同臘味粒，用白飯炒比起糯米飯易消化亦少咗份肥膩感餐飲我哋分別叫咗熱奶茶同埋茶走，茶味非常之濃郁，飲落亦都好順滑。茶走加咗煉奶，成杯奶茶就更加香滑總結：性價比極高，咁嘅價錢咁嘅份量仲要係高質素，唔怪得真係咁多人排隊食。

森仔去左北角探朋友，之後一起去附近食晚飯聚聚舊。今次搵到間幾高質嘅茶餐廳：四寶食堂。😻😻😻之前我喺炮台山返工知道應該喺AIA附近，但原來近來轉去了北角渣華道街市對面。唯一不變的是地點方便，附近人流也不少。而改善嘅地方就多了，地方大了，有外賣包點直接購買，菜式更加是多了很多很多，讓人目不暇給。有選擇困難症嘅森仔用了好一陣時間才能決定好菜式😹😹😹當日我叫左經典黑蒜油叉燒滑蛋飯，老火養生燉湯套餐之魚香茄子🍆鮑魚雞粒煲和拔絲山楂汁菠蘿咕嚕西班牙黑豚肉😻😻😻嗜食嘅森仔將他們分了個高低排名🥇🥈🥉🥇黑蒜油叉燒滑蛋飯呢個叉燒滑蛋飯本身已經係冰室🍴經典又招牌嘅食品🤤🤤美味已經係必定的🤫大大件肥瘦適中嘅蜜汁叉燒再配上香滑炒蛋，真係100分😍不過，餐廳🍴仍然在尋進步，嘗改用黑蒜油取替甜豉油，帶來新味覺衝擊。獨特而香濃嘅黑蒜油，真係香濃到不行。而當中叉燒滑蛋嘅份量真係不得了，起碼有3隻蛋嘅份量，真係抵食到爆！又好食又足料，真係每次森仔都會必叫👍🏻👍🏻👍🏻👍🏻🥈拔絲山楂汁菠蘿咕嚕西班牙黑豚肉呢個就係森仔從未試過嘅新菜式。佢個醬汁真係超級無敵正，酸酸甜甜，真係做到拉絲嘅效果🤪🤪🤪而西班牙黑豚肉係貨真價實，有優質豚

睇食評見好多人都叫滑蛋叉燒飯, 所以一坐低餐牌都唔使睇, 即叫一份黎食, 嘩~快到呢, 唔使5分鐘, 侍應就奉上一碟上枱, 以為係整定的, 又唔係喎, D滑蛋係熱辣辣, 真係超級正呀!蛋, 確實非常之滑而且仲有蛋香, 有好多叉燒, 嚿嚿都嫩滑, 佢地係絕配呀~😋😋食食才醒起未叫其他嘢添, 見有個水門雞$88有半隻, 好抵食喎, 份量唔少, 肉質都算滑流。😍😍跟住餐牌又有個吸睛嘅黑醬胡椒粉絲大蝦煲, 依~個煲上枱同餐牌張相一樣咁靚, 蝦確實係大蝦, 而且仲好爽口彈牙, 粉絲都好大堆頭, 每一口粉絲都有香濃嘅胡椒, 哈哈, 食唔停咀啊!👍🏻👍🏻見到餐牌有好多一人前養生燉湯晚餐, 好吸引呢, 不過, 兩個人真係無辦法再叫啦, 下次, 下次....後會總有期!😜

餐廳位於炮台山食街 人流頗多 裝修用上裝修特有用心 打破對傳統茶餐廳的定義 用上Tiffany blue 美觀又入流😚😚黑蒜油叉燒滑蛋飯 $58呢道招牌推介菜真係聞名不如見面😂 雞蛋既嫩滑程度係誇張 入口超creamy 厚切叉燒更係咬落鬆軟 在飯既上端淋上黑蒜油汁係畫龍點睛既一筆 將其精髓帶出XO醬蝦球滑蛋飯 $68同樣係滑蛋飯 加入XO醬又另一風味 $68有約7-8粒大大粒既蝦球 CP值極高 完全無雪味👍🏻份量偏大 胃口細啲既不妨可以叫小飯🤭邪惡咸蛋醬雞中翼 配美式炸薯條 $36雞中翼同薯條都係新鮮炸起 非常香脆

今日嚟到炮台山想食啲茶記午食，就揀咗食四寶食堂💓見到餐牌款式眾多唔知食咩好🤣當然叫返啲👍🏻店舖推介啦~⭐️黑蒜油叉燒蛋飯 $58叉燒蛋飯平時就食得多啦，開初以為配埋黑蒜油會好奇怪….原來….係錦上添花呀🤩蒜味唔算太濃，但食上口提升咗叉燒蛋嘅口感同味道👍🏻 另外佢嘅叉燒唔會喺出邊乾爭爭咪好韌嘅肉，CP 值高！⭐️香濃沙嗲牛肉麵 $50我個人覺得呢個常餐真係好抵食，牛肉份量有多，炒蛋仲可以轉做煎雙蛋👍🏻另外加 $8 就有個脆熱嘅奶油豬💓 真係要讚一讚，佢地俾好多煉奶架🤤今日口痕，想叫多個菠蘿油食🤤雖然真係好邪惡但係真係好好食😚開頭以為塊牛油太細，但原來佢呢個份量係適中，咬每一啖都會食到牛油，配埋鬆脆嘅菠蘿包真係一流🥰呢間餐廳嘅員工都非常友善，座位都寬躺，坐得舒適，同朋友過嚟食下飯敘舊都唔錯！

⭐️【北角】摩登港式好味冰室⭐️最初認識【四寶食堂】，是因為它們在店門口擺設售賣各式港式麺包🍞，麺包新鮮出爐，每個都脹卜卜，非常新鮮吸引😋。今次終於有機會去品嚐晚餐，餐廳外觀非常搶眼吸睛😍，店內店外裝潢用上Tiffany Blue湖水藍色調為主，感覺光亮舒服🤩，餐廳主打港式茶記常餐菜式及摩登家常小菜，看一下餐牌，大都以套餐為主，而且價錢定位非常親民抵食👍，而且有很多款式選擇，難怪未到晚飯時間已經坐滿了人。👍【招牌喜哥蔥油豬扒煎太陽蛋飯】(HK$62)豬扒大大塊非常厚身，煎到火喉鮮嫩不韌不乾身，覺得有點像慢煮豬扒，很輕鬆就可以切開，入口肉質非常軟嫩而且有肉汁😋，而太陽蛋邊位煎到香脆，加上香濃的蔥油及甜豉油，配上太陽蛋汁的白飯非常滋味，難怪是餐廳招牌菜式之一👍😍。👍【拔絲山渣汁菠蘿咕嚕肉】(HK$88)咕嚕肉有別於一般的中式餐廳的咕嚕肉，粉皮炸得非常薄身，入口香口又軟嫩，加上山渣汁的香甜味，濃度形成拔絲效果，最喜歡它的甜味比酸味多，感覺順喉亦很開胃，而菠蘿燒得有微微焦香🍍，擺盤亦見非常用心，令人回味的菜式👍😋。🐂【沙嗲封門柳粉絲煲】(HK$88)粉絲煲上檯時是熱騰騰冒著煙，封門柳份量不少，雖然

經典雞髀常餐😋😋🍗瑞士汁雞髀撈公仔麵+炒滑蛋+丹麥多士 $52四寶最出名嘅就係常餐🤩🤩瑞士汁雞髀好大件，瑞士汁好入味！！啖啖肉😋唔會過分油膩，雞皮顏色好靚，賣相好掂😛撈公仔麵上邊有蔥油，好加分！成個味道香口😋公仔麵就比較硬身，始終冇乜醬汁，所以會有少少黐住～～炒滑蛋正常發揮，都有牛奶味，唔會好老！丹麥多士好食，不過送到上嚟唔算好熱，但係包嘅質地好鍾意！亦都唔似普通多士咁硬梆梆🤩咁嘅價錢食到咁多嘢好開心又好豐富😝😝😝唯一就係，呢間野長期都好多人😩次次經過都大排長龍，上次去食雖然唔使排好耐，不過侍應都會吹趕你，所以食嘅時候都急急腳😣

都好耐無去過炮台山呢頭，見呢間冰室都幾受歡迎所以就同朋友去食過晚餐啦。首先就叫左個蔥油豬扒煎太陽蛋飯，作為呢度嘅招牌之一果然無令我失望，撈混太陽蛋落d飯食更加惹味，而且最正係豬扒超級大塊，好夠食，豬扒口感不錯，唔會話覺得好乾，值得一試。另外就叫左個紐西蘭牛扒配炒蛋同菠蘿油，淨係聽個名都夠曬邪惡，牛扒牛味都幾濃，炒蛋亦都好夠滑，不過我最鍾意都係菠蘿油，菠蘿包喺呢度即時新鮮製作，口感同味道都一流。食左咁多肉當然都加碟菜，我哋叫咗個唐人街飛天炒通菜，有少少辣食落更香。

好耐之前已經見過呢間餐廳既報導，今次經過比佢既Tiffany Blue色tone 吸引左入去食，一嚐四寶食堂🔸各式麵包🔸門口櫃既麵包非常吸睛😍係好味既視覺，有唔同麵包，包括菠蘿包，紫薯流沙包，咖啡栗子包等等，全部都好吸引！今次試左菠蘿包，外脆內軟，非常脹卜卜，新鮮滾熱辣食嘅感覺就最好了！🔸紐西蘭牛扒.炒蛋菠蘿油🔸$78晚市黎講$78食到一件咁厚(1.5cm左右）嘅扒性價比算係幾高，可惜調味咸左dd。炒蛋嫩滑厚實，好味道。而菠蘿油非常貼心，牛油會分開上，啱晒啲唔食牛油嘅減肥人士👍🏻🔸黑蒜油叉燒滑蛋飯（已少飯）🔸$58留意番少咗飯但仍然好大兜，可想而知佢本身飯既份量非常之足，叉燒亦有好多塊，非常抵食！🔸椒鹽金磚豆腐🔸$68擺款非常靚成個金字塔咁，豆腐出邊嗰層脆脆，內裏軟林林，食落去感覺非常特別，值得嘗試👍🏻🔸餐牌🔸

成日食世界各地唔同嘅菜式，今日呢餐午餐一於返璞歸真，支持吓本地嘅冰室！P.S. 佢仲要係播本地流行曲，啱晒鏡粉同埋其他粉絲呀！香濃沙嗲牛肉麵 配嫩滑炒蛋及自家製精選麵包⭐⭐⭐⭐⭐先講呢度嘅沙嗲牛肉麵。對比另外兩大出名嘅沙嗲牛肉麵，呢度嘅出品一啲都唔失禮。沙嗲汁非常之香濃，更加食得到花生粒。牛肉嘅份量非常之好多，質感同埋味道上都係一流。同行嘅炒蛋嫩滑冇過熟，牛奶餐包鬆軟帶香濃牛奶味。三者嘅配搭，完全做到港式早餐嘅榜樣！招牌瑞士汁炒牛河⭐⭐⭐⭐一開始以為只係普通嘅乾炒牛河，換個瑞士汁「換湯唔換藥」就算。點知侍應一拎上枱嘅時候，瑞士汁嘅香味就撲鼻而來。值得一讚係河粉同啲瑞士汁做到融為一體，唔單止唔會食少少就覺得油膩，反而甜絲絲嘅味道令人食唔停口。極度懷疑呢間冰室嘅牛肉係唔使錢嘅，當中嘅牛肉係多到食極都仲有， 完全值回票價。凍咖啡 & 紅豆冰⭐⭐⭐⭐去冰室飲凍奶茶就好似指定動作，但係今日叫錯咗凍咖啡，點知換嚟一個驚喜呢度嘅凍咖啡飲得出佢唔係普通貨式，而係真係有即磨咖啡香嘅味道。既唔會有一般嘅苦味，取而代之係一種真正嘅咖啡香。再嚟就有紅豆冰。奶同紅豆嘅份量啱啱好，冰又唔會過多正正就係我想要嘅港

四寶食堂 (北角).呢間係我倆真係平日都常吃嘅飯堂，平時食開嘅係銅鑼灣分店，今日離開炮台山呢邊，點知發現原來個餐牌銅鑼灣係有分別！.▪️黑醬胡椒粉絲大蝦煲▪️.呢個絕對需要推介大家去試，三大隻大蝦好似寶物咁埋係粉絲底，粉絲非常之入味，乾身，胡椒味濃郁。絕對比好多大酒樓嘅粉絲煲好食😋 .▪️紐西蘭牛扒炒蛋菠蘿油▪️.又係驚喜食物，呢到絕對係性價比之王，紐西蘭牛扒好嫩口，呢到嘅炒蛋好滑，菠蘿包同牛油分開上，牛油🧈有冰底，保持冰涷，再夾入熱辣辣嘅菠蘿包入面，一定要盡快享用🥰.▪️酥皮蛋撻 熱奶茶▪️.又係香港美食代表之一酥皮蛋撻，蛋撻唔算好熱唔係啱啱出爐，不過金黃色嘅蛋仍然好香，微甜，再飲啖醇厚嘅熱奶茶，好有滿足感！.▪️檸檬梳打多多▪️.檸檬多多大家就飲得多，加埋梳打真係比較少，如果大家想飲有氣又開胃嘅飲品，呢個不錯！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌 四寶食堂 (北角)北角電氣道258號華凱大廈地下Ｃ＆Ｄ號舖

食過四寶飯堂銅鑼灣分店超好食所以今日經炮台山二話不說即刻排隊。我哋兩個人首先叫左2個午餐：黑蒜油叉燒滑蛋同埋咖喱牛肋肉。落單時候啲伙計好nice，好有耐性，唔似其他茶餐廳一樣服務態度麻麻，好似勁冇耐性。而且上餐速度都好快，抵讚。食物質素真係好得，個滑蛋真係好滑，而且份量勁多，啱晒大食嘅我。咖喱牛肋肉係用牛肋肉，冇牛腩咁肥，想食得健康啲，又要好味，食牛肋肉就啱啦。我本身都幾食得辣，所以會“炎”個咖喱汁唔夠辣，香味係夠嘅，而且唔係死咸，味道有層次，如果再辣啲就perfect。由於啲野好啱胃口，所以加多個喜哥蔥油豬扒太陽蛋。嘩，呢個真係超班，豬扒係厚切嗰隻，我對鬆肉粉&梳打粉都好敏感，好怕嗰“浸”味，呢度一啲都冇嗰“浸”味，咁厚都唔乾硬，豬扒汁嫩香軟，加埋啲蔥油真係好好食，必食推介。

🍜黑蒜蔥油豚肉眼撈公仔麵 $54配嫩滑炒蛋 及自家制精選麵包🍛芝士安格斯牛肉漢堡飯 $48伴黑椒磨菇汁🍗瑞士汁雞髀 $28呢間午市都幾多人去食，同埋佢2:00就下午茶，已經有人排緊隊，佢嘅嘢食真係好抵食，每隻嘅份量都好多，個公仔麵真係好正，佢嘅黑蒜蔥油夠入味，博士我推薦。個滑蛋好正又夠大份，仲有個包。塊牛肉漢堡都唔錯，佢底層有啲芝士醬，仲有個雞髀，大大隻，本身一set係跟埋菠蘿包$38，個菠蘿包超大嚿🍍，見好多人都叫嚟食，不過我哋驚食唔晒，所以淨係叫雞髀🍗。佢哋仲有蛋撻等等，某程度上係糅合左中式西式同餅店🥮，而且價錢有大眾化，款式多，幾受歡迎。同埋佢比一般嘅茶餐廳都光猛同乾淨✨，俾博士我下次都可能再嚟幫襯下。