四川重口味

营业中

休息中

近排成日心思思好想食麻辣野😍放工就同朋友去左呢間四川重口味我唔算食得好辣 所有嘅菜式我地都係選擇左小辣或者中辣個嘴愈食愈麻😆食到出晒汗添不過麻得好過引呀！😍-🍴😋麻辣香鍋香鍋有不同種類嘅配料 午餐肉、蓮藕片等等每種都好入味當中最欣賞就係蓮藕片 切得好薄身 麻辣香味十足-🍴😋黃金皮蛋皮蛋有少少流心 食落去唔會有死實實嘅感覺配埋上層嘅蒜 配搭一流👍🏻-🍴😋川北涼粉涼粉好有咬口同埋煙靭食落唔會覺得好乾身再配埋青瓜絲凍食 正👍🏻食之前記得撈勻少少-🍴😋招牌水煮魚~ 桂花魚水煮魚係可以揀要邊種魚 每片魚肉都好大片 肉質嫩滑 無腥味 而且好少魚骨適合唔鍾意食到有魚骨嘅人😆唔怕辣嘅話 可以要大辣試下-🍴😋麻辣魷魚鬚魷魚鬚好爽口 而且份量好多啲配料一樣好重麻辣味-🍴😋古法龍抄手~ 韭菜抄手好香韭菜味 連平時唔太鍾意食韭菜 都覺得好好味食嘅時候記得點多啲汁-🍴😋紅糖糍粑有紅糖嘅關係 食落甜甜地 口感煙韌而且外脆內黏 值得一試！

位於筲箕灣既四川重口味有兩層樓, 店內空間感十足👍🏼枱與枱之間距離遠, 而且座位亦好寬闊, 好適合一大班朋友聚會, 價錢亦非常合理👏🏻🐟招牌酸菜魚(脆鯛魚) $168酸菜魚既魚可揀脆鯛魚或桂花魚($268), 魚肉嫩滑脆口冇骨, 湯底好濃郁, 後勁較辣🥵而配菜有酸菜、娃娃菜仲有薯粉。🐟大盤鹹肉菜花 $72一上菜就聞到濃烈既孜然粉味道, 菜花同鹹肉都食到有孜然粉既味道, 大大盤食極都有, 喜歡孜然粉既人不可曾過🤗🐟紅糖糍粑(6條) $48甜品向來都係第二個胃, 而且食酸菜魚冇可能唔食糍粑, 先係完美既Ending🥺糍粑外面香脆, 裡面軟糯, 配上紅糖增添味道。

最近發現筲箕灣開咗依間川菜餐廳嘅新分店，嗜辣嘅我就即刻相約朋友去聚一聚順便去試吓。食辣一定會諗到酸菜魚同水煮魚，今次就揀咗招牌酸菜魚。桂花魚軟嫩無刺，湯底酸菜味好出之餘仲有薯粉係底。前菜嘅選擇超多，其中古法牛心頂我超愛，薄薄一片但口感十分過癮，超爽脆，真係大推！夫妻肺片都係必點，切得大大片，味道香辣入味呢！萵筍我都好鍾意，所以點咗碟份量幾多嘅腩肉炒萵筍。另外藥膳醉雞煲都好吸引，湯底濃濃藥材味，雞肉唔柴又足料！最後不少得點碗桃膠冰粉作甜品，口感清甜又有解辣作用啊！貼心位係菜式都可以選辣度，怕辣或嗜辣嘅朋友都可以照顧到。環境又闊落，好適合親友聚會啊！

筲箕灣呢間四川重口味新裝修, 樓高兩層, 店面空間好大, 坐得好舒適。而且川菜款式多, 又有雞煲小菜, 適合一班人聚會。招牌酸菜魚 $168可選脆鯛魚或桂花魚, 我地選左脆鯛魚, 肉質脆口, 湯有香麻味又濃郁。配菜有好多酸菜、娃娃菜同薯粉。大盤鹹肉菜花 $72份量很多, 孜然粉味道非常香, 當然食落都係啖啖孜然粉味。鹹肉爆炒得好香口, 鹹香味很出再配上孜然粉味道, 送飯一流。黃金皮蛋 $40一直都較喜歡食黃金皮蛋多過普通皮蛋, 少了阿摩尼亞既味道。重慶酸辣粉 $29原本以為酸菜魚冇配薯粉, 所以就叫左酸辣粉, 不過唔緊要, 叫多左都食得晒, 酸辣粉吸晒湯汁, 好好食, 而且又唔會好辣。紅糖糍粑/6條 $48糍粑外層脆卜卜, 內層煙韌, 配上紅糖, 甜度剛好。

這間位於筲箕灣的川菜館，主打正宗的四川菜式，菜式選擇非常豐富，包括烤魚、酸菜魚、小炒、甜品等等。煮法可選小小辣至極辣，部份菜式更可走辣，正適合嗜辣又怕辣的香港人口味。全日免茶介，晚市加一服務費。店內裝修富時尚的中式格調，寬敞舒適的座位，燈火通明，非常適合群體聚會。烤魚鍋筍殼魚 - $258筍殼魚是高級淡水魚之一，魚肉鮮嫩無土腥味，帶著淡淡清甜。整尾魚經處理，先香煎至魚皮脆中帶嫩，雪白的魚肉肥美飽滿剛巧半熟，正好慢慢滲入湯汁，特意選擇上湯味，保留魚肉的鮮美，入口即化，還有豆卜、洋蔥、蓮藕等配料。麻辣魷魚鬚 - $98一條條魷魚鬚外焦內嫩，入口煙韌彈牙，麻麻辣辣好惹味。香辣炒田雞 - $118田雞比起雞肉更加軟嫩可口，而且沒有多餘肥肉，甜美無比。蒜香大淡蝦 - $78三大隻淡水蝦肉質結實鮮甜有嚼勁，吸飽鹹香的醬汁及蒜香。蒜蓉炒時菜 - $62一條條甜脆的娃娃菜好細嫩富蒜香。紅豆燒仙草 - $28滑溜爽彈的仙草香甜順口好清熱，還有綿密的紅豆蓉好香甜。桃膠冰粉 - $28晶瑩剔透的冰粉滑溜清爽，一粒粒琥珀色的桃膠好有口感。特飲(大話七) - $22七喜汽水浸著話梅乾和話梅醬，搞拌起來酸酸甜甜好

今次約左好友去筲箕灣嘅四川重口味食川菜，餐廳有新裝修，樓高兩層，空間感幾大，樓下都係卡位，坐得舒適，主打多款麻辣小菜、酸菜魚、 雞煲等，菜式種類都幾多，而且辣同唔辣都有多個選擇呀🤗！🐟招牌酸菜魚(桂花魚) $268酸菜魚可選脆鯛魚/桂花魚，我地就揀咗桂花魚，桂花魚肉肥美，肉質嫩滑，配上酸甜爽口嘅酸菜，非常開胃。湯汁濃郁，配上蔬菜同薯粉，味道更加豐富！🐥回味雞煲 $158(半隻)煲內嘅雞肉非常嫩滑，配上薑蓉和蔥，味道非常香濃，香氣十足。半隻雞份量亦好多！💚涼拌萵筍絲 $52萵筍絲非常清爽，口感脆爽，搭配上醋和辣椒，味道鮮美，是一道非常不錯嘅開胃小菜。🐮京蔥爆炒牛肉牛肉非常鮮嫩，搭配上京蔥同辣椒，惹味又可口！🧡桃膠冰粉 $28桃膠口感彈牙，搭配上冰粉同糖水，非常適合用來解辣呀！💛紅糖糍粑$48(6條)糍粑外層香脆，內裏口感非常軟糯，搭配上紅糖，味道香甜，值得一試呀！❤️紅豆燒仙草$28仙草口感軟綿，搭配上紅豆同糖水，味道非常清甜，好好味🤗🤎自製酸梅湯$42瓶酸梅湯酸甜適中，清涼又解渴，啱晒用伴香辣菜式，好解辣！

位於筲箕灣 一間主打四川菜 嘅新餐廳佢哋分別喺土瓜灣同深水埗都有分店 而呢間新分店就有兩層高幾千呎 空間感十足入到去真係坐得好舒服 好寬敞好光猛______________________________打開餐牌嘅食物嘅選擇好多 有多款麻辣小菜之餘亦都有多個辣度選擇 唔辣都得!招牌酸菜魚•泡椒酸辣大蝦•惹味雞煲等等______________________________/ 招牌酸菜魚 // 雲吞雞 // 麻辣香鍋 // 黃金皮蛋 // 川式手撕包菜 / 叫嘅每一道菜都份量十足又高質酸菜魚嘅魚片大大片之餘 食落好嫩滑麻辣香鍋都好推介俾大家 惹味帶焦香連睇落平平無奇嘅手撕包菜都好出包食落爽脆 香甜 每一道菜都好送飯🔥💯真心覺得性價比好高 成餐飯都食得好滿足🥰______________________________

前幾晚放工帶朋友去四川重口味 @食啲重口味野🤣🤣🐟桂花招牌酸菜魚（小辣推介美食 小辣都幾辣下叫左多酸超好味桂花魚大大條起曬肉完全冇骨食起上黎夠方便下面仲有少量寬粉🥬椒絲腐乳通菜唔好睇佢咁多辣椒其實係幾乎唔辣既通菜超嫩有驚喜🦐香辣炒大蝦 強烈推介菜式蝦肉入味又鮮甜肉質都幾結實🥘炒水晶粉辣度偏高㗎不過水晶粉超好咬冇得頂呀～食得辣既一定要試🐣農家咸雞好有家鄉風味雞好肥美又好滑建議配白飯🍡紅糖糍粑甜度唔會太高口感煙韌

今日想介紹一間我已經食咗好多年嘅餐廳😆識得我開嘅朋友都有陪過我去食🤭食得辣🌶️嘅你，就唔好錯過啦川菜，四川重口味就係我經常去嘅餐廳😛佢哋最近仲開咗新分店🤭一於過去試吓我平時最鍾意食佢哋嘅午餐價錢都幾相宜😗我的必食推介酸菜桂花魚🐟酸菜桂花魚，魚肉質鮮嫩可口，十分美味，吾會太油，岩哂我，骨小👌香辣炒大蝦另外一款小菜我就推介大家去試吓呢一個，因為佢份量都幾大節而且每隻蝦都炒得好入味麻辣味芳香撲鼻，充滿味蕾嘅享受，旁邊仲有蓮藕一齊食😗

有冇朋友仔同小編一樣都係無辣不歡之人呢? 最近筲箕灣開咗新嘅川菜餐廳💗樓高兩層環境闊落，佢地主打招牌酸菜魚、惹味雞煲等菜式，岩曬約埋一大班人去食主食麻辣小龍蝦 $178鐘意食小龍蝦必點之選🤩大大碟辣得黎夠晒惹味，底下仲有吸曬湯汁精華嘅芽菜同寬粉，大滿足麻辣烤海鱸魚 $238烤魚鍋湯底有辣有唔辣 (香辣/麻辣/酸辣/上湯)，魚類都有3款選擇，分別係孔明烤魚、海鱸同筍殼魚! 魚煎香過再食外皮帶少少香脆，肉質較結實冇咩骨，內有豆卜，海帶，蓮藕等配料，值得一試涼菜泡椒雲耳 $38 木耳脆嫩微酸、泡椒味濃郁，作為前菜好開胃夫妻肺片 $58 將紅油伴各式牛雜料，食落香辣爽口，小編大愛牛肚好惹味麻辣豬耳 $58切成幼絲的豬耳及青瓜口感爽脆，既麻且辣的味道十分開胃 黃金皮蛋 $40金黃色嘅皮蛋晶瑩剔透，入面蛋黃呈溏心膏狀，配上醬汁更為惹味甜品紅糖糍粑 $48 (6條)食川菜點可以唔食紅糖糍粑，糍粑炸至外脆內煙韌，配上紅糖更滋味桃膠冰粉 $28冰涼感覺有助解油膩解辣，比較特別係加左爆珠，口感更豐富

筲箕灣/深水埗美食攻略2023川式風味餐川菜 (四川)火鍋 粉麵/米線 中菜館要麻有麻要辣有辣,原來食辣最細係BB辣,上次食小辣已經幾乎頂唔順,但佢既辣真係好惹味好回味今次食雲吞雞,口水雞,酸辣粉,炒通菜,最後食埋冰粉收工環境裝修走新派明亮舒服路線2個人都係坐卡位但食完就要閃人,因為好多人排隊呢,建議6點半前黎,無咁多人先黎川味口水雞,雞件嫩滑,個汁大約係細辣小辣,雞皮薄個汁香而帶辣流曬口水~雞份量有例牌或半隻或一隻,2人食例牌已好足夠,酸辣粉都係好香辣帶酸粉爽彈牙料有肉碎,酸菜等等,雞肉浸湯食岩岩好~炒通菜,微辣,豆腐乳加辣椒絲,炒得岩岩好,仍脆綠香口,好吃雲吞有8隻,湯係鮮雞湯,先飲湯,再食雞再食雲吞,夠鮮甜鮮味,加個粉絲底就無敵喇! 份量夠大,足2-3人用平均消費$200/1人評分8/10#四川重口味筲箕灣東大街132號地下G/F, 132 Main Street East, Shau Kei Wan

全新形象，裝修別具風格！港島四川菜式，主打麻辣小菜，招牌酸菜魚、泡椒酸辣大蝦、惹味雞煲，亦有多款唔辣菜式可供選擇！飯店共分兩層，座位空間感十足，設有卡位雅座。蟲草花豬肚雞煲 雞煲用料十足，真材實料，雞湯清甜鮮味，喝後不口渴，雞肉肉質嫩滑涼拌涼瓜涼瓜清熱解毒，切至薄片，配搭滕椒調味，口感清脆甘口而不太苦紅糖糍粑 糍粑炸至外脆內軟綿，有嚼勁，加上紅糖甜到適中，必點桃膠冰粉桃膠爆珠冰粉，冰涼感覺有助舒緩剛才的辛辣感，解油膩解辣下次會試試它的烤魚鍋和其他廚師推介香辣菜式😋@heavytastehk四川重口味 (筲箕灣店)🔸網址: https://s.openrice.com/QrbS0yl45W0~udBcBAA🔸地址: 筲箕灣東大街132號地下筲箕灣站C出口步行3分鐘) #四川重口味 #重口味 #筲箕灣美食 #筲箕灣 #火鍋 #川菜 #雞煲 #打邊爐 #酸菜魚 #水煮魚 #foodie #hkfoodie #foodporn #foodblogger #blogger #hongkong #hk

屋企人鍾意食辣野，見到筲箕灣開咗新嘅川菜「四川重口味」💗裝修雅緻，價格親民，一於去吃餐飽～依到樓高兩層，下層有大卡位雅座，坐得好舒服。🔶麻辣小龍蝦 $178🤩大大碟好有睇頭，紅噹噹一上枱令人垂涎欲滴。小龍蝦辣道十足夠晒惹味，食到唔停🫶🏻底下仲有索盡麻辣精華嘅芽菜同Q彈寬粉，食到好滿足。🔶川香麻辣鴨舌 $98超推薦！鴨舌入口爽彈肉滑，十分入味，麻香辣度有層次，越食越滋味。🔶藥膳醉雞煲$248/1隻飄來藥膳香氣🥳雞入口嫩滑有酒香，湯頭甘甜充滿鮮香，飲咗好幾碗。份量可以揀一隻or半隻，我哋叫咗一隻，雞好多好足料🤩另外，有好多邊爐配料可以order ,食完醉雞再打邊爐。🔶靚靚肥牛$108捲得好靚🤩每捲有2大片，依個價錢真係抵食。肥牛厚薄適中，入口嫩滑有牛香。🔶甜品點咗桃膠冰粉 （$28）和紅豆燒仙草 （$28），兩款都大大碗好抵食。桃膠冰粉解辣一流，冰粉入口彈滑有質感，加埋養顏桃膠，正 ！紅豆燒仙草有香甜紅豆蓉，又係另一番風味。🔶酸梅湯 $42自家製酸梅湯，清熱氣最啱。打邊爐食辣嘢fit 晒，清甜解膩。

因為屋企人好喜歡吃酸菜魚，一開張我們已經連續幾星期買外賣午餐回家吃。第一星期酸菜魚飯是$58，仲好多魚；第二星期已經改了$68，又小了魚。當天下午有時間去堂食試試。午市餐牌酸菜炒大腸飯(小辣)，大腸爽脆，但有一倆件未洗得乾淨。回鍋肉飯(小辣)，肉太肥，味道ok，略油了點。酸菜魚飯，魚滑，味道唔錯。蔥油雞飯，有好多件雞，雞滑，葱油夠香。古法牛心頂，這餸是主餐牌的，不是午餐。牛心頂爽爽地，下面墊了很多芽菜，但碟餸暖暖地，我本人覺得暖暖地令味道有點奇怪。整體味道唔錯，但餸看似好大碟，其實主菜不多，配菜為主。不過蔥油雞份量好多，價錢又平，好抵食。

四川重口味 (筲箕灣).筲箕灣呢間真心平靚正，唔好以為得辣野食，就算我地唔算好食得辣都無問題💜.烤荀殼魚- 呢到本身以為得川菜，點知原來都有烤魚食，酸辣夠開胃，愈煲愈辣。內有大量配料，洋蔥，海帶，豆卜等。我地另外再叫娃娃菜，薯粉同埋冬瓜！.川北涼粉- 入口滑溜，出乎意料地又唔算係好辣.濃湯雲呑雞- 推薦必叫，一上枱就比份量嚇親。入面有成八粒雲呑，我地四個人人均有兩粒。雲呑仲要非常大粒，肉多仲有一粒仔蝦！.蒜蓉炒時菜- 通菜生菜油麥菜，蒜蓉炒，必叫菜，炒得好香！.四川重口味 (筲箕灣)筲箕灣東大街132號地下