四海遊龍鍋貼水餃專門店 (已結業)

環境：行過食堂　不少食舖肚沒太餓　看到這連鎖店　想想就試試餃子吧我來得晚（約８：３０）　食堂很多位食物：點了一個招牌套餐招牌窩貼＋酸辣湯　＄２８窩貼用料一般　豬肉＋蔥　煎香底反轉上　熱度是可以的　酸辣湯算ｏｋ　豆腐粒＋紅蘿蔔＋金菇肉絲等 吃來還可以畢竟是連鎖店　是不能要求太多了醋＋辣醬等佐料　看來可以更好 最後啊　沒有咖啡喝　有點小可惜總括來講　沒很餓想細細地食一餐　是不錯的地方

平時晏收工，十點去到觀塘無咩好食，多數都係食最近小巴站的八方雲集，今次太肚餓，係新都城個FOOD COURT 搵野食算，食開八方雲集，今次食下差唔多的四海遊龍。單睇菜單，八方雲集同四海遊龍極度相似，但係四海遊龍有牛肉水餃，就決定一試，連同韓式辣味餃雙拼。雙併餃子套餐，30蚊10隻，加湯加飲品。先講牛肉餃，牛肉餃係黑椒牛肉，似是免治牛肉加黑椒，食落有點似黑椒牛丸味，味道唔錯，不過牛肉有點硬；韓式辣味餃就明顯同八方雲集不同，八方雲集好似大隻小小，多料小小，而味道亦甚不同，相當有泡菜味。而個貢丸湯有點怪。。。。下次都係飲返粟米湯。就咁食一餐都OK～食埋原味餃再對比八方雲集。

辣水餃是有泡菜做饀, 但一點泡菜味都沒有. 皮又厚, 跟超市急凍餃子沒兩樣.還把餃子煮爛了. 我見到, 但沒有要求換, 反正沒有煮爛的也不見得好味.酸辣湯絶對不是平時上海菜館的, 無論色香味也要像樣, 似是胡椒湯.

今日留喺屋企睇書,所以叫左爸爸落去呢間買外賣做Lunch.同平時一樣,我去親呢間都會食韓式辣味窩貼,再加多個酸辣湯.韓式辣味窩貼:可能因為外賣,所以唔係太脆.個皮唔算太厚.佢入面果d泡菜真係好香,而且夠足料!酸辣湯:佢有蛋花,豬紅,筍果d做湯料.個湯有少少酸同少少辣,但係都只係求其喺入面加d黑椒料就算.比起出面,呢到嘅酸辣湯真係唔得.食完之後個口有d口渴,始終佢都有落味精,所以都係唔好成日食.

係food court遊蕩左一陣, 終於決定食呢間台式料理啦, 因為呢間係人流冇斷過, 不過有人排隊, 食物質素應該唔錯卦~~ 揀左韓式辣味水餃麵套餐(牛肉湯,豆漿) $30其實我買完有d後悔, 因為一般8件水餃/鍋貼配麵/飲品都只係$22/24, 再另外配飲品都係$4/5, 根本都唔會到$30 不過係我個人問題, 算吧啦~~等左起碼6分鐘先有有, 一黎見到濃濃既牛肉湯+五,六件韓式餃+上海麵+一大棵菜, cashier個邊有寫呢款餃係由泡菜+免治豬肉+免治雞肉做成既, 幾得意~ 咬開個水餃, 見到d汁真係紅紅地色架, 應該係泡菜關係, 裡面我真係食到泡菜, 肉方面我真係分唔出免治豬肉&免治雞肉, 不過mix埋都真係唔錯, 辣辣地, 岩我呢個傷風人 上海麵每條粗幼不一, 唔知係人手做定機器做呢? 不過個口感都幾好~~用左十五分鐘就KO左碗台灣店既韓式辣味餃子配上海麵, 下次如果有機會黎呢頭, 等我試下D鍋貼同八方雲集有咩分別先~

夜晚發生左D吾開心O既事;男朋友從屯門飛過將軍澳陪我..飯都未食O既我..同男朋友去左FOOD COURT度食野;吾食餃子雲吞O既我;今日竟然自殺地揀左餃子黎食!食牛肉餃子餐;跟貢丸湯{深受台灣旅行影響}餃子味道吾錯;冇菜;但係有黑椒!味道好香!牛肉肉汁好豐富!原汁原味又幾好味啵!個湯都可以!!不過我就覺得貢丸冬菇吾夠;夠到個丸吾夠香!湯就冇乜味;落左好多胡椒粉之後勁惹味 =)

一向愛食鍋貼，每一兩個星期0的鍋貼癮就會發作。而家要食鍋貼真不難，鍋貼鋪開到周街都係，君滬、八方雲集差唔多區區都有，要數我愛吃同吃得最多次的，一定係呢間四海遊龍。吃得多的原因係方便，做野地盤附近就有，鍋貼味道同埋水準都keep得幾好。就好似今次咁，我點了韭菜鍋貼餐。皮夠薄，煎得脆口，質感帶煙韌有彈性，入面韭菜夠多亦夠香，配上豬肉碎及蔥粒作餡，好吃。另一樣我成日來四海的原因在佢碗粟米湯，忌簾味夠濃夠香，入面是粟米粒、火腿粒及蛋絲，味美香甜，雖然只係一碗普通粟米湯價錢不貴不平凡，不過愛吃就是愛吃，佢做得比八方雲集的玉米湯好，兩間揀一間，我就會來四海遊龍了。仲有一樣野係呢度既好處，就係佢個醬料，其他地方通常都只有豆辦醬及醋，而四海遊龍有我最愛吃既蒜泥，加在醋來吃是一番別有的風味，酸甜中有陣陣蒜香，與鍋貼是絕配。十隻鍋貼加埋豆漿埋單都係$25，抵食，最愛收工後坐下來慢慢吃，休息一下，享受下自己愛吃的食物及飲品，繁忙中靜下來一樂莫過於此﹗

晚上九時多, 平日熱熱鬧的美食廣場開始有點兒冷清, 但唯獨是這人龍依然不絕, 全女班的陣容忙得不可開交. 鍋貼或餃子同樣有五款口味選擇, 簡單的點選如下招牌鍋貼套餐($22) - 餃子呈長棒條形, 雖每個也緊緊的貼著, 但卻沒有黐在一起, 未吃賣相已對辦. 鍋貼一邊煎得香脆, 餡料是豬肉, 韮黃和蔥, 可能蔥及韮黃下得太少, 所以吃起來不是太香翡翠水餃套餐($22) - 在肚子打鼓下朋友就亂點了這個, 水餃皮帶有濃濃的芹菜味, 這不是人人可接受, 幸好我和朋友都無問題, 如不就白白浪費了. 可能外賣關係, 回到家餃皮已有點兒硬, 而皮也過厚, 餡料以豬肉為主, 可能餃皮香味太搶, 所以餡料好像有點淡味, 而豬肉餡又有點兒死實粟米湯 - 粟米下得很多, 湯味濃郁魚丸湯 - 本是叫酸辣湯的, 但落單後才見有此選擇, 就請服務員代為更改, 雖她們也忙得一團, 但也笑容滿面的樂於效勞

呢間野開左一段時間...見到有d似八方雲集買d野食試下~我買左招牌煎餃x8...配個泡面煎餃唔錯...泡面就...嚇親``咁叫麵咩?唔可以接受姐就叫左招牌水餃麵同豆漿配左牛肉汁..錯誤的選擇牛肉汁無牛肉味...水餃又冇味,,椰菜同肉冇配合可言~失敗&殘念豆漿就幾好心聲:有好有壞喇...改名叫煎餃專門店喇努力賣好煎餃喇~其他野真系唔岩你架四海遊龍

o個陣新開無耐，就梗係想試o下，而且又有咁多人o係度等，就食o下佢咩料子好多款set，但其實都不外乎係唔同味道o既餃子配麵呀湯呀咁要了$22 的"綠色餃子"及泡麵前者幾普通呀，唔係話好菜味，真係幾麵粉同一o的菜肉咁後者就真係水加麵囉……食到個口好寡

今日行到寶琳..危到有間食煎餃...咪諗住試下我叫左8隻"九菜"煎餃"同酸辣湯...都係$22...都ok平..-"九菜"煎餃感覺有些少油膩,但都煎得幾好...有少少濃..8隻都食得好飽-酸辣湯原全唔好食...一d酸都冇...好似淨係落左胡椒粉咁...d料都得好少特別一讚就係牙姐幾好人...好細心咁介紹d食物比我...下次唔會再叫酸辣湯!!

食過八方雲集，見將軍澳新都城food court有間好似名的四海遊龍，都試一試。諗過食餃子不夠飽，所以叫牛肉麵，估會飽一點。牛肉麵套餐32蚊，有清湯底同牛肉湯底，加送一杯豆漿。牛肉麵，先講牛肉，真係大大片，或者話大大舊，肉一點不韌，而且肉同筋的比例都好夾，成舊放入口，勁有滿足夠。到麵，沒什麼好不好，沒有特別的味道。到湯，淡而無味，你唔講都唔知係牛肉湯，food court有一間賣越南粉的，牛肉不好，但湯很香濃牛肉味，所以也常幫襯。其實所謂牛肉，同大家出面食的牛展差唔多，不過佢係一舊舊，人家可能只俾一片片，這是可取處。而且牛肉都好有味，講得上好食，但湯底實在是敗筆。下回會試水餃。

我知道所謂的"鍋貼"有很多種包法，而最常見的就是上海鋪的鍋貼和現在這種鍋貼。近年來，四海遊龍同八xxx兩大連鎖店四處開設他們的分店。兩間我都嘗過，而將出一個結論：低處未算低，難道兩邊「穿癃」的鍋貼會好食嗎？以下是我的見解。以我在消費者的角度去看，鍋貼的肉餡用來生煎的時候是有汁溜出來的，但皮的兩邊是開口的，所以「精華」只會流走，而肉餡只會從兩邊不斷吸油。唔可以完全說不好味，但~食之無味，棄之可惜！有少許欺騙消費者對鍋貼的感情。在商業角度上，這種鍋貼的好處是易包，效率高，少工序，任何人都很快「上手」。雖然話價錢一般，一般來說市面上也有其他好味的東西，所以第一線都不會考慮，留在二三線吧！明眼人就知原因~只可以說，他們的target market是對食沒有要求的人。

上星期五去咗寶林MCL睇戲,睇9:50pm,買完飛就醫吓個肚先;以前多數都係幫襯food court,但去得多都悶啦;近排都已轉咗去出面啲舖頭,貪有多啲嘢揀嘛!原來唔經唔覺出面啲食店都食得咁上下(講梗嘅係啱食嗰啲),橫掂仲有大把時間,上food court兜個圈啦,不過都唔好咁大期望喇!由咖喱食店轉入直路見到有條人龍,乜啲咖喱真係咁好食咩? But it’s not my cup of tea wor~,睇真啲先知攪錯咗,條龍原來係隔離間舖架,等我睇吓乜嘢食店咁巴閉先,係”四海遊龍”呀,乜呢度開咗間新店咩,實在太興奮喇;事緣之前喺牛頭角食完佢碗牛肉麵之後一直對其念念不忘,今晚其實都有啲衝動想去牛頭角食完先過嚟睇戲架,呢次仲唔中六合彩…不過呢度係用晒啲用完即棄餐具,睇落個賣相差咗啲喎,是但啦,食過一次唔好食咪唔再幫襯囉!! 結果係…食物依然美味…講返啲嘢食啦,今次叫咗2個牛肉麵餐(@$32)同一個8隻鍋貼套餐($22),嚟呢度一定要食牛肉麵,佢啲牛肉好稔,一碗仲有成5,6件,中等size,算抵食,記得一定要配牛肉湯,牛味出晒嚟,簡直係相得益彰;上次去牛頭角係喺冇準備嘅情況之下,食完返嚟補

見到這店的鍋貼普偏煎得燶一些而由不想吃得太多熱氣食物﹐因而只點了5隻韭菜水餃來作點心。 韭菜水餃 - $2.5/隻 ﹐ 內裡餡料份量不少﹐亦見到內裡有韭菜﹐但不知為何吃不到很大的韭菜味。 因而淋上醋令味道更開胃。這店連廚及收銀只有4-5人(相信有好幾位是親戚﹐因聽到她們以阿姨及姨媽來稱呼)﹐效率很慢﹐各人溝通不足﹐每一阿打要等上起碼25分鐘才能吃到﹐等候的人都有點不內煩。 不知是否因這龜速烹調速度另這裡是唯一一間有一大推人在等號碼及一條人龍在等候下單的情境﹐如能改善上菜速度﹐這處是不錯的選擇。