地茂館甜品

营业中

休息中

每次到九龍城食完晚飯之後都必吃甜品🤤👏🏻， 今次到地茂館甜品， 相信很多人都吃過， 門囗經常都大排長龍。 我喜歡地茂館的中式糖水， 原先想吃熱燉蛋， 三心兩意之下最後點了合桃露$26、加湯丸$7、 香草綠豆沙$22。📍合桃露加湯圓 ～ 即磨合桃露有香濃的合桃味， 芝麻湯圓煙煙韌韌口感不錯。 📍香草綠豆沙 ～ 未食已經聞到好香的香草味， 綠豆沙口感綿密。 糖水真材實料又大碗，多人幫襯是應該的😊。    地茂館甜品地址: 九龍城福佬村道47號地舖

第一次出車去九龍城買糖水🚗成功泊低買到外賣🥳甜品門口好多人排隊堂食😍好彩外賣唔洗排直接買，15分鐘內都已經可以完成🤭好耐冇係出面食過糖水，呢間味道都唔錯芒果西米露加小丸子（$28）芒果涼粉加小丸子（$29）兩款芒果甜品都好食加埋小丸子煙煙韌韌，而且唔係好甜😝芒果份量夠晒多，正桂花薑湯芝麻湯丸（$25）呢款出奇地好食，薑味好重😚冬天食好正💯芝麻湯丸亦都好食合桃露（$26）傳統既糖水水準都有返咁上下☺合桃露食得出係磨出黎口感沙沙地，亦好濃味👍桑寄生蓮子茶（$24）滋補糖水一定要揀呢款😋啖啖都食到蓮子，味道唔錯/😋食物質素：7/10💰性價比：7.5/10👣回頭率：7/10/📌地茂館甜品九龍城福佬村道47號地舖

原本以為出名而懷舊既店都會賣得好貴又唔好味😳不過呢間就冇呢個情況！份量唔會太多，食得飽又想食甜品，呢間幾推薦！同價錢唔算貴～！個入覺得好食過合成（我個人口味🔎芒果豆腐花呢個芒果好甜，唔係個種加咗好多糖調較既！係真係芒果🥭既天然甜！而且芒果層好厚好多🥰🥰🥰🧡豆腐花都唔會太多糖水～ 覺得就有幾好味haha🔎燉奶都幾唔錯！🔎腐竹糖水都係唔會過甜！幾清食落幾舒服😚下次想試糖不甩，見到好多人都有嗌！

係九龍城食完晚餐意猶未盡，咁啱行過見到呢間老字號既港式糖水鋪，就決定黎歎返個糖水。✨花萁蔘燉雪梨天氣又乾又凍，所以揀左個花萁蔘燉雪梨潤下。呢到既燉品都係原盅燉，睇落非常唔錯。一入口就已經有甘香既花萁蔘，之後有雪梨既清甜，飲落唔會好甜。盅內除左有半個雪梨之外，仲有啲南北杏、桂圓肉等。✨桂花薑湯芝麻湯圓一入口夠哂薑味，正呀！一直都覺得飲薑湯一定要夠辣，咁樣飲完個身會暖笠笠。但係就飲唔太出桂花味。湯圓非常煙韌，皮薄，而個饀有好香既芝麻味，食落仲會有砂糖既沙沙口感。不過個人覺得加埋湯圓，成個糖水就有少少甜得滯。

去九龍城食糖水😍，要講到出名嘅一定係「地茂館甜品」😋！我細細個就已經開始食佢啦！以前屋企人會特登帶我嚟食糖水👨‍👩‍👧，所以對呢間糖水舖特別有感覺，係我最鍾意食嘅一間糖水舖❤️。呢間糖水舖有好多款中式糖水可以選擇🤩。之前食過好多款都好好食而且價錢合理😎。芒果班戟坐低咗好想食班戟，不過就得返芒果班戟，都照食啦。用呂宋芒果做嘅，芒果唔酸，仲係新鮮製造。糖不甩暖暖地、煙煙韌韌嘅，好好食。杏仁蓮子百合原盅正氣燉品嚟嘅。杏仁味好香好濃，蓮子百合好足料。

適逢嚟到九龍城食晚飯，當然要試埋九龍城的甜品舖。選擇非常之多，咁啱嚟到地茂館門口，見到佢裝修非常之新淨，於是就選擇入去試吓！雖然都好多人食, 但剛好唔使等位, 可能時間仲早! 入邊嘅裝修真係好乾淨好舒服，我哋兩個人安排咗一個四人嘅卡位，坐得非常之闊落。佢賣嘅中式甜品比較多，開頭唔知點揀, 但係俾佢枱面一張圖片吸引咗，就係呢個「芒果小丸子涼粉」，芒果汁進入眼簾，於是就試一下。甜品好快上到，唔使5分鐘已經到了。佢嘅價錢$29 ，有呢個份量，真係好抵食，啲芒果汁多到瀉晒出嚟碗邊，老闆十分之大方！啲芒果肉好甜，一啲都唔酸，啖啖肉！加啲小丸子再加一啖涼粉食，滿足感十足，幸福幸福！涼粉本身都唔甜嘅，所以要靠啲芒果汁味去到調和，呢個幾好，整體口感清甜，唔會話落好多糖漿嗰隻死甜！而且小丸子口感都好彈牙，我好喜歡呢！真係食得好開心！下次經過九龍城都一定要再食下佢其他甜品！

一直對中式傳統糖水特別鐘情，貪佢好味之餘又健康。而九龍城裡面嘅地茂館甜品喺我心中一直穩固地佔據我最喜愛糖水店嘅頭五位，除咗因為佢哋嘅中式甜品的確非常地道好味，價錢又親民之外，亦同我好耐之前係報道了解過佢哋嘅背景有關。地茂館由1990年開張，所有糖水都係自家手製，一切過程包括磨豆、炒芝麻甚至隔渣嘅網袋都係親自製造，可謂真才實料。個女唔忍心無人繼承爸爸經營咗二十幾年嘅甜品店同時亦希望將中式糖水繼續傳承，所以接手，從學習到與時並進其實都並非一件易事，地茂館咁多年都有咁多捧場客，絕對係兩代人嘅堅持所得嘅。自己近年雖然對甜點嘅熱誠大減，已經一段長時間無到訪，但今次再訪時仍然係十分興奮。今次到訪，見到店面有翻新過，無特別大整修，改變嘅只係燈光更加明亮，餐牌上嘅字體印得更加清晰，仍然保留住以前原汁原味。餐牌上面糖水種類好多，基本上你諗到嘅中式糖水呢度都會有，每款糖水都可以加錢加唔同配料(例如蓮子，薏米白果，湯丸等)，今次食完晚飯先嚟，只能夠叫兩款品嚐。🔸蛋白燉鮮奶(熱)($𝟐𝟕)：燉嘅熟度啱啱好，質感順滑軟身，奶味香濃，糖份適中，唔會過甜，食完後奶味喺口裡面瀰漫，做得相當有水準。🔸軟滑糖不甩($𝟏𝟗

我諗我有兩年冇嚟過，今次帶咗契爺契媽黎試吓。佢哋鍾意捐窿捐罅搵嘢食, 今次走咗出嚟九龍城, 食甜品之前搵咗我一齊去一間新開Cafe試吓佢嘅意粉, 都唔錯係細碟咗啲同埋地方迫夾咗啲. 佢哋其實一早已經諗定今日嘅九龍城之旅要食啲乜嘢, 食完Cafe就轉戰食糖水. 呢間係我介紹佢哋嚟食嘅, 難得有一間舊式嘅中式甜品，以前成日同男朋友嚟食，食到連個老闆都記得我哋，不過⋯⋯因為契爺契媽都係嘴刁之人,所以都有啲壓力㗎，契爺食完話OK, 係契媽一啲評語都冇囉，即係佢嘅level 唔算好味。😰我哋三個人要咗三款大家share食，契爺就揀咗芝麻湯圓同埋紅豆涼粉，契媽就揀咗咋喳。終於我同契媽都覺得咋喳好食啲，可能本身我麻麻哋涼粉啦，佢溝咗落啲紅豆沙度好似有啲唔係好夾咁。咋喳好多料，唔太甜，啲豆煲得好淋，芋頭又夠粉。終於契媽食咗差唔多三分之二（平時佢都好少食甜品） 又諗返起以前成日同男朋友嚟，食來食去都係嗰幾樣野走唔甩，包括：腐竹薏米白果、杏仁蓮子百合/雷沙湯丸或者紅豆糕。

最愛甜品 地茂館 以前係附近番學, 去開九龍城都一定會地茂館食番碗芝麻糊因為佢地ge 芝麻糊係數一數二咁好食真係食得出佢係生磨, 唔係用水溝另外第2個my favourite 就係佢地ge 蛋白燉鮮奶鮮奶味好香, 而且係熱lala, 好足奶, 每次食完都覺得飽不過今日咁熱, 我就試左佢ge 新口味 - 芒果涼粉小丸子一黎見到碗野已經心心眼, 好大碗濃稠程度適中, 岩岩好西米露唔會話過甜，好清香，好好味小丸子好彈牙同埋佢只係$29!!!! 出面而家好多甜品店都做唔到啦!!!!!!!!!!!!!!!!!以後多多一個choice 比我食~想食咁多野, 真係唔可以一個人黎!!HAHA

食完晚餐朋友特登揸車兜兜風兜左陣最後話想黎九龍城食個糖水最後揀左哩間老店———————————————生磨杏仁蓮子百合（$35）杏仁味尚算濃郁蓮子粉實 百合爽脆 口感豐富.腐竹薏米白果（$24）會唔會得我先覺得哩種煲到腐竹溶哂 唔會有塊狀殘渣既 先係真正既腐竹糖水食落有厚度 甜度同濃稠度適中薏米白果足料.蛋白燉鮮奶（$27）口感順滑 奶味香濃略嫌甜左少少—————————係宜家隨便一碗糖水都可以動輒賣到四五十蚊既年代哩間賣相味道俱佳既糖水鋪仍然可以維持哩個相對平民既價錢 實屬難得

晚餐吃過有口福的麻辣水煮魚就會想要吃甜點來到附近的地茂館，兩個人點了三道甜點◭熱冰花燉鮮蛋 $24 🅙🅙🅙🅙🅙/5香滑燉蛋，蛋味十足甜度亦適中◭熱補腎合桃露 $26 🅙🅙🅙🅙/5這裡的合桃露是生磨的味道很濃郁很香滑，很足料◭糖不甩 $19 🅙🅙🅙/5頗煙韌，花生碎不太甜，一般水準⚎⚎⚎Recommendation 🅙🅙🅙🅙/5⚍⚍⚍

食完個靚晚飯當然要食碗靚糖水，今次我哋就嚟到位於九龍城嘅地茂館。第一款係「桂花薑湯芝麻湯圓」😊。薑汁糖水略顯唔夠辛辣味，但加咗桂花之後令到糖水花香撲鼻(加分)☺，自家製手工芝麻湯圓粒粒圓潤煙韌，芝麻香氣滿溢，味道香甜又唔膩，推薦可以買一盒生湯圓返屋企自己煲糖水食😝。第二款就係女仔必食嘅「桑寄生蓮子蛋茶」😋。桑客生茶湯色澤濃郁，飲落有清清嘅甘甜茶香味👍。 啡色嘅茶葉蛋表面色深，但都唔算太入味，但就係桑寄生茶嘅最佳拍檔💃🕺。不過最有驚喜嘅係佢哋嘅蓮子真係唔會慳，食完隻蛋後發現滿滿嘅蓮子，好似食極都有咁，非常滿足😝👍。

糖不甩最為推介，湯丸自家手打，軟硬適中，又不痴口，食完齒頰留香，配埋糖粉花生簡直絕配！另外合桃露也為推介，從未吃過這麼好吃的，香滑入口不確喉，只有$24價錢非常抵食。3人只吃了94元，環境乾淨企禮，還有紙巾提供，店員服務態度好，店內人數不多，很快便找到位置坐下，卡位坐得好舒服，原來還有插畫師幫忙畫了一幅店內圖增加了文青感覺老實不呃人懷舊糖水，之前以為只有糖水佬好食，難得找到一間比佢更好既糖水鋪，價錢又唔貴大件夾抵食，黎九龍城一定要試！！

第1次嚟 #地茂館 食糖水今次想食嘅 #椰汁西米露 已經賣晒🥲諗咗好耐就決定試試 #星洲喳咋 😆 雖然冇Vienn想像中沒咁死甜，亦都冇次次去澳門必食果間咁好食，但去唔到澳門都當係心靈雞湯啦😆喳咋加咗花奶更滑，腰豆、眉豆、鷹嘴豆、扁豆都煲得粉粉起沙，西米係細線粒！唔係煲到好爛，食落去嘅時間唔會爛晒好糊口咁但係椰汁🥥可以加多d!會更香更好食😋📌地茂館甜品 (九龍城)📍九龍城福佬村道47號地舖#喳咋 #糖水 #肥dodo食記

什麼胃口吃晚餐，經過地茂館想起他的甜品不太甜，入去點了一個芒果黑糯米，既可開開胃口又可以填肚子，糯米有益補血。沒有叫我失望！不太甜黑糯米，讓芒果甜味滲透，配上椰醬，椰子味不太濃。好味道